ព្រឹត្តិការណ៍​កម្ពុជា​ប្រចាំថ្ងៃ by RFI ខេមរភាសា / Khmer

April 23, 2021 ព្រឹត្តិការណ៍កម្ពុជាប្រចាំថ្ងៃ - នៅក្នុងដំណាក់កាលដ៏តឹងតែង និងគ្រោះថ្នាក់បំផុត ហេតុអ្វីនៅតែមានអ្នកហ៊ានល្មើសច្បាប់ធ្ងន់ធ្ងរ?

ត្រឹមរយៈពេល១សប្តាហ៍ប៉ុណ្ណោះ យ៉ាងហោចណាស់ក៏មានមន្ត្រីជាន់ខ្ពស់នៃកងកម្លាំងប្រដាប់អាវុធ២រូបដែរ ដែលបានបង្ហាញនូវភាពលេចធ្លោនូវសកម្មភាពល្មើសច្បាប់ និងបទបញ្ជាតឹងរឹងរបស់រដ្ឋាភិបាលនៅអំឡុងពេលនៃការប្រយុទ្ធប្រឆាំងនឹងជំងឺកូវីដ-១៩។ នោះគឺ លោកឧត្តមសេនីយ៍ទោ(ផ្កាយ២) អ៊ុង ចាន់ធួក ខាងនគរបាលជាតិ ដែលបាននាំគ្នាផឹកស៊ី រាំច្រៀងកាលពីថ្ងៃចូលឆ្នាំខ្មែរ និងម្នាក់ទៀតឧត្តមសេនីយ៍ផ្កាយ២ ដែរ ខាងយោធាឈ្មោះ ស៊ុំ ពៅ ដែលបានឆ្លៀតឱកាសលួចរត់ពន្ធជនជាតិចិនជិត៣០នាក់ពីភ្នំពេញ ទៅខេត្តស្វាយរៀងកាលពីថ្ងៃទី២១ ខែមេសាកន្លងទៅ។ ឧទាហរណ៍ធំៗទាំង២ករណីនេះ បើទោះណាជាមិនតំណាងឲ្យភាពទូទៅនៃកងកម្លាំង ក៏ប៉ុន្តែវាជះឥទ្ធិពលមិនល្អដល់ការអនុវត្តច្បាប់ ជាពិសេសជាហេតុផលមួយដែលរុញឲ្យការងាររដ្ឋាភិបាល ក្នុងការប្រយុទ្ធប្រឆាំងនឹងកូវីដ-១៩ មិនទទួលបានជោគជ័យ។

11 min

April 23, 2021 ព្រឹត្តិការណ៍កម្ពុជាប្រចាំថ្ងៃ - នៅក្នុងដំណាក់កាលដ៏តឹងតែង និងគ្រោះថ្នាក់បំផុត ហេតុអ្វីនៅតែមានអ្នកហ៊ានល្មើសច្បាប់ធ្ងន់ធ្ងរ?

ត្រឹមរយៈពេល១សប្តាហ៍ប៉ុណ្ណោះ យ៉ាងហោចណាស់ក៏មានមន្ត្រីជាន់ខ្ពស់នៃកងកម្លាំងប្រដាប់អាវុធ២រូបដែរ ដែលបានបង្ហាញនូវភាពលេចធ្លោនូវសកម្មភាពល្មើសច្បាប់ និងបទបញ្ជាតឹងរឹងរបស់រដ្ឋាភិបាលនៅអំឡុងពេលនៃការប្រយុទ្ធប្រឆាំងនឹងជំងឺកូវីដ-១៩។ នោះគឺ លោកឧត្តមសេនីយ៍ទោ(ផ្កាយ២) អ៊ុង ចាន់ធួក ខាងនគរបាលជាតិ ដែលបាននាំគ្នាផឹកស៊ី រាំច្រៀងកាលពីថ្ងៃចូលឆ្នាំខ្មែរ និងម្នាក់ទៀតឧត្តមសេនីយ៍ផ្កាយ២ ដែរ ខាងយោធាឈ្មោះ ស៊ុំ ពៅ ដែលបានឆ្លៀតឱកាសលួចរត់ពន្ធជនជាតិចិនជិត៣០នាក់ពីភ្នំពេញ ទៅខេត្តស្វាយរៀងកាលពីថ្ងៃទី២១ ខែមេសាកន្លងទៅ។ ឧទាហរណ៍ធំៗទាំង២ករណីនេះ បើទោះណាជាមិនតំណាងឲ្យភាពទូទៅនៃកងកម្លាំង ក៏ប៉ុន្តែវាជះឥទ្ធិពលមិនល្អដល់ការអនុវត្តច្បាប់ ជាពិសេសជាហេតុផលមួយដែលរុញឲ្យការងាររដ្ឋាភិបាល ក្នុងការប្រយុទ្ធប្រឆាំងនឹងកូវីដ-១៩ មិនទទួលបានជោគជ័យ។

11 min

April 21, 2021 ព្រឹត្តិការណ៍កម្ពុជាប្រចាំថ្ងៃ - ការបិទផ្សារនៅក្នុងដំណាក់កាលនេះ តើបានជះឥទ្ធិពលដល់ប្រជាពលរដ្ឋយ៉ាងណា?

