Rannsókn á vopnaframleiðslu hér á landi var það sem kom lögreglu á sporið um yfirvofandi hryðjuverkaógn. Dómsmálaráðherra leggur fram frumvarp í haust um auknar rannsóknarheimildir lögreglu. Urður Örlygsdóttir ræddi við Sigríði Björk Guðjónsdóttur ríkislögreglustjóra. Oddur Þórðarson sagði frá.

Stefán Vagn Stefánsson, þingmaður Framsóknarflokksins, telur frumvörp ráðherra til mikilla bóta en Þórhildur Sunna Ævarsdóttir, þingmaður Pírata, telur byrjað á öfugum enda. Fyrst þurfi að efla eftirlit með lögreglu. Stefán Vagn og Þórhildur Sunna ræddu frumvörpin við Alexander Kristjánsson.

Hryðjuverkamenn sem hneigjast til þjóðernis eða hægri öfga beina sjaldnast spjótum sínum að valdstjórninni, segir Eiríkur Bergmann Einarsson, prófessor í stjórnmálafræði sem hefur rannsakað lýðhyggju og populisma í Evrópu. Anna Kristín Jónsdóttir ræddi við hann.

Slökkviliðið gerir alvarlegar athugasemdir við eldvarnir í tímabundnu húsnæði Hagaskóla í Ármúla, sem Reykjavíkurborg tók á leigu. Húsinu verður lokað eftir þrjár vikur verði ekki bætt úr þeim.

Minnst 50 hafa verið drepnir í mótmælum í Íran í vikunni, þeim fjölmennustu í landinu í áraraðir. Stjórnvöld hafa reynt að bæla niður mótmælin með ýmsum aðferðum. Pétur Magnússon sagði frá.

Aldurstakmark og ölvunarbann verða við notkun rafhlaupahjóla samkvæmt drögum að frumvarpi innviðaráðherra. Þá verður lagt bann við því að breyta hjólunum og hækka þannig hámarkshraða þeirra. Kristín Sigurðardóttir tók saman.

Árlegur peysufatadagur Kvennaskólans í Reykjavík er í dag, þar sem nemendur á þriðja ári klæða sig á þjóðlegan máta og fara um borgina með pilsaþyt og gleði. Andri Yrkill Valsson tók saman.

Íslenska undir 21 árs landslið karla í fótbolta þarf að vinna Tékka á útivelli til þess að eiga möguleika á að komast í lokakeppni EM á næsta ári, eftir tap í fyrri umspilsleik liðanna í dag.

Umsjónarmaður: Alexander Kristjánsson

Tæknimaður: Mark Eldred

Stjórn útsendingar fréttahluta: Margrét Júlía Ingimarsdóttir

Tveir menn sitja í gæsluvarðhaldi grunaðir um skipulagningu hryðjuverka. Lögregla lagði hald á tugi skotvopna, þar á meðal hálfsjálfvirkí gær. Karl Steinar Valsson yfirlögregluþjónn sagði á blaðamannafundi að hættu hefði verið afstýrt. Alexander Kristjánsson tók saman.

Verð á nauðsynjavöru hefur hækkað mikið í ár. Auður Alfa Ólafsdóttir, verkefnastjóri verðlagseftirlits Alþýðusambands Íslands segir verkalýðshreyfinguna verða bregðist við hækkunum í kjaraviðræðum, fyrst stjórnvöld komu ekki til móts við heimilin í fjárlagafrumvarpi. Gunnhildur Kjerúlf Birgisdóttir talaði við hana.

Antony Blinken Utanríkisráðherra Bandaríkjanna segir Rússlandsforseta sýna stofnsáttmála Sameinuðu þjóðanna lítilsvirðingu. Öryggisráðið fundaði um stöðuna í Úkraínu í dag. Þórgnýr Einar Albertsson sagði frá.

Átök magnast á sjöunda degi mótmæla í Íran. Mótmælendur hafa kveikt í lögreglustöðvum og yfirvöld hafa sumsstaðar lokað fyrir internetið. Gunnhildur Kjerúlf Birgisdóttir sagði frá.

Stefnt er að því að birkiskógar þeki fimm prósent landsins árið tvöþúsundþrjátíu og eitt, en ef það á að nást þurfa landsmenn að sameinast í landsátaki á söfnun birkifræja sem nú stendur yfir. Amanda Guðrún Bjarnadóttir talaði við Kristinn H. Þorsteinsson, verkefnisstjóri landsátaksins.

