ព្រឹត្តិការណ៍កម្ពុជាប្រចាំថ្ងៃ

By RFI ខេមរភាសា / Khmer

ព្រឹត្តិការណ៍កម្ពុជាប្រចាំថ្ងៃ episodes

April 08, 2021 ព្រឹត្តិការណ៍កម្ពុជាប្រចាំថ្ងៃ - តើចាក់វ៉ាក់សាំងការពារកូវីដ-១៩ ដោយស្ម័គ្រចិត្តនៅកម្ពុជា អាចនឹងឈានទៅរក«កាតព្វកិច្ច»ទេ?
ប្រទេសកម្ពុជាទើបតែចាក់វ៉ាក់សាំងការពារជំងឺកូវីដ-១៩ ដោយស្ម័គ្រចិត្ត បានចំនួន៧០ម៉ឺនដូស គិតមកត្រឹមថ្ងៃទី៦ខែមេសា។ ចំនួននេះ ត្រូវគេមើលឃើញថានៅតិចតួចនៅឡើយ ខណៈផែនការផ្តល់ថ្នាំវ៉ាក់សាំងការពារជំងឺដ៏កាចសាហាវនេះ គឺត្រូវចាក់ទៅលើមនុស្សនៅក្នុងរង្វង់ពី១០លាន ទៅ១៣លាននាក់។ហេតុដូច្នេះ ការចាក់វ៉ាក់សាំងដោយស្ម័គ្រចិត្ត ទំនងជាមិនអាចទៅរួចទៀតទេ ខណៈកម្ពុជាជាពិសេសនៅទីក្រុងភ្នំពេញ កំពុងរងនូវការរាតត្បាតខ្លាំងពីជំងឺកូវីដ-១៩ ដោយសារការឆ្លងសហគមន៍២០កុម្ភៈ នៅមិនទាន់អាចគ្រប់គ្រងបាននៅឡើយ។
12 min
April 07, 2021 ព្រឹត្តិការណ៍កម្ពុជាប្រចាំថ្ងៃ - អ្នកឃ្លាំមើលសង្គម៖ការរៀបចំឱ្យអ្នកជំងឺកូវីដ១៩សម្រាកព្យាបាលនៅផ្ទះជាជម្រើសល្អ តែអាចពិបាកអនុវត្តចំពោះកម្ពុជា
ម្សិលមិញ លោកនាយករដ្ឋមន្រ្តីហ៊ុន សែន បានប្រាប់ឱ្យក្រសួងសុខាភិបាលកម្ពុជាពិចារណាពីលទ្ធភាពក្នុងការដាក់ឱ្យអ្នកជំងឺកូវីដ១៩សម្រាកព្យាបាលនៅតាមផ្ទះរបស់ពួកគេនីមួយៗនៅពេលណាដែលមន្ទីរពេទ្យមិនមានកន្លែងសម្រាប់ព្យាបាល។ ការព្យាបាលនៅផ្ទះនេះ គឺសម្រាប់អ្នកជំងឺដែលមានស្ថានភាពស្រាល ខណៈអ្នកជំងឺធ្ងន់ធ្ងរ គឺតម្រូវបញ្ជូនទៅកាន់មន្ទីរពេទ្យ។ អ្នកឃ្លាំមើលបញ្ហាសង្គមនៅកម្ពុជា បានលើកឡើងថា គម្រោងការរបស់ប្រមុខរដ្ឋាភិបាលកម្ពុជានេះ គឺជាជម្រើសល្អ ដើម្បីដោះស្រាយបញ្ហាព្យាបាលអ្នកជំងឺកូវីដ១៩។ ប៉ុន្តែ ពួកគេបារម្ភថា វាអាចនឹងពិបាកក្នុងការអនុវត្តបន្តិច ដោយសារតែកម្រិតយល់ដឹងរបស់ប្រជាពលរដ្ឋ និងកង្វះធនធានគ្រូពេទ្យសម្រាប់តាមដាន និងព្យាបាលអ្នកជំងឺនៅតាមផ្ទះ។
12 min
April 06, 2021 ព្រឹត្តិការណ៍កម្ពុជាប្រចាំថ្ងៃ - នៅពេលពលរដ្ឋកាន់តែច្រើនសម្រុកទៅចាក់វ៉ាក់សាំង ធ្វើឲ្យមន្ត្រីបន្ទោសគ្នាលើការចែកចាយវ៉ាក់សាំង
ប្រធានគណៈកម្មការចំពោះកិច្ចបែងចែកវ៉ាក់សាំងកូវីដ១៩ លោកស្រី ឱ វណ្ឌីន បានព្រមានធ្ងន់ៗចំពោះការអនុញ្ញាតឲ្យយកមនុស្សពីខាងក្រៅដែលមិនមែនជាមន្ត្រីរាជការស៊ីវិល មកចាក់វ៉ាក់សាំងនៅតាមស្ថាប័នរដ្ឋដែលនេះនឹងធ្វើឲ្យខ្វះវ៉ាក់សាំងសម្រាប់ចាក់ជូនមន្ត្រីដែលមានឈ្មោះនៅក្នុងក្រសួងនីមួយៗ។ សម្រាប់អ្នកឃ្លាំមើល ការបែងចែកវ៉ាក់សុំាងនៅកម្ពុជាទៅតាមផែនរបស់ថ្នាក់លើ មើលទៅគឺមានតម្លាភាពហើយ តែបារម្ភថា មន្ត្រីថ្នាក់ក្រោមយកទៅអនុវត្តមិនមានតម្លាភាពដែលប្រឈមនឹងការខ្វះខាត។