ទីផ្សារទាំងតូចទាំងធំជាច្រើន នៅរាជធានីភ្នំពេញត្រូវអាជ្ញាធរប្រកាសបិទជាបន្តបន្ទាប់គ្នា ក្រោយពីរកឃើញថា ទីផ្សារទាំងអស់នោះជាកន្លែងឆ្លងរាលដាលជំងឺកូវីដ-១៩ ដ៏ច្រើនសន្ធឹកសន្ធាប់។ ការបិទទីផ្សារនេះ ត្រូវបានស្វាគមន៍ជាទូទៅ ក្នុងគោលបំណងកាត់ផ្តាច់ការឆ្លងរាលដាលជំងឺកូវីដ-១៩។ ក៏ប៉ុន្តែការបិទទីផ្សារ ស្របពេលនឹងការបិទខ្ទប់ការចល័តរបស់ប្រជាពលរដ្ឋ ធ្វើឲ្យមានការលើកឡើងថា រដ្ឋមិនមានយន្តការ ត្រៀមទុកជាមុន ដើម្បីផ្គត់ផ្គង់តម្រូវការប្រចាំថ្ងៃរបស់ប្រជាពលរដ្ឋដូចជាគ្រឿងឧបភោគ បរិភោគ ត្រី សាច់ បន្លែ ជាដើម។ ការបិទផ្សារជាច្រើនបែបនេះ ក៏ជាហេតុផលមួយធ្វើឲ្យទំនិញឡើងថ្លៃដែរ នៅពេលតម្រូវការ មានច្រើនលើសលប់លើការផ្គត់ផ្គង់ បើទោះណាជាអាជ្ញាធរធ្វើការអំពាវនាវកុំឲ្យមានការឡើងថ្លៃក៏ដោយ។

13 min

April 16, 2021 ព្រឹត្តិការណ៍កម្ពុជាប្រចាំថ្ងៃ - បម្រាមលក់គ្រឿងស្រវឹងមានប្រសិទ្ធភាពបែបណា?

ក្រៅពីការបិទខ្ទប់រាជធានីភ្នំពេញ និងក្រុងតាខ្មៅ ដើម្បីទប់ស្កាត់ការរីករាលដាលជំងឺកូវីដ១៩នោះ ក៏មានដែរការហាមឃាត់ការលក់គ្រឿងស្រវឹងនៅទូទាំងប្រទេស។ ចំណាត់ការរបស់រដ្ឋាភិបាល ត្រូវបានអ្នកតាមដានពីការអភិវឌ្ឍសង្គមស្វាគមន៍ ដោយសង្ឃឹមថា វិធានការនេះ អាចចូលរួមចំណែកកាត់បន្ថយការចម្លងជំងឺកូវីដ១៩។ ជាការកត់សម្គាល់ បន្ទាប់ពីមានការប្រកាសរបស់លោកនាយករដ្ឋមន្ត្រីហ៊ុន សែន ខេត្តក្រុងនៅក្នុងប្រទេសកម្ពុជាបានប្រកាសអនុវត្តវិធានការហាមឃាត់នេះ ដោយព្រមានអនុវត្តច្បាប់មិនលែកលែងចំពោះអ្នកល្មើស។

13 min

April 14, 2021 ព្រឹត្តិការណ៍កម្ពុជាប្រចាំថ្ងៃ - អ្នកជំនាញផ្នែកវប្បធម៌៖ការខកខានជួបជុំគ្នាក្នុងពិធីបុណ្យចូលឆ្នាំខ្មែរមិនធ្វើឱ្យប៉ះពាល់ប្រពៃណីវប្បធម៌ឡើយ

