Samstöðin

Sunnudagur 15. sept

Synir Egils: Fjárlög, vaxtaokur og fallvölt ríkisstjórn

Gestir verða Bogi Ágústsson, Ingibjörhg Sólrún Gísladóttir, Jakob Frímann Magnússon og Ólafur Þ. Harðarson. Vettvangur dagsins, Bogi, Ingibjörg og Jakob. Pólitík dagsins, vaxtaokur bankanna, aðför að heimilum, fjárlög. Seinni hluti Ólafur. Staða ríkisstjórnarinnar, lifir hun eða deyr. Heldur Samfylkingin fylginu eða hrapar hún? Hvað með flokkanna sjálfa? T.d. Sósíalistaflokkinn?

Laugrdagur 14. september

Helgi-spjall: María Bender

María Haraldsdóttir Bender er gestur Björns Þorlákssonar sem sér um Helgispjallið þessa vikuna. María átti veigamikinn þátt í að koma upp um barnaníðing á sínum tíma og ræðir mikilvægi þess að við stöndum sem sjálfum okkur.

Föstudagur 13. september

Heimsmyndir - Nicole Keller

Nicole Keller doktor í jarðefnafræði kom í þáttinn að ræða um reynslu vísindamanns af að finna sig í jóga og hugleiðslu. Loftslagsmál og merkingar-krísan komu einnig við sögu.

Föstudagur 13. september

Vikuskammtur: Vika 37

Björn Þorláks stýrir þættinum og hittist þannig á að allir gestir hans fjórir eru konur. Gagga Jónsdóttir kvikmyndagerðarkona, Guðrún Hulda Pálsdóttir ritstjóri Bændablaðsins, Sonja Ýr Þorbergsdóttir, formaður BSRB og Valgerður Rúnarsdóttir læknir á SÁÁ ræða helstu fréttamál þar sem stjórnmál, ofbeldi og áfengi kemur við sögu. Einnig verður létt og skemmtileg umræða eins og vera ber í vikulokin.

Fimmtudagur 12. september

Grimmi og Snar #23 - Ég skora á þig Helgi 🍄

Eftir að hafa gengið á eftir Helga Jean Claessen með grasið í skónum í mörg ár kom hann í þáttinn 👁️ Grimmi skoraði á hann í rökræður, honum leyst ekki vel á það.

🖐🏼️ 💜🤚🏼

Fimmtudagurinn 12. september

Stefnuræða, tónlistarskólar, Gaza, sálarástand og geirfuglinn

Blaðamennirnir Sigurjón Magnús Egilsson og Björn Þorláksson fara yfir stefnuræðu Bjarna Benediktssonar og umræður um hana í þinginu. Við fáum síðan kennara til að meta kosti og galla tónlistarskólans í yfirferð okkar um skólakerfið: Jóhann Ingi Benediktsson kennari í Tónskóla Sigursveins D. Kristinssonar og Júlíana Rún Indriðadóttir skólastjóri sama skóla, Hjörleifur Örn Jónsson skólastjóri Tónlistarskólans á Akureyri og Sigrún Grendal formaður Félags kennara og stjórnenda í tónlistarskólum greina stöðuna. Magga Stína segir fréttir af þjóðarmorðinu á Gaza sem stjórnvöld á Vesturlöndum styðja í orði, á borði eða með aðgerðarleysi. Gísli Pálsson mannfræðingur segir okkur frá geirfuglinum og Sóley Dröfn Davíðsdóttir sálfræðingur ræðir um sálarástand landans.

Fimmtudagur 5. september

Sjávarútvegsspjallið - 20. þáttur

Gestir Grétars að þessu sinni eru þeir Axel Jónsson, Gísli V. Jónsson og Sæmundur Halldórsson

Fimmtudagur 12. september

Sjávarútvegsspjallið - 21. þáttur - Söl og þari

Gestir Grétars að þessu sinni eru þeir Sigurður Pétursson, Hannes Sigurðsson og Ásgeir Logi Ásgeirsson.

Fimmtudagur 12. september

Útvarp Palestína - 7. þáttur - Sniðgangarar

Í sjöunda þætti Útvarps Palestínu fá Magga Stína og Sara Stef til sín Hólmfríði Jónsdóttir og Ingólf Gíslason sem hafa látið til sín taka í alþjóðlegu sniðgönguhreyfingu Palestínufólks sem kallast Boycott, Divestment and Sanctions eða BDS. Hólmfríður átti þátt í að virkja hreyfinguna hérlendis og er ein skipuleggjenda Sniðgöngunnar 2024 næsta laugardag, 14. September. Ingólfur er þar aðalræðumaður að göngu lokinni en mörg okkar þekkja til skrifa hans á visir. is undanfarna mánuði þar sem hann hefur fjallað um áhrif sniðgöngu en líka gagnrýnt harðlega bæði stjórnvöld og háskólasamfélagið fyrir afstöðu- og aðgerðaleysi í málefnum Palestínu.

Miðvikudagurinn 11. september

Grunnskólinn, kappræður, ferðaþjónusta, ofbeldi systkina og Ísland anno 1703

Við höfum fjallað um skólakerfið í vikunni og nú er komið að grunnskólanum. Mjöll Matthíasdóttir formaður Félags grunnskólakennara, Gróa Axelsdóttir skólastjóri Stapaskóla Reykjanesbæ, Kristín Björnsdóttir formaður Kennarafélags Reykjavíkur og Þorsteinn Sæberg formaður Skólastjórafélags Íslands greina hvað er gott og hvað má betur fara í grunnskólum. Guðmundur Hálfdanarson prófessor í sagnfræði ræðir frammistöðu frambjóðendanna sem bítast um stól Bandaríkjaforseta í nótt. Guðmundur Björnsson aðjúnkt í ferðamálafræði við HÍ greinir hættur ferðaþjónustunnar og Þórdís Bjarnleifsdóttir félagsráðgjafi segir okkur frá systkinaofbeldi. Í lokin draga Guðmundur Jónsson prófessor og Óskar Guðlaugsson doktorsnemi í sagnfræði upp mynd af íslensku samfélagi í byrjun átjándu aldar.