ព្រឹត្តិការណ៍កម្ពុជាប្រចាំថ្ងៃ

By RFI ខេមរភាសា / Khmer

ព្រឹត្តិការណ៍កម្ពុជាប្រចាំថ្ងៃ episodes

May 20, 2021 ព្រឹត្តិការណ៍កម្ពុជាប្រចាំថ្ងៃ - តើត្រូវធ្វើយ៉ាងណា ដើម្បីទប់ស្កាត់ការចម្លងកូវីដ១៩ពីភ្នំពេញទៅកាន់ខេត្តនានា?
មួយរយៈចុងក្រោយនេះ អត្រាឆ្លងជំងឺកូវីដ១៩ថ្មីនៅក្នុងរាជធានីភ្នំពេញដែលជាតំបន់ប្រឈមហានិភ័យខ្លាំងបានថយចុះគួរឱ្យកត់សម្គាល់។ ប៉ុន្តែ ចំនួនឆ្លងបែរជាទៅកើនឡើងនៅតាមបណ្តាខេត្តនានាទៅវិញ ហើយភាគច្រើន គឺអ្នកនៅរាជធានីភ្នំពេញនាំជំងឺកូវីដ១៩នេះទៅចម្លងទៅអ្នករស់នៅតាមខេត្ត។ អ្នកតាមដានបញ្ហាសង្គមបានសម្តែងការព្រួយបារម្ភពីស្ថានភាពនេះ និងថា អាជ្ញាធរខេត្តនីមួយៗត្រូវយកចិត្តទុកដាក់ឱ្យបានខ្ពស់មែនទែន ដើម្បីទប់ស្កាត់ការឆ្លងរាលដាលនៃជំងឺរាតត្បាតនេះ។ ចំណែក ក្រសួងយុត្តិធម៌បានអះអាងថា រដ្ឋាភិបាលបានដាក់ចេញនូវវិធានការទប់ស្កាត់រួចរាល់ហើយដើម្បីឱ្យអាជ្ញាធរខេត្តយកទៅអនុវត្ត។ ប៉ុន្តែ ក្រសួងយុត្តិធម៌ក៏អះអាងដែរថា ការខិតខំតែអាជ្ញាធរតែម្ខាង គឺមិនមានប្រសិទ្ធភាពពេញលេញទេ ពោល គឺត្រូវមានការចូលរួមពីសំណាក់ប្រជាពលរដ្ឋ។
13 min
May 19, 2021 ព្រឹត្តិការណ៍កម្ពុជាប្រចាំថ្ងៃ - តើការដែលមានច្បាប់ និងលិខិតបទដ្ឋានគតិយុត្ត ពិតជាជួយលើកគុណតម្លៃឧកញ៉ាឬ?
រដ្ឋាភិបាលកម្ពុជាកាលពីខែមេសា កន្លងទៅ បានបង្កើតក្រុមការងារអន្តរក្រសួងមួយ ដើម្បីសិក្សា រៀបចំលិខិតបទដ្ឋានគតិយុត្ត សម្រាប់ការគ្រប់គ្រងឧកញ៉ា ការផ្តល់គោរមងារឧកញ៉ា និងការដកហូតគោរមងារឧកញ៉ា។ ក្រុមការងារនេះ មានភារកិច្ចសិក្សាស្រាវជ្រាវ ផ្តួចផ្តើមក្នុងការបង្កើតលិខិតបទដ្ឋានគតិយុត្តនានា សិក្សាស្រាវជ្រាវច្បាប់ ដើម្បីជាធាតុចូល សិក្សាអំពីសិទ្ធិ និងកាតព្វកិច្ចរបស់ឧកញ៉ាក្នុងការចូលរួមកិច្ចការសង្គម រៀបចំបែបបទ និងនីតិវិធីនៃការគ្រប់គ្រងឧកញ៉ាក៏ដូចជាការស្នើសុំផ្តល់គោរមងារឧកញ៉ា អ្នកឧកញ៉ា និងការដកហូតគោរមងារឧកញ៉ាជាដើម។ ទាក់ទងទៅនឹងការបង្កើតឲ្យមានលិខិតបទដ្ឋានគតិយុត្ត និងនីតិវិធីនៃការគ្រប់គ្រងឧកញ៉ានេះ អ្នកតាមដានសង្គមនានាមើលឃើញថាជាការល្អ ដើម្បីលើកតម្លៃ និងកិត្តិយសឧកញ៉ាពិតប្រាកដ។
12 min
May 18, 2021 ព្រឹត្តិការណ៍កម្ពុជាប្រចាំថ្ងៃ - យុទ្ធនាការប័ណ្ណនាឡិកាលោក សម រង្ស៊ី៖ តើជាការគៀងគរលុយដើម្បីមកជួយពលរដ្ឋខ្មែរ ឬជាយុទ្ធសាស្រ្តនយោបាយថ្មី?
