Fyrir fjórum árum bjuggu rúmlega 1.000 manns í óskráðum íbúðum á höfuðborgarsvæðinu. Á næstu mánuðum á að kortleggja hve margir búa nú í atvinnuhúsnæði og huga að brunavörnum.

Sóttvarnalæknir segir ekki annað mögulegt en að herða sóttvarnaaðgerðir ef fram heldur sem horfir og ástandið á Landspítalanum heldur áfram að þyngjast.

Flestir, eða tæp áttatíu prósent, vilja að Framsóknarflokkurinn verði í næstu ríkisstjórn, samkvæmt Þjóðarpúlsi Gallup. Þar á eftir koma Vinstri græn og Sjálfstæðisflokkur.

Tveggja daga réttarhöld standa yfir í Bretlandi þar sem bandarísk stjórnvöld reyna enn að fá Julian Assange framseldan. Vestra á hann ævilangt fangelsi yfir höfði sér.

Bresku fjárlögin voru lögð fram í dag, í anda bjartsýni ríkisstjórnarinnar, en vaxandi verðbólga gæti sett strik í þjóðhagsreikninga næstu missera.

Næstu mánuðina á að kortleggja hve margir búa og hvar í atvinnuhúsnæði í borginni. Gengið verður í hús í iðnaðarhverfum og rætt við íbúa um brunavarnir og félagslegar aðstæður þeirra. Slökkviliðið á höfuðborgarsvæðinu leiðir verkefnið í samstarfi við sveitarfélögin og Alþýðusamband Íslands. Anna Kristín Jónsdóttir talar við Aleksöndru Leonardsdóttur og Jón Viðar Matthíasson.

Að jafnaði hafa landsmenn skráð sig 430 þúsund sinnum á mánuði inn á Heilsuveru á þessu ári. Notendur í ár eru um 250 þúsund, mikill meirihluti landsmanna. Heilsuveru-vefurinn hefur komið í veg fyrir að símkerfi Heilsugæslunnar færi á hliðina í faraldrinum, segir Auður Harðardóttir verkefniastjóri rafrænna heilsbrigðislausna hjá Landlæknisembættinu. Stafræn heilbrigðisþjónusta sé framtíðin og að aukin þjónusta sé í bígerð í Heilsuveru. Ragnhildur Thorlacius ræðir við Auði Harðardóttur.

Bresku fjárlögin sem voru lögð fram í dag, lofa meiri útgjöldum í opinbera þjónustu sem á að fjármagna með skattahækkunum. Rishi Sunak fjármálaráðherra heldur þó fast í fyrri loforð um að minnka ríkisumsvif og lækka skatta síðar á kjörtímabilinu. En á tímum vaxandi verðbólgu og minni hagvaxtar á næstu árum gæti raunin þó orðið önnur en loforð fjármálaráðherra benda til. Sigrún Davíðsdóttir segir frá.

Fimm sjúklingar á hjartadeild Landspítalans hafa greinst með kórónuveiruna og smitsjúkdómadeild hans er aftur orðin COVID-deild. Már Kristjánsson, yfirlæknir og formaður farsóttarnefndar segir faraldurinn í vexti. Haukur Holm talaði við hann.

Öryggisráð Sameinuðu þjóðanna kemur saman í dag til að ræða ástandið í Súdan eftir að her landsins tók völdin í sínar hendur í gær. Aðgerðirnar hafa verið fordæmdar víða um heim. Ásgeir Tómasson sagði frá.

Lögreglu bárust um átta hundruð tilkynningar um heimilisofbeldi fyrstu níu mánuði ársins og hefur þeim fjölgað mjög. Eygló Harðardóttir í aðgerðateymi lögreglu segir skipta mikil að fólk hafi greiðan aðgang að þjónustu eftir fjölbreyttum leiðum. Dagný Hulda Erlendsdóttir ræddi við Eygló.

Eldsneytisverð hefur hækkað um hátt í 40 prósent á síðustu 18 mánuðum. Bensínlítrinn víða um land er kominn yfir 270 krónur en er 40 krónum ódýrari á völdum stöðvum á höfuðborgarsvæðinu. Hinrik Örn Bjarnason, framkvæmdastjóri N1 segir að brugðist sé við markaðsaðstæðum. Kristján Sigurjónsson ræddi við hann.

