ព្រឹត្តិការណ៍កម្ពុជាប្រចាំថ្ងៃ

By RFI ខេមរភាសា / Khmer

ព្រឹត្តិការណ៍កម្ពុជាប្រចាំថ្ងៃ episodes

March 29, 2021 ព្រឹត្តិការណ៍កម្ពុជាប្រចាំថ្ងៃ - ដល់ពេលដែលអាជ្ញាធរផាកពិន័យរាល់ការជួបជុំ ប្រមូលផ្ដុំ មិនសមទំនងណាមួយហើយឬនៅ?
ការជួបជុំឬប្រមូលផ្ដុំដោយកន្លែងនៅទីសាធារណៈនៅតែកើតមាន បើទោះបីជាមានការអំពាវនាវឲ្យរក្សាគម្លាត កាត់បន្ថយការជួបជុំ ឬប្រមូលផ្ដុំយ៉ាងណាក៏ដោយ។ ជាក់ស្ដែងស្នងការដ្ឋាននគរបាលរាជធានីភ្នំពេញ កាលពីថ្ងៃទី២៨ ខែមីនា បានឃាត់មនុស្សជាង៥០នាក់ និងម៉ូតូចំនួន ២៥គ្រឿង បន្ទាប់ពីពួកគេបានប្រមូលផ្តុំ ជួបជុំគ្នាច្រើនកុះករនៅទីក្រុងកោះពេជ្រ។ បន្ទាប់ពីឃាត់ខ្លួនពួកគេទាំងនោះត្រូវបាន អនុញ្ញាតឲ្យត្រឡប់ទៅគេហដ្ឋានវិញបន្ទាប់ពីអប់រំ។ បើផ្អែកតាមច្បាប់ថ្មី«អ្នកបំពានវិធានការពារកូវីដ១៩ត្រូវពិន័យពី១លានទៅ២០លានរៀល និងអាចជាប់គុកពី៦ខែដល់ទៅ២០ឆ្នាំ»។ បន្ទាប់ពីច្បាប់ថ្មីដាក់ចេញក្រសួងសុខាភិបាលក៏បានកំណត់បន្ថែមថា បុគ្គលណាដែលមិនពាក់ម៉ាសនៅទីសាធារណៈ និងកន្លែងជួបជុំមនុស្សច្រើន និងមិនរក្សាគម្លាតបុគ្គល គឺនឹងត្រូវរងការផាកពិន័យជាទឹកប្រាក់ពីចន្លោះ២០ម៉ឺនរៀលទៅ១លានរៀល។ ដូច្នេះដល់ពេលដែលអាជ្ញាធរផាកពិន័យរាល់ការជួបជុំឬប្រមូលផ្ដុំមិនសមទំនងណាមួយហើយឬនៅ?
10 min
March 28, 2021 ព្រឹត្តិការណ៍កម្ពុជាប្រចាំថ្ងៃ - តើព្រឹត្តិការណ៍សហគមន៍២០កុម្ភៈពេលនេះ ធ្វើឲ្យកំណើនសេដ្ឋកិច្ចកម្ពុជាប្រែប្រួលយ៉ាងណា?
រហូតមកដល់ពេលនេះ តួលេខអ្នកឆ្លងកូវីដ១៩ នៅមិនទាន់មានសញ្ញាថមថយនៅឡើយ ខណៈរដ្ឋាភិបាលបានដាក់ចេញវិធានការជុំទី៨ ដើម្បីបន្តគ្រប់គ្រងផលប៉ះពាល់លើវិស័យសំខាន់ៗនៃសេដ្ឋកិច្ច។ សម្រាប់ឆ្នាំ២០២១នេះ កំណើនសេដ្ឋកិច្ចកម្ពុជាត្រូវបានព្យាករថានឹងស្ថិតក្នុងរង្វង់ ៤% ក៏ប៉ុន្តែការឆ្លងកូវីដ១៩នៅក្នុងសហគមន៍នាពេលនេះ អាចនឹងធ្វើឲ្យមានការប្រែប្រួលបែបណាដល់សេដ្ឋកិច្ចកម្ពុជា?
