Samstöðin

Karl Héðinn fjallar um fréttir vikunnar, stýrivexti seðlabankans, ójöfnuð og auðræði.

Einnig verður fjallað um Ísraelsku greiðsluþjónustuna Rapyd og háskólakerfið, um reiðufé, banka og vilja auðvaldsins til þess að takmara reiðufé.

Fimmtudagurinn 21. mars

Vopnahlé, einkavæðing, félagsleg öfl og ólög

Helen Ólafsdóttir öryggisráðgjafi fer yfir stöðuna eftir samþykkt vopnahlés á Gaza, en einnig framgöngu íslenskra stjórnvalda síðustu mánuði. Guðmundur Auðunsson hagfræðingur ræðir við okkur um nýfrjálshyggju í tilefni af helgiriti Frjálsrar verslunar um einkavæðingu, sem tímaritið segir að sé mestu framfaraskref Íslandssögunnar. Benedikt Sigurðarson, fyrrverandi skólastjóri, kemur aftur til að ræða samspil stjórnmála og alþýðuhreyfinga, en ekki síður hvernig félagsleg markmið hafa vikið fyrir markaðslegum á svo til öllum sviðum mannlífsins. Í lokin kemur Haukur Arnþórsson og segir okkur frá bók sinni Mín eigin lög sem dregur fram veikleika Alþingis, sem er kannski ekki sú lýðræðislega stofnun sem hún ætti að vera.

Foreldraskyldur og fréttamennska

Margrét Helga Erlingsdóttir, ein af yngri fréttakonum landsins, verður gestur vikunnar í Maður lifandi þessa vikuna. Hún lýsir réttlætisbaráttu og umbrotum ungs fólks þegar barneignir, menntun, starfserill og húsnæðismál koma saman í einum punkti. Við kynnumst nýrri hlið á fréttakonunni. Þátturinn er í umsjá feðganna Starkaðar og Björns Þorláks

Miðvikudagurinn 20. mars

Vextir, ópíum, aldraðir, ofbeldi og alþýðuhreyfingar

Við ræðum við Ásgeir Brynjar Torfason ritstjóra Vísbendingar um ákvörðun Seðlabankans um að lækka vexti bara ekki neitt. Sigmar Guðmundsson þingmaður kemur og ræðir svarta skýrslu um ópíóða. Kári Jónasson fyrrum fréttastjóri og eftirlaunamaður ræðir um vonbrigði eldri borgara um kjarasamninga. Drífa Jónasdóttir doktorsnemi fjallar um hið dulda mein - heimilisofbeldi. Í lokin kemur Benedikt Sigurðarson skólafrömuður og fyrrum formaður KEA og segir frá áhrifum alþýðuhreyfinga, samvinnu- og verkalýðshreyfingarinnar, á stjórnmálin og samfélagið.

Þriðjudagurinn 19. mars

Hægrið, Grindavík, morð og smábarnabækur

Hægrið skelfur eftir kaup Landsbankans á TM. Hvað veldur? Er þetta guðlast gagnvart heitri trú hægrisins, að rekstur megi bara fara frá ríkinu til hinna ríku en aldrei öfuga leið? Við ræðum þetta og fleira við Þórð Pálsson, forstöðumann fjárfestinga hjá Sjóvá og eldheitan hægri mann, sem er óánægður með ríkisstjórnina og Sjálfstæðisflokkinn. Hörður Guðbrandsson, formaður Verkalýðsfélags Grindavíkur, kemur til okkar og segir frá stöðu Grindavíkur undir linnulausum jarðeldum. Steinunn Kristjánsdóttir prófessor í fornleifafræði segir okkur frá morðunum á Sjöundá, aftökum og kúgun almúgans fyrir rúmum tvö hindruð árum. Og Jón Yngvi Jóhannsson dósent á menntavísindasviði Háskóla Íslands mætir með skemmtilegu smábarnabækurnar, sem eru ekki allar þær sem þær eru séðar.

Frelsið er yndislegt, 19. mars

Menntamál í skugga aðgerðaleysis ráðuneytisins - Ekkert verknám – engin sérkennsla!

