Die DA in Kwa-Zulu Natal oorweeg regsoptrede om die provinsiale regering en United Phosphorus Limited (UPL) te dwing om oop kaarte te speel oor presies watter chemiese stowwe in die omgewing gestort is na die brand by die UPL stoor in Cornubia. Die stoor is tydens die onrus meer as 'n maand gelede deur betogers aan die brand gesteek.  Chemiese middels het in naby gelee waterbronne beland en afgespoel see toe. Die rook het ook inwoners in die gebied se gesondheid aangetas. Die DA Raadslid, Rory Macpherson se die uitslae van die toetse is teruggestuur na Suid-afrika maar niemand lig die publiek in oor die bevindinge nie. Foto: Reuters

Spektrum het vroeër die week met die trekklavier-man, Lukas de Preez gepraat nadat hy minstens 12 hospitale in die Wes-Kaap besoek het, en daar musiek gemaak het vir pasiënte. Hy het landwyd harte gesteel met die musiek wat hy vir sy vrou, Marinda gespeel het toe sy in die hospitaal opgeneem is met Covid-19. Na haar dood het hy besluit om 'n boodskap van hoop deur musiek te bring. Die Cozett-gesin uit Heathfield, Kaapstad, was só aangeraak deur dié gebaar, dat hulle eenvoudig met hom in aanraking moes kom. Irene Cozett se man, Dennis, is 5 jaar terug dood aan kanker, maar het soos Du Preez, gereëld musiek gemaak om hoop te bring. Dit was dus vanselfsprekend dat sy besluit het om haar man se trekklaviere aan Du Preez te gee...

Nadat hy mintens twaalf hospitale in die Wes-Kaap besoek het met sy boodskap van hoop, gaan die trekklavier-man, Lukas du Preez, nou tyd maak vir sy eie helingsproses. Du Preez se vrou, Marinda, is twee weke gelede dood aan Covid-19. Hy het gereeld voor haar hospitaalvenster op sy trekklavier musiek gemaak om haar aan te moedig, en het na haar dood besluit dis die beste manier om hulde te bring aan haar - en diegene wat daagliks omsien na pasiënte wat in 'n Covid-stryd gewikkel is. Sy doel, is om hoop te bring, te midde van die vrees vir Covid-19.