Y Coridor Ansicrwydd

Ar drothwy tymor newydd, mae'n teimlo fel bod y byd pêl-droed wedi ei throi ar ei phen. Pwy feddylia fod llywydd Fifa, Gianni Infantino, yn cynllunio i werthu Cwpan Y Byd? Wel, mae’r ymateb wedi bod yn chwyrn, gyda Chymdeithas Bêl-droed Cymru ar flaen y gad. Testun balchder i’r criw Coridor yn sicr.

Roedd ‘na gychwyn addawol i’r Cymru Premier, sydd ar ei newydd wedd, wrth i’r cefnogwyr heidio i’r gemau agoriadol. Fydd y diddordeb yn parhau tan fisoedd oer y gaeaf, a fydd ‘na glwb yn gallu herio’r Seintiau Newydd erbyn hynny?

Ac wrth i Joe Allen baratoi i gael ei dderbyn i gylch yr Orsedd yn Eisteddfod y Garreg Las, Ows sy’n esbonio’r her o geisio esbonio i’w ffrind a'i wraig beth yn union fydd yn digwydd, a pham, yn ystod y seremoni urddo.

Dylan Griffiths, Owain Tudur Jones a Malcolm Allen sy'n edrych yn ôl ar rownd derfynol y Cwpan y byd, y sioe hanner amser ag yn dewis chwaraewr y twrnament. Mae'r tri hefyd yn ceisio ffeindio ateb i broblemau timau domestig Cymru yn Ewrop.

Heb os, mae 'na ddathlu, ac elfen o ryddhad ymysg y criw, bod Lloegr wedi methu â chyrraedd rownd derfynol Cwpan y Byd. Yr Ariannin aeth a hi yn Atlanta, wrth i'r dewin bach Lionel Messi ddangos ei allu arbennig unwaith eto. Ond mi oedd y Saeson yn agos iawn at ennill - tybed os mai penderfyniadau tactegol y rheolwr Thomas Tuchel oedd ar fai?

A sôn am agos, mae'r ras i ennill gem y broffwydo Cwpan y Byd mor gyffrous ag erioed... gydag enw annisgwyl iawn bellach wedi cyrraedd brig y tabl.

Dylan Griffiths, Owain Tudur Jones a Malcolm Allen sy'n pori dros wythnos o ddigwyddiadau rhyfeddol yng Nghwpan y Byd.

Mae'r tri hefyd yn crynhoi perfformiadau Cymru ym Mhencampwriaeth dan19 Ewrop ac yn ystyried pa fath o reolwr fyddai'n fodlon gweithio o dan Huw Jenkins yng Nghasnewydd.

Fydd Craig Bellamy ddim yn gadael Cymru am Burnley wedi'r cyfan... ddim am y tro beth bynnag. Ar ôl edrych mai mater o amser oedd hi cyn i reolwr Cymri adael am Turf Moor, daeth y trafodaethau i ben yn sydyn, gan adael sawl cwestiwn i'w hateb. Pa effaith fydd yr helynt yn ei gael ar ei berthynas gyda chefnogwyr a chwaraewyr Cymru? Ydi'r Gymdeithas Bêl-droed yn sicr mai Bellamy ydi'r rheolwr cywir i'w harwain at Bencampwriaeth Ewro 2028? Digon i'w drafod!

Sgwrs gyda rheolwr Caernarfon Richard "Fish" Davies wrth i'r Oval baratoi i gynnal gemau Ewropeaidd am y tro cyntaf erioed yn dilyn gwaith adnewyddu gwerth £1.3m. Ac ydi, ac y tro cyntaf yn hanes y stadiwm enwog, mae'r cae yn wastad!

Ond cyn hynny, mae'r criw yn trafod stori fawr yr wythnos wrth i Craig Bellamy gynnal trafodaethau gyda Burnley er mwyn ymuno fel rheolwr. Ar ben hynny, mae Aaron Ramsey wedi cychwyn ei yrfa rheoli wrth ymuno gyda Rhydychen, tra bod Harry Wilson ar fin ymuno gyda'r criw Cymreig yn Leeds.

Ac wrth gwrs, mae yna ddigon i'w drafod wedi wythnos arall o gemau yng Nghwpan y Byd.

Er absenoldeb Cymru yng Ngogledd America, mae 'na gynnwrf mawr ymysg y criw wedi'r wythnos gyntaf o gemau. O hat-tric Messi i sgiliau Olise, mae digwyddiadau ar y cae wedi gorchfygu'r pesimistiaeth a'r amheuon yn arwain at y gystadleuaeth. Dim ond dwy gêm tydi Malcolm heb wylio... ydi'r diffyg cwsg yn dechrau dangos?

Ond cyn hynny, rhown deyrnged i gyn chwarae Cymru a chyn reolwr Abertawe Kenny Jackett, fu farw yn 64 oed. Mae Mal yn cofio ei gymeriad addfwyn fel cyd-chwaraewr, tra bod Ows yn cydnabod ei ddyled enfawr i'r dyn ddangosodd ffydd ynddo drwy agor y drws i mewn i'r gêm broffesiynol - drws o bosib fyddai wedi aros ar gae fel arall.

Ma Dylan, Owain a Malcolm yn edrych nol dros gemau diweddar timau dynion a merched Cymru, ac ar drothwy Cwpan y Byd 2026, ma'r tri yn dewis tim ma nhw am ei gefnogi.

Ar ôl sgorio ei gôl ryngwladol gyntaf yn y gêm gyfeillgar yn erbyn Ghana, ydi'r amser wedi dod i Lewis Koumas hawlio ei le fel prif ymosodwr Cymru? Does gan Craig Bellamy ddim amheuaeth mai dyfodol fel rhif 9 sydd ganddo, ond ydi'r criw yn rhannu'r un farn am chwaraewr sydd fel arfer ar yr asgell? A beth am y perfformiad yn y gêm gyfartal nos Fawrth?

Mae 'na glod mawr haeddiannol i Malcolm ar ôl proffwydo'n gywir wythnos diwethaf bod cyfnod Arne Slot gyda Lerpwl ar fin dod i ben - rhywbeth sydd wedi gwneud Dylan yn ddyn hapus iawn.

A gawn ni hanes perfformiad Owain mewn gêm elusennol yn Abertawe, wrth i glip fideo amlygu gwendid amddiffynnol rhyfeddol.

Dylan Griffiths, Malcolm Allen ac Owain Tudur Jones sy'n ystyried pa opsiynau fydd gan Ben Davies a Harry Wilson i'w hystyried pan ddaw eu cytundebau i ben fis nesaf gyda'u clybiau presenol. Ac mae hi'n ddiwedd cyfnod yn Uwch Gynghrair Lloegr wrth i sawl wyneb cyfarwydd a dylanwadol iawn adael.