Til er fólk sem trúir því staðfastlega að heimurinn sé í óreiðu vegna vankunnáttu, mistaka vanhæfni stjórnmálafólks eða einhverskonar náttúrulegs glundroða. En svo eru aðrir, sem sumir hafa útnefnt Álhatta, sem telja að heimurinn sé í raun þaulskipulagður af myrkum og illum öflum og að heimurin sé vísvitandi að versna vegna áætlana þessara afla. 

Kenningin um hina svokölluðu nýju heimsskipan „New World Order“ (NWO) er líklega ein sú langlífasta og yfirgripsmesta af þeim öllum. Þar er því haldið fram að leynileg alþjóðleg elíta og  nokkurs konar valdaklíka úr röðum stjórnvalda, bankamanna og iðnjöfra vinni í skjóli nætur að því að koma á nýrri heimsskipan. Heimi þar sem þjóðríki eru leyst upp, sjálfsákvörðunarréttur landa afnuminn, og mannkynið situr allt undirgefið undir grjóthörðu miðstýrðu eftirlitskerfi elítunnar.

En hverjir eru þessir huldumenn og konur í myrku reykfylltu bakherbergjunum?  Er þetta bara öfgakennt rugl og þvaður einhverra vitfyrringa með alvarlegar ranghugmyndir eða vel skjalfest saga sem teygir sig langt aftur? Hvernig tengist þetta Bilderberg-hópnum, frímúrarareglunni, WEF og World Bank? Var Maastrichtar-sáttmálinn bara eitt smátt skref í átt að NWO? Og hvers vegna er eins og enginn hafi nokkurntíman kosið um þessi „framtíðarsýn“? Hvar er lýðræðiið í því. 

Í þessum nýjasta þætti af Álhattinum velta þeir Guðjón Heiðar, Haukur Ísbjörn og Ómar Þór því fyrir sér hvort að NWO sé raunveruleg þaulskipulögð áætlun  voldugra afla, til að sameina heiminn undir einni risavaxinni alheimsstjórn, sem mun stýra almenningi eins og  Sims karakterum. Eða hvort það sé einfaldlega einn stór misskilningur, þar sem ræðuhöld og opinberar stefnumótandi áætlanir hafa verið rangtúlkaðar af tortryggnum netverjum með full mikinn frítíma.

Hvað er það sem veldur því að þessi kenning heldur áfram að lifa og dafna? Hverjir eiga að fá að ráða í hinni nýju heimsskipan  og hverjir verða undir? Hvað felst í slagorðum eins og „Build Back Better“, „The Great Reset“ og „One World Government“ þegar þau eru skoðuð í samhengi við valdafólk á Davos?

Þetta og svo margt, margt fleira í nýjasta þætti Álhattarins, sem er einungis fyrri hlutinn af tveimur, þar sem þeir félagar velta því fyrir sér hvort leynileg valdaklíka stefni að hinnu nýju heimsskipan(e: new world order) bakvið tjöldin. 

HLEKKIR Á ÍTAREFNI

• https://youtu.be/PjszCrNUvZE?si=nRdHX7BWxOGVsuu7

UM ÁLHATTINN
Í þessu einstaka hlaðvarpi munu vinirnir og spekúlantarnir Ómar Þór Ómarsson, Haukur Ísbjörn Jóhannsson og Guðjón Heiðar Valgarðsson taka fyrir og fara yfir samsæriskenningar af ýmsum toga og ræða þær fram og til baka.

Í hverjum þætti verður ein fullyrðing rædd og munu þeir gefa einkunn á bilinu 1-10 byggt á því hversu sammála þeir eru fullyrðingunni í upphafi ferlisins. Síðan þegar þættinum er lokið gefa þeir aðra einkunn og þá mun koma í ljós hversu mikið afstaða þeirra hefur breyst.

Á hálendi Skotlands liggur djúpt og dimmt stöðuvatn sem lengi hefur vakið athygli umheimsins: Loch Ness. Þar á, samkvæmt sögunni, að búa dulræn vera sem oftast er kölluð Nessie. Líklega eitt frægasta dýr eða vatnaskrímsli veraldar, sem þó engum hefur tekist að færa sönnur á að sé til á óyggjandi hátt. En hver  eða hvað  er Nessie í raun og veru? Er hún mögulega einhverskonar leifar eða minnismerki um forsögulega tíma risaeðlanna? Skynvilla eða hugarburður misvitra og brenglaðra einstaklinga? Eða meðvituð og þaulskipulögð blekking?

Í þessum þætti Álhattsins skoða Guðjón Heiðar, Haukur Ísbjörn og Ómar Þór sögur og heimildir sem tengjast skrímslinu  eða fyrirbærinu  í Loch Ness. Þeir kanna hvernig fyrstu frásagnir ná allt aftur til 6. aldar, þegar Kólumkill(e.Columba)i á að hafa hrakið skrímslið á brott með bænina eina að vopni. Þeir rekja líka hvernig atburðir ársins 1933 komu Nessie aftur fram í sviðsljósið og vitund almennings. Hvernig ein fræg ljósmynd  sem enn er milli tanna fólks festi skrímslið í sessi sem alþjóðlegt tákn dulúðar.