Gunnar Sigurðsson, framkvæmdastjóri Sementsverksmiðjunnar, segir líklegt að vöntun á sementi hér megi rekja til raskana á framleiðslu og flutningum vegna heimsfaraldurs. Ólöf Rún Erlendsdóttir ræddi við hann.

---

Það hefur ekki farið fram hjá bifreiðareigendum sem aka á bensín-, dísil- eða tvinnbílum, og komið verulega við pyngjuna, að eldsneytisverð hefur hækkað hratt á undanförnum vikum og mánuðum.Kristján Sigurjónsson ræddi í dag við Hinrik Örn Bjarnason framkvæmdastjóra N1 og Runólf Ólafsson framkvæmdastjóra Félags íslenskra bifreiðareigenda.

Hvaða máli skiptir bakgrunnur nemenda þegar kemur að vali á framhaldsskóla. Hvaða breytur skipta mestu um það hvert þeir fara og hafa allir frjálst val? Guðrún Ragnarsdóttir dósent á Menntavísindasviði Háskóla segir að rannsókn hennar og tveggja kollega sýni að nemendahópar skólanna séu mjög lagskiptir og áberandi að börn efnameiri foreldra séu frekar í hinum hefðubundnu bóknámsskólum sem hvað mest sókn er í. Anna Kristín Jónsdóttir ræddi við Guðrún.

Lekaefni frá Facebook sýnir að stjórnendur þar eru meðvitaðir um samþjöppun öfga- og hatursefnis. En netlöggjöf er víða hitamál. Sigrún Davíðsdóttir sagði frá.

Umsjónarmaður: Anna Kristín Jónsdóttir. Tæknimaður: Jón Þór Helgason. Stjórn útsendingar fréttahlutans. Björg Guðlaugsdóttir.

Spegillinn 25. okt. 2021

Umsjón: Kristján Sigurjónsson

Tæknimaður: Mark Eldred

Alþingi verður ekki sett fyrr en undirbúningskjörbréfanefnd hefur lokið störfum segir forsætisráðherra. Afar ólíklegt er að ný ríkisstjórn og nýr stjórnarsáttmáli verði kynnt fyrir þann tíma.

Yfir helmingur Íslendinga, sextíu ára og eldri, hefur þegið örvunarskammt vegna COVID-19.

Þrír féllu og tugir særðust þegar hermenn skutu á hóp fólks í höfuðborg Súdans. Þúsundir söfnuðust saman til að mótmæla valdaráni hersins.

Nýtt rakningarforrit hefur verið sett upp í Háskóla Íslands sérstaklega ætlað nemendum og starfsfólki skólans.

Traust Íslendinga til heilbrigðiskerfisins og getu þess til að takast á við hnattrænar heilbrigðisógnir hefur aukist eftir heimsfaraldur kórónuveirunnar. Þetta kemur fram í nýrri rannsókn Geirs Gunnlaugssonar, fyrrverandi landlæknis.

Tvö þúsund manns frá rúmlega 100 löndum deila þekkingu sinni á jarðvarma á Heimsþingi Alþjóða jarðhitasambandsins sem hófst í Hörpu í dag.

Um fimmtungur þeirra erinda og greina sem kynnt eru á stórri alþjóðlegri jarðhitaráðstefnu í Reykjavík er afrakstur nemenda sem útskrifast hafa úr Jarðahitaskóla Sameinuðu þjóðanna hér á landi.

Lengri umfjöllun:

Hann virtist fullkomlega yfirvegaður þegar hann þurrkaði blekið af fingurgómunum - Otoniel alræmdur kólumbískur fíkniefnabarón sem nú hefur verið handtekinn. Hann fylgdi fyrirmælum lögregluljósmyndarans, tók niður grímuna, horfði beint fram, sneri sér svo á hægri hlið og næst á þá vinstri. Setti hendurnar því næst samvinnuþýður aftur fyrir bak og beið þess að vera handjárnaður. Enda sjálfsagt búist lengi við því. Otoniel sem heitir í raun Dairo Antonio Usuga, er nýorðinn fimmtugur, snoðklipptur, með há kollvik og dálitla velmegunar bumbu. Hann var klæddur svörtum stuttermabol, svörtum buxum og hnéháum svörtum gúmmístígvélum þegar tveir lögreglumenn leiddu hann út úr flugvél lögreglunnar á vellinum í Bogota, og sýndu gripinn fjölmiðlafólki og örfáum her- og lögreglumönnum. Ragnhildur Thorlacius segir frá.

