Samstöðin

Sunnudagurinn 21. september

Synir Egils: Stjórnmálaátök, fjármál, menningarstríð og Sjálfstæðisflokkurinn

Bræðurnir Sigurjón Magnús og Gunnar Smári Egilssynir taka á móti gestum og ræða við þá um helstu fréttir og stöðuna í stjórnmálum. Að þessu sinni koma þau Nanna Margrét Gunnlaugsdóttir þingkona, Arna Magnea Danks leikkona og Friðjón R. Friðjónsson borgarfulltrúi og ræða fréttir vikunnar og stöðuna í stjórnmálunum hér heima og erlendis. Þá kemur Guðrún Hafsteinsdóttir formaður Sjálfstæðisflokksins og svarar spurningum um stöðu flokksins og stefnu hans. Í lokin fara þeir bræður yfir pólitíkina með sínu nefi.

Laugardagur 20. september

Helgi-spjall: Anna Rún

Anna Rún Tryggvadóttir myndlistarkona segir okkur frá hugmyndum sínum og lífi, leit sinni að röddinni og haldi í lífinu, kyrrðinni hjá ömmu, rótinu við skilnað og átökunum í listinni.

Fimmtudagur 18. september

FRÉTTATÍMINN

Gunnar Smári, María Lilja og Sigurjón Magnús segja fréttir Samstöðvarinnar með sínu lagi. Hvert er samhengi fréttanna?

Fimmtudagur 18. september

Olíuleit, hervæðing Kína, fátækt fólk, erlendir nemar og ferðaþjónusta

Björg Eva Erlendsdóttir hjá Landvernd ræðir “bull” og stolin hugtök í umræðu um leit að olíu og gasi á Drekasvæðinu. Björn Þorláks ræðir við hana. Gunnar Smári ræðir við Ragnar Baldursson stjórnmálafræðing um herstyrk Kína og hvernig stjórnvöld þar meta hraða uppbyggingu hersins og hátæknilega hergagnaframleiðslu. Ragnheiður Davíðsdóttir ræðir við Guðnýju Helenu Guðjónsdóttur, félagsráðgjafa hjá Hjálparstarfi kirkjunnar og Ástu Aðalsteinsdóttur, öryrkja og einstæða móður. Maria Lilja fór og ræddi við stúdentahreyfingu nema af erl uppruna við Háskóla Íslands en greint hefur verið fra þvi að stor hópur sem hugði á nám þessa önn, komin hingað frá löndum utan Evrópu séu nú föst í bjúrókrasíu milli Háskólans og UTL. Rasimsi og mannréttindabrot myndu sumir segja. Arnar Már Ólafsson ferðamálastjóri ræðir þá stöðu sem gæti komið upp ef flugferðir Play til og frá landsins leggjast af. Hann segir að áhrifin yrðu engan veginn nálægt þeim sem skala sem varð þegar Wow fór á hausinn. Björn Þorláks ræðir við Arnar Má um þetta mál og fleira sem tengist greininni.

Fimmtudagur 11. september

Sjávarútvegsspjallið - 61. þáttur

Grétar Mar Jónsson ræðir við Guðlaug Jónasson og Guðmund Helga Þórarinsson.

Miðvikudagur 17. september

FRÉTTATÍMINN

Gunnar Smári, María Lilja og Sigurjón Magnús segja fréttir Samstöðvarinnar með sínu lagi. Hvert er samhengi fréttanna?

Miðvikudagur 17. september

Niðurskurður, RÚV, fæðingatíðni, Lína og öfga kristni

Sonja Þorbergsdóttir formaður BSRB og Halla Gunnarsdóttir formaður VR ræða við Gunnar Smára um gagnrýni verkalýðshreyfingarinnar á fjárlagafrumvarp ríkisstjórnarinnar. Fréttaflutningur Ríkisútvarpsins af Gaza mun nú breytast frá því sem verið hefur í samræmi við viðurkennt þjóðarmorð Ísraela samkvæmt undirstofnun Sameinuðu þjóðanna að sögn útvarpsstjóra. Björn Þorláks ræðir við Stefán Eiríksson á gagnrýnum nótum. Ásdís A. Arnalds, lektor við Félagsráðgjafardeild Háskóla Íslands, Ari Klængur Jónsson, verkefnisstjóri við Félagsvísindastofnun Háskóla Íslands og Sunna Símonardóttir, lektor við Háskólann á Akureyri ræða við Gunnar Smára um lækkandi fæðingartíðni, valið barnleysi og áhrif ríkisvaldsins á barneignarvilja. Gunnar Smári ræðir við stelpur á aldri við Línu langsokk um hver Lína er og hvaða erindi hún á við samtímann. Jónína María Jónsdóttir, Mía Snæfríður Ólafsdóttir, Ingibjörg Lóa Auðar Héðinsdóttir, Silfa Dögg Unnardóttir Einarsdóttir og Mía Þórhildur Bragadóttir mæta að Rauða borðinu og ræða það sem mestu skiptir í frelsisbaráttu barna. Skúli S. Ólafsson prestur í Neskirkju og Bjarni Randver Sigurvinsson trúar- og guðfræðingur ræða við Gunnar Smára um kristnina sem voru grundvöllur hugmyndabaráttu Charlie Kirk og er öflugt politískt afl í Bandaríkjunum.

Þriðjudagur 16. september

FRÉTTATÍMINN

Gunnar Smári, María Lilja og Björn Þorláks segja fréttir Samstöðvarinnar með sínu lagi. Hvert er samhengi fréttanna?

Þriðjudagur 16. september

Seðlabankastjóri, forystumaður, Konukot, 30 fyrir 30 og öryggismál

Björn Leví Gunnarsson, pírati mætir til Björns Þorlákssonar og ræðir kosti seðlabankastjóra í stöðunni sem nú er komin upp í seðlabankanum. Getur ástarsamband embættismanns varðað hagsmuni heillar þjóðar? Við fáum svörin við því hér rétt á eftir. Fyrst auglýsingar.

Hilmar Þór Hilmarsson prófessor fer yfir í samtali við Gunnar Smári áherslur þingmanna hóps um öryggisstefnu Íslands og klofning innan Nató.

Halldóra R. Guðmundsdóttir, forstöðukona Konukots ræðir við mig, Maríu Lilju um kæru sem barst byggingarfulltrúa Reykjavíkur frá líftæknifyrirtæki vegna fyrirhugaðrar opnunar Konukots á nýjum stað í Ármúla.Kallað er eftir aðgerðum því til til leiðar að náttúruvernd nái til 30 prósent hafsvæðis fyrir árið 2030. Þau; Sigrún Perla Gísladóttir, Valgerður Árnadóttir, Stefán Jón Hafstein eru öll í forsvari fyrir náttúruna með sínum hætti hingað komin á degi íslenskrar náttúru sem jafnframt er afmælisdagur Ómars Ragnarssonar. Þá verður jafnframt að loknu náttúru-spjalli frumsýnt í sjónvarpi, hjér á á Samstöðinni myndband sem unnið var sérstaklega til kynningar á verkefni þessu: 30 fyrir 30. Jóhannes Óli Sveinsson hefur verið kjörinn nýr formaður ungra jafnaðarmanna. Hann spjallar við Björn Þorláks.

Mánudagur 15. september

FRÉTTATÍMINN

Gunnar Smári, María Lilja og Björn Þorláks segja fréttir Samstöðvarinnar með sínu lagi. Hvert er samhengi fréttanna?