Samstöðin

Miðvikudagurinn 4. september

Pólitíkin, Viðreisn, útsölur, ungdómurinn, eldgos og kommar

Sigurjón Magnús Egilsson ræðir pólitíkina við Gunnar Smára bróður sinni og ræðir síðan við Þorgerði Katrínu Gunnarsdóttur, formann Viðreisnar sem áður var varaformaður Sjálfstæðisflokksins, um þessa tvo flokka. Benjamín Julian, verkefnastjóri verðlagseftirlits Alþýðusambandsins, fjallar um samkeppni milli matvöruverslana og falskar útsölur. Listakonurnar Sara Óskarsdóttir og Lóa Hjálmtýsdóttir hafa blandað sér í umræðu um hnífaburð ungmenna og Björn Þorláks ræðir við þær. Einnig við Þorvald Þórðarson eldfjallafræðing sem segir yfirstandandi eldgos geta orðið hættulegt þótt það ógni ekki Grindavík. Í lokin segir Skafti Ingimarsson okkur frá sögu hreyfingar kommúnista og sósíalista á Íslandi.

Þriðjudagurinn 3. september

Hnífaburður, Bandaríkin, Færeyjar, Sjálfstæðisflokkur og vinstrið

Sólveig Guðrún Hannesdóttir rektor MR ræðir hnífaburð ungmenna, Guðmundur Hálfdánarson prófessor ræðir forsetakosningar í Bandaríkjunum og Carl-Jóhan Jensen rithöfundur segir fréttir frá Færeyjum. Vilhjálmur Bjarnason fyrrum þingmaður og Jón Kristinn Snæhólm stjórnmálafræðingur ræða um stöðu Sjálfstæðisflokksins og Einar Már Jónsson prófessor við Sorbonne segir sögu vinstrisins frá stríðslokum að okkar tímum.

Þriðjudagur 3. september

Reykjavíkurfréttir - Umhverfisvænar og heilsusamlegar skólamáltíðir

Í þessum fyrsta haustþætti Reykjavíkurfrétta eru gestir okkar þeir Ludvig Guðmundsson læknir og Stefán Jón Hafstein fyrrverandi formaður menntaráðs Reykjavíkur en báðir eru þeir félagar í Aldin eins og fram kemur í þættinum.

Þátturinn fjallar um gjaldfrjálsar skólamáltíðir sem eru jú hluti af samþykktum ríkis og sveitarfélaga við 20 stéttarfélög sem hluta af kjarabótum og er komið til framkvæmda á þessu skólaári en umræðan að þessu sinni er út frá umhverfislegu sjónarmiði.

Umsjónarmenn þáttarins eru þær Sanna Magdalena Mörtudóttir og Ásta Þórdís Skjalddal Guðjónsdóttir

Mánudagurinn 2. september

Hnignun meginstraumsmiðla, Gaza, hrun Valhallar og ofbeldi

Kristinn Hrafnsson, ritstjóri Wikileaks, segir okkur frá því hvernig fréttir meginstraumsmiðla á Vesturlöndum af stríði og þjóðarmorði hafa misst alla gagnrýni og aðhald á stjórnarstefnuna. Magga Stína segir okkur fréttir frá Gaza og Palestínu, þar sem stefnu ríkisstjórnar Netanjahú var mótmælt í dag. Við fáum Vilhjálm Egilsson, fyrrum þingmann, til að meta veika staða Sjálfstæðisflokksins og hverjar eru orsakir hennar. Helgi Gunnlaugsson afbrotafræðingur ræðir stöðuna sem upp er komin í samfélaginu eftir að barn drap barn með hnífi.

Sunnudagurinn 1. september

Synir Egils: Pólitískt umrót, efnahagslægð, lífskjarakrísa og kjaradeilur

Bræðurnir Sigurjón Magnús og Gunnar Smári Egilssynir taka á móti gestum og ræða við þá um helstu fréttir og pólitíkina. Að þessi sinni koma þau Helga Vala Helgadóttir lögmaður, Helgi Seljan rannsóknarritstjóri Heimildarinnar og Sólveig Anna Jónsdóttir formaður Eflingar og ræða fréttir vikunnar, umrót í stjórnmálum, efnahagslægð og lífskajarakrísu. Að því loknu ræða þeir bræður stöðuna í pólitíkinni og síðan koma þær Kolbrún Halldórsdóttir formaður BHM, Svana Helen Björnsdóttir, formaður Félags verkfræðinga og Steinunn Þórðardóttir formaður Læknafélagsins og ræða stöðu kjaramála stétta með lausa samninga.

Laugardagurinn 31. ágúst

Helgi-spjall: Þóra Bergný

Ævintýrakonan, farfuglinn og Seyðfirðingurinn Þóra Bergný Guðmundsdóttir segir frá uppruna sínum, æsku og æviskeiði í Helgi-spjalli við Rauða borðið.

Föstudagur 30. ágúst

Heimsmyndir - Jóhann Björnsson

Jóhann Björnsson heimspekingur kom í þáttinn að ræða menntaheimspeki: PISA kannanir, væntingar til árangurs og eðli náms. Hvað er hlutverk menntastofnana og hvað segir heimspekin þar um?

Föstudagur 30. ágúst

Vikuskammtur: Vika 25

Í Vikuskammt í dag mæta þau Sanna Magdalena Mörtudóttir, borgarfulltrúi, Haukur Már Helgason, rithöfundur, Rebekka Atla Ragnarsdóttir, listfræðingur og Þorgeir Sigurðsson rafmagnsverkfræðingur og málfræðingur. Þátturinn er að þessu sinni í umsjón Oddnýjar Eirar Ævarsdóttur.

Fimmtudagur 29. ágúst

Grimmi og Snar - #22 Gríms, Dísa, Immi og Grimmi

Grimmi og Snar hittu Gríms, sjálfa Vigdísi Gríms sem omæ god þeir dýrka Í þáttinn mættu líka mús, hákarl og svanur. Þið viljið ekki missa af þessum þætti. Þess vegna er búið að ákveða að hann verður á netinu að eilífu... amen

Fimmtudagurinn 29. ágúst

Umpólun hægrisins, Gaza, einmanaleiki, karlmennska og gleymd bók

Eiríkur Bergmann prófessor ræðir um þau sögulegu tíðindi sem urðu í vikunni, þegar Miðflokkurinn mældist stærri en Sjálfstæðisflokkurinn í könnun Maskínu. Magga Stína segir fréttir frá Gaza og séra Bjarni Karlsson, prestur og guðfræðingur hjá sálgæslu- og sálfræðistofunni Haf, ræðir um einmanaleika. Rúnar Helgi Vignisson prófessor í ritlist skrifar um vanda karla á tímum upprisu kvenna í bókinni Þú ringlaði karlmaður. Hann ræðir efni hennar við Björn Þorláksson. Lena Rohrbach prófessor í norrænum fræðum í Basel og Zurich, Aðalheiður Guðmundsdóttir prófessor í íslenskum bókmenntum fyrri alda og Jón Karl Helgason prófessor í íslensku og menningardeild Háskólans ræða um Eirík Laxdal og velta fyrir sér hvort þær séu fyrstu íslensku skáldsögurnar.