Spegillinn 28.febrúar 2022

Umsjón: Kristján Sigurjónsson

Tæknimaður: Mark Eldred

Vopnahlésviðræðum Rússa og Úkraínumanna lauk um fimmleytið án niðurstöðu. Rússlandsforseti fer fram á að Vesturlönd viðurkenni yfirráð Rússa á Krímskaga.

Hundruð þúsunda mótmæltu stríðsrekstri Rússa í Úkraínu víðs vegar um heim í dag.

Katrín Jakobsdóttir forsætisráðherra segir að íslensk stjórnvöld undirbúi nú komu flóttafólks frá Úkraínu.

Aðeins 16 manns dvelja nú í farsóttarhúsum Rauða krossins. Þegar mest var voru hátt í sex hundruð manns á dag í sjö farsóttarhúsum. Nú eru húsin tvö og þeim verður væntanlega lokað í næsta mánuði.

Fundað var um stríðið í Úkraínu á allherjar þingi SÞ í New York í dag og fjöld manns safnaðist saman frir utan höfðustöðvarnar í New York.

Héraðsdómur Norðurlands eystra hefur komist að þeirri niðurstöðu að lögreglustjórinn á Norðurlandi eystra fái ekki að taka skýrslu af Aðalsteini Kjartanssyni, blaðamanni á Stundinni, sem sakborningi.

Lengri umfjöllun:

Stríðið í Úkraínu er meginefni Spegilsins.

Rætt við Katrínu Jakobsdóttur forsætisráðherra um ástandið í Úkraínu, refsiaðgerðir Vesturlanda gegn Rússum, aukin umsvif NATÓ í A-Evrópu og einnig á Keflavíkurflugvelli og hvernig taka skuli á flóttamannavanda. Jóhanna Vigdís Hjaltadóttir ræðir við Katrínu.

Bjarni Jónsson þingmaður Vinstri grænna og formaður utanríkismálanefndar og Þorgerður Katrín Gunnarsdóttir formaður og þingmaður Viðreisnar og nefndarmaður í utanríkismálanefnd ræða um Úkraínu, en nú eru rúmir fjórir sólarhringar liðnir frá innrás rússa í Úkraínu. Þau sátu bæði Þingmannaráðstefnu um sameiginlega utanríkis- og öryggismálastefnu ESB í París um helgina. Kristján Sigurjónsson ræðir við þau.

Innrás Rússa í Úkraínu í síðustu viku hefur gjörbreytt afstöðu margra Evrópuríkja í varnar- og öryggismálum. Þjóðverjar breyttu um helgina stefnu sinni um að senda ekki vopn til átakasvæða og sendu vopn og búnað til Úkraínu. Sambandsþingið í Berlín samþykkti stóraukin útgjöld til varnarmála. Bogi Ágústsson segir frá umræðum í Finnlandi og Svíþjóð.

Spegillinn 25. febrúar 2022

Umsjón: Bjarni Rúnarsson

Tæknimaður: Mark Eldred

Nató ætlar að fjölga í herliði sínu í Austur-Evrópu. Pútín segist eiga í höggi við nýnasista og hryðjuverkamenn í Úkraínu.

Það er erfitt fyrir forseta Kína að styðja Pútín opinberlega að mati alþjóðastjórnmálafræðings. Rússland verður sífellt einangraðra, landið fær ekki að taka þátt í Eurovision.

Björgunarsveitir hafa sinnt yfir hundrað verkefnum vegna veðurs í dag. Rafmagnstruflanir voru víða og vegum um allt land var lokað.

Ragnar Kjartansson myndlistarmaður hefur hætt sýningum á gjörningalistaverki í listasafni í Moskvu í Rússlandi. Hann segir að ekki hafi verið hægt að halda sýningunni úti eftir að Rússar réðust inn í Úkraínu.

Landspítali var í dag færður aftur upp á neyðarstig, sama dag og allar samkomutakmarkanir voru felldar úr gildi.