12 min
April 05, 2021 ព្រឹត្តិការណ៍កម្ពុជាប្រចាំថ្ងៃ - ការបង្ហាញអត្តសញ្ញាណអ្នកកើតកូវីដ១៩មានភាពវិជ្ជមានច្រើនជាងអវិជ្ជមាន
ថ្មីៗនេះ ក្រោយមានការផ្ទុះរាលដាលជំងឺកូវីដ១៩ទ្រង់ទ្រាយធំមក អាជ្ញាធររាជធានីភ្នំពេញ និងក្រុងតាមបណ្តាខេត្តមួយចំនួនបានបង្ហាញពីអត្តសញ្ញាណអ្នកជំងឺកូវីដ១៩ជាបន្តបន្ទាប់។ ជាមួយគ្នានេះអ្នកវិភាគបញ្ហាសង្គមមើលឃើញថា ការបង្ហាញអត្តសញ្ញាណអ្នកកើតជំងឺកូវីដ១៩ គឺមានភាពវិជ្ជមានច្រើនជាងអវិជ្ជមាន។ ស្ថិតក្នុងស្ថានភាពវឹកវរ ដែលក្រសួងសុខាភិបាលរកមិនទាន់ឃើញពីមូលហេតុច្បាស់នៃការឆ្លងរាលដាលជំងឺកូវីដ១៩ ចូលក្នុងសហគមន៍ នាព្រឹត្តការណ៍២០កុម្ភៈនេះ ការបង្ហាញឈ្មោះ អាយុ ភេទ និងអាសយដ្ឋានអ្នកជំងឺកូវីដ១៩ ជាជម្រើសល្អ បើទោះជាមានប៉ះពាល់ដល់សិទ្ធិបុគ្គលក្តី។ ក្រៅពីការបង្ហាញនេះ ភាពក្លាហានក្នុងការទៅធ្វើតេស្តរកវីរុសកូវីដ១៩ ពីអ្នកពាក់ព័ន្ធ ឬអ្នកប៉ះពាល់ផ្ទាល់ និងប្រយោលជាមួយអ្នកមានវិជ្ជមានវីរុសកូវីដ១៩ ក៏ជាវិធីសាស្រ្តចម្បងដែរ ក្នុងការទប់ស្កាត់ការរីករាលដាលជំងឺកូវីដ១៩ ក្រៅពីនោះអ្នកវិភាគបញ្ហាសង្គមនៅមិនទាន់មើលឃើញពីដំណោះស្រាយណាផ្សេងទៀតនៅឡើយទេ។
12 min
April 04, 2021 ព្រឹត្តិការណ៍កម្ពុជាប្រចាំថ្ងៃ - អ្នកជំនាញសិទ្ធិមនុស្ស អ.ស.ប បង្ហាញកង្វល់ពីច្បាប់ស្តីពីការគ្រប់គ្រងការឆ្លងកូវីដ១៩
កាលពីថ្ងៃទី៣១ ខែមីនា អ្នកជំនាញសិទ្ធិមនុស្ស អ.ស.ប ចំនួន ៣ រូប បានសម្តែងនូវកង្វល់លើច្បាប់ស្តីពីវិធានការទប់ស្កាត់ការឆ្លងរាលដាលនៃជំងឺកូវីដ១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងៗទៀត។ ច្បាប់នេះ ត្រូវបានប្រកាសដាក់ឲ្យប្រើ នៅថ្ងៃទី១១ខែមីនា ឆ្នាំ២០២១ ខណៈដែលប្រទេសកម្ពុជាកំពុងឆ្លងរាលដាលជំងឺកូវី១៩ ដែលមិនទាន់មានសញ្ញាថមថយ។ ជុំវិញការបារម្ភនេះ កម្ពុជាលើកឡើងថា ច្បាប់នេះបង្កើតឡើង ដើម្បីធានាសុខភាព និងអាយុជីវិតពលរដ្ឋ ពោលគឺមិនមែនការបង្កើត ដើម្បីកម្រិតសិទ្ធិសេរីភាពនោះទេ។
13 min
April 03, 2021 ព្រឹត្តិការណ៍កម្ពុជាប្រចាំថ្ងៃ - តើកូវីដ-១៩ ជាឱកាសសម្រាប់កម្ពុជា ធ្វើកំណែទម្រង់ ដើម្បីស្តារវិស័យពាណិជ្ជកម្ម និងភាពធន់នៃសេដ្ឋកិច្ចឬ?
