Samstöðin

Mótmæli í morgunmat; friðarviðræður á sunnudagsmorgnum klukkan níu á Samstöðinni.

Oddný Eir tekur á móti góðum gestum sem að þessu sinni eru þau Magga Stína og Ásgeir Brynjar.

Í Helgi-spjalli við Rauða borðið segir Þuríður Harpa Sigurðardóttir, fráfarandi formaður ÖBÍ, okkur frá æsku sinni og lífi, alvarlegu slysi, fötlun, áfalli og baráttu.

Föstudagurinn 29. september

Vikuskammtur: Vika 39

Í Vikuskammti við Rauða borðið sitja í dag þau Grímur Hákonarson leikstjóri, Guðbjörg Kristmundsdóttir formaður Verkalýðsfélags Keflavíkur, Halla Gunnarsdóttir blaðakona og Magnús Guðmundsson blaðamaður og ræða fréttir vikunnar sem einkenndist af stéttaátökum, menningarátökum og alls kyns átökum.

Sanna Reykjavík - 29. september

Félagsbústaðir hækka leigu

Félagsbústaðir kynntu nýverið breytingar á leigu sem leiðir til þess að stór hópur sér nú fram á að greiða hærri leigu. Breytingin mun hafa áhrif á 2.649 leigjendur hjá Félagsbústöðum, þar sem leiga hækkar hjá 1.538 leigjendum en lækkar hjá 1.111 leigjendum. Breytingin er kynnt af Félagsbústöðum sem aðferð í því að jafna leiguverð á milli ólíkra íbúða þannig að leigan sé sem jöfnast óháð staðsetningum og fleiri þáttum. Leigjendur Félagsbústaða búa við erfiða fjárhagslega stöðu og geta ekki greitt hærri leigu. Í þættinum í dag kemur til okkar leigjandi Félagsbústaða, Svandís Ragnarsdóttir og veitir okkur innsýn í veruleika leigjenda og hvernig er að fá tilkynningu um leiguhækkun.

Fimmtudagurinn 28. september

Skúringar, íslenskt flóttafólk, dauðinn og Útvarp Rót

Við ræðum við Kristínu Hebu Gísladóttur forstöðukonu Vörðu, rannsóknaseturs verkalýðsins, um stöðu ræstingarfólks. Sláum síðan á þráðinn til efnahagslegra flóttamanna frá Íslandi, fólks sem hefur flutt frá Íslandi til Norðurlandanna í leit að betra lífi: Þóra Dis Guðbjartsdóttir Odsgaard, Fríður Pétursdóttir, Haraldur Anton Árnason, Arnar Guðmundsson, Guðfinna Bjarnadóttir, Páll Birgis Pálsson og Gyða Björk Ágústsdóttir segja okkur frá lífinu á Íslandi og lífinu á hinum Norðurlöndunum. Björn Þorláksson blaðamaður hefur skrifað bók um dauðann og segir okkur frá kynnum sínum og annarra af honum. Í lokin rifja þau Soffía Sigurðardóttir, Jón Helgi Þórarinsson og Ragnar Stefánsson upp ris og fall Útvarps Rótar, alþýðuútvarps sem hér var rekið seint á níunda áratugnum.

Miðvikudagurinn 27. september

Orkuþörf, Incel, mæðrun, Pólland, sósíalismi

Þarf að virkja tvöfalt meira til að mæta orkuskiptum og bjarga loftslaginu? Eða eigum við að neyta minna og fara betur með þá orku sem til er? Andri Snær Magnason skáld og rithöfundur & Sigríður Mogensen sviðstjóri hjá Samtökum iðnaðarins koma að rauða borðinu og skiptast á skoðunum. Bjarki Þór Grönfeldt Gunnarsson stjórnmálasálfræðingur fræðir okkur um menningarfyrirbrigðið Incel og þær Annadís Greta Rúdólfsdóttir dósent í aðferðafræði rannsókna og Auður Magndís Auðardóttir lektor í uppeldis- og menntunarfræðum segja okkur frá ákafri mæðrun. Við hringjum í Jacek Godek stórþýðanda og fáum hann til að fræða okkur um pólsku kosningar og hvað er í húsi. Í lokin kemur Björn Þorsteinsson prófessor og ræðir sósíalisma.