En hvers vegna lifir þessi hugmynd áfram í vitund fólks, nærri hundrað árum síðar, þrátt fyrir skort á sönnunum? Hvaða hlutverki gegnir veraní menningu, ferðamennsku og sjálfsmynd Skota? Og hvað með systur skrímslin víðsvegar um heiminn. Morag í Loch Morar, Storsjöodjuret í Svíþjóð, Selmu í Noregi og hinn rammíslenska Lagarfljótsorm hjá Egilsstöðum? Eru þau náskyld fyrirbæri af sama meiði? Eða staðfestir þetta kannski bara hina sameiginlegu þörf mannsins til þess að reyna að skilja hið óútskýranlega 

Er einhver samfelldur rauður þráður í gegnum þessar sagnir? Eða er þetta einfaldlega ótti við hið óþekkta  í bland við dýpri löngun til að skýra heiminn með rökum, jafnvel þegar engin rök duga eða eru fyrir hendi? Getur verið að í djúpum vötnum búi eitthvað sem vísindin geta ekki útskýrt? Eða eru þetta kannski tilraunir valdhafa og hagsmunaaðila til að beina athyglinni frá öðrum, raunverulegri vandamálum? Hvað sýna þrívíddar myndirnar og sónar myndirnar sem hafa verið teknar í gegnum tíðina? Hvers vegna virðist mönnum ekki takast að svara því fyrir fullt og allt hvort að eitthvað misjafnt leynist í myrkrinu eða vatnin?

Þetta og svo margt, margt fleira í þessum nýjasta þætti Álhattsins  þar sem þeir félagar Guðjón Heiðar, Haukur Ísbjörn og Ómar Þór kafa djúpt ofan í dýpstu hyli Loch Ness, kanna hvern króka og kima vatnsins og velta því fyrir sér hvort að loch ness skrímslið sé til í raun og veru. 

HLEKKIR Á ÍTAREFNI

• https://www.youtube.com/watch?v=ceW51ruoQDM
• https://www.youtube.com/watch?v=bcK4efWckyE&t
• https://www.youtube.com/watch?v=tktlgInOAF8&t

UM ÁLHATTINN
Í þessu einstaka hlaðvarpi munu vinirnir og spekúlantarnir Ómar Þór Ómarsson, Haukur Ísbjörn Jóhannsson og Guðjón Heiðar Valgarðsson taka fyrir og fara yfir samsæriskenningar af ýmsum toga og ræða þær fram og til baka.

Í hverjum þætti verður ein fullyrðing rædd og munu þeir gefa einkunn á bilinu 1-10 byggt á því hversu sammála þeir eru fullyrðingunni í upphafi ferlisins. Síðan þegar þættinum er lokið gefa þeir aðra einkunn og þá mun koma í ljós hversu mikið afstaða þeirra hefur breyst.

Við lærum um Forn-Grikkland, Mesópótamíu, Egyptaland og allskonar forn stórveldi  í skóla. En  var heilt heimsveldi vísvitandi strokað út úr sögunni? Við erum að tala um Tartaríu. Risavaxið veldi sem náði allt frá Rússlandi og langt inn í Asíu og jafnvel yfir til Ameríku. Stórveldi sem nýtti sér framsækið orkukerfi, háþróaða byggingarlist og mögulega allskonar tækni sem við eigum erfitt með að skilja enn þann dag líkt og fría endurnýjanlega þráðlausa orku. En hvernig má það vera? Ef Tartaría var eitt af stórveldunum miklu, hvers vegna hefur það verið þurrkað út úr bókstaflega öllum sögubókum allstaðar? Ef þetta var svona stór og valdamikið stórveldi hvernig tókst þá einhverjum að sigra það?

Í þessum þætti af Álhattinum skoða strákarnir gögnin, kortin, ljósmyndirnar, byggingarnar og hina gríðarlega dularfullu þögn sem virðist ríkja um þetta mikla eða meinta stórveldi. Hvers vegna eru gömul heimskort virtra og þekktra kortagerðarmanna full af tilvísunum í Tartaríu  en samt hvergi minnst á hana í opinberri sagnfræðikennslu? Af hverju virðast stórfenglegar byggingar frá 19. öld  með glæsilegum sùlum og mikilfenglegum hvelfingum hafa hafa verið reistar með mun þróaðari byggingartækni en við höfum í nútímanum?

Hvað voru heimsýningarinnar í raun? Voru þær notaðar til að endurnýta byggingar sem þegar stóðu og höfðu grafist undir leðjuflóðinu mikla? Hvers vegna voru þessar byggingar nærri því allar sprengdar niður eða jafnaðar við jörðu eftir heimssýningarnar?  Er „mud flood“ kenningin, um leðjuflóð sem á að hafa grafið niður menningarminjar, ekki jafn fáránleg og hún hljómar í fyrstu? 

Strákarnir kafa ofan í heim dularfullra huldra sögubóka, gamallra korta, grafinnar tækni og mögulegs fallins stórveldis í þessum nýjasta þætti af Álhattinum þar sem þeir félagar Guðjón Heiðar, Haukur Ísbjörn og Ómar Þór velta fyrir sér hvort Tartaría hafið verið háþróuð siðmenning sem skrifuð hefur verið úr sögubókunum og falin fyrir mannkyninu

HLEKKIR Á ÍTAREFNI

• Introduction to Tartaria
• Tartaria: The Lost Empire They Erased from History
• Joe Rogan:Lost civilization theory? with Aaron Rodgers
• Joe Rogan gets Tartaria pilled
• Falsifying History by Destroying Cities
• The Lost Civilization of Tartaria
• The Incredible Story Of The 1893 World's Fair
• The World's Fair was Too Weird

UM ÁLHATTINN
Í þessu einstaka hlaðvarpi munu vinirnir og spekúlantarnir Ómar Þór Ómarsson, Haukur Ísbjörn Jóhannsson og Guðjón Heiðar Valgarðsson taka fyrir og fara yfir samsæriskenningar af ýmsum toga og ræða þær fram og til baka.