------------

Sérsveit ríkislögreglustjóra lét til skarar skríða á níu stöðum á höfuðborgarsvæðinu í gær, lagði hald á vopn og tveir menn á þrítugsaldri sem voru handteknir í gær eru í gæsluvarðhaldi. Þeir eru grunaðir um brot á vopnalögum og að hafa skipulagt hryðjuverk gegn æðstu stofnunum ríkisiins. Hættu var afstýrt sagði Karl Steinar Valsson, yfirlögregluþjónn á fundi með fréttamönnum. Grímur Grímsson yfirlögregluþjónn sagði að rannsókn á mönnunum vegna vopnalagabrota hafi tekið aðra stefnu. Alexander Kristjánsson tók saman.

Margrét Valdimarsdóttir, afbrotafræðingur og dósent í lögreglufræði við Háskólann á Akureyri segir þetta endurspegla nýjan veruleika, ólíkt nágrannalöndunum hafi Íslendingar aldrei staðið frammi fyrir hryðjuverkaárás. Anna Kristín Jónsdóttir talaði við hana.

Hætt er við því að fólk dofni gagnvart fréttum af stríði í fjarlægum löndum. Hafdís Helga Helgadóttir talaði við Sigríði Víðis Jónsdóttur, rithöfund um það hvernig megi koma í veg fyrir að fólk loki augunum fyrir slíkum fréttum og sé þá ekki tilbúð að hjálpa.

Umsjón: Anna Kristín Jónsdóttir. Tæknimaður: Mark Eldred. Stjórn útsendingar fréttahluta: Valgerður Þorsteinsdóttir.

Umsjón: Hafdís Helga Helgadóttir

Tæknimaður: Mark Eldred

Fjórir voru handteknir í umfangsmiklum aðgerðum sérsveitar ríkislögreglustjóra á höfuðborgarsvæðinu í dag. Embættið segir að hættuástandi hafi verið afstýrt. Tveir mannanna eru sagðir hafa verið vopnaðir og hættulegir.

Ferðamálaráðherra hefur sett af stað vinnu til þess að stuðla að auknu öryggi ferðamanna hér á landi. Þetta gerir ráðherra í kjölfar frásagnar fjölskyldu sem lenti í bílslysi við Núpsvötn 2018 og birtist í Kveik í gær. Við heyrðum í Lilju Dögg Alfreðsdóttur í viðtali við Rúnar Snæ Reynisson.

Fleiri greinast með krabbamein vegna reykinga og offitu á Suðurnesjum samanborið við aðra landshluta. Þetta eru niðurstöður rannsóknar Krabbameinsfélagsins. Áhrif vatnsbólsmengunar, af völdum hersetuliðs í Keflavík á heilsufar Suðurnesjabúa, voru mun minni en óttast var. Oddur Þórðarson sagði frá.

Bandaríkjaforseti sakar Rússlandsstjórn um gróft brot á stofnsáttmála Sameinuðu þjóðanna. Hann gagnrýnir yfirvofandi atkvæðagreiðslur um að innlima fjögur úkraínsk héruð í Rússlandi. Þórgnýr Einar Albertsson tók saman.

Þrátt fyrir að endurupptökudómstóll hafi synjað beiðni Erlu Bolladóttur vegna sakfellingar í Guðmundar og Geirfinnsmálinu ætlar hún að berjast áfram. Hún segist enga ósk eiga heitari en að réttlætið nái fram að ganga. Rætt var við Erlu Bolladóttur og Sigrúnu Gísladóttur. Brynjólfur Þór Guðmundsson tók saman.

----------------------------------------------------

Rússneski herinn er laskaður eftir stríðsreksturinn í Úkraínu, það hefur gengið á vopnabúrið og mannfallið hefur verið töluvert. Rússnesk stjórnvöld segja að um 6 þúsund hermenn þeirra hafi dáið í Úkraínu í ár en aðrir, þar á meðal bandarísk varnarmálayfirvöld, telja að sú tala gæti verið næstum þrisvar sinnum hærri. Kvaðning 300 þúsund manna varaliðs í Rússlandi endurspeglar vonda stöðu hersins að mati Alberts Jónssonar, fyrrverandi sendiherra og sérfræðings í öryggis og varnarmálum, en hún á líklega ekki eftir að breyta miklu um gang stríðsins. Því fer fjarri að sjái fyrir endann á bardögum en þó telur Albert líklegt að úr þeim dragi þegar haustar og ekki meiri hætta á að kjarnavopnum verði beitt en áður. Anna Kristín Jónsdóttir talaði við Albert Jónsson.

