Mánudagur, 12. ágúst

Ungt fólk, Gaza, einmanaleiki, og Ríkisútvarpið.

Ungir hafa orðið, kalla Steinunn Ólína Þorsteinsdóttir og Björn Þorláks, umræðu með Sóleyju Lóa Smáradóttir, 17 ára, Karli Héðini Kristjánssyni og Gunnari Ásgrímssyni, 24 ára. Þau ræða hlutskipti ungra Íslendinga á tímum óvissu og hraðra breytinga. Þá kemur Magga Stína og segir okkur fréttir af Gaza. Aðalbjörg Stefanía Helgadóttir hjúkrunarfræðingur og fræðikona segir okkur frá því hvernig einmanaleikinn getur drepið fólk og svipt okkur lífsgæðum. Og hvernig við getum varist honum. Í lokin kemur Guðni Tómasson menningarritstjóri Ríkisútvarpsins og ræðir stöðu stofnunarinnar.

Í dag ætlum við að ræða um Venesúela. Bólivarísku byltinguna frá 1999, þjóðnýtingu Venesúlega á olíuauðlindum sínum, sem eru þær stærstu í heimi.

Við ræðum við Gunnvöru Rósu Eyvindardóttir, en hún vann meistararitgerð um áhrif bólivarísku byltingarinnar fyrir almenning í Venesúela. Tjörvi Schiöth, doktorsnemi í sagnfræði verður einnig með og Eyjólfur B. Eyvindarson, Sesar A.

Sjáið heimildarskrá á YouTube-útgáfu þáttarins

Föstudagur, 9. ágúst

Vikuskammtur: Vika 32

Þau Steinunn Ólína Þorsteinsdóttir og Björn Þorláks ræða fréttir líðandi stundar með Atla Þór Fanndal og þeim Ólöfu Skaftadóttur og Kristínu Gunnarsdóttur sem stýra heitasta podcasti landsins; Komið Gott. Stálu Vestmannaeyingar þjóðhátíðinni? Nýr forseti, sálgreining á Elon Musk, versta sumarveður síðan 1984, afhverju virðist tískusveifla í þá átt að konur snúi aftur til heimilisstarfa? Dægurmenning og hörmungarhyggja. Mun ríkisstjórnin eyða sér sjálf í haust? Þetta og fleira verður til umræðu í Vikuskammtinum á Samstöðinni í dag.

Grimmi og Snar, 8. ágúst

#20 Eru Sigríður Klingenberg og Ingibjörg Magnadóttir tröllskessur? 🦻🏽 Hlustið

Hin eina sanna Sigga Kling kom með

Gayshunni sinni sem hún gróf upp í eigin DNA.

Hún sagði okkur frá Cayanna pipar 🌶️🌶️🌶️og öðru sem á eftir að sprengja upp þriðja auga 👁️ ykkar

Fimmtudagurinn 8. ágúst

Megas, óeirðir í Bretlandi, James Baldwin og heimsmálin

Þáttur kvöldsins í er í umsjón Gunnars Smára og Steinunnar Ólínu. Þau fá Spessa ljósmyndara í heimsókn og ræða við hann um heimildarmynd hans um Megas. Björn Þorláks slær á þráðinn til Michael Jóns Clark sem segir honum frá rasisma í Bretlandi, rót óeirðanna þar. Við spyrjum hvers vegna Elon Musk kallaði Kamölu Harris kommúnista. Þorvaldur Kristinsson segir okkur frá James Baldwin, baráttumanni, rithöfundi og homma. Í lokin kemur Hilmar Þór Hilmarsson prófessor og fjallar um ófriðarhorfur í heiminum.

Útvarp Palestína, 8. ágúst

2. þáttur: Helga Ögmundardóttir

Í ōðrum þætti Útvarps Palestínu fá Magga Stína og Sara Stef til sín Helgu Ōgmundardóttur sem hefur verið öflug í frelsisbaráttu Palestínu allt frá blautu barnsbeini.

Í þættinum ræða þær baráttuna að einhverju leyti út frá mannfræðilegu sjónarhorni en Helga er mannfræðingur og dósent við Háskóla Íslands.

Fimmtudagur, 8. ágúst

16. þáttur - Síldin og sjómennskan

Gestir Grétars að þessu sinni eru þeir Jón Eyfjörð, Grímur Jón Grímsson og Gunnar Gunnarsson.

Miðvikudagurinn 7. ágúst:

Gos, Gaza, hrun, herleysi og ást

Rauða borðið snýr aftur í kvöld, eftir stutt sumarfrí. Umsjónarmenn auk Gunnars Smára Egilssonar þau Steinunn Ólína Þorsteinsdóttir, Björn Þorláks og Oddný Eir Ævarsdóttir. Grindvíkingarnir Jóhanna Lilja Birgisdóttir sálfræðingur og Magnús Gunnarsson trillukarl segja frá bið heimafólks eftir næstu eldsumbrotum. Magga Stína segir fréttir frá Palestínu og Ásgeir Brynjar Torfason segir okkur frá áhrifum hruns á hlutabréfamörkuðum. Í lokin ræðum við um þrjár bíómyndir um ástina.

Fimmtudagur, 25. júlí

Útvarp Palestína - 1. þáttur

Nýr þáttur í umsjón Söru Stef Hildar og Möggu Stínu. Í fyrsta þætti Útvarps Palestínu fá Magga Stína og Sara til sín aðgerðarsinnana, mótmælendurna og samstöðukonurnar Maríu Lilju Ingveldar Þrastardóttur Kemp og Sólveigu Hauksdóttur sem báðar hafa bæði langa reynslu af andófi og mótlæti en líka bjartsýni og vonarglætum.

Fimmtudagur, 25. júlí

Sjávarútvegsspjallið, 15. þáttur - Strandveiðar og byggðakvótar

Gestir Grétars Mars að þessu sinni eru þeir Sigurjón Þórðarson og Kjartan Sveinsson.