Shirin Duniyar Wasanni a wannan karon yayi tsokaci kan yadda fafatawar kungiyoyi za ta kaya a matakin zagayen kwata final, da kuma kungiyoyin da za su yi nasarar kaiwa mataki na gaba.

Shirin na wannan makon da AbduRahman Gambo Ahmad ya jagoranta, ya dora ne akan na makon jiya, wanda yayi nazari kan yadda masu horar da kwallon kafa ke fuskantar kalubale, da kuma yadda matsalar rauni ke kashe yunkurin ‘yan wasa na kafa tarihi a duniyar tamaula.

Shirin ya kuma tuntubi masana kan yadda Barcelona ke lallasa Real Madrid a yanzu.

Shirin Duniyar Wasanni da AbduRahman Gambo Ahmad ya gabatar, yayi nazari kan wasu daga cikin dalilan da ke haddasawa masu horar da kungiyoyin kwallon kafa fuskantar koma baya. Zalika shirin ya yi tsokaci kan matsalar samun raunuka da ke yawaita tsakanin yan wasan kwallon kafa.

Shirin Duniyar Wasanni na wannan lokaci da Abdullahi Isa ya gabatar, yayi tattaki zuwa kasar Mali, inda akayi bikin tarbar tawagar kwallon kafa ta 'yan wasan kasar, 'yan kasa da shekaru 20 da suka lashe gasar cin kofin nahiyar Afrika.

Shirin Duniyar Wasanni na wannan makon tare da Ahmed Abba ya tattauna ne game da nasarar da Mali ta samu wajen lashe Gasar Cin Kofin Afrika ta Matasa 'Yan kasa da Shekaru 20 da aka gudanar a Jamhuriyar Nijar.

Shirin Duniyar Wasanni na wannan makon tare da Abdurrahman Gambo Ahmad ya tattauna ne kan gasar kwallon lambu ko kuma Golf ta 'yan matan kasashen Afrika da aka gudanar a birnin Abuja na Najeriya.

Shirin Duniyar Wasanni na wannan lokaci da Ahmad Abba ya gabatar, ya halarci gasar tseren gudun yada kanin wani da ta gudana birnin Legas.

Karo na hudu kenan da bankin Access da ke Najeriya ke shirya gasar tseren gudun na kilomita 42, wadda ke samun halartar dubban masu tseren gudu daga kasashe da dama.

Shirin Duniyar Wasanni na wannan makon tare da Abdurrahman Gambo Ahmad ya yi tattauna ne kan kasuwar musayar 'yan wasa ta watan Janairu a nahiyar Turai. Masharhanta kan harkokin kwallon kafa sun ce, kasuwar ta bana ba ta yi armashi ba saboda yadda manyan kungiyoyi suka ki sakin zaratan 'yan wasansu sakamakon fargabar abin da zai iya biyo baya.

Shirin Duniyar Wasanni na makon tare da Abdurrahman Gambo Ahmad ya tattauna ne kan gasar firimiyar Najeriya ta sabuwar kaka bayan an kammala kakar da ta gabata a cikin wani irin yanayi da ba a taba gani ba sakamakon rikicin Hukumar Kwallon Kafa ta NFF.

Shirin Duniyar Wasanni na wannan makon tare da Abdurrahman Gambo Ahmad ya tattauna ne kan gwagwarmayar kungiyoyi a gasar firimiyar Ingila ta bana, in da tuni Liverpool ta dare saman teburi da maki 60, abin da ya bai wa magoya bayanta kwarin guiwar cewa, za su lashe kofin gasar a wannan karo bayan shafe tsawon shekaru 29 ba tare da daukan kofin ba. Kazalika kungiyoyi na ci gaba da fafutukar ganin sun kare a matakin 'yan hudun saman teburi, yayin da wasu kuma ke kokarin ganin ba su kammala ba a matakin 'yan dagaji.