Samstöðin

Fimmtudagur 29. ágúst

Útvarp Palestína - 5. þáttur

Steinunn Gunnlaugsdóttir og Þórir Jónsson Hraundal

Í fimmta þætti Útvarps Palestínu fá Magga Stína og Sara Stef til sín Steinunni Gunnlaugsdóttur, aktivista og myndlistarkonu og Þóri Hraundal, lektor í Mið-Austurlandafræði við Háskóla Íslands en þau hafa bæði tekið þátt í að berjast fyrir málstað Palestínu, Steinunn með aðgerðum beint gegn valdinu en Þórir með því að beita sér innan háskólans.

Grétar Mar ræðir við Örn Einarsson, Birgi Sigurðsson og Sigurð Ólafsson.

Miðvikudagurinn 28. ágúst:

Pólitík, lágtekjukonur, hjónaband, Frakkland og nýfrjálshyggja

Sigurjón Magnús Egilsson kemur að Rauða borðinu og fer yfir pólitíkina með Gunnari Smára, bróður sínum. Á eftir ræðir Sigurjón við heldri menn um stöðuna: Hrafn Magnússon og Þröstur Ólafsson. Björn Þorláks ræðir við Kristínu Hebu Gísladóttur forstöðukonu Vörðu, rannsóknaseturs vinnumarkaðarins um stöðu lágtekjukvenna á tímum ver-bólgu og okurvaxta. Eyja Margrét Jóhönnu Brynjarsdóttir prófessor segir okkur frá gagnrýni kvenna á hjónabandið fyrir 200-300 árum og í lokin ræðir Oddný Eir Ævarsdóttir við Einar Má Jónsson prófessor í Sorbonne um frönsk stjórnmál og nýfrjálshyggju.

Þriðjudagurinn 27. ágúst

Lífskjör, íshellar, listamannalaun, kynusli og gyðingar

Stefán Ólafsson prófessor og sérfræðingur á skrifstofu Eflingar fer yfir stöðu efnahagsmála og hvernig merkja má forsendur kjarasamninga séu að leysast upp. Ólafur Ingólfsson prófessor í jarðfræði fer yfir hættuna af því að senda ferðamenn inn í íshella um mitt sumar. Margrét Tryggvadóttir formaður Rithöfundasambandsins ræðir efnahagslegan raunveruleika listamannalauna. Soffía Auður Birgisdóttir bókmenntafræðingur segir okkur frá Guðrúnu Sveinbjarnardóttur, sem var kona en gat samt barn. Og Jón Bjarni Atlason segir okkur frá flökkulífi gyðinga í Evrópu fyrir hundrað árum.

Antia Da Silva og Karl Héðinn fá til sín góða gesti í spjall um heimsmálin og efnahagsmál.

Ingólfur Gíslason er kennari sem hefur verið mjög virkur í hreyfingunni fyrir frjálsri Palestínu.

Sæþór Benjamín Randallsson situr í stjórn Eflingar og er ötull baráttumaður fyrir félagslegu réttlæti.

Mánudagur 26. ágúst

Skriður, skólastefna, stjórnmál í USA, fíkniefnadjöfullinn og Gaza

Þarf að endurskoða búsetu, mannvirkjagerð og umferð hér á landi vegna aukinnar úrkomu og hnattrænnar hlýnunar? Þorsteinn Sæmundsson jarðfræðingur svarar því og ræðir sérstaklega slysið óhuggulega þar sem erlendir ferðamenn týndu lífinu undir ís. Magnús Helgason sagnfræðingur fer yfir stöðuna í forsetakosningunum í Bandaríkjunum.

Við höldum umræðu um skólamál áfram með Kristjáni Kristjánssyni, prófessor í Birmingham. Íslensk börn skortir samhygð og forvitni. Hvernig bætum við úr? Ívar Örn Katrínarson skrifaði endurminningar sínar og nefndi þær: Ég ætla að djamma þar til ég drepst. Hann kemur og rekur ferð sína til helvítis dópheimsins og leiðina til baka. Og í lokin fer Magga Stína yfir fréttir frá Gaza og ræðir auk þess níðingsverk gegn föfluðu barni sem augljóslega er brot á barnasáttmála Sameinuðu þjóðanna.

Sunnudagurinn 25 . ágúst:

Synir Egils: Hægrið, pólitíkin, skólamál og Framsókn

Bræðurnir Sigurjón Magnús og Gunnar Smári Egilssynir taka á móti gestum og ræða við þá um helstu fréttir og pólitíkina. Að þessi sinni koma þau Ragnhildur Alda María Vilhjálmsdóttir borgarfulltrúi Sjálfstæðisflokksins í Reykjavík, Sigríður Á. Andersen lögfræðingur og fyrrverandi þingmaður og ráðherra, Tómas Ellert Tómasson byggingarverkfræðingur og fyrrverandi bæjarfulltrúi Miðflokksins í Árborg og Þórður Gunnarsson hagfræðingur og ræða pólitísk landslag á Íslandi og víðar og ekki síst þær umbreytingar sem hægrið gengur í gegnum. Þá mun Ásmundur Einar Daðason mennta- og barnamálaráðherra svara spurningum Gunnars Smára og Björn Þorlákssonar og í lokin fara þeir bræður yfir stöðu mála.

Laugardagurinn 24. ágúst

Helgi-spjall: Þorleifur Örn

Þorleifur Örn Arnarsson leikstjóri segir okkur frá galdri óperunnar og lífsins, átökum og sigrum, glímu og efasemdum í Helgi-spjalli við Rauða borðið.

Föstudagur 23. ágúst 2024

Vikuskammtur - Vika 34

Mjög góðir gestir mæta í Vikuskammt í dag. Ragnar Þór Ingólfsson verkalýðsleiðstogi, Heiðar Ingi Svansson bókabéus og Magnea Marínósdóttir stjórnmálafræðingur fara yfir fréttir vikunnar. Meðal umræðuefna verða drykkjuskapur, náttúruhamfarir og meint sjálfspíningarhvöt Íslendinga í efnahagsmálum! Björn Þorláks hefur umsjá með þættinum.

Fimmtudagurinn 22. ágúst

Prís, skólinn, Palestína og dánaraðstoð

Benjamín Júlían verkefnastjóri verðlagseftirlit Alþýðusambandsins og Breki Karlsson formaður Neytendasamtakanna greina innrás Prís inn á dagvörumarkaðinn. Magga Stína segir okkur fréttir frá Gaza og Ragnar Þór Pétursson kennari bregst við viðtali okkar frá í gær við Þórdísi Jónu Sigurðardóttur forstjóra Miðstöðvar menntunar og skólaþjónustu, þar sem hún tók undir gagnrýni Viðskiptaráðs á skólakerfið. Í lokin spilum við tvö viðtöl: Fida Abu Libdeh, orkuumhverfistæknifræðingur og frumkvöðull er íslenskur Palestínumaður, ræðir við okkur um ástandið á Gaza og afstöðu íslenskra stjórnvalda. Og Steinunn Þórðardóttir formaður Læknafélagsins ræðir um dánaraðstoð, sem hún er alfarið á móti.