Lengri umfjöllun

Nú er rúmur einn og hálfur sólarhringur síðan Pútin Rússlandsforseti fyrirskipaði herinnrás í Úkraínu. Vestrænir þjóðarleiðtogar eru samhljóma í að fordæma framferði Rússa og það var eining meðal íslenskra þinmanna á alþingi í gær. Harðar efnahagsrefsiaðgerðir gegn Rússum hafa verið ákveðnar. En duga þær? Kristján Sigurjónsson ræddi við Diljá Mist Einarsdóttur þingmann Sjálfstæðisflokksins og nefndarmaður í utanríkismálanefnd og Helgu Völu Helgadóttur þingflokksformann Samfylkingarinnar og varaformann Íslandsdeildar þings Öryggis- og samvinnu­stofnunar Evrópu.

Öllum takmörkunum var aflétt á miðnætti, bæði innanlands og á landamærum. Fyrsta tilfelli kórónuveirunnar hér á landi greindist seinasta dag febrúarmánaðar árið 2020, og því eru rétt tæp tvö ár síðan veiran byrjaði að hafa áhrif á allt samfélagið. Með stuttum hléum hafa verið í gildi takmarkanir á samkomum með tilheyrandi efnahagslegum afleiðingum. En nú birtir yfir, þó svo að rauður dagur hafi verið í kauphöllum heimsins í gær vegna innrásar Rússa í Úkraínu. Bjarni Rúnarsson ræddi við Björn Berg Gunnarsson, deildarstjóra greiningar Íslandsbanka, og spurði fyrst hvernig þessi tvö ár yrðu færð í efnahagslegar sögubækur.

Spegillinn 24.febrúar 2022

Umsjón: Kristján Sigurjónsson

Tæknimaður: Mark Eldred

Flótti er brostinn á hjá íbúum Kænugarðs í úkraínu, en rússneski herinn nálgast borgina. Ingólfur Bjarni Sigfússon er í Kænugarði og segir frá.

Rússar eru með innrás í Úkraínu að reisa sitt eigið járntjald segir forseti landsins og þar með einangra sig frá Evrópu.

Evrópusambandið undirbýr nú efnahagsþvinganir gagnvart Rússum vegna innrásar þeirra í Úkraínu, sem beinast meðal annars að bankakerfi landsins. Öryggis- og varnarmálafræðingur telur ólíklegt að þær dragi úr hernaði Rússa.

Íslendingur sem er nýkominn til Dúbaí frá Kænugarði hringir nú í alla vini sína og kunningja í Úkraínu og reynir að koma úkraínskri tengdafjölskyldu sinni frá borginni Karkív. Fjölskyldan vaknaði við sprengingar í morgun.

Um 300 manns eru samstöðufundi með Úkraínsku þjóðinni við Landakotskirkju.

Enn ein óveðurslægðin nálgast nú landið með suðaustan stormi. Það byrjar að hvessa í nótt og appelsínugular veðurviðvaranir taka gildi um hádegisbil, fyrst á höfuðborgarsvæðinu.

Lengri umfjöllun:

Guðni Th. Jóhannesson Forseti Íslands segir að innrás í annað ríki megi aldrei líða, aldrei þola og aldrei viðurkenna. Ef lýðræðisríki heimsins bregðist ekki við með skýrum og sterkum hætti þá verði vandinn einungis verrri síðar meir. Ólöf Rún Skúladóttir ræðir við Guðna.

Albert Jónsson sérfræðingur í varnarmálum og fyrrverandi sendiherra segir ólíklegt að önnur lönd blandist inn í hernaðarátök í Úkraínu. Efnahagsaðgerðir geti verið Rússum erfiðar , en það sé erfitt að einangra þá, þeir eigi eigi vini og viðskiptafélaga víða um heim, í Kína, Indlandi, Mið Asíu, Suður Ameríku og víðar. Kristján Sigurjónsson talar við Albert.

Á Norðurlöndunum hafa stjórnmálamenn lýst yfir samstöðu með Úkraínumönnum og skammað rússneska sendiherra, jafnvel heitið mannúðaraðstoð og lofað að taka á móti flóttafólki; aukið viðbúnað hers og lögreglu. Óskum úkraínskra sendimanna um að fá að kaupa vopn, hefur hins vegar verið mætt af nokkuð meiri tregðu. Kári Gylfason í Gautaborg talar við Önnu Kristínu Jónsdóttur.

Spegillinn 23. febrúar 2022.

Umsjón: Bjarni Rúnarsson

Tæknimaður: Mark Eldred.