លោកសម រង្ស៊ីប្រធានស្តីទីអតីតគណបក្សសង្រ្គោះជាតិបានបង្កើតនូវយុទ្ធនាការថ្មីមួយឈ្មោះថា ប័ណ្ណនាឡិកាដៃសម រង្ស៊ី ដែលប័ណ្ណនេះ គឺដាក់លក់ក្នុងតម្លៃ៥ដុល្លារ។ អ្នកដែលទិញប័ណ្ណនេះ នឹងត្រូវគេផ្តល់លេខប័ណ្ណដើម្បីចូលរួមចាប់ឆ្នោតផ្សងសំណាងទទួលបាននាឡិកាលោក សម រង្ស៊ី នៅថ្ងៃទី០៦ មិថុនា ២០២១ ខាងមុខនេះ។ លោកសម រង្ស៊ី បានគូសបញ្ជាក់ថា ការទិញប័ណ្ណនាឡិកា សម រង្ស៊ី នេះ គឺជាកាយវិការដ៏ថ្លៃថ្លា និងជានិមិត្តរូបនៃការបរិច្ចាគចេញពីខ្លួនពលរដ្ឋម្នាក់ៗ ដើម្បីរួមចំណែកប្រមូលថវិកាយកទៅជួយប្រជាពលរដ្ឋខ្មែរក្រីក្រនៅកម្ពុជាដែលកំពុងតែខ្វះខាតស្បៀងអាហារ ដោយសារវិបត្តិជំងឺកូវីដ-១៩ និងវិបត្តិសេដ្ឋកិច្ចដ៏ធ្ងន់ធ្ងរ។ ប៉ុន្តែគណបក្សកាន់អំណាចនៅកម្ពុជាវិញបានអះអាងថា យុទ្ធនាការនេះ គឺគ្រាន់តែជាការបោកប្រាស់ថ្មី ដើម្បីប្រមូលលុយរបស់លោកសម រង្ស៊ីប៉ុណ្ណោះ។
12 min
May 17, 2021 ព្រឹត្តិការណ៍កម្ពុជាប្រចាំថ្ងៃ - ហេតុអ្វីរដ្ឋាភិបាលកម្ពុជានៅតែបន្តលើកឡើងពីស្រមោលរបស់អតីតបក្សប្រឆាំង?
បើទោះបីជាគណបក្សសង្គ្រោះជាតិត្រូវបានរំលាយតាំងពីឆ្នាំ២០១៧មុនបោះឆ្នោតថ្នាក់ជាតិ២០១៨ក៏ដោយ តែស្រមោលរបស់អតីតបក្សប្រឆាំងធំជាងគេមួយនេះនៅតែធ្វើឲ្យមេដឹកនាំបក្សកាន់អំណាចមានការប្រុងប្រយ័ត្ន។ប្រុងប្រយ័ត្ន ដោយសារតែលោក ហ៊ុន សែន បានបញ្ជាឲ្យកម្លាំងនគរបាលជាតិ ត្រៀមបង្ក្រាបឲ្យទាន់ពេលរាល់សកម្មភាពរបស់ក្រុមនេះ ដែលលោកចោទថា ប៉ុនប៉ងវាយប្រហារការបោះឆ្នោតឃុំ-សង្កាត់ឆ្នាំ២០២២ ខាងមុខ។ ហេតុអ្វីត្រូវប្រុងប្រយ័ត្នពីស្រមោលរបស់អតីតបក្សប្រឆាំង ខណៈដែលរដ្ឋាភិបាលតែងអះអាងថាសង្គ្រោះជាតិបានស្លាប់បាត់ទៅហើយនោះ?