Enn er unnið samkvæmt þeirri áætlun að þjóðarhöll verði risin í Laugardal árið 2025, segir Gunnar Einarsson, formaður nýskipaðrar framkvæmdanefndar um málið. Hann trúir ekki öðru en að ríkið standi við fyrri áætlanir, þótt innviðaráðherra hafi gefið í skyn að verkefninu seinki. Alexander Kristjánsson tók saman talaði við Gunnar

Erla Bolladóttir fær mál sitt vegna sakfellingar fyrir rangar sakargiftir ekki endurupptekið. Dómstóll sem fjallaði um málið segir að engin ný gögn hafi komið fram og ekkert sýni fram á að brotið hafi verið á henni eða sönnunargögn ranglega metin. Brynjólfur Þór Guðmundsson sagði frá.

Rússneskir embættismenn á hernumdum svæðum í fjórum héruðum Úkraínu hafa boðað til atkvæðagreiðslna um hvort héruðin verði hluti af Rússlandi. Þórgnýr Einar Albertsson sagði frá.

Innheimta veggjalda á höfuðborgarsvæðinu á að hefjast eftir tvö ár. Gjaldtakan mun skila um fimm til sex milljörðum á ári og fjármagna samgönguframkvæmdir á svæðinu. Útfærslan liggur enn ekki fyrir. Davíð Þorláksson er framkvæmdastjóri Betri samgangna. Alexander Kristjánsson talaði við hann.

Aðalsteinn Kjartansson blaðamaður á Stundinni hefur óskað eftir að Mannréttindadómstóll Evrópu leggi mat á hvort aðgerðir lögreglu gagnvart honum og þremur öðrum blaðamönnum standist lög.

Íbúðaverð á höfuðborgarsvæðinu lækkar milli mánaða, í fyrsta sinn frá því í maí 2019. Hagfræðingur segir vaxtahækkanir Seðlabankans hafa dregið úr eftirspurn. Gunnhildur Kjerúlf Birgisdóttir ræddi við Unu Jónsdóttur, forstöðumann hagfræðideildar Landsbankans.

Þorpið vistfélag hefur keypt JL húsið við Hringbraut af Myndlistarskólanum í Reykjavík og Íslandsbanka. Til stendur að útbúa um fjörutíu íbúðir í húsnæðinu og gert er ráð fyrir að þær verði tilbúnar eftir þrjú ár. Urður Örlygsdóttir ræddi við Áslaugu Guðrúnardóttur, hjá Þorpinu vistfélagi.

Liz Truss, forsætisráðherra Bretlands, og ríkisstjórn hennar ætla að leggja fram sína fyrstu skattastefnu á föstudaginn. Með henni vill hún styrkja samkeppnisstöðu Bretlands og gera landið að álitlegri stað fyrir alþjóðlega fjárfesta. Pétur Magnússon sagði frá.

Sérfræðingur hjá Hafrannsóknarstofnun kallar eftir umhverfisvænni veiðarfærum í íslenskan sjávarútveg. 94% rusls sem fannst á hafsbotni við ísland yfir 15 ára tímabil var veiðafærarusl. Hafdís Helga Helgadóttir ræddi við Petrúnu Sigurðardóttur.

Mikill uppgangur er í Norður-Svíþjóð vegna nýs, loftslagsvænni iðnaðar. Erfiðlega hefur þó gengið að manna störf. Kári Gylfason í Gautaborg segir frá atvinnuástandinu í norðurhluta landsins.

Umsjónarmaður: Alexander Kristjánsson

Tæknimaður: Kormákur Marðarson

Stjórn útsendingar fréttahluta: Margrét Júlía Ingimarsdóttir

Umsjón: Hafdís Helga Helgadóttir

Tæknimaður: Jökull Sigurðsson

Tvö þúsund manns sóttu athöfn í Westminster Abbey þegar Elísabet önnur Englandsdrottning var borin til grafar fyrr í dag. Við heyrum í Ólöfu Ragnarsdóttur fréttamanni á staðnum.

