Samstöðin

Ásgeir Brynjar Torfason kemur til okkar og reynir að ráða í hvaða efnahagsstefnu er verið að reka á Íslandi. Ingvi Kristinn Skjaldarson kapteinn í Hjálpræðishernum kemur og segir frá flóttafólkinu sem ríkið henti út á götu og reynir að ráða í þá flóttamannastefnu sem verið er að reka hér. Og Arnar Þór Jónsson segir okkur frá flokksráðsfundi Sjálfstæðisflokksins og reynir að ráða í um hvað hin svokallaða sjálfstæðisstefna snýst. Og hvort honum sé vært í flokknum.

Við fáum Ögmund Jónasson til að segja okkur frá áskorunum vinstrisins á vorum tíma. Og ræða það sem hann og vinstri menn eiga sameiginlegt með þeim hægri mönnum sem helst gagnrýna þróun samfélagsins í dag. Saga Kjartansdóttir vinnur við vinnustaðaeftirlit og segir okkur frá hvernig brotið er gegn starfsfólki í ört vaxandi ferðaþjónustu. Sem margir vara við að vaxi of hratt með slæmum afleiðingum. Þá kemur Valur Ingimundarson prófessor að Rauða borðinu og ræðir BRICS, samtakanna sem héldu ársfund í liðinni viku. Hvert þróast BRICS og hvers vegna er fjallað um fund þeirra af fálæti á Vesturlöndum.

Þorvaldur Gylfason kemur að Rauða borðinu og ræðir um stöðu efnahagsmála en ekki síður spillingu. Kannski gengur ekki lengur að ræða efnahagsmálin án þess að taka spillinguna með í reikninginn. Ólafur Þ. Harðarson kemur síðan og ræðir um stjórnmál liðinni áratuga út frá hægri og vinstri, til dæmis snöggri hægri beygju VG á síðustu árum. Hægri og vinstri er ekki dautt, tilgangslaust að ræða stjórnmálin án þess að taka mið af þessum hugtökum.

Í Helgi-spjalli við Rauða borðið segir Sema Erla Serdaroglu frá sjálfri sér, hvernig samfélagið tók við henni og hvernig hún hefur glímt við rasisma og útlendingaandúð, gæði því sem beinist að henni og bjargarlausu fólki.

Föstudagurinn 25. ágúst

Vikuskammtur: Vika 34

Í Vikuskammti við Rauða borðið sitja í dag þau Birgir Örn Guðjónsson lögreglumaður, Jóna Fanney Friðriksdóttir formaður Félags leigsögumanna, Magga Stína tónlistarkona og Teitur Atlason starfsmaður HMS og ræða fréttir vikunnar sem litaðar eru af vaxtahækkunum og hælisleitendum, efnahagslegum og siðferðislegum álitamálum.

Fimmtudagurinn 24. ágúst

Flokkur fólksins, Jesús og nýfrjálshyggjan

Við höldum áfram að tala við forystufólk þingflokkanna. Í dag kemur Inga Sæland að Rauða borðinu og segir okkur um hvað pólitík Flokks fólksins snýst. Þá kemur Davíð Þór Jónsson prestur að borðinu og greinir hver stefna Jesús Krists var í flóttamannamálum. Og í lokin segir Sigríður Á. Andersen okkur frá gagnrýni frjálshyggjufólks á Sjálfstæðisflokkinn.

Björn Leví Gunnarsson er þingmaður Pírata sem hefur beitt sér gegn spillingu á Íslandi um árabil og er dyggur stuðningsmaður nýju stjórnarskrárinnar. Við spjöllum við Björn um stjórnmálin almennt, afleiðingar nýju útlendingalaganna og um gang þingsins.

Þátturinn er í umsjón Karls Héðins Kristjánssonar sem er Ungur Sósíalisti, Anítu Sóleyjar Scheving Þórðardóttur frá aðgerðarhópnum Andófi og Ármanni Leifssyni sem kemur frá Ungu Jafnaðarfólki.

Vextir voru hækkaðir í morgun við lítinn fögnuð landsmanna. Þau koma að Rauða borðinu hagfræðingar verkalýðshreyfingar til að ræða stöðuna: Róbert Farestveit frá Alþýðusambandinu, Vilhjálmur Hilmarsson frá BHM og Sigríður Ingibjörg Ingadóttir frá BSRB. Er vit í peningamálastefnunni? En ríkisfjármálum? Ragna Þóra Ragnarsdóttir kemur síðan og segir okkur frá lífi sínu með alzheimer, en eiginmaður hennar Guðlaugur Níelsson greindist fyrir fimm árum. Ragna Þóra segir okkur frá áhrifum sjúkdómsins á Gulla, hana sjálfa, vini og vandamenn og hvernig samfélagið tekur veiku fólki.

Vilhjálmur Birgisson ætlar að bjóða sig fram til áframhaldandi formennsku í Starfsgreinasambandinu. Hann kemur að Rauða borðinu og ræðir komandi samninga, liðna samninga, svikin loforð, hvali, vaxtaokur og margt fleira. Við höldum áfram að ræða pólitík við forystufólk flokkanna. Í kvöld er röðin komin að Þorgerði Katrínu Gunnarsdóttur formanni Viðreisnar. Hvað vill sá flokkur? Í lokin kemur Ástþór Óðinn Ólafsson grunnskólakennari á Ásbrú og segir okkur frá félagslegum Darwinisma sem hefur eitrað samfélagið og heldur niðri þeim sem helst þurfa að rísa upp.