Y Coridor Ansicrwydd

Yn y rhan gyntaf, sgwrs gyda'r newyddiadurwr George Rees-Julian sydd wedi bod yng nghanol stori Spygate wrth weithio i'r Southern Daily Echo yn Southampton. Ac yn yr ail ran, hanes taith Ows i gyfarfod Roberto Martinez ym Mhortiwgal, ymateb i eiriau mileinig Mo Salah cyn gadael Lerpwl ac atgofion hoff rowndiau terfynol Cwpan FA Lloegr.

Ydi Southampton wir wedi gyrru aelod o staff i wylio Middlesbrough yn ymarfer cyn gemau ail-gyfle y Bencampwriaeth? Be nesa'? Ac ar ôl i VAR beidio caniatáu gôl hwyr i West Ham yn erbyn Arsenal, mae Malcolm yn cynnig rheolau newydd er mwyn rhoi diwedd i'r holl dynnu a gafael o giciau cornel.

Gawn ni hefyd glywed pa chwaraewyr o bedwar clwb EFL Cymru sydd wedi cael eu dewis gan Dylan, Owain a Malcolm yn Nhîm y Flwyddyn.

Fydd 'na ddim pedwerydd dyrchafiad yn olynol i Wrecsam ond roedd hi'n ddychrynllyd o agos. Dau bwynt oedd y gwahaniaeth rhyngddyn nhw a'r safleoedd ail-gylfe yn y pendraw ar ôl gorffen y tymor gyda gêm gyfartal yn erbyn Middlesbrough ar y Cae Ras. Ond mi gafodd y Dreigiau ddau gyfle mawr i ennill y gêm a chipio'r chweched safle oddi wrth Hull City. Be fydd y rheolwr Phil Parkinson wedi ei ddysgu o'r tymor? Sut all o wella'r garfan? Oes angen iddo fod mwy hyblyg yn ei arddull chwarae?

Emosiynau gwbl wahanol oedd i Gasnewydd wrth guro Barrow i osgoi disgyn o'r Ail Adran. Cymysgedd o orfoledd a rhyddhad oedd hi, wrth i'r clwb ddod yn anghyfforddus o agos unwaith eto i golli eu statws yn y gynghrair bêl-droed. Y cwestiwn mawr ydi, beth sydd angen newid er mwyn sicrhau bod hyn ddim yn digwydd eto?

Ac wrth gwrs, gan fod y tymor wedi dod i ben, mae'n rhaid coroni pencampwr proffwydo Y Coridor Ansicrwydd 2025-26...

Dylan Griffiths, Malcolm Allen ac Owain Tudur Jones sy'n cael modd i fyw wrth i'r tymor ddod i ben llawn tensiwn a drama i Wrecsam a Chasnewydd.

Fydd y Dreigiau yn cyrraedd gemau ail-gyfle y Bencampwriaeth? Yn rhyfeddol, mae pob canlyniad posib yn golygu fydda nhw'n llwyddo, ond hefyd yn gallu golygu bod nhw'n methu. Ond un peth sy'n sicr, fydd 'na "cool head" gan Phil Parkinson.

Brywdro am eu bywydau i aros yn y Gynghrair Bel-droed mae Casnewydd. Oes ganddyn nhw un ymdrech fawr arall i sicrhau'r fuddugoliaeth fydd yn sicr o'u hachub rhag disgyn?

Ac un gair o rybudd. Mae gan Dylan "ffaith" am Lerpwl sydd ymysg y mwyaf diflas fuodd ar unrhyw bodlediadau erioed.

Dylan Griffiths, Owain Tudur Jones a Malcolm Allen sy'n llawn clod i reolwr Caerdydd Brian Barry-Murphy am arwain y garfan ifanc yn ôl i'r Bencampwriaeth ar y cynnig cyntaf. Mae gobeithion Wrecsam o gyrraedd y gemau ail-gyfle yn sicr am fynd i gêm ola'r tymor, tra bod gan Gasnewydd ddwy gêm i achub eu croen yn yr Ail Adran.

Mae tensiwn diwedd tymor yn creu cynnwrf ymysg y criw wrth i Mal wneud un tro pedol yn ormod. Ac mae Ows yn synnu pawb drwy roi clod i Gaernarfon am ennill Cwpan Cymru... ond wedyn yn dod at ei hun drwy atgoffa pawb bod nhw dal yn bell tu ôl i gyfanswm Fangor!

Dylan Griffiths, Owain Tudur Jones a Malcolm Allen yn trafod gyrfa Aaron Ramsey, gobeithion Wrecsam o gyrraedd y gemau ail gyfle a record sgorio Zan Vipotnik.

Ar ôl wythnos llawn emosiwn a siom enfawr wrth beidio â chyrraedd rowndiau terfynol Cwpan y Byd 2026, mae'r criw yn asesu be ddaw nesaf i Gymru o dan Craig Bellamy. Ac i ychwanegu at y straen, mae Dylan yn gwneud smonach lwyr o'r tabl proffwydo (eto!).

Dylan Griffiths, Owain Tudur Jones a Malcolm Allen sy'n asesu beth aeth o'i le i Gymru wrth golli i Bosnia-Herzegovina ar giciau o'r smotyn mewn gêm ail-gyfle i gyrraedd Cwpan y Byd 2026. Wel am bodlediad ddigalon!

Wedi pedwar mis hir o aros, mae gemau ail-gyfle Cymru yn rowndiau rhagbrofol Cwpan y Byd 2026 wedi cyrraedd o'r diwedd. Mae yna densiwn, mae yna bili-pala yn y stumog ac mae yna ychydig o anghytuno ar bwy fydd y rheolwr Craig Bellamy yn ei ddewis i gychwyn yn erbyn Bosnia-Herzegovina nos Iau.

Ond mae yna un peth yn sicr, mae'r criw i gyd yn hyderus fydd Cymru yn symud ymlaen i'r rownd derfynol i wynebu un ai'r Eidal neu Gogledd Iwerddon nos Fawrth.