ព្រឹត្តិការណ៍កម្ពុជាប្រចាំថ្ងៃ

By RFI ខេមរភាសា / Khmer

ព្រឹត្តិការណ៍កម្ពុជាប្រចាំថ្ងៃ episodes

May 29, 2021 ព្រឹត្តិការណ៍កម្ពុជាប្រចាំថ្ងៃ - អ្នកជំនាញសេដ្ឋកិច្ចកម្ពុជា និងស្ថាប័នអន្តរជាតិមើលឃើញខុសគ្នាពីកំណើនសេដ្ឋកិច្ចកម្ពុជានៅឆ្នាំនេះ និងឆ្នាំក្រោយ
ស្ថាប័នអន្តរជាតិ២ គឺមូលនិធិរូបិយវត្ថុអន្តរជាតិ(IMF) និងធនាគារអភិវឌ្ឍន៍អាស៊ី(ADB)បានព្យាករពីស្ថានភាពកំណើនសេដ្ឋកិច្ចរបស់កម្ពុជាល្អខ្លាំងនៅក្នុងឆ្នាំ២០២១នេះ និងនៅឆ្នាំ២០២២ បើទោះបីកម្ពុជាកំពុងបន្តរងគ្រោះដោយសារតែជំងឺកូវីដ១៩ក្តី។ បើតាមស្ថាប័នអន្តរជាតិទាំង២នេះ កំណើនសេដ្ឋកិច្ចងើបឡើងវិញ គឺដោយសារតែសេដ្ឋកិច្ចនៅក្នុងតំបន់ពិភពលោក ជាពិសេស ប្រទេសធ្វើពាណិជ្ជកម្មជាមួយបានងើបឡើងវិញអស់ហើយ។ ប៉ុន្តែ អ្នកជំនាញសេដ្ឋកិច្ចនៅក្នុងប្រទេសកម្ពុជាវិញយល់ថា វាប្រហែលមិនអាចកើនឡើងដូចការព្យាករណ៍នោះទេ។ នេះ គឺព្រោះថា កម្ពុជាកំពុងរងវិបត្តិកូវីដ១៩នៅឡើយ ដែលធ្វើសកម្មភាពការងារ និងចង្វាក់ផលិតកម្មមួយចំនួនកំពុងជាប់គាំង។
13 min
May 28, 2021 ព្រឹត្តិការណ៍កម្ពុជាប្រចាំថ្ងៃ - គួរយកជម្រើសធ្វើការ៥០% ដោយប្តូរវេន ឬគួរបិទរោងចក្របណ្តោះអាសន្ន ខណៈកម្មករបន្តឆ្លងកូវីដ-១៩?
អភិបាលរាជធានីភ្នំពេញ លោក ឃួង ស្រេង បានឲ្យដឹងតាមរយៈកិច្ចប្រជុំតាមអនឡាញជាមួយអ្នកពាក់ព័ន្ធថា រោងចក្រកាត់ដេរមួយចំនួន ដែលបើកឡើងវិញ បានអនុញ្ញាតឱ្យកម្មករចូលធ្វើការរហូតដល់ ១០០% ដែលបញ្ហានេះ ធ្វើឲ្យមានហានិភ័យខ្ពស់នៃការឆ្លងរាលដាលជំងឺកូវីដ-១៩ និងខុសគោលការណ៍របស់អន្តរក្រសួង ដែលតម្រូវឲ្យរោងចក្រដំណើរការឡើងវិញជាមួយនឹងកម្មករ ៥០% និងធ្វើការប្តូរវេនគ្នា។ ការលើកឡើងរបស់លោកអភិបាលរាជធានីដូច្នេះ ធ្វើឡើងបន្ទាប់ពីការឆ្លងរាលដាលនៃជំងឺកូវីដ-១៩ មានត្រូវបានគេរកឃើញថាបន្តកើតមានជារៀងរាល់ថ្ងៃនៅតាមរោងចក្រមួយចំនួននៅភ្នំពេញ។ ការឆ្លងជំងឺកូវីដ-១៩ នៅក្នុងចំណោមកម្មករ ធ្វើឲ្យតួលេខប្រចាំថ្ងៃនៅរាជធានីនៅតែស្ថិតក្នុងកំរិតមួយ គួរឲ្យមានការព្រួយបារម្ភនៅឡើយ។
12 min
May 27, 2021 ព្រឹត្តិការណ៍កម្ពុជាប្រចាំថ្ងៃ - តើគួរមានវិធានការយ៉ាងណា ដើម្បីទប់ស្កាត់ការឆ្លងរាលដាលជំងឺកូវីដ១៩ក្នុងពន្ធនាគារឱ្យមានប្រសិទ្ធភាព?