Verzlunarskóli Íslands ætlar að gæta að kynjahlutföllum við innritun nemenda. Þar hefur hingað til verið horft til einkunna úr grunnskóla og þær umreiknaðar í stigafjölda. Þess er nú einnig gætt að hlutfall kyns fari ekki yfir 60% innritaðra nemenda. Stúlkur hafa verið í miklum meirihluta nýnema í Verzlunarskólanum undanfarin ár og hlutfall þeirra hærra en í umsóknun þar sem skiptingin hefur verið 60% stúlkur en 40% drengir. Einkunnir stúlkna hafa verið hærri en drengjannna og þær því frekar teknar inn. Segir í umfjöllun á v

Frambjóðendur sem ekki hrepptu þingsæti eftir endurtalningu í Norðvesturkjördæmi vilja ýmist að kosið verði aftur á landsvísu eða að fyrri talning í kjördæminu standi. Frambjóðandi sem kærði til lögreglu vill ekki munnhöggvast við formann yfirkjörstjórna í NV. Anna Lilja Þórisdóttir ræddi við Karl Gauta Hjaltason (M) og Lenyu Rún Taha Karim (P).

Á níunda þúsund störf voru laus á þriðja ársfjórðungi og það segir Unnur Sverrisdóttir forstjóri Vinnumálastofnunar merki um bata. Drífa Snædal, forseti Alþýðusambandsins segir að stór hópur þurfi enn aukinn stuðning. Markús Þór Þórhallsson tók saman.

Sjúkratryggingar Íslands hafa ákveðið að endurskoða ákvarðanir sem tengjast bótagreiðslum úr sjúklinga- og slysatryggingum vegna miska eða læknisfræðilegra örorku síðustu fjögur árin. Höskuldur Kári Schram ræddi við Maríu Heimisdóttur, forstjóra Sjúkratrygginga.

Afar ólíklegt er að aðeins púðurskot hafi verið í byssu sem bandaríski leikarinn Alec Baldwin hleypti af með þeim afleiðingum að kvikmyndatökumaður lést. Þetta segir Ármann Áki Jónsson formaður Skotvíss, Kristín Sigurðardóttir talaði við hann.

Það verður mikið rokkað á Akureyri um helgina á tónlistarhátíðinni Eyrarrokki en þar spila meðal annars hljómsveitir sem hafa ekki heyrst í mörg ár. Ágúst Ólafsson hitti Rögnvald Braga Rögnvaldsson, einn þeirra sem standa fyrir Eyrarrokki.

-----

Líklegast er að kjörbréfin sem Landskjörstjórn gaf út eftir alþingiskosningarnar verði látin standa segir Eiríkur Bergmann, prófessor í stjórnmálafræði; lagalega gangi að kjósa aftur í einu kjördæmi - en ekki pólitískt. Anna Kristín Jónsdóttir talaði við hann.

Innan tíðar gæti tekið nokkrar sekúndur að fá skjölum þinglýst, til að mynda vegna fasteignakaupa. Nú getur það tekið langan tíma. Andri Heiðar Kristinsson framkvæmdastjóri Stafræns Íslands segir að ferlið sé eins öruggt og mögulegt er og öruggara en gamla pappírsvinnan. Ragnhildur Thorlacius ræddi við hann.

Umsjón: Anna Kristín Jónsdóttir. Tæknimaður: Mark Eldred. Stjórn útsendingar fréttahluta: Ingibjörg Sara Guðmundsdóttir.

Umhverfisráðherra vísar á bug að Ísland leggi ekki fram framtíðarsýn á loftslagsráðstefnu Sameinuðu þjóðanna í Glasgow. Framtíðarsýninni verði skilað áður en ráðstefnan hefst í næstu viku. Tíma taki að vinna sviðsmyndir um hvernig Ísland eigi að ná markmiðum sínum í loftslagsmálum.