Þroskahjálp berst enn fyrir því að lausn verði fundin fyrir fólk með þroskahömlun sem getur ekki sótt um rafræn skilríki. Verkefnastjóri hjá samtökunum segir málinu lítill áhugi sýndur því um jaðarsettan hóp sé að ræða. Urður Örlygsdóttir talaði við Ingu Björk Margrétar Bjarnadóttur.

Þrjár konur í forystu flokks fólksins á Akureyri stigu fram í dag og ítrekuðu vanlíðan í samskiptum við karlana sem einnig eru í forystu flokksins. Rætt var við þær Málfríði Þórðardóttur, Tinnu Guðmundsdóttur og Hannesínu Scheving

Fiskistofa notast við dróna í leit að ummerkjum um eldislax í vestfirskum ám, eftir að þeir veiddust í Mjólká í Arnarfirði. Sviðsstjóri hjá Fiskistofu segir lítil ummerki um fisk enn sem komið er. Gunnhildur Kjerúlf Birgisdóttir tók saman.

----------------------------------------------------------------------------------

Snjallsímaforrit sem er í smíðum á að hjálpa fólki að æfa sig að tala íslensku í einrúmi. Annar höfundur verkefnisins segist byggja á eigin reynslu, en hún lærði íslensku á unglingsárum. Alexander Kristjánsson talaði við Gamithru Marga.

Þingmenn á norska Stórþinginu hafa í dag setið á skyndifundi til að ræða orkukreppuna í landinu - og að krefja ríkisstjórnina um ný ráð til að lækka orkureikninga heimila og fyrirtækja. Ríkisstjórnin lofaði engu fögru en ætlar að halda áfram að milda áhrifin af stöðugt hækkandi rafmagnsverði. Borgarstjórinn í Osló boðar harðan sparnað á raforku í vetur og er byrjaður að slökkva borgarljósin. Gísli Kristjánsson tók saman.

Danska embættismannakerfið nötraði þann 20. janúar þegar hulunni var svipt af nöfnum fjögurra manna sem sátu í gæsluvarðhaldi fyrir alvarlegan glæp; að ljóstra upp um ríkisleyndarmál. Og það sem meira er, einn þeirra handteknu var enginn annar en sjálfur æðsti yfirmaður leyniþjónustu danska hersins, Lars Findsen. Alexander Kristjánsson tók saman.

Umsjón: Hafdís Helga Helgadóttir

Tæknimaður: Magnús Þorsteinn Magnússon

Meðal um 500 líka, sem fundist hafa í fjöldagröfum við úkraínsku borgina Izyum, eru líkamsleifar fólks sem grafið var með hendur bundnar fyrir aftan bak og jafnvel með snöru um hálsinn. Oddur Þórðarson sagði frá.

Svo gæti farið að opna þurfi fjöldahjálparstöð fyrir flóttamenn ef ekki finnst húsnæði handa þeim öllum. Aðgerðastjóri segir róið öllum árum að því að koma í veg fyrir slíka stöðu. Hólmfríður Dagný Friðjónsdóttir talaði við Gylfa Þór Þorsteinsson.

16 sitja nú í gæsluvarðhaldi vegna innflutnings á fíkniefnum í gegnum flugstöð Leifs Eiríkssonar. Lögreglustjórinn á Suðurnesjum segir að efla þurfi eftirlit með fíkniefnainnflutningi til muna. Gunnhildur Kjerúlf Birgisdóttir talaði við Úlfar Lúðvíksson.

Ferðaþjónusta í Grímsey býr við óvissu vegna útboðs á rekstri ferjunnar sem gengur milli lands og eyjar. Ekki er hægt að bóka ferðir lengra en fram í apríl. Amanda Guðrún Bjarnadóttir talaði við G. Pétur Matthíasson.

-------------------------------------------------------------------------------------

Þörf er á fjölbreyttum lausnum til að efla íslenskukennslu fyrir útlendinga, segir framkvæmdastjóri Samtaka atvinnulífsins. Hann er ekki sannfærður um ágæti þess að setja íslenskukennslu á vinnutíma inn í kjarasamninga heldur treystir fremur á nýsköpun og segir máltækni tilvalinn vettvang fyrir frumkvöðla. Það sé verkefni alls samfélagsins að tryggja að fólk sem flytur til landsins geti aðlagast samfélaginu. Alexander Kristjánsson talaði við Halldór Benjamín Þorbergsson.