ជំងឺកូវីដ១៩បានចាប់ផ្តើមរាតត្បាតចូលទៅក្នុងពន្ធនាគារក្នុងប្រទេសកម្ពុជា ពិសេស គឺនៅក្នុងពន្ធនាគារក្នុងរាជធានីភ្នំពេញ ខេត្តព្រះសីហនុ និងខេត្តកណ្តាល។ ខេត្តកណ្តាល ត្រូវបានរកឃើញអ្នកជាប់ពន្ធនាគារឆ្លងជំងឺកូវីដ១៩ចុងក្រោយគេមានចំនួនដល់ទៅជាង១០០នាក់ឯណោះ។ អង្គការការពារសិទ្ធិមនុស្សបានសម្តែងនូវការព្រួយបារម្ភចំពោះការឆ្លងរាលដាលនៃជំងឺកូវីដ១៩នេះ ដោយស្នើមានវិធានការចាំបាច់នានា ដើម្បីទប់ស្កាត់ឱ្យបានទាន់ពេលវេលា។ ដូច្នេះតើគួរតែមានវិធានការបែបណា ដើម្បីទប់ស្កាត់ការឆ្លងរាលដាលនៅក្នុងពន្ធនាគារនេះឱ្យមានប្រសិទ្ធភាពខ្ពស់?
11 min
May 26, 2021 ព្រឹត្តិការណ៍កម្ពុជាប្រចាំថ្ងៃ - តើកម្ពុជាគួរប្រើមធ្យោបាយបិទខ្ទប់ដដែល ឬប្រើយន្តការផ្សេង ខណៈអ្នកឆ្លងជំងឺកូវីដ-១៩ បានកើនឡើងវិញ
ការឆ្លងរាលដាលនៃជំងឺកូវីដ-១៩ នៅក្នុងប្រទេសកម្ពុជា បានកើនឡើងវិញរយៈពេល៣ថ្ងៃចុងក្រោយនេះ ដោយក្នុងមួយថ្ងៃៗ មានមនុស្សជាង៥០០នាក់ឆ្លងជំងឺកូវីដ។ ការឆ្លងរាលដាលនៃជំងឺកូវីដ-១៩ ប្រចាំថ្ងៃនៅពេលនេះ គឺពាក់កណ្តាលជាការឆ្លងនៅតាមបណ្តាខេត្តនានា។ ប្រឈមនឹងការងើបឡើងវិញនៃជំងឺកូវីដ-១៩ នេះ រដ្ឋាភិបាលមិនមានផែនការវិលទៅរកវិធានការចាស់ទេ គឺការបិទខ្ទប់ជាទ្រង់ទ្រាយធំ ដោយសារតែប៉ះពាល់ធ្ងន់ធ្ងរដល់សេដ្ឋកិច្ចជាង និងសេដ្ឋកិច្ចគ្រួសារ។ អ្នកជំនាញពីបញ្ហាសង្គមមើលឃើញថាជំរើសបិទខ្ទប់ទ្រង់ទ្រាយធំ ទំនងជាមិនអាចធ្វើទៅបានទៀតទេ ដោយការពន្លឿនការចាក់វ៉ាក់សាំង និងការប្រើប្រាស់ឥរិយាបទប្រយ័ត្នប្រយែងរៀនរស់ក្នុងសម័យកូវីដ គឺជាជម្រើសដែលត្រូវធ្វើបន្តទៅមុខទៀត។
12 min
May 25, 2021 ព្រឹត្តិការណ៍កម្ពុជាប្រចាំថ្ងៃ - តើវត្តមានមន្រ្តីការបរទេសជាន់ខ្ពស់អាមេរិកមកកម្ពុជាមានសារៈសំខាន់យ៉ាងណាចំពោះទំនាក់ទំនងប្រទេសទាំង២?