នៅក្នុងសន្និបាទបូកសរុបការងារប្រចាំឆ្នាំរបស់ក្រសួងពាណិជ្ជកម្មកាលពីថ្ងៃព្រហស្បតិ៍ រដ្ឋមន្ត្រីក្រសួងពាណិជ្ជកម្ម លោក ប៉ាន សូរស័ក្តិ បានថ្លែងថាប្រទេសកម្ពុជាបានប្រែក្លាយវិបត្តិជំងឺកូវីដ-១៩ ទៅជាឱកាស ក្នុងការកែទម្រង់ក្នុងប្រទេស ដោយក្នុងនោះក្រសួងពាណិជ្ជកម្មបានអនុវត្តកម្មវិធីនយោបាយរបស់រដ្ឋាភិបាលយ៉ាងម៉ឺងម៉ាត់។ អ្វីដែលជាការរំពឹងទុកថាវាជាឱកាសនោះ គឺដោយសារតែប្រទេសកម្ពុជា សម្រេចបាននូវការប្រឹងប្រែងមួយចំនួនដូចជាការចុះកិច្ចព្រមព្រៀងពាណិជ្ជកម្មសេរីជាមួយចិន ការចុះកិច្ចព្រមព្រៀងពាណិជ្ជកម្មសេរីគ្រប់ជ្រុងជ្រោយតំបន់ RCEP គម្រោងចុះកិច្ចព្រមព្រៀងពាណិជ្ជកម្មសេរី កម្ពុជា-កូរ៉េ នៅក្នុងឆ្នាំ២០២១នេះ ជាដើម។
12 min
April 02, 2021 ព្រឹត្តិការណ៍កម្ពុជាប្រចាំថ្ងៃ - បម្រាមគោចរក្នុងក្រុងភ្នំពេញ៖ តើនឹងមានប្រសិទ្ធភាពទប់ស្កាត់ការឆ្លងរាលដាលនៃជំងឺកូវីដ១៩កម្រិតណា?
ស្ថានភាពនៃការឆ្លងរាលដាលជំងឺកូវីដ១៩នៅក្នុងប្រទេសកម្ពុជា ជាពិសេស នៅក្នុងរាជធានីភ្នំពេញនៅតែបន្តកើនឡើងពីមួយថ្ងៃទៅមួយថ្ងៃគួរឱ្យព្រួយបារម្ភ។ រីឯ អ្នកស្លាប់ដោយសារតែជំងឺនេះ ក៏បានកើតឡើងស្ទើររៀងរាល់ថ្ងៃផងដែរនាពេលប៉ុន្មានថ្ងៃជាប់ៗគ្នានេះ។ ប្រឈមនឹងបញ្ហាទាំងអស់នេះ សាលារាជធានីភ្នំពេញកាលពីម្សិលមិញបានចេញបម្រាមគោចរដោយហាមការធ្វើចរាចរណ៍ចន្លោះពីម៉ោង៨យប់ដល់ម៉ោង៥ភ្លឺ និងហាមមិនឱ្យមានការជួបជុំនៅក្រៅផ្ទះថែមទៀត។ បន្ថែមលើនេះ សាលារាជធានីភ្នំពេញក៏បានប្រាប់ឱ្យកន្លែងលក់អាហារ និងកន្លែងផឹកស៊ីទាំងអស់មិនត្រូវឱ្យភ្ញៀវចូលអង្គុយបរិភោគចន្លោះពីម៉ោង៨យប់ដល់ម៉ោង៥ភ្លឺ តែអាចលក់ត្រឹមវេចខ្ចប់បាន។ តើបំរាមគោចរលើកទី១នេះ អាចនឹងមានប្រសិទ្ធភាពទប់ស្កាត់ការឆ្លងរាលដាលនៃជំងឺកូវីដ១៩កម្រិតណា?
12 min
April 01, 2021 ព្រឹត្តិការណ៍កម្ពុជាប្រចាំថ្ងៃ - តើការបង្កើតក្រុង«បូកគោ»នៅក្នុងបរិបទរាលដាលជំងឺកូវីដ១៩ជារឿងចាំបាច់ដែរឬទេ?