Psilocybin, virka efnið í ofskynjunarsveppum, gæti staðið fólki með meðferðarþrátt þunglyndi til boða innan örfárra ára. Þetta segir prófessor í geðlækningum. Fjöldi rannsókna gefur tilefni til að binda vonir við virkni þess gegn meðferðarþráu þunglyndi. Það er þunglyndi sem svarar illa meðferð. Talið er að 15-30 prósent þeirra sem glíma við þunglyndi svari illa meðferð. Hafdís Helga Helgadóttir tók saman og ræddi við Engilbert Sigurðsson, prófessor í geðlækningum, og Árný Jóhannesdóttur, sérnámslæknir í geðlækningum,

Kona sem dvaldi á meðferðarheimilinu Laugalandi á unglingsárum segir að komið hafi verið fram við sig eins og úrhrak. Enn vanti viðurkenningu á því líkamlega ofbeldi sem átti sér stað. Óðinn Svan Óðinsson ræddi við Dagnýju Rut Magnúsdóttur.

Ragnar Þór Ingólfsson formaður VR býður sig fram sem forseti Alþýðusambandsins. Hann segist vilja binda enda á átök innan verkalýðshreyfingarinnar. Brynjólfur Þór Guðmundsson tók saman.

Þingmenn Samfylkingarinnar, Pírata og Viðreisnar hafa lagt fram þingsályktunartillögu um að boðað verði til þjóðaratkvæðagreiðslu um áframhald aðildarviðræðna við Evrópusambandið. Hafdís Helga Helgadóttir ræddi við Loga Einarsson, formann Samfylkingarinnar, sem er fyrsti flutningsmaður.

Rússlandsforseti segist skilja áhyggjur af stöðu mála í Úkraínu. Viðurkenningin er óvænt en hún kemur í kjölfar slæms gengis Rússa í Úkraínu síðustu daga. Gunnhildur Kjerúlf Birgisdóttir tók saman.

Fyrsta skóflustungan að nýju hjúkrunarheimili á Höfn í Hornafirði verður tekin eftir helgi. Heimilið á að verða tilbúið innan tveggja ára. Rúnar Snær Reynisson ræddi við Sigurjón Andrésson bæjarstjóra í Hornafirði.

Ný ríkisstjórn kann að taka við völdum í Svíþjóð fyrir lok þessa mánaðar. Stjórnarmyndunarviðræður hægriflokka eru hafnar, en þingmeirihluti þeirra er naumur. Kári Gylfason talar frá Gautaborg.

Sonja Ýr Þorbergsdóttir, formaður BSRB, kallar eftir raunverulegum aðgerðum til að styrkja ólíka hópa, til dæmis í gegnum barnabætur. Ekki sé orðið við því í nýju fjárlagafrumvarpi sem er til umfjöllunar á Alþingi í dag. Hólmfríður Dagný Jónsdóttir talaði við hana.

Heimir Freyr Hlöðversson, íbúi í nýrri Vogabyggð, segir íbúa orðna langþreytta á aðgerðaleysi Reykjavíkurborgar í tengslum við framkvæmdir á Sæbraut. Börn sem sækja skóla hinum megin við Sæbraut þurfa á hverjum degi að fara yfir umferðarþunga götuna og oft skapast þar hætta. Gunnhildur Kjerúlf Birgisdóttir talaði við hann.

Umsjónarmaður: Alexander Kristjánsson

Tæknimaður: Magnús Þorsteinn Magnússon

Stjórn útsendingar: Margrét Júlía Ingimarsdóttir

Börn á meðferðarheimilinu Laugalandi í Eyjafirði voru beitt andlegu og líkamlegu ofbeldi, að því er fram kemur í nýrri skýrslu. Í viðtölum sögðust fjölmörg börn hafa upplifað óttastjórnun, harðræði og niðurbrot.

Ekki hafa færri kórónuveirutilfelli greinst á heimsvísu frá í mars 2020. Forstjóri Alþjóðaheilbrigðismálastofnunarinnar segir endalok faraldursins í sjónmáli. Pétur Magnússon tók saman.

Magdalena Andersson forsætisráðherra Svíþjóðar hefur viðurkennt ósigur eftir þingkosningar um helgina. Hún boðaði afsögn sína á blaðamannafundi síðdegis. Fylking hægri flokka á nú í stjórnarmyndunarviðræðum. Ásrún Brynja Ingvarsdóttir sagði frá.