Öllum samkomutakmörkunum vegna heimsfaraldursins verður aflétt annað kvöld. Starfandi forstjóri Landspítala segir óvissu fylgja afléttingum fyrir heilbrigðiskerfið. Sóttvarnalæknir talar um áfangasigur, en ekki lokasigur.

Úkraínudeilan er mesta ógn við öryggi og frið í heiminum í áraraðir, segir framkvæmdastjóri Sameinuðu þjóðanna. Bandaríkjastjórn varaði Úkraínustjórn við því í morgun að frekari innrás Rússa væri líkleg á næstu tveimur sólarhringum.

Formaður utanríkismálanefndar ítrekar að sýna pólitíska samstöðu með vestrænum ríkjum gegn Rússum og formaður Viðreisnar segir yfirgang Rússa vera mestu ógn vestrænna lýðræðisríkja í Evrópu í langan tíma. Mikil samstaða er á Alþingi.

Hátt í 40 manns eru á biðlista eftir að komast í kynleiðréttingaraðgerð. Flestir þurfa að bíða í á annað ár eftir að komast í kynleiðréttingu.

Ríkisendurskoðun telur tilefni til margs konar sameiningar ríkisstofnana. Þeim hefur fækkað um hátt í 40 prósent frá árinu 1998.

Lengri umfjöllun:

Viðbrögð leiðtoga margra ríkja, sem hafa fordæmt ákvörðun Vladimirs Pútins forseta Rússlands um að senda hersveitir inn á svæði í austurhluta Úkraínu - svæði sem Rússar hafa lýst yfir að séu nú sjálfstæð alþýðulýðveldi, hafa verið tal um að bæta í efnahagslegar þvingunaraðgerðir gegn Rússlandi. Bandarísk og bresk stjórnvöld hafa til dæmis þegar kynnt aðgerðir sem eiga að torvelda rússneskum stjórnvöldum að afla lánsfjár til að fjármagna hernaðaraðgerðir og rétta skuldastöðu ríkisins. Refsiaðgerðirnar beinast bæði að bönkum og einstaklingum sem teljast til innsta hrings Pútíns. Utanríkisráðherra hefur þegar lýst því yfir að Ísland muni taka þátt í aðgerðum með sínum bandamönnum til að bregðast við ákvörðun Rússlandsforseta og á fundum utanríkismálanefndar Alþingis fyrr í dag var fjallað um viðbrögð Íslands. Voru þingmenn sammála um að ekki yrði unað við að Rússar brytu alþjóðalög og að staðan í Úkraínu væri grafalvarleg. Ísland framfylgir þegar þvingunaraðgerðum sem beinast að 28 ríkjum, hryðjuverkasamtökum og útbreiðslu efnavopna, eins og sjá má á yfirlit utanríkisráðuneytisins um slíka gjörninga. Þar á meðal eru aðgerðir sem beinast gegn Rússlandi og var komið á eftir innlimun Krímskaga árið 2014. Þær snúast um frystingu fjármuna, innflutningsbann á ákveðnum vörum frá Krím og Sevastopol svo nokkuð sé nefnt. Þeim var komið á með reglugerð ráðherra en eru í takt við það sem samþykkt hefur verið á alþjóðavettvangi eins og í öryggisráði Sameinuðu þjóðanna. Viðbrögð Rússa

Rússneska þingið hefur samþykkt einróma að beita hernum utan landamæra Rússlands. Jón Ólafsson, sérfræðingur í málefnum Rússlands segir meiri líkur á stríði eftir ákvörðun Pútíns. Ólöf Ragnarsdóttir tók saman.

Ekki verður unnt að opna Hellisheiði og Þrengsli í dag, en enn er unnið að því að losa bíla sem þar hafa setið fastir í nærri sólarhring. Arnar Björnsson talaði við Árna Pálsson snjómokstursmann í Þrengslunum.

Dóra Sigurðardóttir, bóndi á Vatnsdalshólum í Húnavatnssýslu segist aldrei hafa upplifað viðlíka veðurofsa og gekk yfir í nótt. Mikið tjón varð á húsum og tækjum á bænum.

Stjórnvöld stefna enn að því að aflétta öllum sóttvarnaaðgerðum fyrir vikulok segir Willum Þór Þórsson, heilbrigðisráðherra. Valgeir Örn Ragnarsson talaði við hann.