ឆ្នាំនេះជាឆ្នាំទី២ហើយ ដែលពលរដ្ឋខ្មែរមិនបានរៀបចំពិធីជួបជុំ និងលេងល្បែងប្រជាប្រិយនៅតាមទីវត្តអារាម និងធ្វើដំណើរកំសាន្តនៅតាមទីរមណីយដ្ឋាននានា ក្នុងពិធីបុណ្យចូលឆ្នាំខ្មែរ ដោយសារតែការរីករាលដាលជំងឺកូវីដ១៩ ។ ខកខានការជួបជុំក្នុងពិធីបុណ្យចូលឆ្នាំខ្មែរ ត្រូវបានអ្នកជំនាញផ្នែកវប្បធម៌មើលឃើញថា មិនមានផលប៉ះពាល់អ្វីដល់ប្រពៃណីវប្បធម៌ខ្មែរនោះទេ។

11 min

April 13, 2021 ព្រឹត្តិការណ៍កម្ពុជាប្រចាំថ្ងៃ - តើកម្ពុជាអាចឈានទៅដល់ការដណ្តើមវ៉ាក់សាំងគ្នាដែរឬទេ?

លោកសម រង្ស៊ី ប្រធានស្តីទីអតីតគណបក្សសង្រ្គោះជាតិកាលពីថ្ងៃទី១១ ខែមេសាបានចេញសារជាវីដេអូដ៏គួរភ្ញាក់ផ្អើលមួយដោយរៀបរាប់ពីគុណសម្បតិ្តនៃវ៉ាក់សាំងបង្ការជំងឺកូវីដ១៩របស់ចិន។ មិនតែប៉ុណ្ណោះ លោកថែមទាំងអំពាវនាវឱ្យប្រជាពលរដ្ឋទៅចាក់វ៉ាក់នេះឱ្យគ្រប់គ្នា ដើម្បីការពារខ្លួនពីជំងឺកូវីដ១៩។ ប៉ុន្តែ នៅយប់ថ្ងៃទី១២ ខែមេសា លោកនាយករដ្ឋមន្រ្តីហ៊ុន សែន បានចេញសារជាសំឡេងមួយតបទៅវិញ ដោយអះអាងថា ការជំរុញរបស់លោកសម រង្ស៊ីនេះ គឺមានចេតនាមិនល្អ ពោល គឺចង់ឱ្យពលរដ្ឋនាំគ្នាសម្រុកទៅចាក់វ៉ាក់ក្នុងពេលតែមួយដែលកម្ពុជាពុំទាន់មានវ៉ាក់សាំងគ្រប់គ្រាន់នៅឡើយ។ សម្រាប់លោកហ៊ុន សែន គឺលោកសម រង្ស៊ី ចង់ឱ្យពលរដ្ឋទៅដណ្តើមគ្នាចាក់វ៉ាក់សាំង។ ដូច្នេះ តើការដណ្តើមគ្នាចាក់វ៉ាក់សាំងនេះ អាចកើតមានដែរឫទេនៅកម្ពុជា?

12 min

April 12, 2021 ព្រឹត្តិការណ៍កម្ពុជាប្រចាំថ្ងៃ - កូវីដ១៩៖ តើការផ្អាកអាជីវកម្មម្ហូបអាហារ និងគ្រឿងស្រវឹងគ្រប់ប្រភេទ អាចប៉ះពាល់ដល់សេដ្ឋកិច្ចកម្ពុជាដែរឬ?

ដើម្បីអាចកាត់ផ្តាច់ការចម្លងកូវីដ១៩បន្តក្នុងសហគមន៍ សាលារាជធានីភ្នំពេញបានសម្រេចផ្អាកជាបណ្តោះអាសន្នរយៈពេល២សប្តាហ៍នូវការលក់គ្រឿងស្រវឹង និងអាជីវកម្មអាហារភេសជ្ជៈគ្រប់ប្រភេទនៅក្នុងហាង លើកលែងតែវេចខ្ចប់តែប៉ុណ្ណោះ។ សហព័ន្ធសហជីពកម្មករក្នុងវិស័យម្ហូវអាហារ លើកឡើងថា កន្លងមក ម្ចាស់ភោជនីយដ្ឋានឬអាជីវកម្មនិងអ្នកធ្វើការក្នុងផ្នែកនេះ បានបាត់បង់ចំណូលមួយផ្នែកធំទៅហើយ បន្ថែមដោយវិធានថ្មីនេះ ជីវភាពពួកគេនឹងកាន់តែលំបាកមួយកម្រិតទៀត។ រីឯអ្នកសេដ្ឋកិច្ចវិញ ចំណាត់ការថ្មីនេះ មិនផ្តល់ផលប៉ះពាល់ដល់សេដ្ឋកិច្ចកម្ពុជាធ្ងន់ធ្ងរនោះទេ ពោលគឺវាគ្រាន់តែជាផលប៉ះពាល់មួយផ្នែកតូចតែប៉ុណ្ណោះ។