11 min
May 16, 2021 ព្រឹត្តិការណ៍កម្ពុជាប្រចាំថ្ងៃ - តើអាជ្ញាធរគួរមានវិធានការអ្វីខ្លះ ក្នុងការកាត់បន្ថយការឆ្លងព្រំដែនខុសច្បាប់?
បើទោះបីជាក្នុងស្ថានភាពកូវីដ១៩ហើយក្តី ការឆ្លងព្រំដែនដោយខុសច្បាប់ នៅតែបន្តកើតមានជាបន្តបន្ទាប់ដោយជនបរទេស និងពលរដ្ឋខ្មែរ។ ចំពោះរបាយការណ៍ផ្តល់ដោយអគ្គនាយកដ្ឋានអន្តោប្រវេសន៍កម្ពុជា គិតចាប់ខែកុម្ភៈដល់មេសា អាជ្ញាធរបង្ក្រាបបានករណីលួចឆ្លងព្រំដែនខុសច្បាប់មកកម្ពុជាចំនួន ១៣ករណី ឃាត់ខ្លួនមនុស្សជាង១២០នាក់ ភាគច្រើនជាជនជាតិចិន និងវៀតណាម។ តើអាជ្ញាធរគួរមានយន្តការអ្វីខ្លះ ក្នុងការកាត់បន្ថយការឆ្លងព្រំដែនខុសច្បាប់នៅកម្ពុជា?
11 min
May 15, 2021 ព្រឹត្តិការណ៍កម្ពុជាប្រចាំថ្ងៃ - មិនទាន់មានក្បាលម៉ាស៊ីនដឹកនាំ មិនទាន់មានរចនាសម្ព័ន្ធថ្នាក់ក្រោម តើបក្សកែទម្រង់កម្ពុជាអាចចូលការបោះឆ្នោតទាន់ឬទេ?
បន្ទាប់ពីចុះបញ្ជីផ្លូវការនៅក្រសួងមហាផ្ទៃកាលពីអំឡុងខែមីនា ឆ្នាំ២០២១មក គណបក្សកែទម្រង់កម្ពុជាដែលជាគណបក្សនយោបាយទើបបង្កើតថ្មី មិនទាន់មានថ្នាក់ដឹកនាំពិតប្រាកដនៅឡើយទេ។ ចំណែក រចនាសម្ព័ន្ធដឹកនាំនៅថ្នាក់ក្រោមក៏មិនទាន់មាននៅឡើយដែរ។ ដូច្នេះហើយ គណបក្សថ្មីកែទម្រង់កម្ពុជាមិនទាន់បានដំណើរការការងាររបស់ខ្លួនសម្រាប់ត្រៀមចូលរួមការបោះឆ្នោតនៅឆ្នាំ២០២២ និងឆ្នាំ២០២៣ខាងមុខ។ អ្នកវិភាគបញ្ហានយោបាយនៅកម្ពុជាយល់ឃើញថា បើសិនជានៅបណ្តែតបណ្តោយបែបនេះតទៅទៀត គណបក្សថ្មីនេះប្រហែលជាមិនអាចចូលរួមការបោះឆ្នោតទាន់នោះទេ។ បញ្ហានេះ ស្ថាបនិកគណបក្សកែទម្រង់កម្ពុជាក៏បារម្ភអ៊ីចឹងដែរ តែបានបេ្តជ្ញាថា នឹងចូលរួមការបោះឆ្នោតឱ្យទាល់តែបាន។
10 min
May 14, 2021 ព្រឹត្តិការណ៍កម្ពុជាប្រចាំថ្ងៃ - ៦៥ឆ្នាំ៖ តើទំនាក់ទំនងការទូត កម្ពុជា-រុស្ស៊ី វិវត្តទៅបែបណា ដល់កំរិតណា?
