Samstöðin

Föstudagurinn 15. september

Vikuskammtur: Vika 37

Í Vikuskammti við Rauða borðið sitja í dag þau Hjördís Rut Sigurjónsdóttir upplýsingafulltrúi, Hrafn Jónsson pistlahöfundur, María Pétursdóttir formaður húsnæðishóps ÖBÍ og Þorvarður Bergmann Kjartansson stjórnarmaður í VR og ræða fréttir vikunnar sem markaðist af þingbyrjun, eldhúsdegi og fjárlagafrumvarpi en ekki síður kynfræðslu í skólum, löxum og hvölum.

Í dag fáum við tvo gesti til að ræða borgarskipulag, arkitektur nútímans og áhrif þess á andlega líðan. Stórir verktakar hafa aukið völd sín í skipulagsmálum og stýra allri þróun. Krafan um hámarkshagnað trompar önnur sjónarmið. Þar með talið hugmyndir um fegurðargildi bygginga, áhrif hönnunar á líðan íbúa, svo ekki sé talað um húsnæðisverð.

Er einsleitnin of mikil? Hvers vegna er svona margar byggingar eins og gráir kassar? Hvað geta skipulagsyfirvöld gert til að bæta úr? Þetta og margt fleiri í þættinum. Páll Jakob Líndal umhverfissálfræðingur snýr aftur til að ræða málin. Ásamt honum kemur Þórhallur Bjarni Björnsson, einn af talsfólki hópsins „Arkitektúruppreisnin á Íslandi”.

Ungliðaspjallið #4 - Orri Páll Jóhannsson

Í Ungliðaspjalli vikunnar ræðum við við Orra Pál Jóhannsson, þingflokksformann Vinstri Grænna, um málefni vikunnar.

Þátturinn er í umsjón Elísabetar Guðrúnar og Jónsdóttur, Jósúa Gabríels Davíðssonar, Karls Héðins Kristjánssonar og Þorvarðar Bergmanns Kjartanssonar

Fimmtudagurinn 14. september

Fákeppni, Framsókn og kalt stríð

Við höfum áfram að ræða samkeppni og skort á henni á Íslandi, hinn beyglaða markað. Nú kemur Þórólfur Matthíasson prófessor og segir okkur frá hlutverki ríkisvaldsins til að koma í veg fyrir fákeppni, bæði í sögunni og í dag. Við ræðum við Benedikt Sigurðarson um Framsóknarflokkinn, sem hann telur vera á villigötum. Og Hilmar Þór Hilmarsson prófessor kemur við og ræðir heimsmálin, hvernig Úkraínustríðið er að breyta valdahlutföllum í heiminum.

Þórarinn Eyfjörð, formaður Sameykis, kemur að Rauða borðinu og fer yfir stöðuna. Stunda fyrirtækin samsæri gegn þjóðinni? Gætir ríkisstjórnin sérhagsmuna en ekki almennings? Er upplausn og ekkert samkomulag í sjónmáli? Aleksandra Leonardsdóttir starfsmaður Alþýðusambandsins kemur og ræðir um íslenskukennslu fyrir innflytjendur, íslensku sem þröskuld og jaðarsetningu innflytjenda. Þá kemur Grímur Atlason, framkvæmdastjóri Geðhjálpar, og ræðir geðheilbrigðisstefnuna og skort á henni.

Við ræðum við Sólveigu Önnu Jónsdóttur, formann Eflingar, um auðvaldið sem hefur við höfum séð berstrípað af samkeppniseftirlitinu síðustu daga. Við förum niður á Austurvöll og ræðum við mótmælendur, sem þar voru mættir af ýmsu tilefni vegna þingsetningar. Við höfum áfram að ræða um samkeppni eða skort á henni, nú við Ólaf Stephensen framkvæmdastjóra Félags atvinnurekenda og Margréti Kristmannsdóttur framkvæmdastjóra Pfaff. Í lokin ræðir Oddný Eir Ævarsdóttir við Birnu Bjarnadóttur og Friðrik Rafnsson um tvö látna rithöfunda, Milan Kundera og Guðberg Bergsson.

Þær koma til okkar þingkonurnar Oddný Harðardóttir xS, Hanna Katrín Friðriksson xC og Bjarkey Olsen Gunnarsdóttir xV og ræða um samkeppni, fákeppni og okur. Þá kemur Morgane Priet-Mahéo frá samtökunum Réttur barna á flótta og segir frá stöðu flóttabarna. Við heyrum í Kjartani Páli Sveinssyni formanni Strandveiðifélagsins um gagnrýni hans á Auðlindina okkar, nefndarstarf Svandísar Svavarsdóttur um kvótakerfið. Í lokin segir Valdimar Þór Hrafnkelsson frá valdaráni hersins í Chile árið 1973, en í dag eru fimmtíu ár frá voðaverknaði sem átti eftir að kosta þúsundir lífið og kljúfa þjóðina.

Ungir sósíalistar og vinir ræða atburði og umræðu síðustu vikna, mögulega ofbeitingu ADHD-lyfja, afleiðingar útlendingafrumvarpsins, samráð stórfyrirtækjanna og spillingu kapítalismans.

Þátturinn er í umsjón Karls Héðins Kristjánssonar og Anítu Da Silva Bjarnadóttur. Trausti Breiðfjörð Magnússon og Elísabet Guðrúnar og Jónsdóttir verða gestir kvöldsins

Nýr þáttur á Samstöðinni, Synir Egils. Bræðurnir Sigurjón Magnús og Gunnar Smári Egilssyni taka á móti gestum og ræða helstu fréttir og pólitík við Dagbjörtu Hákonardóttur, nýjan þingmann, og blaðamennina Þóru Kristínu Ásgeirsdóttur og Helga Seljan. Guðmundur Hrafn Arngrímsson, formaður Leigjendasamtakanna, mætir og fer með eldmessu. Og Páll Gunnar Pálsson, forstjóri Samkeppniseftirlitsins, kemur í sunnudagsviðtalið.

Í Helgi-spjalli við Rauða borðið segir Haraldur Þorleifsson frá sjálfum sér og þeim glímum sem hann hefur háð, átökunum innra með honum og áföllunum sem hann hefur orðið fyrir. Og auðvitað sigrunum líka.