Í þessum bætti ræðum við um menntamál í fangelsunum sem er ekki upp á marga fiska þessi misserin. Ekkert verknám og engin sérkennsla er í boði. Aðeins 4 grunnfög kennd og fangar ráða ekki við fjarnám. Menntmálaráðherra hefur brugðist samfélaginu og ekki tekið ábyrgð á þeim

athugasemdum sem bæði innlendir og erlendir eftirlitsaðilar hafa bent á í gegnum tíðina. Stofnaðar hafa verið nefndir aðeins til að stofna þær og friða eftirlitsnefndir. Mjög áhugaverður þáttur með helstu sérfræðingum um menntamál fanga en viðmælendur þáttarins eru: Gylfi Þorkelsson, kennslustjóri á Litla hrauni, Klara Guðbrandsdóttir, náms og starfsráðgjafi fangelsanna, Þráinn Farestveit, afbrotafræðingur og framkv.st. Verndar og Erlendur Baldursson, afbrotafræðingur og fyrrum starfsmaður Fangelsismálastofnunar

Guðmundur Ingi Þóroddsson, sérfræðingur í fangelsismálum er stjórnandi þáttarins

Mánudagurinn 18. mars

Þingið, látinn leikstjóri og leigumarkaðurinn

Við byrjum Rauða borðið á nýjum dagskrárlið: Þingið í umsjón Björns Þorláks. Hann fær til sín þrjá þingmenn tiil að ræða stöðuna og vikuna fram undan: Logi Einarsson frá Samfylkingu, Hanna Katrín Friðriksson frá Viðreisn og Þórarinn Ingi Pétursson frá Framsókn. Rimas Tuminas leikstjóri hafði mikil áhrif á íslensk leikhús og það fólk sem vann með honum. Leikararnir Guðrún Gísladóttir, Jóhann Sigurðsson og Hilmir Snær Guðnason og túlkurinn hans , Ásdís Þórhallsdóttir leiksviðsstjóri, minnast Rimasar við Rauða borðið en hann lést 6. mars. Í lokin kemur Guðmundur Hrafn Arngrímsson formaður Leigjendasamtakanna og ræðir vonbrigði sín með kjarapakka stjórnvalda sem hann segir að muni lítið sem ekkert bæta stöðu leigjenda.

Chris Smalls is the president of the recently formed Amazon labor union. He participated in the yearly Socialist Congress of the Icelandic Socialist party alongside the president of the largest Icelandic union, Efling ,Sólveig Anna Jónsdóttir. The congress discussed the struggle of the working class in modern times.

We had a talk with Chris about his experience fighting for Amazon workers, the struggle of the working class in the United States and how that reflects the international fight for freedom and justice.

Anita Da Silva Bjarnadóttir, Sanna Magdalena Mörtudóttir, Karl Héðinn Kristjánsson and Oliver Axfjörð Sveinsson, from the Icelandic Socialist Party, will be speaking to Chris today. Tune in at 18:00

Solidarity forever!

Sunnudagurinn 17 . mars

Synir Egils: Eldgos, velferðarríki, útlendingaandúð og kjarasamningar

Bræðurnir Sigurjón Magnús og Gunnar Smári Egilssynir taka á móti gestum og ræða við þá um helstu fréttir og pólitíkina. Að þessi sinni koma þau Margrét Marteinsdóttir blaðamaður, Margrét Valdimarsdóttir afbrotafræðingur og Viðar Þorsteinsson fræðslu- og félagsmálastjóri Eflingar og ræða fréttir vikunnar sem einkennast af hræringum ofan jarðar og neðan, lífsbaráttu almennings, stjórnmálaflokka og ríkisstjórnar, vaxandi útlendingaandúðar og vangaveltum um forsetaframboð. Þeir bræður munu taka stöðuna á pólitíkinni. Sonja Þorbergsdóttir formaður BSRB og Sólveig Anna Jónsdóttir formaður Eflingar koma síðan og ræða stöðu verkalýðshreyfingarinnar eftir kjarasamninga aðildarfélaga Alþýðusambandsins.

Laugardagurinn 16. mars

Helgi-spjall: Einar Þór Jónsson

Í Helgi-spjalli við Rauða borðið segir Einar Þór Jónsson okkur frá lífi sínu og baráttu, uppvexti og þroska á tímum sem menn eins og hann voru ekki velkomnir í samfélaginu, áhrifin af alnæmi á hans líf, áhrif heilabilunar á aðstandendur en þó mest um sigra og gleði.