ប្រទេសកម្ពុជា និងសហព័ន្ធរុស្ស៊ី កាលពីថ្ងៃទី១៣ ខែឧសភាម្សិលមិញ បានប្រារព្ធខួបលើកទី៦៥ឆ្នាំ នៃទំនាក់ទំនងការទូតរវាងប្រទេសទាំងពីរ ដោយប្រមុខរដ្ឋ ប្រមុខរដ្ឋាភិបាល រួមទាំងប្រមុខស្ថាប័ននីតិបញ្ញត្តិកម្ពុជា និងរុស្ស៊ី បានឆ្លើយឆ្លងលិខិតរវាងគ្នា ប្រកបដោយន័យសហប្រតិបត្តិការទ្វេភាគីលើគ្រប់វិស័យ និងការជឿទុកចិត្តគ្នាយ៉ាងមុតម៉ាំ។ ជុំវិញខួប៦៥ឆ្នាំ នៃទំនាក់ទំនងការទូតរវាងកម្ពុជា-រុស្ស៊ីនេះ អ្នកវិភាគនយោបាយ និងកិច្ចការទំនាក់ទំនងអន្តរជាតិ បានមើលឃើញចំណុចដូចគ្នាថាទំនាក់ទំនងកម្ពុជា និង រុស្ស៊ី បានផ្តោតសំខាន់តែទៅលើរឿងនយោបាយ ច្រើនជាងសេដ្ឋកិច្ច។
13 min
May 13, 2021 ព្រឹត្តិការណ៍កម្ពុជាប្រចាំថ្ងៃ - សំណុំរឿងឧកញ៉ានិងតារាសិល្បៈ៖សង្គមស៊ីវិលថា បើដោះស្រាយមានយុត្តិធម៌ពិត នឹងក្លាយជាគំរូទៅករណីផ្សេងៗទៀត
ម្សិលមិញនេះ សំណុំរឿងប្តឹងផ្តល់គ្នាទៅវិញទៅមករវាងឧកញ៉ាហេង សៀ និងកញ្ញា មាន ពេជ្ររីតាដែលជាពិធីការិនីស្ថានីយទូរទស្សន៍ MYTVបានធ្វើឱ្យកក្រើកបណ្តាញទំនាក់ទំនងសង្គម។ កញ្ញាមាន ពេជ្ររីតា បានប្តឹងឧកញ៉ាហេង សៀ ថាបានប៉ុនប៉ងរំលោភលើនាងនៅក្នុងរថយន្ត។ បណ្តឹងនេះ ធ្វើឡើងបន្ទាប់ពីឧកញ៉ារូបនេះបានប្តឹងកញ្ញាមាន ពេជ្ររីតា ទាក់ទងនឹងការបង្ករបួសស្នាម និងការលួចយកទូរស័ព្ទ។ អ្នកប្រើប្រាស់បណ្តាញសង្គមជាច្រើននាក់ច្រើនប្រភេទបានទាមទារឱ្យតុលាការក្រុងភ្នំពេញស្វែងរកយុត្តិធម៌ដល់ពិធីការិនីស្ថានីយទូរទស្សន៍ MYTV។ ចំណែក អង្គការសង្គមស៊ីវិលនៅកម្ពុជាខ្លះវិញក៏ដូច្នេះដែរ។ ពួកគេបានអះអាងថា បើសិនតុលាការដោះស្រាយបញ្ហានេះឱ្យមានយុត្តិធម៌ពិត នោះវានឹងក្លាយជាគំរូដល់ករណីផ្សេងៗទៀត។ ប៉ុន្តែក្រសួងយុត្តិធម៌បានប្រាប់ឱ្យសាធារណជនរក្សាភាពស្ងៀមស្ងាត់សិន ដោយទុកឱ្យតុលាការដោះស្រាយបញ្ហានេះ។
13 min
May 12, 2021 ព្រឹត្តិការណ៍កម្ពុជាប្រចាំថ្ងៃ - តើគួរបន្តដាក់ឲ្យមានដំបន់ក្រហមតទៅទៀត ឬអនុវត្តយន្តការផ្សេង ដើម្បីកាត់ផ្តាច់ការចម្លងកូវីដ-១៩?
