Wasanni

Shirin duniyar wasanni tare da Khamis Saleh ya mayar da hankali kan yadda gasar AFCON ke ci gaba da gudana a Ivory Coast, gasar da zuwa yanzu aka kammala zagaye biyu na matakin rukuni.

Gasar ta AFCON a bana ta zo da wani yanayi ta yadda kasashen da ba a tsammanin su iya kai labari ke ci gaba da bayar da mamaki, yayinda wasu manyan kasashe kuma a fagen tamaular nahiyar suka kasa katabus.

Ku latsa alamar sauti don sauraren cikakken shirin..

Shirin "Duniyar Wasanni" a wannan lokaci zayyi duba ne akan yadda aka kammala wasannin farko na matakin rukuni da kuma yadda aka faro na biyu a gasar AFCON da ke gudana a Ivory Coast. An kuma fara wasannin ne da karawar da aka yi tsakanin Equatorial Guinea Guinea-Bissau, inda Equatorial Guinea ta samu nasara akan Guinea-Bissau da ci 4-2.

Sai kuma wasa na biyu da aka yi a rukunin na A tsakanin Najeriya da Ivory Coast mai masaukin baki, kuma kwallo daya mai ban haushi da zura tawagar Super Eagles ta Najeriya ta zura ta hannun William Troost-Ekong ce ta bada nasara a wasan.

Wannan nasara ta farko da Super Eagles ta samu a rukunin A, ta farfado da fatan Najeriya na kai wa zagaye na biyu a gasar lashe kofin Afrika, yayinda ita kuwa Ivory Coast hannun agogo ya koma mata baya.

Ku lastsa alamar sauti don sauraron cikakken shirin tare da Khamis Saleh.......

A ranar asabar da ta gabata ne aka fara gasar lashe kofin nahiyar Afrika wato AFCON da kasar Ivory Coast ke karbar bakunci.

Wannan ne karo na 34 da ake gudanar da wannan gasa, kuma kasashe 24 zasu fafata a matakin rukuni.

Shirin a wannan mako ya mayar da hankali ne ga batun yadda ake korafin rashin amfani da ‘yan wasan gida a tawagar babbar kungiyar kwallon kafa ta Najeriya.

Sabanin a baya, da hukumar kwallon kafa ta Najeriyar, kan shirya wasanni na musamman domin fitar da 'yan wasan da za ta yi amfani da su wajen wakiltar kasar a manyan wasanni.

Kan wannan kalubale ne Khamis Saleh ya tattauna da masana a fannin kwallon kafa.

Shiga alamar sauti domin sauraron cikakken shirin.

A yayin da wakilan kasashen ke kintsawa don zuwa gasar wasannin motsa jiki na Olympic da za a yi a birnin Paris na kasar Faransa a shekara mai zuwa, shirin 'Duniyar Wasanni', ya kawo tarihin gasar, inda ya yada zango a Najeriya, wadda tawagar kwallon kafarta ta 'Dream Team' ta kasance ta farko a nahiyaar Afrika da ta lashe kofin kwallon kafa a gasar Olympiic a shekarar1996.Shirin ya samu damar tattaaunawa da wasu 'yan wasa da jami'ai da aaka dama da su a lokacin.

Shirin "Duniyar Wasanni" a wannan makon yayi duba ne kan yadda akayi karan battar karshe ta gasar Dambe Warriors, inda Dogon Sisco ya kasha Husaini Dan Saudiyya a wasan karshe na kasa da kasa. haka nan an kuma doka wasu wassani daban-daban inda 'yan wasa suka nuna bajintarsu.

Shirin "Duniyar Wasanni" a wannan makon yayi duba ne kan yadda wani dan Arewacin Najeriya Alhaji Abdullahi Miko Nakeli, ya samar da kungiyar kwallon kafa ta Spatters football club a Jahar Lagos yankin Kudancin kasar, da ke baiwa matasa damar samun manyan kungiyoyi a ciki da wajen Najeriya.

Shirin 'Duniyar Wasanni' na wanna makon tare da Khamis Saleh ya maida hankali ne kan gasar kwallon Polo da aka gudanar a jihar Kaduna da ke tarayyar Najeriya, gasar da aka kwashe sama da shekaru 100 ana yi a jihar.

Shirin "Duniyar Wasanni" na wannan makon yayi duba ne kan kyautar Ballan d’Or da aka bayar a makon da ya gabata, inda tauraron kwallon kafar Argentina da a yanzu ke kungiyar Inter Miami a Amurka, Lionel Messi, ya lashe kyautar gwarzon duniya ta Ballon d’Or karo na takwas. A wannan karon dai Erling Haaland ne ya zo na biyu sannan Kylian Mbappe ya zo na uku a bikin ba da kyautar ta Ballon d’Or.

Shirin 'Duniyar Wasanni' na wannan mako tare da Khamis Saleh ya maida hankali ne kan taron da hukumar shirya wasannin kwallon kafa ta Najeriya NFF ta shiya a jijar Kano da ke arewacin Najeriya, a wani mataki na tsaftace alkalancin wasa.