មន្ត្រីជាន់ខ្ពស់ការបរទេសរបស់សហរដ្ឋអាមេរិក គឺលោកស្រី Wendy R. Sherman គ្រោងនឹងធ្វើដំណើរទស្សនកិច្ចនៅកម្ពុជាចន្លោះថ្ងៃទី២៥ ខែឧសភា និងថ្ងៃទី០៤ ខែមិថុនាខាងមុខនេះដោយនឹងមានជំនួបមួយចំនួនជាមួយមន្រ្តីរដ្ឋាភិបាលកម្ពុជា។ នេះ គឺជាទស្សនៈកិច្ចជាលើកដំបូងរបស់លោកស្រីមកកាន់តំបន់អាស៊ីអាគ្នេយ៍ និងនៅកម្ពុជា។ អ្នកវិភាគស្ថានការនយោបាយបានលើកឡើងថា ដំណើរទស្សនកិច្ចនេះ គឺក្នុងគោលបំណងសំខាន់ដោះស្រាយបញ្ហានៅភូមា ហើយសម្រាប់កម្ពុជា គឺនឹងធ្វើឱ្យទំនាក់ទំនងរវាងកម្ពុជា និងអាមេរិកមានភាពល្អប្រសើរឡើងបន្ថែមទៀត។ ចំណែក អ្នកធ្វើការងារខាងសិទ្ធិមនុស្សវិញយល់ថា លោកស្រី Wendy R. Sherman គួរតែលើកបញ្ហានយោបាយ និងសិទ្ធិមនុស្សទៅនិយាយជាមួយរដ្ឋាភិបាលកម្ពុជា។
11 min
May 24, 2021 ព្រឹត្តិការណ៍កម្ពុជាប្រចាំថ្ងៃ - កូវីដ១៩៖ អាជ្ញាធរនិងពលរដ្ឋគួរសហការគ្នាបែបណាដើម្បីបញ្ចៀសការបិទទីក្រុងជាថ្មី?
តំណាងអង្គការសុខភាពពិភពលោកប្រចាំនៅកម្ពុជា (WHO) និងក្រសួងសុខាភិបាលប្រាប់ពលរដ្ឋឲ្យប្រុងប្រយ័ត្នកូវីដ១៩ បើមិនចង់ឲ្យមានការបិទខ្ទប់ជាថ្មី។ ការអំពាវធ្វើឡើងបន្ទាប់ពីអាជ្ញាធរក្រុងភ្នំពេញសម្រេចបញ្ចប់បម្រាមគោចរ និងអនុញ្ញាតឲ្យអាជីវកម្មអាហារដ្ឋានក្នុងភូមិសាស្រ្តតំបន់លឿង អាចដំណើរការទទួលភ្ញៀវឡើងវិញ។ ការសម្រេចបញ្ចប់ការអនុវត្តបម្រាមគោចរនេះ គឺបន្ទាប់ពីរាជធានីភ្នំពេញបានស្គាល់ភាពធូរស្បើយបន្តិចពីការឆ្លងរាលដាលជំងឺកូវីដ-១៩ ក្នុងសហគមន៍។ ត្បិតថា ធូរស្រាលបន្តិចមែនតែអ្នកជំនាញផ្នែកសុខភាពមិនទាន់សប្បាយចិត្តទាំងស្រុងទេ ដោយបារម្ភទុកជាមុនថា ប្រសិនបើបុគ្គលម្នាក់ៗប្រញាប់ប្រញាល់ធ្វើសកម្មភាពប្រចាំថ្ងៃ និងជាពិសេសបើកការរកស៊ីទទួលទានឡើងវិញតាមបែបធម្មតា ដោយមិនបានត្រៀមលក្ខណ:ឱ្យបានត្រឹមត្រូវទុកជាមុនទេនោះ មិនយូរមិនឆាប់ ប្រទេសកម្ពុជានឹងវិលត្រឡប់មកជួបការបិទខ្ទប់និងទទួលរងការរាតត្បាតជាថ្មីឡើងវិញនៅថ្ងៃណាមួយ។ ដូច្នេះដើម្បី បញ្ចៀសការបិទទីក្រុងជាថ្មី តើអាជ្ញាធរនិងពលរដ្ឋគួរសហការគ្នាបែបណា?