Í hverjum þætti verður ein fullyrðing rædd og munu þeir gefa einkunn á bilinu 1-10 byggt á því hversu sammála þeir eru fullyrðingunni í upphafi ferlisins. Síðan þegar þættinum er lokið gefa þeir aðra einkunn og þá mun koma í ljós hversu mikið afstaða þeirra hefur breyst.

Eitt fjölmargra menningarlegra stórvirkja hins kyngimagnaða og vanmetna leikstjóra, Michael Bay, er kvikmyndin Pearl Harbor. 

Kvikmynd sem lýsir því á dramatískan og stórfenglan hátt hvernig Bandaríkin drógust inn í seinni heimsstyrjöldina eftir árás Japana á herstöðina Pearl Harbor þann 7. Desember 1941. 

Árásin þótti mjög óvænt, rétt eins og þruma úr heiðskýru lofti og kom Bandaríkjamönnum og heimsbyggðinni allri i opna skjöldu. Aldrei hefði nokkurn Bandaríkjamann grunað að ráðist yrði á flotastöð hersins, hvað þá svona rétt í bakgarðinum heima fyrir. Rúmlega 3400 mans féllu í árásinni sem vakti upp mikla reiði og ótta hjá Bandarísku þjóðinni. 

Franklin D. Rooseveltuk þ Bandaríkjaforseti, sem hafði verið kjörinn m.a vegan loforða um að Bandaríkin myndu ekki láta draga sig út í þáttöku í stríðinu varð að bregðast skjótt við og sýna að Bandaríkin væru engar undirlægjur sem létu vaða yfir sig á skítugum skónum. 

Bandaríkin brugðust því skjótt og örugglega við og svöruðu fyrir árásirnar af fullum krafti. Stuðningur við þáttöku í stríðinu rauk upp meðal almennings og nýskráningum í herinn fjölgaði svo um munaði. 

Efnahagurinn sem hafði verið í tómu tjóni og algjöru rugli allt frá kreppunni miklu tók skyndilega mikla hreppstjórabeygju og einhver mesta efnahagslega velsæld sögunnar tók við af harðindum og eymd.

Mikið atvinnuleysi hafði plagað þjóðina og nú rétt einsog hendi væri veifað var það orðið að engu og allir sem á annaðborð höfðu áhuga á að vinna gátu fengið vinnu og FDR var endurkjörinn forseti með yfirburðum. Oftar en einusinni. Enginn Bandaríkjaforseti hefur setið jafn lengi á valdastóli eða náð viðlíka vinsældum og Franklin D. Roosevelt.

En getur virkilega verið að árás Japana hafi komið Bandaríkjunum í algjörlega opna skjöldu? Grunaði engan í hernum eða stjórninni nokkurn skapaðan hlut? Heyrst hefur að viðvaranir hafi borist frábæði Kínverjum og Rússum auk þess er starfsmaður bandaríska sendiráðsins í Japan hafði virðað áhyggjur sínar af því að Japanir hygðust ráðast á bandaríska herstöð. 

Dulkóðunar g dulmálssérfræðingar innan hersins höfðu ráðið í skeytasendingar Japana og einhverjir vilja meina að það sé ekki nokkur leið að Bandaríkin afi ekki vitað af hinni yfirvofandi árás. 

Til eru sagnfræðingar sem segja að bandaríski rauði krosinn hafi flutt gífurlegt magn líkpoka, blóðbyrgða og lyfja til Hawaii á dögunum fyrir árásirnar og þá hefur það vakið mikla furðu Álhatta að stærstu flugmóðuskip Bandaríkjanna hafi skyndilega verið flutt úr höfn rétt áður en árásirnar urðu. Tilviljun? 

Guðleg íhlutun eða var það gert af yfirlögðu ráði í ljósi þess sem koma skyldi.Þetta og svo margt fleira áhugavert og skemmtilegt í þessum nýjasta þætti af Álhattinum þar em þeir félagar Guðjón Heiðar, Haukur Ísbjörn og Ómar Þór ræða þá áhugaverðu samsæriskenningu að Bandaríkin hafi leyft árásunum á Pearl Harbor að gerast svo þau hefðu ástæðu til þess að taka þátt í seinni heimsstyrjöldinni.

HLEKKIR Á ÍTAREFNI:

• https://youtu.be/JBDbrf6Nktk?si=ddKqySFqW1Y-TE85
• https://www.youtube.com/watch?si=qSu_w2ec0286h-h6&v=lK8gYGg0dkE&feature=youtu.be
• https://y2mate.nu/en-NLKu/

UM ÁLHATTINN
Í þessu einstaka hlaðvarpi munu vinirnir og spekúlantarnir Ómar Þór Ómarsson, Haukur Ísbjörn Jóhannsson og Guðjón Heiðar Valgarðsson taka fyrir og fara yfir samsæriskenningar af ýmsum toga og ræða þær fram og til baka.

Í hverjum þætti verður ein fullyrðing rædd og munu þeir gefa einkunn á bilinu 1-10 byggt á því hversu sammála þeir eru fullyrðingunni í upphafi ferlisins. Síðan þegar þættinum er lokið gefa þeir aðra einkunn og þá mun koma í ljós hversu mikið afstaða þeirra hefur breyst.

