Samstöðin

Anita Da Silva Bjarnadóttir og Karl Héðinn Kristjánsson fjalla um fjölskyldusameiningar, neyð fólks í Palestínu og glæpsamlega framferði Ísraelsríkis.

Við munum aðeins snerta á nýju kjarasamningunum og um nauðsyn baráttunnar fyrir betri heimi

Bræðurnir Sigurjón Magnús og Gunnar Smári Egilssynir taka á móti gestum og ræða við þá um helstu fréttir og pólitíkina. Að þessi sinni koma þau Þórhildur Sunna Ævarsdóttir þingkona, Jónas Atli Gunnarsson hagfræðingur og Kristinn Hrafnsson blaðamaður og fara yfir fréttirnar og stöðu mála. Þeir bræður taka síðan púlsinn á pólitíkinni en fá síðan þá Kristján Þór Sigurðsson, sem skrifaði doktorsritgerð um Islamska samfélagið á Íslandi, og Hauk Þór Þorvarðarson, sem skrifaði meistararitgerð um Islamófóbíu, til að ræða um Islamófóbíu og áhrif hennar á íslenskt samfélag, einstaklingana og stefnu stjórnvalda.

Mótmæli í morgunmat 10. mars

Í minningu hestanna

Ragnheiður Þorgrímsdóttir, bóndi, kennari og formaður umhverfisvaktarinnar er ekki af baki dottin í réttlætisbaráttu sinni; Hún hefur barist fyrir því um áraraðir að hross hennar fái að njóta vafans -og raunar við öll- gagnvart gríðarlegri mengun stóriðjunnar á Grundartanga Ágústa Oddsdóttir kennari og myndlstarkona er með Ragnheiði í stjórn Umhverfisvaktar Hvalfjarðar og hefur líks barist fyrir náttúruvernd í mörg ár. Þær koma í Friðarviðræður og segja söguna af öllum hrossunum sem dóu vegna aðgerðarleysis og afneitunar þeirra sem ættu að bera ábyrgð á eftirliti með áhrifum stóriðjunnar á umhverfið.

Laugardagurinn 9. mars

Helgi-spjall: Elísabet Rónalds

Í Helgi-spjalli við Rauða borðið segir Elísabet Rónaldsdóttir klippari okkur frá Hollywood og leið sinni þangað, frá baslinu og meðvirkninni, frá ástinni og ástríðunni, frá seiglunni og óþekktinni og öðru því sem búið hefur hana til.

Heimsmyndir 8. mars

Ármann Halldórsson

Gestur þáttarins er Ármann Halldórsson heimspekingur og kennari við Verzlunarskóla Íslands. Þeir Kristinn fóru um víðann völl og ræddu allt frá heimspekikennslu til mikilvægis fegurðar í ýmsu samhengi. Samtalið varð svo líflegt að það varð það lengsta til þessa. Platon, Yuval Noah Harari og Hegel gamli komu allir við sögu. Sem og möguleg hugsun skóga og sveppa. En hugtak dagsins var mýkt og Kristinn reyndi sem mest hann gat að koma því hugtaki að og selja það. Mýkt!

Í Vikuskammti við Rauða borðið sitja í dag þau Anna Lúðvíksdóttir framkvæmdastjóri Amnesty Internati­onal á Íslandi, Helga Arnarsdóttir fjölmiðlakona, Sigrún Elsa Smáradóttir framkvæmdastjóri og Sverrir Norland rithöfundur og ræða fréttir vikunnar sem einkenndust af kjarasamningum, félagsmálapökkum, handtökum, hótunum, hörku og huggulegheitum.

💤 Hvað gera séní í draumheimum? 😴

Hrund Atladóttir CIO Draumavélarinnar segir okkur frá verkefninu og öðrum verkefnum.

Fimmtudagurinn 7. mars

Fíklar, orð gegn orði, öryrkjar og innflytjendur í Lúx

Alma D. Möller landlæknir kemur að Rauða borðinu og ræðir um stöðu fólks með fíknisjúkdóma, ekki síst út frá málum Árna Tómasar Ragnarsson læknis sem sviptur var leyfi til að gefa út ópíóðalyf. Þarf átak til að bæta líf og heilsu fíklanna? Er hægt að standa hjá þegar svo margir farast? Einleikurinn Orð gegn orði hefur slegið í gegn. Ebba Katrín Finnsdóttir leikari og Þóra Karitas Árnadóttir leikstjóri ræða um verkið og erindi þess, en þar er fjallað um hvernig dómskerfið leikur þolendur kynferðisofbeldis. Alma Ýr Ingólfsdóttir formaður ÖBÍ fer yfir afstöðu bandalagsins til tillagna félagsmálaráðherra um breytingar á almannatryggingum. Við sláum svo á þráðinn til Lúxemborgar og fáum Róbert Björnsson, sem segist vera efnahagslegur flóttamaður frá Íslandi, til að segja okkur hvernig þarlend stjórnvöld hafa tekið á mun hraðari fjölgun landsmanna en hér hefur orðið.

Hvernig er að vera ung manneskja, dekkri á litinn en gengur og gerist hér á landi á tímum vaxandi rasisma? Sanna Magdalena Mörtudóttir borgarfulltrúi svarar þeirri spurningu. Þá kemur stórsöngvarinn Kristján Jóhannsson í þáttinn og lýsir uppvextinum á Akureyri og ævintýrinu að láta drauma rætast. Maður lifandi er í umsjá feðganna Starkaðar og Björns Þorláks - á dagskrá klukkan 16 alla fimmtudaga á Samstöðinni

Heima er bezt - NÝR ÞÁTTUR

6. mars - Harpa Þórsdóttir

Fyrsti þáttur Heima er bezt á Samstöðinni: Gestur þáttarins er Harpa Þórsdóttir þjóðminjavörður. Harpa bjó í Þjóðminjasafninu fyrstu sjö ár ævi sinnar. Hún hefur sterkar taugar til safnsins. Harpa og Sigurjón M. Egilsson tala um gildi safna og umfang Þjóðminjasafnsins.