Þriðjudagurinn 26. september

Strætó, sauðfé, SÁÁ og sósíalismi

Þær María Pétursdóttir og Oddný Eir Ævarsdóttir heimsækja strætóstoppistöðina í Mjóddinni og flytja okkur mannlífstúdíu þaðan. Við heyrum í Karólínu Elísabetardóttur sauðfjárbónda í Hvammshlíð, sem var hvatakona að leit að erfðaefnum sem geta varið fé fyrir riðu. Hún segir okkur þá sögu en líka frá ullinni og hvernig rétt ræktun og meðferð sauðfjár getur aukið verðmæti hennar. Þá heyrum við í þeim Ingunni Hansdóttur framkvæmdastjóri sálfélagslegra meðferðar og Önnu Hildi Guðmundsdóttur formanni SÁÁ um stöðu áfengismeðferðar, áfengis- og vímuefnaneyslu og versnandi fjárhag samtakanna. Í lokin höldum við áfram að kortleggja sósíalismans í tilefni af erindi Jeremy Corbyn um helgina. Árni Daníel Júlíusson sagnfræðingur segir sína sósíalísku sögu og greinir stöðu sósíalismans í dag.

Það er mannúðarkrísa á Íslandi. Stjórnvöld hafa einbeittan brotavilja gagnvart börnum og fullorðnum á flótta og vilja láta almenning halda að flóttafólkið sé sérstakt vandamál fyrir hagkerfið og velferðarkerfið. Þetta er kolrangt og svívirðilegt bull sem örvæntingarfullt auðvald reynir að sannfæra okkur um til að færa athyglina frá sjálfu sér. Á sama tíma eru öryrkjar látnir bíta í það súra, velferðarkerfin hnigna og eru einkavædd og þeim freku, sterku og siðlausu er gefið endalaust færi á að svína á almenningi.

Til þess að ræða þessi mál með okkur höfum við fengið til okkar Morgane Priet-Mahéo frá samtökunum Réttindi barna á flótta. Hún hefur verið í fremstu víglínu að hjálpa því flóttafólki sem auðvaldið vill skrýmslavæða svo almenningur horfi á það frekar en sig sjálft.

Helgi Hlynur Ásgrímsson útvegsbóndi sest við rauða borðið og ræður sjávarútvegsstefnuna, kvótann og óréttlætið sem honum fylgir. Og metur hvort líkur séu á að Svandís Svavarsdóttir nái fram einhverjum breytingum á stefnunni. Allsherjarþing Sameinuðu þjóðanna er í New York. Helen Ólafsdóttir hlustaði á ávörp þjóðarleiðtoga og greinir fyrir okkur þræðina í þeim ræðum. Banamaður Guðmundar Kambans hefur verið nefndur. Við fáum Jón Yngva Jóhannsson bókmenntafræðing til að segja okkur frá Kamban og öðrum höfundum sem tengdust þýskum yfirvöldum á nasistatímanum. Í lokin kemur Einar Ólafsson skáld og bókavörður og ræðir sósíalismann, sögu hans og sína reynslu. Og metur hvort þörf sé á sósíalisma.

Bræðurnir Sigurjón Magnús og Gunnar Smári Egilssynir taka á móti gestum og ræða helstu fréttir og pólitík við Jóhan Pál Jóhannsson þingmann, Sonju Þorbergsdóttur formann BSRB og Þóru Tómasdóttur. Við heyrum síðan í Jeremy Corbyn, fyrrum leiðtoga breska Verkamannaflokksins. Þeir bræður fara yfir daginn og veginn áður en Þorvaldur Gylfason prófessor í hagfræði og Eiríkur Tómasson prófessor í lögfræði ræða um þörfina á að fá auðlindarákvæði í stjórnarskrána, hvað það ákvæði þarf að innihalda og hversu varasamt er að það sé ófullnægjandi.