NBA deildin í körfubolta er líklega stærsta körfuboltadeild í heimi. 

Eða í það minnsta sú lang stærsta og tekjuhæsta og sértu af aldamótakynslóðinni þá manstu vafalaust eftir NBA æðinu, sem greip um sig meðal ungra íslendinga, seint á síðustu öld og mögulega áttir þú eitthvað af körfuboltamyndum. NBA deildin er oft á tíðum gífurlega spennandi og skemmtileg og milljónir horfa á útsendingar frá deildinni í viku hverri.  

Margir leikmenn verða heimsfrægir eða jafnvel goðsagnir og það verður að teljast afskaplega eftirsótt að leika í deildinni. Jafnvel fyrir einhver af minni og ómerkari liðum deildarinnar. Fólk elskar þessa íþrótt og ástríða leikmanna og stuðningsmanna er gífurlega mikil. En getur verið að þessi fallega íþrótt sé kannski ekki svo falleg þegar betur er að gáð? Hvað ef það er eitthvað rotið og morkið undir niðri og brögð eru í tafli? 

Peningarnir hafa löngum ráðið ansi miklum í íþróttum almennt og þá sérstaklega kannski í bandarískum íþróttum en NBA deildin hefur reynt að verjast áhrifum peningaaflanna með launaþaki og takmörkunum á heildarlaunakostnaði liðanna í deildinni. 

Þá er nýliðavalið í deildinni sett þannig upp að minni spámennirnir og slökustu lið deildarinnar eiga meiri möguleika á að fá fyrsta val og þannig meiri líkur á að fá bestu nýliðina til sín. Þannig reynir deildin að tryggja jafnræði milli liða og koma í veg fyrir að tiltekin lið einoki toppbaráttuna og titlana ár eftir ár eftir ár líkt og þekkist t.d í knattspyrnu deildum víðsvegar í Evrópu. 

Hvar öll spenna hefur verið mergsogin úr keppninni til þess að hygla örfáum ógnarsstórum og valdamiklum liðum. Eins og t.d þegar talað er um stóru liðin sex á englandi sem knattspyrnuiðkendur ættu vel að kannast við.

 En duga þessar reglur til? Virka þær í raun? Hversu oft fá litlu eða svokölluðu lélegu liðin raunverulega fyrsta val í nýliða valinu og hvernig er tryggt að stærri liðin bjóði ekki bara leikmönnunum  gull og græna skóga síðar til þess að lokka þá til sín? 

Hvað ef við segðum þér lesandi góður að leikmennirnir sjálfir hafa í raun ekkert að segja um framtíð sína og geti ekki með nokkru móti komið í veg fyrir félagaskipti ef liðið þeirra ákveður að skipta þeim út?

Það er því eðlilegt að álhattar um víða veröld og aðrir jaðarhópar sem eiga það til að hugsa út fyrir kassann spyrji sig hvort hægt sé að treysta ráðamönnum deildarinnar eða úrslitum í deildinni. 

Hvað býr raunverulega að baki flóknum og illskijanlegum ákvörðunartökum þessara frómu herra? Spilling? Hagur deildarinnar? Snýst þetta um að gera það besta fyrir leikmanninn, liðið og stuðningsmennina eða hittast bara einhverjir siðblindir sultupardusar og fjörulallar í reykfylltum bakherbergjum og ákveða þetta allt með einungis sína eiginhagsmuni í huga?

Þetta og svo margt, margt fleira áhugavert og skemmtilegt í þessum nýjasta þætti af Álhattinum þar sem þeir kumpánar Guðjón Heiðar, Haukur Ísbjörn og Ómar Þór ræða þá skemmtilegu kenningu að NBA deildin í körfubolta sé töluvert rigguð(sviðsett/ákveðin fyrirfram).

HLEKKIR Á ÍTAREFNI

• https://www.youtube.com/shorts/zG1D2G8d7wE
• https://www.youtube.com/watch?v=ZYl6bQNvcWQ
• https://www.youtube.com/watch?v=9lRlaUKBdTw
• https://www.youtube.com/watch?v=KKCXnovChTs
• https://www.youtube.com/watch?v=9lRlaUKBdTw

UM ÁLHATTINN
Í þessu einstaka hlaðvarpi munu vinirnir og spekúlantarnir Ómar Þór Ómarsson, Haukur Ísbjörn Jóhannsson og Guðjón Heiðar Valgarðsson taka fyrir og fara yfir samsæriskenningar af ýmsum toga og ræða þær fram og til baka.

Í hverjum þætti verður ein fullyrðing rædd og munu þeir gefa einkunn á bilinu 1-10 byggt á því hversu sammála þeir eru fullyrðingunni í upphafi ferlisins. Síðan þegar þættinum er lokið gefa þeir aðra einkunn og þá mun koma í ljós hversu mikið afstaða þeirra hefur breyst.

Jeffrey Epstein var viðrini og viðbjóður sem misnotaði börn og fólk og auðveldaði öðrum ógeðum að gera slíkt hið sama. Það vitum við öll. Rétt eins og morgunljóst að hann féll ekki fyrir eigin hendi. Það sjá allir menn. Hann flaug auðjöfrum og valdamiklum mönnum ítrekað til eyju sinnar little St James þar sem haldin voru tryllt teiti þar sem ógeðsleg svöll þessum viðrinum til yndisauka og ánægju á meðan fórnarlömbin þjáðust og allt var fest á filmu. 