Mannekla innan heilbrigðiskerfisins vegna covid fer síversnandi um land allt. Jón Helgi Björnsson forstjóri Heilbrigðisstofnunar Norðurlands segir stöðuna þunga, ekki hafi margir skráð sig á bakvarðalista. Anna Þorbjörg Jónasdóttir talaði við hann.

-------------

Valur Gunnarsson sagnfræðingur og rithöfundur er vel að sér í málefnum Rússlands og Úkraínu þar sem hann lagði stund á nám. Hann efast um að yfirlýsingar Pútíns lýsi ríkjandi viðhorfi Rússa til landsins. Þetta séu frændþjóðir og rík tengsl á milli. Hann telur ekki að innrás sé Pútín í hag til lengri tíma litið. Albert Jónsson, fyrrverandi sendiherra telur mögulegt að Rússar hyggi á stærri hernaðaraðgerðir. Anna Kristín Jónsdóttir tók saman og talaði við Val.

Logi Einarsson formaður Samfylkingarinnar segir alveg ljóst að nú, þegar sjái fyrir endann á faraldrinum og afnám allra sóttvarnareglna, þurfi efnahagsmálin að vera í aðalhlutverki og þá helst hvernig eigi að grípa viðkvæmustu hópana. Hann segir ríkisstjórnina ósamstíga eftir samstöðu í faraldrinum og innrás Rússa í Úkraínu geti haft mikla afleiðingar hér innanlands, staðan þar sé grafalvarleg. Jóhanna Vigdís Hjaltadóttir ræddi við Loga í Alþingishúsinu í dag.

Norðmenn þurfa að hætta loðnuveiðum við Ísland í dag og brenna inni með milljarða verðmæti í óveiddum kvóta. Þeir kvarta undan skilyrðum Íslendinga og segja þau hafi tafið veiðar. En þeir mættu líka seint á miðin og setja sjálfi skilyrð meðal annars til að norsk skip landi loðnunni frekar í heimalandinu. Rúnar Snær Reynisson, fréttamaður á Austurlandi fór yfir málið.

Umsjón: Andri Yrkill Valsson. Tæknimaður: Jón Þór Helgason

Suðaustan illviðri gengur yfir landið í kvöld og nótt og versnar fyrst á Suðurlandi. Í nótt og á morgun skellur svo vonskuveður á Suður- og Vesturlandi. Rauðar veðurviðvaranir taka gildi. Víðir Reynisson yfirlögregluþjónn heldur utan um þræði í samhæfingarmiðstöð Almannavarna sem hafa lýst yfir óvissutigi vegna veðursins. Anna Kristín Jónsdóttir talar við hann

Elsa María Guðlaugs- Drífudóttir fréttamaður er í Borgarnesi í Borgarfirði og á Vesturlandi búast menn við leiðindaveðri í kvöld, sem hefur reyndar ekkert verið neitt sérstakt það sem af er degi. Elsa María talar við Jakob Guðmundsson, björgunarsveit í Brák um viðbúnað og viðbragð. Hrafn Guðmundsson, veðurfræðingur fer yfir það hvernig veðrið gengur yfir og lægðagang framundan.

Katrín Jakobsdóttir, forsætisráðherra er bjartsýn á að hægt verði að aflétta takmörkunum í vikulok þótt staðan sé víða þung á heilbrigðisstofnunum. Mestu skipti góð bólusetningarstaða þjóðarinnar.

Almennur borgari lést í árás norður af héraðinu Donetsk að sögn úkraínskra embættismanna á svæðinu. Forseti Rússlands segist ætla að ákveða í dag hvort hann viðurkennir sjálfstæði tveggja héraða í Úkraínu. Ólöf Ragnarsdóttir sagði frá.

Logi Einarsson formaður Samfylkingarinnar sagði á Alþinig að ríkisstjórnin væri ósamstíga í efnahagsmálum. Varaformaður Framsóknarflokksins leggi fram hugmyndir sem hafi engan hljómgrunn hjá samstarfsflokkunum og vísar þar í tillögur Lilju Alfreðsdóttur menningar- og viðskiptaráðherra um bankaskatt og fleira. Katrín Jakobsdóttir, forsætisráðherra segir tillögur Lilju ekki hafa verið ræddar í ríkisstjórn.