14 min
May 24, 2021 ព្រឹត្តិការណ៍កម្ពុជាប្រចាំថ្ងៃ - កូវីដ១៩៖ អាជ្ញាធរនិងពលរដ្ឋគួរសហការគ្នាបែបណាដើម្បីបញ្ចៀសការបិទទីក្រុងជាថ្មី?
តំណាងអង្គការសុខភាពពិភពលោកប្រចាំនៅកម្ពុជា (WHO) និងក្រសួងសុខាភិបាលប្រាប់ពលរដ្ឋឲ្យប្រុងប្រយ័ត្នកូវីដ១៩ បើមិនចង់ឲ្យមានការបិទខ្ទប់ជាថ្មី។ ការអំពាវធ្វើឡើងបន្ទាប់ពីអាជ្ញាធរក្រុងភ្នំពេញសម្រេចបញ្ចប់បម្រាមគោចរ និងអនុញ្ញាតឲ្យអាជីវកម្មអាហារដ្ឋានក្នុងភូមិសាស្រ្តតំបន់លឿង អាចដំណើរការទទួលភ្ញៀវឡើងវិញ។ ការសម្រេចបញ្ចប់ការអនុវត្តបម្រាមគោចរនេះ គឺបន្ទាប់ពីរាជធានីភ្នំពេញបានស្គាល់ភាពធូរស្បើយបន្តិចពីការឆ្លងរាលដាលជំងឺកូវីដ-១៩ ក្នុងសហគមន៍។ ត្បិតថា ធូរស្រាលបន្តិចមែនតែអ្នកជំនាញផ្នែកសុខភាពមិនទាន់សប្បាយចិត្តទាំងស្រុងទេ ដោយបារម្ភទុកជាមុនថា ប្រសិនបើបុគ្គលម្នាក់ៗប្រញាប់ប្រញាល់ធ្វើសកម្មភាពប្រចាំថ្ងៃ និងជាពិសេសបើកការរកស៊ីទទួលទានឡើងវិញតាមបែបធម្មតា ដោយមិនបានត្រៀមលក្ខណ:ឱ្យបានត្រឹមត្រូវទុកជាមុនទេនោះ មិនយូរមិនឆាប់ ប្រទេសកម្ពុជានឹងវិលត្រឡប់មកជួបការបិទខ្ទប់និងទទួលរងការរាតត្បាតជាថ្មីឡើងវិញនៅថ្ងៃណាមួយ។ ដូច្នេះដើម្បី បញ្ចៀសការបិទទីក្រុងជាថ្មី តើអាជ្ញាធរនិងពលរដ្ឋគួរសហការគ្នាបែបណា?
14 min
May 23, 2021 ព្រឹត្តិការណ៍កម្ពុជាប្រចាំថ្ងៃ - តើការលុបបំបាត់ផ្ទាំងផ្សាយពាណិជ្ជកម្មគ្រឿងស្រវឹង គួរតែត្រូវបានធ្វើនៅខេត្តក្រុងផ្សេងទៀតទេ?