Eitt þessara fórnarlamba, Virginia Giuffre, steig fram og ræddi opinskátt og óheflað um lífssreyslu sína sem nuddari hjá Epstein. En er kannski þekktust fyrir frásögn sína af samskiptum þeirra  Prince Andrew. Virginia var ákveðinn drifkraftur og kyndilberi í baráttu fórnarlambanna og fékk mikið lof fyrir baráttu sína. Hún var harðákveðin í að láta ekki deigan síga og opinbera og afhjúpa allan viðbjóðinn og alla svæsnu sóðapésana sem heimsóttu eyjuna og teitin hans Epstein.

Margoft steig hún fram og sagðit svo enginn vafi leikur á að hún væri full af eldmóði og í miklum baráttuhug og að hún myndi aldrei undir nokkrum kringumstæðum taka eigið líf. Aldrei. 

Það vakti því óneitanlega mikla furðu og athygli álhatta um allan heim þegar hún fannst látin fyrir nokkru og banamein hennar var sagt vera sjálfsvíg. Mannekjan sem hafði tekið það fram að hún væri alls ekki í neinum sjálfsvígshugleiðingum og að enginn ætti nokkurtíman að taka frásögnum af sjálfsvígi hennar trúanlegar. 

Virginia hafði vissulega lifað stormasömu og þyrnistráðu lífi sem, einkenndist af hverju áfallinu af fætur öðru. En einhvern veginn hafði hún ætíð staðið sterkari upp aftur, sama hversu oft lífið brá fyrir hana fæti. Eins Og misnotkun í æsku og hörmungin hjá Epstein væri ekki nóg þá hafði hún einnig lent í heimilisofbeldi og nú nýlega hafði skólabíll keyrt inn í hliðina á bíl hennar svo læknar töldu að hún ætti einungis örfáa daga eftir ólifaða. 

Svo fannst hún látin og andlátinu var lýst sem sjálfsvígi. Hentugt fyrir Epsteina og Andrewa þessa heims. Óheppilegt fyrir réttlætið. En hvað gerðist í raun og veru? Getur verið að þessi mikli eldhugi og baráttu kona hafi bara misst móðinn og gefist upp? Eftir alla þá þrotlausu vinnu sm hún hafði lagt í að opinbera viðbjóðinn. 

Þetta og svo margt, margt fleira dularfullt og áhugavert í þessum nýjasta þætti af Álhattinum. Þar sem þeir félagar Guðjón Heiðar, Haukur Ísbjörn og Ómar Þór velta fyrir sér þeirri skuggalegu samsæriskenningu að Virginia Giuffre hafi verið sjálfsmyrt. 

HLEKKIR Á ÍTAREFNI

• Prince Andrew uses 'inability to sweat' to refute Epstein allegations
• Hillary Clinton adopts a southern drawl
• "Somebody Got To Her" Virginia Giuffre Father Interview + Evidence of 'Fake' Prince Andrew Photo
• Charles Manson - Look At Your Game Girl
• The Biggest Moments From Prince Andrew Accuser Virginia Giuffre’s BBC Interview | TIME
• Surviving Jeffrey Epstein: Virginia Giuffre Tells Her Story | Lifetime

UM ÁLHATTINN
Í þessu einstaka hlaðvarpi munu vinirnir og spekúlantarnir Ómar Þór Ómarsson, Haukur Ísbjörn Jóhannsson og Guðjón Heiðar Valgarðsson taka fyrir og fara yfir samsæriskenningar af ýmsum toga og ræða þær fram og til baka.

Í hverjum þætti verður ein fullyrðing rædd og munu þeir gefa einkunn á bilinu 1-10 byggt á því hversu sammála þeir eru fullyrðingunni í upphafi ferlisins. Síðan þegar þættinum er lokið gefa þeir aðra einkunn og þá mun koma í ljós hversu mikið afstaða þeirra hefur breyst.

Þú ert það sem þú borðar, eða svo segir máltakið og mýtan, sem okkur hefur verið matreidd ofan í okkur af yfirvöldum og fjölmiðlum. Við berum öll sjálf ábyrgð á eigin heilsu og ef við hlustum á yfirvöld og fylgjum ráðleggingum landlæknis og borðum og hreyfum okkur reglulega þá lifum við hollu, góðu og áhyggjulausu lífi. Heilsuhraust og hamingjusöm. Ekki satt? En hvaðan koma eiginlega þessar ráðleggingar yfirvalda og hverjir skrifa þær? Snúast þær raunverulega um að nýta bestu mögulegu vísindalegu þekkinguna hverju sinni til þess að bæta lýðheilsu og auka vellíðan okkar allra eða eru dekkri annarlegri markmið að baki? 

Ef læknar og vísindamenn eru svona klárir og ráðleggingarnar eru svona skotheldar og góðar af hverju erum við ekki að verða heilbrigðari og hraustari? Hvernig má þá vera að hjarta og æðasjúkdómar verða sífellt algengari og nánast önnur hver manneskja er orðin sykursjúk og í ofþyngd? 

Hvert er upphaf þessara ráðlegginga og hvert er raunverulegt markmið þeirra? Í rúmlega hálfa öld höfum við hlustað á yfirvöld og hlustað á sérfræðinga en samt verðum við bara feitari og feitari og veikari og veikari. Hvaðan kom fæðu pýramídinn og hver ber ábyrgð á honum? Getur verið að pýramídinn sé á hvolfi eða ætti hann kannski að vera hringur? Er fita hinn raunverulegi óvinir eða eru það kolvetnin sem eru gjörsamlega að ganga fram af okkur?