-------------

Katrín Jakobsdóttir forsætisráðherra segir að húsnæðismálin séu eitt af veigamestu málunum sem taka þurfi á og ljóst sé að byggja þurfi meiraJóhanna Vigdís Hjaltadóttir ræddi við Katrínu í Alþingishúsinu í dag og spurði hana fyrst hver væru stærstu málin framundan

Rússar eru sagðir reiðubúnir til innrásar, um 150 þúsund rússneskir hermenn eru við landamæri Rússlands og Úkraínu. Herafli sem var við æfingar Rússa og Hvít-Rússa verður áfram í Hvíta-Rússlandi, þrír fjórðu af herliði Rússlands á þessum slóðum en Pútin hefur þverneitað því að innrás sé ráðgerð. Anna Kristín Jónsdóttir ræðir við Baldur Þórhallsson, prófessor í alþjóðastjórnmálum

Umsjón: Anna Kristín Jónsdóttir: Tæknimaður: Magnús Þorsteinn Magnússon.

Hafrannsóknastofnun hefur lagt til skerðingu á loðnukvóta um tæp 35 þúsund tonn í um 870 und tonnum Vertíðin er þrátt fyrir það sú stærsta í átján ár. Ólöf Rún Erlendsdóttir talaði við Guðmund Jóhann Óskarsson sviðsstjóra hjá Hafrannsóknastofnun.

Bandaríkjastjórn segir Rússa nú vera með á annað hundrað þúsund hermenn við landamæri Úkraínu, sem er mesti liðssafnaður í Evrópu síðan í seinni heimstyrjöldinni. Bílsprengja sprakk í Donetsk-héraði nú seinnipartinn. Birta Björnsdóttir sagði frá.

Rúmlega 400 starfsmenn Landspítalans eru frá vinnu með COVID og hafa aldrei verið fleiri. Guðlaug Rakel Guðjónsdóttir forstjóri spítalans segir að núverandi ástand gangi ekki mikið lengur. Hólmfríður Dagný Friðjónsdóttir ræddi við hana og Elísabetu Benedikz, yfirlækni gæða og sýkingavarna sem segir að skráðum atvikum hafi fjölgað. Undirmönnun og faraldurinn skýri það að hluta en alvarlegum atvikum vegna COVID hafi ekki fjölgað.

Halldór Benjamín Þorbergsson, framkvæmdastjóri Samtaka atvinnulífsins segist ekki þekkja dæmi þess að fyrirtæki hafi misnotað stuðning stjórnvalda vegna heimsfaraldursins. Haukur Holm talaði við hann.

Ís á Þingvallavatni kemur í veg fyrir að hægt sé að ná flugvélinni sem þar hvílir á botninum upp fyrr en í seinni hluta mars í fyrsta lagi að sögn Odds Árnasonar, aðstoðaryfirlögregluþjóns á Suðurlandi. Haukur Holm tók saman.

------------

Það sem áður þótti sjálfsögð opinber þjónusta er að hverfa úr hinum dreifðu byggðum. Þetta gerist á Íslandi og þetta gerist meðal frænda okkar í Noregi. Þar er hagræðing og sameining í opinberum rekstri helsta pólitíska hitamálið. Gísli Kristjánsson segir frá.

Undanfarnar vikur hefur sá dagur varla liðið að björgunarsveitir hafi ekki verið kallaðar til í verkefni stór og smá. Otti Rafn Sigmarsson formaður Landsbjargar segir umhugsunarefni hvort svo stór hluti af viðbragði almannavarna sé á herðum sjálfboðaliða en engu síður sé þetta sá háttur sem hér sé á og við höfum vanist. Anna Kristín Jónsdóttir ræddi við hann.

Sænska fjarskiptafyrirtækið Ericsson er enn á ný í ólgusjó vegna spillingarmála. Starfsmenn Ericsson í Írak greiddu milliliðum fyrir að fara um umráðasvæði hryðjuverkasamtaka, meðal annars þeirra sem kenna sig við íslamskt ríki. Kári Gylfason sagði frá.

