Samstöðin

Í Rauðum raunveruleika í kvöld fáum við til okkar Indriða Þorláksson í spjall um skattkerfið og pólitíska hagkerfi sjávarútvegsins.

Indriði er hagfræðingur og hefur starfað í mörgum í fjármálaráðuneytinu og víðar ásamt því að hafa verið ríkisskattstjóri á árunum 1999 til 2006.

Við ætlum að læra af Indriða um þróun skattbyrðarinnar, hvernig hún hefur breyst undanfarna áratugi og hvað þurfi að gera til að bæta stöðuna. Við viljum líka velta fyrir okkur arðsemi sjávarútvegsins, hvernig henni skipt. Hversu mikið er að fara til þjóðarinnar og hversu mikið til eigendanna? Þetta og fleira áhugavert í Rauðum raunveruleika í kvöld

Bræðurnir og blaðamennirnir Gunnar Smári og Sigurjón Magnús Egilssynir fara yfir stöðuna á ríkisstjórninni og einkum heilsuna á Sjálfstæðisflokknum. Mun Bjarni lifa uppreisnina af? En ríkisstjórnin?

Fasistastjórnir millistríðsáranna létu sig fótbolta varða, mismikið þó. En knattspyrnan var ekki bara kúgunartæki heldur einnig birtingarmynd andófs og sjálfstæðisbaráttu.

Í Rauðum raunveruleika í kvöld ræðum við við Tjörva Schiöth sagnfræðing um austurstækkun Nató. Hvernig vesturveldin lofuðu Sovétríkjunum að Nató yrði ekki stækkað "eina tommu" austur og hvað gerðist síðan í kjölfarið.

Í Rauðum raunveruleika kvöldsins köfum við í grein setts ríkisendurskoðenda, Sigurðar Þórðarsonar, um Lindarhvoll. Greininni var nýlega lekið af Sigurði sjálfum og þingkonu Pírata Þórhildi Sunnu. Sigríður grípur til þessarar ráða því enginn annar farvegur virtist honum opinn til að koma grein sinni út, grein sem hann skilaði Alþingi árið 2018.

Í þættinum förum við í efni greinarinnar, útskýrum hvað Lindarhvoll er og hvað grein Sigurðar segir. Þetta er fyrsti þátturinn af nokkrum þar sem við munum skoða málefni Lindarhvols og pólitíkina á bak við það. Umsjónarmenn þáttarins eru Karl Héðinn Kristjánsson og Oliver Axfjörð Sveinsson. Fylgist með á Samstöðinni kl. 20

Í sumarþætti Rauða boðsins segir Guðmundur Hrafn Arngrímsson formaður Leigjendasamtakanna okkur frá tillögum innviðaráðherra um húsaleigulög. Hann er ekki hress með þær. Síðan fara bræðurnir og blaðamennirnir Gunnar Smári og Sigurjón Magnús Egilssynir yfir stöðuna á ríkisstjórninni, forystufólkinu og flokkunum þeirra. Er stjórnin lifandi eða dauð, getur hún lafað mikið lengur?

Heimsmeistarakeppnin 1978 í Argentínu fór fram í skugga blóðþyrstrar herforingjastjórnar. Fjallað er um þetta sérstæða mót, aðdraganda og arfleifð.

Í Rauðum raunveruleika í kvöld ætlum við að fjalla um breytingar á skattkerfinu og hagkerfi Íslands og annarra Vesturlanda á undanförnum áratugum.

Hvernig skattbyrðin hefur aukist hlutfallslega á milli- og lágtekjuhópum en hríðfallið fyrir þau allra ríkustu. Umsjónarmenn þáttarins eru þeir Karl Héðinn Kristjánsson og Oliver Axfjörð Sveinsson.

Við fjöllum um leiðtogafund Nató, aukna notkun klasasprengja og um samskipti ríkjanna hvað varðar mögulega inngöngu Úkraínu í Nató, sem þeim hefur verið lofað óbeint í fjölda ára. Karl Héðinn Kristjánsson stjórnaði þættinum í þetta skipti og Tjörvi Schiöth kom og sagði okkur frá atburðum síðustu daga.

Í Rauðum raunveruleika í kvöld ræðum við við strandveiðisjómenn um baráttuna fyrir réttinum til að sækja sjóinn. Strandveiði var nýlega stöðvuð vegna þess að ekki var gefinn nægur kvóti inn í kerfið. Veiðin á að standa í 48 daga, frá 1. maí er til 31. ágúst, og tók það mikla baráttu að fá þetta fram, en undanfarin ár hefur veiðin verið stöðvuð löngu áður en tímabilið á að klárast. Vegna þessa hefur Strandveiðifélagið boðað til mótmæla næstkomandi laugardag. Við ætlum að spjalla við strandveiðisjómenn um baráttu þeirra fyrir að fá að fiska sjóinn og fræðast um eðli strandveiðanna, af hverju þær eru umhverfisvænni en veiðar á stærri skipum og hversvegna strandveiði getur verið svona félagslega farsæl fyrir okkur sem samfélag.

Í þáttinn koma Kjartan Sveinsson formaður Strandveiðifélagsins, Guðlaugur Jónasson strandveiðimaður og Rut Sigurðardóttir strandveiðikona. Hún gerði heimildarmynd um strandveiði sem kemur út á næstunni og ber nafnið „SKULD”.