11 min
March 26, 2021 ព្រឹត្តិការណ៍កម្ពុជាប្រចាំថ្ងៃ - មន្រ្តី និងសង្គមស៊ីវិលសម្តែងសុទិដ្ឋិនិយមដូចគ្នាចំពោះវត្តមានអ្នករាយការណ៍សិទ្ធិមនុស្សថ្មីនៅកម្ពុជាដែលជាជនជាតិថៃ
លោកសាស្រ្តាចារ្យVitit Muntarbhorn ដែលជាជនជាតិថៃត្រូវបានតែងតាំងជាអ្នករាយការណ៍ពិសេសរបស់អង្គការសហប្រជាជាតិទី៧ស្តីពីស្ថានភាពសិទ្ធិមនុស្សនៅកម្ពុជា។ អ្នករាយការណ៍ថ្មីនេះ នឹងចាប់ផ្តើមបំពេញតួនាទីរបស់លោកនៅថ្ងៃទី ០១ ខែឧសភា ឆ្នាំ ២០២១។ លោកVitit Muntarbhorn គឺជាមេធាវីអន្តរជាតិដែលមានបទពិសោធន៍ខ្ពស់មួយរូប និងជាអតីតអ្នករាយការណ៍ពិសេសអង្គការសហប្រជាជាតិ និងជាសាស្ត្រាចារ្យមហាវិទ្យាល័យនៅអាស៊ីអាគ្នេយ៍ផងដែរ។ ចំពោះវត្តមានរបស់លោកVitit Muntarbhornនៅកម្ពុជាជំនួសលោកស្រីរ៉ូណា ស្មីតនេះ មន្រ្តីសិទ្ធិមនុស្សរដ្ឋាភិបាល និងអង្គការការពារសិទ្ធិមនុស្សនៅកម្ពុជាបានសម្តែងនូវសុទិដ្ឋិនិយមដូចគ្នា ដោយពួកគេលើកឡើងថា រូបលោកនឹងធ្វើការលើបញ្ហាសិទ្ធិមនុស្សនៅកម្ពុជាបានកាន់តែប្រសើរ ព្រោះជាជនជាតិអាស៊ី។
11 min
March 25, 2021 ព្រឹត្តិការណ៍កម្ពុជាប្រចាំថ្ងៃ - តើការអនុវត្តកាតព្វកិច្ចពាក់ម៉ាស់ និងគម្លាតសុវត្ថិភាពនៅភ្នំពេញ និងខេត្ត៤ផ្សេងទៀត នឹងទទួលបានជោគជ័យទេ?
ក្រសួងសុខាភិបាល កាលពីថ្ងៃម្សិលមិញ បានកំណត់យករាជធានីភ្នំពេញ និងខេត្ត៤ផ្សេងទៀត គឺខេត្តព្រះសីហនុ ខេត្តកណ្តាល ខេត្តព្រៃវែង និងខេត្តសៀមរាប គឺជាភូមិសាស្ត្រ ដែលត្រូវអនុវត្តកាតព្វកិច្ចពាក់ម៉ាស និងកាតព្វកិច្ចរក្សាគម្លាតសុវត្ថិភាព។ ការសម្រេចរបស់ក្រសួងសុខាភិបាលដូច្នេះ ក៏ព្រោះតែ ភូមិសាស្ត្រទាំងអស់នេះ មានជាប់ពាក់ព័ន្ធនឹងការឆ្លងរាលដាលនៃជំងឺកូវីដ-១៩ ក្នុងព្រឹត្តិការណ៍សហគមន៍ ២០កុម្ភៈ។ អ្វីដែលជាចំណោទនោះ គឺថាតើវិធានការ ដែលតម្រូវឲ្យមហាជនគោរពតាមពេលនេះ តើនឹងអនុវត្តបានជាទូទៅ និងប្រកបដោយជោគជ័យឬយ៉ាងណា?