Lögreglustjórinn á Vesturlandi leitaði ráða hjá embætti ríkissaksóknara í tengslum við rannsókn embættisins á brotum yfirkjörstjórnar Norðvesturkjördæmis á kosningalögum.

Á annað hundrað þúsund heimili eru án rafmagns í Frakklandi eftir að óveðurslægðin Áróra fór þar yfir í nótt. Áætlunarferðir járnbrautarlesta fóru úr skorðum í óveðrinu.

Um 50-60 hafa smitast af Covid-19 að jafnaði á dag í þessum mánuði. Sviðsstjóri Skóla- og frístundasviðs Reykjavíkurborgar segir skólakerfið á flóknasta staðnum í faraldrinum til þessa.

Það eina sem virðist ljóst ef stjórnarflokkarnir ná saman um nýja stjórnarsáttmála er að Katrín Jakobsdóttir verður áfram forsætisráðherra. Leiðtogar flokkanna halda spilunum þétt að sér. Þyngsta og erfiðasta málið sem þeir ræða eru líklega loftslag- og orkumál. Um helgina verða liðnar fjórar vikur frá því að formennirnir settust niður til að freista þess að ná samkomulagi um áframhaldandi stjórnarsamstarf. Arnar Páll Hauksson segir frá.

75% landsmanna eru fullbólusett við COVID-19 og af tólf ára og eldri er hlutfallið farið að nálgast 90%. Um 560 þúsund skömmtum af bóluefnum hefur verið sprautað í landsmenn þegar allt leggst saman, efnum frá Pfizer, Moderna, AstraZeneca og Janssen. Fljótt á litið var samið um kaup á um tólfhundruð og fimmtíu þúsund skömmtum af bóluefnum fyrir grunnbólusetning og þeir skammtar duga til að bólusetja rúmlega sex hundruð þúsund manns. Nú er unnið að því í heilbrigðisráðuneytinu að koma umfram skömmtum þangað sem þeirra er þörf. Anna Kristín Jónsdóttir ræddi við Bjarna Sigurðsson lyfjafræðing.

Rafmagn hefur verið dýrara í Noregi í haust en nokkru sinni áður í sögunni. Talað er um allt að tíföldun á verði frá í fyrra. Og verðið sveiflast svo mikið að venjulegt fólk sundlar að sögn við að horfa á rafmagnsmælana. Gísli Kristjánsson útskýrir hvað er að gerast hjá frændum okkar austan Atlantsála.

Starfsfólk Hótels Borgarness sagði í vitnaskýrslu hjá lögreglu að það hefði aldrei átt við kjörgögn úr alþingiskosningunum í Norðvesturkjördæmi. Eini umgangurinn sem sést við talningarsalinn eftir að yfirkjörstjórn er farin eru starfsmenn hótelsins að ganga frá.

Karl Gauti Hjaltason, sem kærði endurtalningu atkvæða í Norðvesturkjördæmi til lögreglu, segir að ákvörðun um að sekta yfirkjörstjórnina staðfesti að fyrsta talningin eigi að gilda.

Allt starfsfólk New York borgar verður að láta bólusetja sig að fullu gegn kórónuveirunni á næstu dögum. Ella verður það sent heim án launa.

Miðstjórn ASÍ varar við sölu á Mílu og krefst þess að stjórnvöld grípi til aðgerða til að tryggja almannahagsmuni.

Jón Hjartarson hlaut í dag Bókmenntaverðlaun Tómasar Guðmundssonar fyrir ljóðabókina Troðningar.

---

Karl Gauti Hjaltason, sem kærði endurtalningu atkvæða í Norðvesturkjördæmi, segir að ákvörðun lögreglustjórans á Vesturlandi að bjóða kjörstjórnarmönnum að greiða sekt staðfesti að fyrri talningin eigi að standa. Frambjóðandi Pírata sem ekki náði kjöri segir að staðan í málinu kalli á að uppkosning fari fram í kjördæminu. Svo virðist sem kjörstjórnarmenn ætli ekki að þiggja boð um að greiða sekt. Það gæti varðað 12 daga fangelsi. Arnar Páll Hauksson talar við Karl Gauta Hjaltason og Davíð Norðdhal.