Umsjón: Anna Kristín Jónsdóttir. Tæknimaður: Magnús Þorsteinn Magnússon. Stjórn útsendingar fréttahluta: Ingibjörg Sara Guðmundsdóttir

Umsjón: Anna Kristín Jónsdóttir. Tæknimaður: Magnús Þorsteinn Magnússon.

Mannekla á Landspítalanum vegna covid og annarra veikinda veldur því að staðan þar er þung. Helgin gæti reynst erfið og sama gildir um mönnun næstu vikurnar að dómi Sigríður Gunnarsdóttir, framkvæmdastjóra lækninga.

Bandaríkjaforseti fullyrti í dag að miklar líkur væru á því að Rússar ræðust inn í Úkraínu á næstu dögum. Rússar óskuðu eftir því í dag að Bandaríkin og NATO hættu að senda vopn til Úkraínu. Birta Björnsdóttir tók saman.

Mikill munur er á dauðsföllum nú og fyrr í covid-faraldrinum, segir Þórólfur Guðnason sóttvarnalæknir. Áður hafi fólk veikst mjög alvarlega af covid og andast, nú tengist dauðsföllin undirliggjandi sjúkdómum og þáttur covid sé oft óljós. Brynjólfur Þór Guðmundsson tók saman.

Fólki er ráðlagt að kynna sér aðstæður vel áður en það leggur í fjallaferðir. Snjóflóðahætta er í Esjunni og fjöllum á Vestfjörðum. Markús Þórhallsson ræddi við Karen Lárusdóttur verkefnastjóra hjá Landsbjörg og Magna Jónsson ofanflóðasérfræðing hjá Veðurstofunni.

Fiskistofa á að kanna samþjöppun aflaheimilda að beiðni matvælaráðherra, sem hefur lagt til breytingar á lögum um fiskveiðistjórnun þar sem skilgreint verður betur hvað teljast vera tengdir aðilar. Haukur Holm sagði frá.

Eystri Landsréttur í Danmörku fyrirskipaði í dag að Lars Findsen, yfirmaður leyniþjónustu hersins, skyldi látinn laus úr gæsluvarðhaldi. Hann er grunaður um upplýsingaleka og hefur setið inni í tvo mánuði. Bogi Ágústsson tók saman.

Hljóðbækur á kasettu og tuttugu ára gömul tímarit um internetið voru á meðal þess sem Bókasafni Kópavogs barst í síðustu viku, þegar lánþegum bauðst að skila bókum og öðru efni án þess að greiða sekt. Þórgnýr Einar Albertsson talaði við Ástu Sirrýju Jónasdóttur, deildartjóra.

------------

Á fjórða hundrað starfsmanna á Landsspítalanum eru í einangrun vegna covid og síðasta sólarhring greindust fimmtíu starfsmenn. Sigríður Gunnarsdóttir, framkvæmdastjóri hjúkrunar á spítalanum segir að þó að það verði erfitt að manna vaktir um helgina sé það frumskylda spítalans að láta starfsemina ganga og það verði gert. Anna Kristín Jónsdóttir tók saman. Kristín Sigurðardóttir talaði við Sigríði.

Á sunnudagskvöld hóf danska ríkissjónvarpið útsendingar á fjórðu þáttaröðinni af Borgen, sem fjallar um dönsk stjórnmál og Birgitte Nyborg, sem var forsætisráðherra Danmerkur í fyrri seríum. Fyrsta þættinum hefur verið vel tekið. Bogi Ágústsson sagði frá.

Umsjón: Anna Kristín Jónsdóttir

Tæknimaður: Magnús Þorsteinn Magnússon

Framkvæmdastjóri Atlantshafsbandalagsins segir til skoðunar að auka viðbúnað í austurhluta Evrópu vegna vígvæðingar Rússa. Þórdís Kolbrún Reykfjörð Gylfadóttir, utanríkisráðherra segir að nýr veruleiki blasi við í Evrópu, allavega í bili. Birta Björnsdóttir tók saman.

Það er ekki verið að efla heilsugæsluna og rangt af stjórnvöldum að halda því fram. Þetta segir Steinunn Þórðardóttir, formaður Læknafélags Íslands. Bjarni Pétur Jónsson ræddi við hana.