11 min

April 11, 2021 ព្រឹត្តិការណ៍កម្ពុជាប្រចាំថ្ងៃ - កង្វះអភិបាលកិច្ចក្នុងការរៀបចំចាក់វ៉ាក់សាំងត្រូវបានចោទឡើង

ប្រមុខរដ្ឋាភិបាលកម្ពុជា បានប្រកាសម្សិលមិញថា មានពលរដ្ឋកម្ពុជាប្រមាណ១លាននាក់ហើយដែលបានចាក់វ៉ាក់សាំងប្រឆាំងកូវីដ១៩ ខណៈមន្ត្រីរាជការ និងកងម្លាំងប្រដាប់អាវុធ ការចាក់វ៉ាក់សាំងត្រូវបានកំណត់ជាកាតព្វកិច្ច។ យ៉ាងណាក៏ដោយ នៅពេលដែលមនុស្សកាន់តែច្រើនសម្រុកទៅចាក់វ៉ាក់សាំង មានបញ្ហាមួយចំនួនបានចោទឡើង ដូចជា កង្វះខាត វ៉ាក់សាំង និងការមិនអាចរក្សាគម្លាតសុវត្ថិភាព ជាដើម។ ហេតុអ្វីបានជាបញ្ហាទាំងនេះត្រូវបានចោទឡើង?

12 min

April 10, 2021 ព្រឹត្តិការណ៍កម្ពុជាប្រចាំថ្ងៃ - តើអ្វីទៅជាវិធានការដែលមានប្រសិទ្ធភាព នៅពេលកូវីដ-១៩ ឆ្លងរាលដាលកាន់តែខ្លាំង?

តួលេខនៃការឆ្លងជំងឺកូវីដសហគមន៍ បានហក់ឡើងខ្ពស់រហូតដល់ ៥៧៦នាក់ កាលពីថ្ងៃសុក្រម្សិលមិញ ដែលតួលេខនេះ ត្រូវគេមើលឃើញថាជាចំណុចប្រកាសអាសន្នមួយ ដែលទាមទារឲ្យមានវិធានការតឹងរឹងបន្ថែមទៀត ជាពិសេសសម្រាប់ពលរដ្ឋនៅទីក្រុងភ្នំពេញ។ អ្នកវិភាគសង្គមនានាមើលឃើញថា រដ្ឋាភិបាល និងអ្នកពាក់ព័ន្ធគប្បីមានយន្តការជាក់លាក់ ដ៏មានប្រសិទ្ធភាពផ្សេងៗទៀត ខណៈដែលវិធានការទប់ស្កាត់ការឆ្លងរាលដាលនៃជំងឺកូវីដ-១៩ ដែលកំពុងអនុវត្តរាល់ថ្ងៃហាក់ដូចជាមិនមានប្រសិទ្ធភាពទាល់តែសោះ។

12 min

April 09, 2021 ព្រឹត្តិការណ៍កម្ពុជាប្រចាំថ្ងៃ - ១សប្តាហ៍នៃបម្រាមគោចរ៖តើមានប្រសិទ្ធភាពកម្រិតណាក្នុងការទប់ស្កាត់ការឆ្លងរាលដាលជំងឺកូវីដ១៩នៅភ្នំពេញ?

គិតមកដល់ថ្ងៃសុក្រនេះ គឺជាថ្ងៃទី៩ហើយដែលសាលារាជធានីភ្នំពេញបានដាក់បម្រាមគោចរហាមធ្វើដំណើរ និងការជួបជុំគ្នាចន្លោះពីម៉ោង៨យប់រហូតដល់ម៉ោង៥ទៀបភ្លឺ។ ក្នុងរយៈពេល១សប្តាហ៍មកនេះ អាជ្ញាធររាជធានីភ្នំពេញ បានអះអាងថា ប្រជាពលរដ្ឋច្រើនលើសលប់បានអនុវត្តតាមបម្រាមគោរពនេះ ដោយមិនមានភាពប្រទាំងប្រទើសជាមួយអាជ្ញាធរឡើយ។ បើទោះជាបែបនេះក្តី ការឆ្លងជំងឺកូវីដ១៩នៅក្នុងរាជធានីភ្នំពេញនៅតែមានចំនួនកើនឡើងជាបន្តបន្ទាប់ដដែល។ ប្រឈមនឹងបញ្ហានេះ អ្នកឃ្លាំមើលបញ្ហាសង្គមបានលើកឡើងថា រដ្ឋាភិបាលគួរពិនិត្យមើលចំណាត់ការនេះឡើងវិញ និងរិះរកវិធានការដទៃ ដើម្បីទប់ស្កាត់ការឆ្លងរាលដាលជំងឺកូវីដ១៩ឱ្យមានប្រសិទ្ធភាព។

13 min