Öllum þjóðum var boðið að skila og kynna sína framtíðarsýn í loftslagsmálum fyrir loftslagsráðstefnuna í Glasgow. Íslensk stjórnvöld hafa ekki gert það og skila því auðu, sem eru mikil vonbrigði að sögn Halldórs Þorgeirssonar formanns Loftslagsráðs. Ragnhildur Thorlacius talaði við Halldór.

Eftir að vera í fararbroddi í að bólusetja gegn Covid-19 hafa Bretar nú tapað þeirri forystu. Ensk heilbrigðisyfirvöld felldu niður varnir í sumar, aðrir landshlutar hafa farið sér hægar. Vonir um að víðtæk bólusetning myndi ein og sér ráða niðurlögum veirufaraldursins hafa ekki gengið eftir. Nýjum tilfellum fjölgar mjög, nýtt breskt Delta-afbrigði komið upp. Vetrarhorfurnar eru því heldur kvíðvænlegar þó vísindamenn búist ekki að það verði þörf á lokunum líkt og í fyrravetur. Sigrún Davíðsdóttir sagði frá.

Þórólfur Guðnason, sóttvarnalæknir segir til skoðunar að slaka á reglum um sóttkví á næstunni, en segist vera eins og hrópandinn í eyðimörkinni boðandi að baráttunni við farsóttina sé ekki lokið

Bjarni Benediktsson, fjármálaráðherra segir að ástand á bráðamóttöku Landspítalans tengist ekki COVID-19 - hann sjái ekkert ástand á spítalanum sjálfum. Hómfríður Dagný Friðjónsdóttir ræddi við Bjarna. Markús Þórhallsson tók saman.

Fundi undirbúningsnefndar fyrir rannsókn kjörbréfa í Borgarnesi var að ljúka. Í morgun fylgdust nefndarmenn með þegar ónotaðir kjörseðlar voru taldir á lögreglustöðinni og stemmdi sú talning við kjörgögn. Elsa María Guðlaugs- Drífudóttir fréttamaður hefur fylgst með fundinum.

Stjórnvöld í Rússlandi leggja til að landsmenn verði sendir í átta daga frí til að draga úr fjölda kórónuveirusmita. Yfir eitt þúsund Rússar létust í gær af völdum COVID-19. Ásgeir Tómasson sagði frá.

Samkomulag sem utanríkisráðherra gerði við bresk stjórnvöld í sumar eykur möguleika íslenskra námsmanna á að fá styrki til náms þar í landi. Markús Þórhallsson sagði frá.

Heiðdís Austfjörð hárgreiðslumeistari fagnar því að grímuskyldan verði afnumin með breyttum sóttvarnareglum. Óðinn Svan Óðinsson talaði við hana.

----

Hafið er kapphlaup á milli þjóða um hverjir verða fremstir í lágkolefnis- og kolefnishlutlausu hagkerfi framtíðarinnar: Það er eina hagkerfið sem er í boði, segir Halldór Þorgeirsson, formaður Loftslagsráðs. Loftslagsráðstefna Sameinuðu þjóðanna hefst um mánaðamótin í Skotlandi. Ragnhildur Thorlacius ræddi við hann.

Vaxandi ógn frá Rússlandi hefur leitt til stóraukinna útgjalda til varnarmála í Noregi og Svíþjóð. Rússnesk herskip héldu sig innan tvöhundruð mílna markanna við Ísland um níu daga skeið í sumar. Ingólfur Bjarni Sigfússon tók saman ræddi við Guðlaug Þór Þórðarson, utanríkisráðherra og Katarzynu Zysk sérfræðing í alþjoðamálum.

Margt bendir til þess að falskt öryggi felist í því að taka símtal í gegnum handfrjálsan búnað eða hljóðkerfi bílsins á meðan setið er undir stýri. Einbeitingin við aksturinn er jafnfjarri og ef símtæki er haldið upp að eyranu segir Gunnar Geir Gunnarsson deildarstjóri hjá samgöngustofu við Kristján Sigurjónsson.

Umsjónarmaður: Anna Kristín Jónsdóttir. Tæknimaður: Jón Þór Helgason. Stjórn útsendingar frétttahluta: Ingibjörg Sara Guðmundsdóttir.