នៅថ្ងៃទី១២ខែឧសភានេះ គឺជាថ្ងៃចុងក្រោយហើយ ដែលអាជ្ញាធរបានកំណត់តំបន់ក្រហម តំបន់លឿងទុំ និងតំបន់លឿងថែម១សប្តាហ៍ បន្តពីការបិទខ្ទប់២សប្តាហ៍កន្លងទៅ។ ការបង្រួញតំបន់ជាពិសេសតំបន់ក្រហម និងតំបន់លឿងទុំ ដែលជាតំបន់មានហានិភ័យខ្ពស់ឲ្យនៅតូច ត្រូវគេមើលឃើញថាបានហុចលទ្ធផលមក ជាវិជ្ជមានបណ្តើរៗហើយ ដោយរយៈពេល៣ថ្ងៃជាប់គ្នា ចំនួនអ្នកឆ្លងកូវីដ-១៩ នៅទីក្រុងភ្នំពេញបានថយចុះពីជាង៥០០នាក់ មកនៅជាង២០០នាក់ ក្នុង១ថ្ងៃ។ បើទោះណាជាអាជ្ញាធរមិនទាន់បង្ហាញពីចំណាត់ការបន្តយ៉ាងណាក៏ដោយ ក៏ប៉ុន្តែអ្នកពាក់ព័ន្ធនឹងបញ្ហាសង្គមមើលឃើញថា ភាពចាំបាច់នៃការរក្សាទុកតំបន់ក្រហម នៅតែអាចធ្វើបន្ត ខណៈដែលជំងឺកូវីដ-១៩ មិនទាន់បានថមថយជាអតិបរមានៅឡើយ។
13 min
May 11, 2021 ព្រឹត្តិការណ៍កម្ពុជាប្រចាំថ្ងៃ - តើចាំបាច់ទេដែលរដ្ឋសភាត្រូវកោះអញ្ជើញរដ្ឋាភិបាលទៅពិភាក្សាគ្នាពីបញ្ហាស្តារសេដ្ឋកិច្ចឡើងវិញក្រោយចប់កូវីដ១៩?
គណបក្សប្រជាធិបតេយ្យមូលដ្ឋានកាលពីពេលថ្មីៗនេះបានបញ្ចេញទស្សនៈចង់ឱ្យរដ្ឋសភាកោះអញ្ជើញរដ្ឋាភិបាលកម្ពុជាទៅពិភាក្សាអំពីផែនការជាក់លាក់ក្នុងការស្តារសេដ្ឋកិច្ចជាតិឡើងវិញក្រោយវិបត្តិកូវីដ១៩មានស្ថានភាពធូរស្រាល។ គណបក្សនេះបានអះអាងថា ក្នុងកាលៈទេសៈនេះ វា គឺមានភាពចាំបាច់ដែលរដ្ឋសភា និងអ្នកតំណាងរាស្រ្តត្រូវបង្ហាញពីតួនាទី និងការទទួលខុសត្រូវរបស់ខ្លួនចំពោះប្រជាពលរដ្ឋ។ អ្នកវិភាគនៅកម្ពុជាក៏មើលឃើញពីសារៈសំខាន់នេះដែរ ប៉ុន្តែបានលើកឡើងថា កិច្ចប្រជុំនេះអាចទៅរួច ឬមិនរួច គឺអាស្រ័យលើឆន្ទៈរបស់អ្នកនយោបាយ ពីព្រោះថា ទាំងរដ្ឋសភា និងរដ្ឋាភិបាល គឺចេញពីគណបក្សប្រជាជនកម្ពុជាតែមួយដូចគ្នា។
12 min