Fjölnir Sæmundsson, formaður Landssambands lögreglumanna segir að rafbyssur gætu bæði bætt öryggi lögreglumanna og borgara. Haukur Holm ræddi við hann.

Langanesbyggð, viðbragðsaðilar og Heilbrigðisstofnun Norðurlands hafa undirritað viljayfirlýsingu um að komið verði á fót björgunarmiðstöð á Þórshöfn. Jónas Egilsson sveitarstjóri segir til mikils að vinna. Óðinn Svan Óðinsson talaði við hann.

------------

Undanfarið ár hefur fasteignaverð á höfuðborgarsvæðinu hækkað um fimmtung og framboðið dregist skarpt saman síðustu vikur. Faraldurinn hefur aukið eftirspurn eftir sérbýli segir Karlotta Halldórsdóttir, hagfræðingur hjá Húsnæðis og Mannvirkjastofnun. Bjarni Rúnarsson talaði við hana.

Varnarmálaráðherrar Atlantshafsbandalagsins ræða nú um öryggismál í Evrópu og staðan í Úkraínu er þar efst á baugi. Hallgrímur Indriðason ræddi við Þórdísi Kolbrúnu Reykfjörð Gylfadóttur utanríkisráðherra. Anna Kristín Jónsdóttir tók saman.

Mörg hundruð njósnarar kunna að vera virkir í Svíþjóð, að mati sænsku leyniþjónustunnar. Tveir bræður, sem voru hátt settir innan sænskra leyniþjónustustofnanna, sitja nú í varðhaldi, grunaðir um alvarlegar njósnir fyrir erlent ríki. Kári Gylfason í Gautaborg sagði frá.

Spegillinn 15. febrúar 2022

Umsjónarmaður: Bjarni Rúnarsson

Tæknimaður Gísli Kjaran Kristjánsson

Engar líkur eru á að ákærur verði gefnar út á hendur fjórum blaðamönnum sem hafa réttarstöðu sakbornings vegna umfjöllunar sinnar um Skæruliðadeild Samherja. Þetta segir hæstaréttarlögmaður.

Ungur drengur slapp nær ómeiddur þegar hann féll niður sprungu á Þingvöllum í dag. Það var ekki síst fyrir snarræði björgunarsveitarmanns sem var í nágrenninu.

Varnarmálaráðuneyti Úkraínu varð fyrir tölvuárás í dag. Neðri deild rússneska þingsins biðlar til Rússlandsforseta um að viðurkenna sjálfstæði tveggja héraða í Úkraínu - aðgerð sem Atlandshafsbandalagið varar við.

Tveir tékkneskir karlmenn sem björgunarsveitir leituðu að á Vatnajökli, eru fundnir heilir á húfi.

Lengri umfjöllun:

Enn og aftur er misnotkun á lyfjum í íþróttum í brennidepli eftir að að lyf á bannlista greindist hjá ungum rússneskum keppanda á Ólympíuleikunum. Það sér ekki fyrir endann á því máli en það skiptir öllu að hægt sé að treysta því að keppni sé heiðarleg segir framkvæmdastjóri Lyfjaeftirlits Íslands. Hann segir ekki auðvelt að segja hve útbreidd misnotkun lyfja er hér og telur þörf á að bæta í eftirlitið. Anna Kristín Jónsdóttir ræðir við Birgi Sverrisson framkvæmdastjóra Lyfjaeftirlits Íslands.

Fjórir blaðamenn voru í gær boðaðir í yfirheyrslu í næstu viku hjá rannsóknarlögreglumanni frá lögreglunni á Norðurlandi eystra. Það eru Þórður Snær Júlíusson, ritstjóri Kjarnans, Aðalsteinn Kjartansson, blaðamaður á Stundinni, Arnar Þór Ingólfsson, blaðamaður á Kjarnanum og Þóra Arnórsdóttir, ritstjóri Kveiks. Þau fjölluðu um skæruliðadeildina svokölluðu sem starfaði á vegum Samherja og reyndi að klekkja á blaðamönnum sem fjölluðu um fyrirtækið. Blaðamennirnir hafa réttarstöðu sakbornings fyrir meint brot gegn friðhelgi einkalífs. Bjarni Rúnarsson ræddi við Halldóru Þorsteinsdóttur, sérfræðing í fjölmiðlarétti og héraðsdómara.