Ef færa þarf Landspítalann af óvissustigi yfir á hættustig verður að draga úr starfsemi og valkvæðum aðgerðum. Tilkynnt var í dag um fjölgun rýma á Landakoti til að létta undir með Landspítalanum. Kristín Sigurðardóttir sagði frá og ræddi við Þórólf Guðnason, sóttvarnalækni.

Um og yfir 30 prósent þeirra sem sinna grunnskólakennslu á Vestfjörðum, Austurlandi og Suðurnesjum eru án kennsluréttinda. segir Þorgerður Laufey Diðriksdóttir, formaður Félags grunnskólakennara.

Tölvuþrjótar réðust á póstþjón Háskólans í Reykjavík?í síðustu viku og dulkóðuðu skrár. Ragnhildur Helgadóttir rektor segir ekki koma til greina að verða við kröfum lausnargjald fyrir gögn.

Undirbúningsnefnd fyrir rannsókn kjörbréfa fer í vettvangsferð til Borgarness á morgun, segir Birgir Ármannsson formaður nefndarinnar sem segir að síðar í vikunni verði rætt við kærendur.

Þingmenn á breska þinginu minntust í dag félaga síns Davids Amess, sem var stunginn til bana fyrir helgi. Ásgeir Tómasson sagði frá.

------------

Það er kennaraskortur í grunnskólum landsins, en mismikill eftir landshlutum. Ástæðurnar eru margþættar segir Þorgerður Laufey Diðriksdóttir formaður Félags grunnskólakennara. Kristján Sigurjónsson ræddi við hana.

Kórónuveiran verður hér áfram og faraldurinn gufar ekki upp á meðan fáir eru bólusettir á stórum svæðum. Þó standa vonir til þess að sýkingarmáttur veirunnar dvíni svo hún verði bara ein af þeim veirum sem valda öndunarfærasýkingum segir Magnús Gottfreðsson, prófessor í smitsjúkdómum. Anna Kristín Jónsdóttir ræddi við hann.

Morðið á breska þingmanninum David Amess leiðir athyglina að hörkunni í pólitískri umræðu. Það sést ekki úti í samfélaginu að vináttubönd stjórnmálamanna ganga iðulega þvert á flokkslínurnar. En svívirðingar og gífuryrði á samfélagsmiðlunum vekja ugg. SIgrún Davíðsdóttir tók saman.

Umsjón: Anna Kristín Jónsdóttir. Tæknimaður: Magnús Þorsteinn Magnúson. Stjórn útsendingar fréttahluta: Ingibjörg Sara Guðmundsdóttir

Spegillinn 15.okt 2021

Umsjón: Kristján Sigurjónsson

Tæknimaður: Jón Þór Helgason

Þingmaður breska Íhaldsflokksins var stunginn til bana á stjórnmálafundi í Essex á Englandi í dag. Forsætisráðherra Breta og fyrsti ráðherra skosku heimastjórnarinnar segja að tryggja þurfi betur öryggi þingmanna.

Flokkarnir þrír sem ræða myndun nýrrar sambandsstjórnar í Þýskalandi hafa komist að bráðabirgðasamkomulagi um stjórnarmyndun.

Norska lögreglan rannskar hvers vegna lögreglan í Kongsberg missti ódæðismanninn sem myrti fimm manns á miðvikudagskvöld úr höndum sér áður en hann lét til skarar skíða.

Mjög vel hefur gengið að stýra langflestum ferðamönnum sem lagt hafa leið sína á gosstöðvarnar á Reykjanesskaga frá því gos hófst. Svokallaðir eldfjalladólgar hafa þó gert björgunarsveitarmönnum og lögreglu lífið leitt.

Formaður VR segir stjórnvöld eiga að setja reglur um að leiguverð taki mið af ráðstöfunartekjum. Ekki hafi verið staðið við mikilvæg atriði í lífskjarasamningnum.

Búist er við mikilli úrkomu á Austurlandi í byrjun næstu viku. Uppsöfnuð úrkoma gæti orðið allt að 120 millimetrar og að mati Almannavarna gæti þurft að rýma hús nærri stóra skriðusárinu ofan byggðarinnar á Seyðisfirði.

