Samstöðin

Sólveig Anna Jónsdóttir formaður Eflingar kemur að Rauða borðinu og ræðir braggahverfi nútímans í tilefni af brunanum í Hafnarfirði. Erum við á leið í aftur á bak, hröðum skrefum? Arnar Þór Jónsson varaþingmaður Sjálfstæðisflokksins líka og ræðir kreppu hægrisins og Sjálfstæðisflokksins, en hann hefur verið í opinni uppreisn gegn forystu flokksins? Hvers vegna líður hægrinu svona illa? spyrjum við Arnar Þór, eins og aðra hægrimenn sem koma að Rauða borðinu í haust.

Föstudagurinn 18. ágúst

Í Vikuskammti við Rauða borðið sitja í dag þau Arnar Eggert Thoroddsen blaðamaður og poppfræðingur, Jasmina Vajzović Crnac, sérfræðingur í málefnum flóttafólks og innflytjenda, Morgane Priet-Mahéo umhverfisfræðingur og Sigtryggur Ari Jóhannsson ljósmyndari og ræða fréttir vikunnar sem litaðar eru af hertri stenu í málefnum flóttamanna, umræðu um breytingar samfélagsins vegna fjölgunar ferðamanna og innflytjenda og framtíð íslenskunnar.

Fimmtudagurinn 17. ágúst

Þórhildur Sunna Ævarsdóttir mætir að Rauða borðinu og ræðir pólitík. Hverjir eru Píratar, hvaða mál eru mikilvægust og um hver eru helstu átökin í samfélaginu, Jörgen Ingimar Hansson þurfti að reka mál í gegnum dómskerfið og reynslan fékk hann til að skrifa bók um hversu höllum fæti almenningur stendur í réttarsölunum gagnvart hinum ríku og valdamiklu. Ingimar segir okkur þessa sögu við Rauða borðið.

Í þætti kvöldsins kemur Drífa Snædal í heimsókn til Söru og Maríu og ræðir um mansalsmál og málefni flóttafólks í tengslum við nýju útlendingalögin og málefni flóttakvennanna sem verið hafa í fréttum undanfarið.

Þriðjudagurinn 15. ágúst

Við ræðum við Hilmar Þór Hilmarsson prófessor um ólíka afstöðu Víetnam og Úkraínu í veröld sem stórveldin vilja stjórna. Hvor leiðin er heillavænlegri, varkár sigling Víetnama milli stórveldanna eða ákafi Úkraínu í að tengjast öðru hvoru liðinu. Við ræðum einnig vöxt Kína og hlutverk þess í breyttri heimsmynd, kalt stríð milli stórveldanna og McCarthyismann sem fylgir slíku stríði

Þriðjudagurinn 15. ágúst

Við ræðum við Nínu Helgadóttur teymisstjóra hjá Rauða krossinum um stöðu flóttamanna sem ríkisstjórnin hefur hent út á götu. Þá kemur Viðar Eggertsson til okkar og ræðir um hagsmunabaráttu eftirlaunafólks. Í lokin kemur Páll Baldvin Baldvinsson og segir okkur frá móttöku flóttafólks frá þriðja ríkinu á árunum fyrir seinna stríð, sem fæst fékk að dvelja hér.

Mánudagurinn 14. ágúst

Við fáum þær Dagnýju Aradóttur Pind, lögfræðing BSRB, og Önnu Mjöll Guðmundsdóttur, formann samtakanna Fyrstu fimm, að Rauða borðinu að ræða leikskóla í tilefni af aðgerðum Kópavogsbæjar. Hvað er foreldrum fyrir bestu? Starfsfólkinu? Börnunum? Við ræðum við Helenu Ólafsdóttur, öryggisfulltrúa hjá Sameinuðu þjóðunum, um flóttamannastefnu ríkisstjórnar Katrínar Jakobsdóttur, sem hún hefur gagnrýnt harðlega. Síðan kemur Árni H. Kristjánsson sagnfræðingur til okkar og segir okkur frá vöggustofum sem voru reknar í Reykjavík á síðustu öld, bæði sem sagnfræðingur sem skoðað hefur málið en líka sem uppkomið vöggustofubarn.

Fimmtudagurinn 10. ágúst

Í síðasta sumarþætti Rauða borðsins kemur Tryggvi Rúnar Brynjarsson sagnfræðingur og segir okkur frá hryllilegu ofbeldi gagnvart hommum, manndrápstilraun og morði, og hvernig ríkisvaldið brást við, fjölmiðlar og hinsegin samfélagið. Sigurjón Magnús Egilsson blaðamaður kemur síðan og ræðir pólitíska stöðu við bróður sinn Gunnar Smára.

Rauða borðið - Fimmtudagurinn 3. ágúst

Spilltir bankar og pólitík án trausts

Við fáum Ásgeir Brynjar Torfason til að útskýra fyrir okkur ágalla íslenska bankakerfisins í sumarþætti Rauða borðsins. Er spillingin inngróin og kerfislæg? Og Sigurjón Magnús Egilsson til að skýra stöðuna á pólitíkinni í vikulegu samtali við Gunnar Smára, bróður sinn. Ætlar ríkisstjórnin að hanga á völdunum þrátt fyrir að vera rúin trausti?

Í einsleitri veröld heimsknattspyrnunnar má finna dæmi um félög sem rekin eru á öðrum forsendum og gildum en gerist og gengur. Hér verður sjónum beint að þremur slíkum félögum þar sem róttæk vinstrigildi eru í öndvegi.