 Getur plöntufæði bjargað málunum eða er kjötið kjörið til þess að bæta meltingu heilsufar og fas? Hversu mikið af kolvetnum, trefjum eða kjöti er ráðlagt að borða og er raunverulega raunhæft að lifa eftir ráðleggingum landlæknis og yfirvalda? 

Það er flókið og kostnaðarsamt lifa heilbrigðu lífi og erfitt getur verið að leggja mat á hvaða ráðleggingar reynist bestar? Er virkilega raunhæft að smíða ráðleggingar sem raunverulega virka fyrir alla, óháð kyni, kynþætti og aldri? Eða erum við kannski bara öll mismunandi og það sem virkar fyrir einhvern einn virkar ekkert endilega fyrir aðra? 

Í þessum nýjasta þætti af Álhattinum skoða vinirnir Guðjón Heiðar, Haukur Ísbjörn og Ómar Þór nýjustu fæðuráðleggingar landlæknis og fara yfir sögu og þróun fæðuráðlegginga á vesturlöndum. Um leið og þeir velta því fyrir sér hvort eitthvað sé til í þeirri skemmtilegu samsæriskenningu að fæðuráðleggingar yfirvalda snúist ekki um að bæta almennings heldur gróða stórfyrirtækja.

HLEKKIR Á ÍTAREFNI

• https://www.youtube.com/watch?v=0_OjKe4BuDE
• https://www.youtube.com/watch?v=qQsFeaQdGAc
• https://www.youtube.com/watch?v=fIGXkh6S8Zw&t

UM ÁLHATTINN
Í þessu einstaka hlaðvarpi munu vinirnir og spekúlantarnir Ómar Þór Ómarsson, Haukur Ísbjörn Jóhannsson og Guðjón Heiðar Valgarðsson taka fyrir og fara yfir samsæriskenningar af ýmsum toga og ræða þær fram og til baka.

Í hverjum þætti verður ein fullyrðing rædd og munu þeir gefa einkunn á bilinu 1-10 byggt á því hversu sammála þeir eru fullyrðingunni í upphafi ferlisins. Síðan þegar þættinum er lokið gefa þeir aðra einkunn og þá mun koma í ljós hversu mikið afstaða þeirra hefur breyst.

Fjárfestingasjóðirnir BlackRock & Vanguard ættu að vera flestum Álhöttum og samsærissmiðum vel kunnugir. 

Enda eru þessir sjóðir oftar en ekki nefndir á nafn þegar samsæri og eitthvað vafasamt ber á góma. En hvaða sjóðir eru þetta? Hverjir eiga þá og hverra erinda gegna þeir? Samanlagt eiga þessir tveir sjóðir og litli bróðir þeirra State street uþb 22% allra hlutabréfa í veröldinni og sitja þeir saman eins og ormur á gulli á tæplega 5% heildar auðs heimsins.

Auk þess er þessir sjóðir eiga stóran hlut í uþb 89% af fyrirtækjunum sem skráð eru á SPP500 hlutabréfavísitöluna. Í öllum þessum fyrirtækjum eiga sjóðirnir stjórnarmenn sem ganga erinda þeirra og kjósa eftir þeirra höfði. Það má því með sanni segja að sjóðirnir fari með völd og ráði yfir allflestum fyrirtækjum á bandarískum hlutabréfamarkaði og jafnvel víðar. Sjóðirnir eiga til að mynda hlut í íslenskum fyrirtækjum á borð við Marel og Össur auk þess að erfitt er að finna það alþjóðlega fyrirtæki sem þeir eiga ekki hlut í. 

Getur verið að þessir sjóðir hafi t.d áhrif á efnisval sjónvarpsstöðva eða streymisveita í þeirra eigu? Hvaðan kemur þessi krafa um svokallaðar sjálfbærnis og jafnréttis vottanir og eru þær smfélaginu í raun til góða eða búa annarlegar og afkáralegar hvatir að baki? Getur verið að illa innrætt fólk vilji knésetja fjölskyldueininguna og útrýma öllum þjóðlegum eða persónulegum gildum? Til þess að við missum sjónar af sjálfum okkur og því sem raun skiptir máli. Vilja stjórnvöld að við upplifum okkur útundan og ein svo auðveldara sé að selja okkur lygina og stjórna okkur? Hvað og hverjir ráða því í hvaða fyrirtækjum sé fjárfest og hvaða fyrirtækjum ekki?

Og til hvers eru eiginlega allar þessar tilgerðarlegu og tilbúnu vottanir sem þýða í raun ekkert þar sem þær ganga hvort sem er kaupum og sölum á almennum markaði? Allt tal um lífrænar vottanir, kolefnisfótspor og jafnlauna vottanir er í raun tilgangslaust hjal og merkingarlaust þvaður þegar vottanirnar eru keyptar og seldar á markaði og seldar hæstbjóðanda. Snúast þessar vottanir þá fyrst og fremst um peninga en ekki umhverfisvernd? 