Flóttamannastofnun Sameinuðu þjóðanna, UNHCR, vill að Norðurlöndin hraði og einfaldi málsmeðferð í málum afganskra flóttamanna sem þegar hafa fengið vernd og vilja fá fjölskyldumeðlimi til sín.

Nýjasti landneminn í lífríki Íslands er hnífskel sem nefnist sindraskel. Skelin er flugbeitt og ílöng og talið er að hún hafi borist hingað til lands með kjölvatni skipa.

Lengri umfjöllun:

Hryðjuverk eða óstjórnlegt æði? Skipulagði Espen Andersen Braaten hryðjuverk í nafni islam eða rann á hann morðæði á miðvikudagskvöldið. Fimm létu þá lífið á Kóngsbergi í Noregi? Af hverju missti lögregan hann úr höndum sér áður en morðin voru framin. Gísli Kristjánsson í Ósló hefur fylgst með framvindunni.

Stýring ferðamanna að eldgosinu á Reykjanesskaga hefur gengið vel segir Jónas Guðmundsson verkefnastjóri í slysavörnum hjá Slysavarnafélaginu Landsbjörg. Hann ræddi í dag árangurinn af stýringunni á ráðstefu Landsbjargar - Slysavarnir 2021 - sem nú stendur yfir í Reykjavík. Talið er að á milli 350 til 400 þúsund manns hafi gengið að gosinu frá því að það hófst þann 19. mars - fyrir tæpum sjö mánuðum. Kristján Sigurjónsson talar við Jónas.

Jöfnun aðstöðumunar milli og innan landshluta er stóra loforð Borisar Johnsons forsætisráðherra Breta. Vandinn er bæði að aðstöðumunurinn er mikill og verður ekki jafnaður á einu kjörtímabili. En líka að það er mjö

Norska öryggislögreglan segist hafa þekkt til mannsins sem varð fimm að bana í bænum Kóngsbergi í gær. Hann hafði áður komist í kast við lögin.

Forsætisráðherra lagði áherslu á mikilvægi alþjóðasamvinnu í baráttunni gegn loftslagsbreytingum og neikvæð áhrif þeirra á norðurslóðir í ávarpi við opnun þings Hringborðs norðurslóða.

Aspir sem gróðursettar voru á framræstu landi reyndust binda svo mikið af gróðurhúsalofttegundum að þær bundu meira en skurðir í landinu losuðu.

Strandabyggð hefur hækkað álagningarprósentur og undirbýr nú frekari aðgerðir til að rétta bága fjárhagsstöðu sína. Sveitarfélagið fékk þrjátíu milljónir aukalega úr jöfnunarsjóði í ár og býst oddviti við að þörf verði á öðru eins á því næsta.

Norðmenn eru hrami slegnir eftir morðin í Kongsberg í gær. Fjórar konur og einn karlmaður voru myrt. Þau voru á aldrinum 50 til 70 ára. Tveir eru særðir. Skotið var að þeim með bogapílum. Þetta gerist á sam tíma og ríkistsjórnarskipti fara fram. Arnar Páll Hauksson talar við Gísla Kristjánsson í Noregi.

Jólavertíðin gæti orðið lin hjá mörgum verslunarmönnum segir Margrét Kristmannsdóttir framkvæmdastjóri Pfaff og stjórnarmaður í Viðskiptaráði. Vöruverð hjá erlendum birgjum hækkar, kostaður við fraktflutninga rýkur upp og hjá mörgum bætist við aukinn birgðakostnaður. Því mega neytendur búast við hækkandi vöruverði. Ragnhildur Thorlacius sagði frá og talaði við Margréti.

Brexit er aftur á dagskrá í Bretlandi. Ófrágengni Brexit kaflinn er sérstök bókun um Norður-Írland í útgöngusamningi Breta við Evrópusambandið. Nauðsynlegur liður til að útganga Breta úr ESB yrði að veruleika í fyrra. Málalyktir, sem Boris Johnson forsætisráðherra þakkaði sér, því hann hefði afrekað, það sem forvera hans Theresu May misheppnaðist. Sigrún Davíðsdóttir sagði frá.