Shirin Duniyar Wasanni na wannan makon tare da Abdurrahman Gambo Ahmad ya tattauna ne kan nasarar da dan Najeriyar nan, Kamaru Usman ya samu a babbar gasar damben zamani da aka gudanar a Amurka. Shugaban Najeriya Muhammadu Buhari ya jinjina wa dan wasan saboda bajintar da ya nuna. Kazalika shirin ya yi nazari kan kalubalen da ke gaban Real Madrid bayan ta lashe kofin La Liga karo na 34 a Spain.

Shirin Duniyar Wasanni na wannan makon tare da Abdurrahman Gambo Ahmad ya yi nazari ne kan cece-kucen da ake yi kan kura-kuran da na'urar VAR ke tafkawa a yayin taimaka wa alkalin wasa yanke hukunci. A baya-bayan nan Hukumar Kwallon Kafar Ingila ta amince cewa, na'urar ta yi kuskure wajen bada bugun fanariti a wasu wasannin da aka yi a makon jiya a gasar firimiyar kasar. Kazalika shirin ya yi fashin-baki kan sabon jadawalin gasar zakarun Turai a matakin kwata-fainal, inda Real Madrid ke fuskantar barazanar rasa gurbi.

Tun bayan shelanta bullar cutar COVID 19 a duniya, hukumomi a Nigeria suka yi ta bijiro da matakai don dakile yaduwar cutar a tsakanin al’umma. Daga cikin matakan da aka dauka har da rufe dukkan makarantun kasar daga matakin firamari zuwa manyan makarantu, matakin da ya yi tasiri kan harakokin wasannin motsa jiki na dalibai a wadanan makarantu.

Abdoulaye Issa a cikin shirin Duniyar wasanni ya duba halin da ake ciki a kasar ta Najeriya.

Bayan dogon hutu da shirin ya tafi sakamakon annobar coronavirus wadda ta tilasta dakatar da ilahirin wasanni a Duniya, to awannan mako shirin ya dawo yadda aka saba jin sa,

A karshen mako aka koma gasar La liga ta kasar Spain, gasa ta biyu mafi girma a nahiyar turai bayan gasar pirimiya, kuma hakan ne yasa shirin na wannan mako zai maida hankali kan dawowar gasar da kuma kalu balen dake tattare da kungiyoyi da kuma su kansu yan wasa, lura da dogon hutun da suka share ba tare da atisaye ba.

Bayan share shekaru bakwai,kasar Japan na shirin karbar bakucin wasannin Olympics na shekarar bana,hukumar CIO dake da nauyin shirya wasannin  ta sanar da dage gasar zuwa shekara ta 2021 sabili da cutar Coronavirus.

Matakin da wasu yan kasar ta Japan suka soma bayyana damuwa,yayinda wasau ke ganin cewa ya dace a dage wannan gangami

Abdoulaye Issa a cikin shirin Duniyar wasanni,ya ji ta baki wasu daga cikin masu ruwa tsaki a Duniyar  wasanni kamar dai yada zaku ji.

Shirin Duniyar Wasanni na wannan lokacin ya duba yadda annobar murar Coronavirus ta haifar da tsaiko kan wasanni daban daban a fadin duniya, gami da jirkita jadawalinsu. Shirin ya tattauna da masana kan makomar sha'anin wasannin muddin aka gaza shawo kan annobar a kasa da watanni 2.

Shirin Duniyar Wasanni na wannan lokacin yayi nazari ne kan yadda annobar murar Coronavirus da ta zamewa duniya alakakai ta hana gudanar wasanni a sassa daban daban.

A ckin shirin 'Duniyar Wasanni' Abdurrahman Gambo Ahmad ya yi nazari kan yadda ake samun matsalar karancin kayayyakin kula da lafiya ko rashin su a filayen wasannin Najeriya.

Shirin Duniyar Wasanni na wannan makon tare da Abdoulaye Issa ya yi nazari ne kan yadda aka yi watsi da wasanni tsakanin daliban makarantu a Najeriya.