កាលពីថ្ងៃទី២១ ខែឧសភា អភិបាលខេត្តកំពង់ស្ពឺ បានបញ្ជាឲ្យរុះរើផ្ទាំងផ្សាយពាណិជ្ជកម្មគ្រឿងស្រវឹងនៅក្នុងខេត្តនេះ។ ចំណាត់ការនេះ ទទួលបានការស្វាគមន៍ និងត្រូវបានគេចាត់ទុកថាជាខេត្តគំរូមួយ ដែលប្រឆាំងនឹងការផ្សាយពាណិជ្ជកម្មគ្រឿងស្រាវឹងតាមទីសាធារណៈ។ ប៉ុន្តែក៏មានដែរការអំពាវនាវឲ្យ ខេត្តក្រុងផ្សេងទៀត នៅទូទាំងប្រទេសកម្ពុជាអនុវត្តតាម ខណៈនិន្នាការនៃការទទួលទានគ្រឿងស្រវឹងត្រូវបានអ្នកជំនាញមើលឃើញថាមានការកើនឡើង។ មានការកើនឡើង ដោយសារតែការផ្សព្វផ្សាយពីគ្រឿងស្រវឹង មានទំនាក់ទំនងនឹងការសេពគ្រឿងស្រវឹង។
12 min
May 22, 2021 ព្រឹត្តិការណ៍កម្ពុជាប្រចាំថ្ងៃ - តើការចាកចេញពីអតីតបក្សប្រឆាំងជាបន្តបន្ទាប់ជាសញ្ញានៃការបែកបាក់ខ្លាំង ឬជាសេណារីយ៉ូនយោបាយ?
អនុប្រធានអតីតបក្សសង្រ្គោះជាតិ គឺលោកប៉ុល ហំម ជាអ្នកនយោបាយចុងក្រោយដែលបានប្រកាសទៅចូលរួមជាមួយគណបក្សកែទម្រង់កម្ពុជាបង្កើតឡើងដោយក្រុមអតីតមន្ត្រីបក្សប្រឆាំងមួយចំនួន។ មុននេះ ក៏មានមន្រ្តីជាន់ខ្ពស់នៃអតីតគណបក្សសង្រ្គោះជាតិខ្លះបានស្នើសុំសិទ្ធិធ្វើនយោបាយឡើងវិញ ហើយបានទៅបង្កើតគណបក្សនយោបាយថ្មី ខណៈខ្លះទៀតបានចូលរួមជាមួយគណបក្សប្រជាជនកម្ពុជា។ ប៉ុន្តែ ក្នុងចំណោមនេះ ការជ្រកក្រោមដំបូលគណបក្សកែទម្រង់កម្ពុជាតែមួយហាក់មានចំនួនច្រើនជាងគេនៃមន្រ្តីអតីតគណបក្សប្រឆាំង។ ដូច្នេះ តើនេះ ជាសញ្ញាបង្ហាញពីការបែកបាក់សំឡេងប្រឆាំង ឬក៏ជាសេរីណាយ៉ូនយោបាយ?
12 min
May 21, 2021 ព្រឹត្តិការណ៍កម្ពុជាប្រចាំថ្ងៃ - តើកម្ពុជាពិតជាគ្មានភាពលម្អៀងទៅរកចិនដូចការបញ្ជាក់របស់លោក ហ៊ុន សែនឬយ៉ាងណា?
លោកនាយករដ្ឋមន្ត្រីហ៊ុន សែន អះអាងសារជាថ្មីម្តងទៀតនៅថ្ងៃទី២០ ឧសភាថា កម្ពុជាមិនមានភាពលំអៀង ឬពឹងផ្អែកលើជំនួយតែពីប្រទេសចិនតែមួយនោះទេ ផ្ទុយទៅវិញ កម្ពុជាស្វាគមន៍នូវរាល់ជំនួយគ្រប់ប្រទេសជាសម្ព័ន្ធមិត្តទាំងអស់ លើកលែងតែជំនួយបែបភេរវកម្ម និងជំនួយទាំងឡាយណាដែលប៉ះពាល់ដល់អធិបតេយ្យភាពកម្ពុជា។ ការគូសបញ្ជាក់បែបនេះ បន្ទាប់ពីមានការចោទសួរពីអ្នកសារព័ត៌មានបរទេសពីទំនោរកម្ពុជានៅក្រោមជំនួយចិន នៅក្នុងសន្និសីទអន្តរជាតិលើកទី២៦។ អ្នកតាមដានសង្គម នយោបាយ និងអ្នកជំនាញ មើលឃើញស្រដៀងនឹងការបញ្ជាក់ជាថ្មីរបស់លោកហ៊ុន សែនដែរ។
12 min