រដ្ឋាភិបាលកម្ពុជាបានសម្រេចបង្កើតក្រុងមួយទៀតនៅក្នុងខេត្តកំពត ដោយមានឈ្មោះថា ក្រុងបូកគោ។ នេះបើយោងអនុក្រឹតរដ្ឋាភិបាលចុះនៅថ្ងៃទី១០មីនាឆ្នាំ២០២១។ បើតាមអនុក្រឹត ក្រុងបូកគោនឹងមានសង្កាត់ចំនួន៣ ដែលកាត់ចេញពីស្រុកទឹកឈូខេត្តកំពតផ្ទាល់ រួមមានសង្កាត់បឹងទូក សង្កាត់កោះតូច និងសង្កាត់ព្រែកត្នោត។ ជាការកត់សម្គាល់ ការបង្កើតក្រុងថ្មីនាពេលនេះ ធ្វើឡើងនៅអំឡុងពេលដែលកម្ពុជាកំពុងតែទប់ទល់នឹងការឆ្លងរាលដាលនៃជំងឺកូវីដ១៩ជាសហគមន៍។ តើការបង្កើតក្រុង«បូកគោ»នៅក្នុងបរិបទរាលដាលជំងឺកូវីដ១៩នេះជារឿងចាំបាច់ដែរឬទេ?
12 min
March 31, 2021 ព្រឹត្តិការណ៍កម្ពុជាប្រចាំថ្ងៃ - តើគួរធ្វើដូចម្តេចទើបអាចលុបបំបាត់ព័ត៌មានក្លែងក្លាយឱ្យមានប្រសិទ្ធភាព?
នារយៈពេលចុងក្រោយនេះ សកម្មភាពប្រឌិតព័ត៌មានក្លែងក្លាយពាក់ព័ន្ធនឹងជំងឺកូវីដ១៩ ជាពិសេស បញ្ហាចាក់វ៉ាក់សាំងបង្ការជំងឺកូវីដ១៩បានកើតឡើងជាបន្តបន្ទាប់មិនដាច់សោះ។ ព័ត៌មានមិនពិតទាំងអស់នេះ ត្រូវបានគេចែកចាយនៅតាមបណ្តាញសង្គមហ្វេសប៊ុកបង្កឱ្យមានភាពច្របូកច្របល់ ការភ័នច្រឡំ និងមន្ទិលសង្ស័យពាក់ព័ន្ធបញ្ហាជំងឺកូវីដ១៩ និងការចាក់វ៉ាក់សាំង។ ក្រសួងសុខាភិបាលតែងតែបានចេញមកទាត់ចោលជារើយៗចំពោះព័ត៌មានប្រឌិតទាំងអស់នេះ ហើយថែមទាំងស្នើឱ្យអាជ្ញាធរចាត់ការទៅតាមផ្លូវច្បាប់ថែមទៀត។ ប៉ុន្តែ បញ្ហានេះនៅតែឡើងដដែលជាដដែលៗ។ ដូច្នេះ ដើម្បីដោះស្រាយបញ្ហានេះឱ្យមានប្រសិទ្ធភាព តើគេគួរតែធ្វើយ៉ាងដូចម្តេច?
12 min
March 30, 2021 ព្រឹត្តិការណ៍កម្ពុជាប្រចាំថ្ងៃ - ការរៀបចំសណ្តាប់ធ្នាប់គឺជារឿងចាំបាច់ដើម្បីសម្រេចផែនការចាក់វ៉ាក់សាំងឲ្យបាន១លាននាក់ក្នុង១ខែ
អ្នកឃ្លាំមើលលើកឡើងថាដើម្បីសម្រេចផែនការចាក់វ៉ាក់សាំងឲ្យបាន១លាននាក់ក្នុង១ខែ រដ្ឋត្រូវរៀបចំសណ្តាប់ធ្នាប់នៅទីតាំងចាក់វ៉ាក់សាំងឲ្យមានរបៀបរៀបរយ ដើម្បីបញ្ជៀសហានិភ័យក្នុងឆ្លងរាលដាលកូវីដ១៩ ខណៈយុទ្ធនាការចាក់វ៉ាក់សាំងទ្រង់ទ្រាយធំនឹងកើតឡើងនាពេលខាងមុខ។ ការលើកឡើងយ៉ាងដូច្នេះ គឺបន្ទាប់ពីលោកនាយករដ្ឋមន្ត្រី ហ៊ុន សែន កាលពីម្សិលមិញ បានបញ្ជាទៅកាន់អភិបាលខេត្តទាំងអស់ ត្រូវទទួលខុសត្រូវរៀបចំកន្លែងស្នាក់នៅសម្រាប់គ្រូពេទ្យថ្នាក់ជាតិ ចុះទៅចាក់វ៉ាក់សាំងដល់ប្រជាពលរដ្ឋនៅតាមខេត្តនីមួយៗ។
11 min