Þurfa fyrirtæki þá að þóknast þessum sjóðum og ákveðnum stjórnmálamönnum til þess að eiga séns á að lifa af, fremur en að fara eftir þar til gerðum umhverfis reglum? Snýst þetta bara allt um ofsagróða hinna fáu og ríku fremur en hagsmuni náttúrunnar og almennings?  Og hvernig stendur eiginlega á því að sömu þrír sjóðirnir fái að eiga svo stóra hluti í svo gott sem öllum fyrirtækjum á markaði.

Hverra erinda ganga þeir og hversvegna? Snýst þetta einungis um að tryggja sjálfbærni og velferð mannkyns eða eru annarlegar og vofeiginlegar ástæður að baki. Þetta og svo margt, margt fleira skemmtilegt í þessum nýjasta þætti af Álhattinum þar sem félagarni Guðjón Heiðar, Haukur Ísbjörn og Ómar Þór velta því fyrir sér hvort að BlackRock og Vanguard stjórni heiminum í gegnum krosseignarhald. 

HLEKKIR Á ÍTAREFNI

• https://www.youtube.com/watch?v=iCa4L22Fle4
• https://www.youtube.com/watch?v=k1gG0twZIEs
• https://www.youtube.com/watch?v=Mvh4o6x3-GQ

UM ÁLHATTINN
Í þessu einstaka hlaðvarpi munu vinirnir og spekúlantarnir Ómar Þór Ómarsson, Haukur Ísbjörn Jóhannsson og Guðjón Heiðar Valgarðsson taka fyrir og fara yfir samsæriskenningar af ýmsum toga og ræða þær fram og til baka.

Í hverjum þætti verður ein fullyrðing rædd og munu þeir gefa einkunn á bilinu 1-10 byggt á því hversu sammála þeir eru fullyrðingunni í upphafi ferlisins. Síðan þegar þættinum er lokið gefa þeir aðra einkunn og þá mun koma í ljós hversu mikið afstaða þeirra hefur breyst.

Elvis Aaron Presley er einn merkasti tónlistarmaður allra tíma og að margra mati óumdeildur konungur rokksins. Með sínum mjaðmahnykkjum og einstakri sviðsframkomu og söng náði hann að heilla heimsbyggðina og verða að ótrúlegri stórstjörnu sem naut hylli allra. En rétt einsog með aðrar stórstjörnur þá var stutt í sukkkið og smám saman fór að síga á ógæfu hliðina. 

Elvis sökk djúpt í fen óreglu og fíknar og endaði sem offitusjúklingur og lyfjafíkill sem lést af völdum hjartaáfalls langt fyrir aldur fram. Eða svo segir sagan. En getur verið að Elvis eða einhverjri aðrir á hans vegum hafi hreinlega sviðsett dauða hans? 

Var þetta ein allsherjar blekking skipulögð af Elvis og útgáfurisunum til þess að græða meiri peninga? Eða fór Elvis í vitnavernd og felur eftir að hafa borið vitni gegn svikahrappi fyrir rétti? Eða getur verið að mafían og aðrir eigendur spilavídda í Vegas hafi haft eitthvað með málið að gera?

Hvað með vini allra álhatta í FBI? Eða vildu Elvis og fjölskylda kannski fá frið frá öllu sviðsljósinu og um leið skapa mystík í kringum andlát hans til þess að geta markaðssett búgarð hans og heimili Graceland sem stórfenglegan ferðamannastað um ókomna tíð og gera plötur hans vinsælli?

Lengi hefur fólk karpað um það hvort Elvis hafi raunverulega látist 16.Ágúst 1977 eða hreinlega farið í felur. Ef Elvis væri enn á lífi væri hann orðinn níræður sem verður að teljast afar ólíklegt í ljósi óheilbrigðra lifnaðarhátta hans og rokkstjörnu lífernis. 

Hann var í mikilli yfirþyngd og bruddi allskyns lyfseðilsskyld lyf af mikilli áfergju, slíkt getur hæglega dregið mann til dauða. En kannski er það bara yfirklór frá FBI, mafíósum til þess að fela sannleika? Heyrst hefur að maður að nafninu John Burroughs, sme var þekkt dulnefni Elvisar,  hafi keypt flug frá Menphis til Argentínu sama dag og Elvis lést, en það hefur ekki fengið staðfest auk þess er ekkert beint flug var frá Memphis til Argentínu á þessum tíma. 

Hvers vegna var nafnið hans rangt skrifað á dánarvottorðið og legsteininn? Hvað raunverulega varð um Elvis, hvort hann lést 16.ágúst 1977 eða mörgum árum síðar eða lifir jafnvel enn góðu lífi á einhverri sólarströnd, hefur löngum verið mörgum aðdáendum tónlistarmannsins og Álhöttum um veröld alla mikil ráðgáta.  

En þetta er einmitt umræðuefni nýjasta þáttarins af Álhattinum þar sem þeir Guðjón Heiðar, Haukur Ísbjörn og Ómar Þór velta fyrir sér þeirri langlífu og mjög svo áhugaverðu samsæriskenningu að dauði Elvis Presley hafi verið sviðsettur og eitt stórt sjónarspil. Yfirgaf Elvis í raun bygginguna sem vér köllum Hótel Jörð eða er hann etv enn í byggingunni og á meðal vor?

HLEKKIR Á ÍTAREFNI

• https://youtu.be/rtiIkgfHnWQ?si=2s_V1v-XNC2d9WGvV
• https://youtu.be/szH-VfhXejQ?si=X9NhZYh6k8r_Fcy-
• https://www.youtube.com/watch?v=EDTbURuSPp4

UM ÁLHATTINN
Í þessu einstaka hlaðvarpi munu vinirnir og spekúlantarnir Ómar Þór Ómarsson, Haukur Ísbjörn Jóhannsson og Guðjón Heiðar Valgarðsson taka fyrir og fara yfir samsæriskenningar af ýmsum toga og ræða þær fram og til baka.