Stjórn Dýraverndarsambands Íslands styður aukið eftirlit með hvalveiðum. Stjórnarmaður í sambandinu segir mikilvægt að gögn sem fáist með eftirlitinu verði gerð opinber. Gunnhildur Kjerúlf Birgisdóttir talaði við Sigurstein Másson, stjórnarmann í Dýraverndarsambandinu.

Starf alþjóðlegu mannúðarsamtakanna Læknar án landamæra er ekki algjörlega áhættulaust en reynslan sem fæst engu lík, segir Helena Jónsdóttir starfsmaður samtakanna. Amanda Guðrún Bjarnadóttir tók saman.

Um 200 heilbrigðisstofnanir og yfir 1.400 sérfræðingar í heilbrigðismálum hafa undirritað áskorun á ríki heims um að gera bindandi samkomulag um að draga úr notkun jarðefnaeldsneytis. Þeir segja mannkynið verða að velja á milli heilsunnar eða jarðefnaeldsneytis. Róbert Jóhannsson sagði frá.

Fasteignamarkaðurinn er að stillast og íbúðum í sölu að fjölga, en þörf fyrir íbúðarhúsnæði er mikil og ekki útlit fyrir að úr henni dragi segir aðalhagfræðingur Íslandsbanka. Anna Kristín Jónsdóttir ræddi við Jón Bjarka Bentsson, aðalhagfræðing Íslandsbanka.

Evrópusambandið ætlar að skattleggja arðgreiðslur orkufyrirtækja og nota peninginn til að lækka svimandi orkureikninga heimila og fyrirtækja. Orkuverð í Evrópu hefur rokið upp eftir að Rússar takmörkuðu gassölu til álfunnar. Á sama tíma skila orkufyrirtæki methagnaði. Alexander Kristjánsson sagði frá.

Mikilvægt er að huga að heilbrigðisstarfsfólki þegar alvarleg atvik koma upp í heilbrigðisþjónustu, segir formaður fagráðs Landspítala. Fagráð Landspítala stóð fyrir málþingi um alvarleg atvik í heilbrigðisþjónustu í dag. Kristín Sigurðardóttir ræddi við Mörtu Jóns Hjördísardóttur, formann fagráðs Landspítala.

Umsjónarmaður: Alexander Kristjánsson.

Tæknimaður: Magnús Þorsteinn Magnússon

Stjórn útsendingar: Margrét Júlía Ingimarsdóttir

Með sameiginlegu átaki ríkis og sveitarfélaga á að byggja 20 þúsund íbúðir á næstu fimm árum. Sunna Karen Sigurþórsdóttir sagði frá og talaði við Elmar Þór Erlendsson, teymisstjóri hjá Húsnæðis- og mannvirkjastofnun.

Stjórn Flokks fólksins ræðir í kvöld um ásakanir um að flokkskonur hafi sætt áreitni og lítilsvirðingu af hendi forystukarla flokksins á Akureyri. Kristín Sigurðardóttir er við safnaðarheimili Grafarvogskirkju þar sem fundurinn er haldinn.

Hrakfarir Rússa í Úkraínu síðustu daga kynda undir ólgu í rússnesku samfélagi segir Jón Ólafsson, sérfræðingur í málefnum Rússlands og prófessor við Háskóla Íslands. Hverfisráð í Pétursborg og Moskvu hafa hvatt Vladimir Pútin Rússlandsforseta til afsagnar. Ingibjörg Sara Guðmundsdóttir tók saman.

Lagt er til í nýju fjárlagafrumvarpi að framlög til Kvikmyndamiðstöðvar Íslands og Kvikmyndasjóðs lækki um nærri þriðjung. Laufey Guðjónsdóttir, forstöðumaður Kvikmyndamiðstöðvar segir að frumvarpið eigi vissulega eftir að taka miklum breytingum - en er þó brugðið. Oddur Þórðarson talaði við hana.

Guðni Th. Jóhannesson forseti Íslands segir að það hljóti að vera meginmarkmið alþingismanna að bæta hag og heilsu fólksins í landinu. Það hljóti að einkenna gott og öflugt þing. Forsetinn setti Alþingi formlega í dag. Jóhanna Vigdís Hjaltadóttir tók saman.