Í hverjum þætti verður ein fullyrðing rædd og munu þeir gefa einkunn á bilinu 1-10 byggt á því hversu sammála þeir eru fullyrðingunni í upphafi ferlisins. Síðan þegar þættinum er lokið gefa þeir aðra einkunn og þá mun koma í ljós hversu mikið afstaða þeirra hefur breyst.

Hver hefur ekki heyrt um gróðurhúsaáhrifin, loftslagsbreytingar og hamfarahlýnun? Hina meintu og svokölluðu ógn við allt lífríki jarðar sem mun grilla mannfólkið, drekkja öllu landi undir sjó og gera gjörsamlega út af við allt sem kvikt er á jörðu niðri á næsta stundarfjórðungi, ef við förum ekki öll að hugsa okkar gang og bæta um betur. a

Al Gore, Greta Thunberg, Björk og Thom Yorke geta varla öll haft rangt fyrir sér er það?

Að ógleymdum öllum vísindamönnunum, sem samkvæmt hamfarhlýnunar harmakveiknurum, eru allir alltaf sammála um að hamfarahlýnun sé í gangi allstaðar og ekkert annað komi til greina. En er það  raunin? 

Hvað ef að við mannfólkið höfum í raun lítil sem engin áhrif á loftslag eða hitastig jarðar? Eru þetta kannski bara glórulausar og óraunhæfar ranghugmyndir brjálaðra vísindamanna með mikilmennskubrjálæði? Hefur mannfólkið raunverulega öll þessi áhrif eða eru þetta bara hroki og hleypidómar í okkur mannfólkinu? Kannski erum við ekki eins megnum og við teljum? 

Ef staðreyndin er sú að mannfólkið ber í raun einungis ábyrgð á 18% hluta af þeirri aukningu sem orðið hefur í losun koltvíoxíðs  og í raun bara um 4% heildarmagnsins á jörðinni. Hvaðan koma líka þessar fullyrðingar og skýrslur um að allir vísindamenn séu alltaf allstaðar sammála um að hamfarahlýnun af mannavöldum sé í gangi og hversu stór hluti þessara svokölluðu sérfræðinga og vísindamanna veit ekki einusinni afþví að þeir séu á þessum listum? Vega 18% virkilega meira en 82%? 

Hafa falsvísindi, blekkingar og platgabb tekið yfir vísindaheiminn og heilaþvegið almenning með einhverju froðusnakki og frati? 

Eða eru þetta allt falsfréttir, misskilningur og blekkingar ginnkeyptra Álhatta sem skortir vísindalæsi? Eru Trump og Álhattar að misskilja lífið og tilveruna eða hefur hulduöflunum tekist að heilaþvo okkur öll með brúðuleikriti sínu þar sem hinir meintu og svokölluðu vísindamenn eru notaðir sem strengjabrúður og áróðursmaskínur til þess að sannfæra almenning um að allt sé á leið til fjandans svo auðveldara verði að stjórna okkur? Okkur er sagt að þetta liggi allt fyrir klippt og skorið og að staðreyndirnar séu algjörlega óumdeildar og óvéfengjanlegar, svart á hvítu. En er það?

 Er allt vísindafólk alltaf sammála? Passar það við hugmyndir okkar um það hvað raunveruleg vísindi séu? Eflum við þekkingu mannfólksins með því að setja aldrei spurningar við ráðandi skoðanir eða viðmið og gildi? Hverjum hentar það? Almenning? Yfirvöldum? Valdastéttinni? Öreigunum? 

Þetta og svo margt margt fleira spennandi í þessum síðari þætti Álhattarins þar sem Guðjón Heiðar, Haukur Ísbjörn og Ómar Þór fjalla um þá skemmtilegu og áhugaverðu samsæriskenningu að mannfólkið hafi lítil sem engin áhrif á hitastig jarðar eða loftslagsbreytingar. Sem okkur almenningi hefur verið selt sem vísindalega staðreynd og almenna vitneskju. En hvernig vitum við í raun að þetta rétt sé rétt?

HLEKKIR Á ÍTAREFNI

• https://youtu.be/_6qkjPRmNsA?si=AtNv3jDC6dMOHdcM
• https://youtu.be/1fYlGk1UnK0?si=o2pEppisLmUG5WkO
• https://www.youtube.com/watch?v=mhDrCPfKgG4
• https://www.instagram.com/p/DEwsXmat0Tb/
• https://www.youtube.com/watch?v=O-RRd743XwE

UM ÁLHATTINN
Í þessu einstaka hlaðvarpi munu vinirnir og spekúlantarnir Ómar Þór Ómarsson, Haukur Ísbjörn Jóhannsson og Guðjón Heiðar Valgarðsson taka fyrir og fara yfir samsæriskenningar af ýmsum toga og ræða þær fram og til baka.

Í hverjum þætti verður ein fullyrðing rædd og munu þeir gefa einkunn á bilinu 1-10 byggt á því hversu sammála þeir eru fullyrðingunni í upphafi ferlisins. Síðan þegar þættinum er lokið gefa þeir aðra einkunn og þá mun koma í ljós hversu mikið afstaða þeirra hefur breyst.