Rannsókn á sjálfsáningu stafafuru á Norðurlandi sýnir að hún dreifir sér á tvöfalt stærra svæði en henni var upphaflega sáð á. Brynjólfur Brynjólfsosn, rannsakandi hefur ekki áhyggjur af yfirgangi stafafuru en mikilvægt sé að fylgjast með útbreiðslunni. Amanda Guðrún Bjarnadóttir talaði við hann.

Edda Björgvinsdóttir leikkona fagnar sjötíu árum í dag. Hún segir hápunkt ferils síns vera að enda sjötug á samningi hjá Þjóðleikhúsinu. Urður Örlygsdóttir talaði við Eddu í Þjóðleikhúsinu þar sem hún var við æfingar.

Umsjón: Anna Kristín Jónsdóttir. Tæknimaður: Jón Þór Helgason. Stjórn útsendingar fréttahluta: Valgerður Þorsteinsdóttir.

-----------------

Áfengisgjöld hækka um 7,8 prósent um áramót og í fríhöfninni margfaldast þau. Áætlað er að áfengisgjöld skili 25 milljörðum í ríkissjóð á næsta ári. Bruggarar segja að yfirvöld virðist líta á greinina sem mjólkurkú. Alexander Kristjánsson tók saman og ræddi við Laufeyju Sif Lárusdóttur formann Samtaka handverksbrugghúsa og Þórólf Matthíasson prófessor í hagfræði við Háskóla Íslands.

Ástandið í orkumálum Evrópu er ólíkt því sem áður hefur þekkst og mikil óvissa um framhaldið segir Halla Hrund Logadóttir orkumálastjóri. Margt velti á því hvernig stríði Rússa og

Skatttekjur aukast og útgjöld til heilbrigðis- og félagsmála einnig, en halli á ríkissjóði verður 89 milljarðar á næsta ári samkvæmt fjárlagafrumvarpi. Magnús Geir Eyjólfsson tók saman.

Leiðtogar hægri flokkanna í Svíþjóð hafa rætt um myndun ríkisstjórnar í dag. Formaður Moderaterna kysi helst stjórn eigin flokks og kristilegra demókrata. Frjálslyndi flokkurinn og Svíþjóðardemókratar vilja í stjórn en frjálslyndir vilja ekki starfa með þeim síðarnefndu. Hallgrímur Indriðason fréttamaður er í Malmö.

Ragnar Sigurðsson, oddviti sjálfstæðismanna í Fjarðabyggð fagnar því að innviðaráðuneytið meti nú hvort taka þurfi til sérstakrar skoðunar samþykkt ráðningarsamnings við bæjarstjóra Framsóknar og Fjarðalista. Bæjarfulltrúi sem var ráðinn tók þátt í að samþykkja eigin ráðningarsamning. Meirihlutinn telur lög heimila slíkt. Rúnar Snær Reynisson sagði frá og talaði við Ragnar.

Konunglegu garðarnir í Lundúnum hafa beðið syrgjendur um að koma ekki með fleiri Paddington-birni og marmelaðisamlokur til að minnast Elísabetar Englandsdrottningar. Ingibjörg Sara Guðmundsdóttir sagði frá.

------------

Takmörkuð íslenskukunnátta heldur aftur af fólki á vinnumarkaði, Sarah Al Barghouti segir sérfræðingur hjá ráðgjafastofu innflytjenda sem fluttist til landsins fyrir tveimur árum. Mörgum reynist erfitt að koma íslenskunámi að vegna anna, og Eiríkur Rögnvaldsson, íslenskuprófessor vill að námið verði fléttað inn í vinnu. Nichole Leigh Mosty formaður Samtaka kvenna af erlendum uppruna segir að vel hafi tekist til í heilbrigðisgeiranum; þar fái fólk kennsku á vinnutíma. Alexander Kristjánsson tók saman.

Alþingi kemur saman á morgun og eitt af stóru verkefnum haustsins nú sem endra nær er umfjöllun um fjárlögin, sem kynnt voru í dag. Anna Kristín Jónsdóttir ræðir við Bjarkeyju Olsen Gunnarsdóttur (V) formann fjárlaganefndar og Kristrúnu Frostadóttur (S) sem líka situr í fjárlaganefnd.

Umsjón: Anna Kristín Jónsdóttir. Tæknimaður: Jón Þór Helgason. Stjórn útsendingar fréttahluta: Valgerður Þorsteinsdóttir.