11 min
March 24, 2021 ព្រឹត្តិការណ៍កម្ពុជាប្រចាំថ្ងៃ - ក្នុងវិបត្តិកូវីដ១៩នេះ តើធនាគារ និងមីក្រូហិរញ្ញវត្ថុអាចជួយអ្វីខ្លះ ដើម្បីកាត់បន្ថយការលំបាករបស់ពលរដ្ឋ?
នៅក្នុងស្ថានភាពនៃការឆ្លងរាលដាលនៃជំងឺកូវីដ១៩ដែលវាយប្រហារទាំងផ្នែកសុខភាព និងសេដ្ឋកិច្ចនេះ ប្រជាពលរដ្ឋដែលជាប់បំណុលនៅធនាគារ និងគ្រឹះស្ថានមីក្រូហិរញ្ញវត្ថុភាគច្រើនបានត្អូញត្អែរពីការលំបាករបស់ពួកគេ។ លំបាក ពីព្រោះមិនអាចរកស៊ីទទួលទានអ្វីបានដូចមុន ដើម្បីយកមកផ្គត់ផ្គង់ជីវភាពរស់នៅ និងត្រូវបង់ធនាគារ និងគ្រឹះស្ថានមីក្រូហិញ្ញវត្ថុប្រចាំខែទៀត។ ប្រជាពលរដ្ឋខ្លះបានប្រើប្រាស់បណ្តាញសង្គមហ្វេសប៊ុកស្នើសុំឱ្យរដ្ឋាភិបាលកម្ពុជា និងបណ្តាធនាគារ និងគ្រឹះស្ថានមីក្រូហិញ្ញវត្ថុពន្យាពេលបង់ការប្រាក់អីជាដើមដល់ពួកគេ។ ដូច្នេះ នៅក្នុងកាលៈទេសៈនេះ តើធនាគារ និងគ្រឹះស្ថានមីក្រូហិញ្ញវត្ថុអាចពន្យារដល់ពួកគេបានដែរឬទេ? ឬ ក៏អាចជួយសម្រាលតាមវិធីណាផ្សេងបានដែរឬទេ?
12 min
March 23, 2021 ព្រឹត្តិការណ៍កម្ពុជាប្រចាំថ្ងៃ - តើការអនុញ្ញាតឲ្យមានការឈប់សម្រាកពិធីបុណ្យចូលឆ្នាំខ្មែរ អាចប្រឈមនឹងហានិភ័យនៃការឆ្លងកូវីដ-១៩ទេ?
ការឈប់សម្រាកនៅក្នុងឱកាសបុណ្យចូលឆ្នាំប្រពៃណីខ្មែរខាងមុខ ត្រូវបានប្រកាសសាធារណៈនៅថ្ងៃទី២១មីនា ដោយប្រមុខរដ្ឋាភិបាលកម្ពុជា លោកនាយករដ្ឋមន្រ្តីហ៊ុន សែន។ តាមខ្លឹមសារណែនាំ ការឈប់សម្រាកបុណ្យចូលឆ្នាំខ្មែរខាងមុខ ប្រជាពលរដ្ឋកម្ពុជាត្រូវតែប្រកាន់ខ្ជាប់នៅការបង្ការការឆ្លងជំងឺកូវីដ១៩ ដោយការអនុវត្តតាមវិធានការរបស់ក្រសួងសុខាភិបាលជាប្រចាំ។ អ្នកជំនាញឃ្លាំមើលសង្គម មើលឃើញថា ការឈប់សម្រាកសម្រាប់ពិធីបុណ្យចូលឆ្នាំខ្មែរខាងមុខនេះ ការចល័តពីកន្លែងមួយទៅកន្លែងមួយនឹងមានការកើតឡើង ដែលជាហានិភ័យខ្ពស់នូវការចម្លងជំងឺកូវីដ១៩។ ម្យ៉ាងវិញទៀត បច្ចុប្បន្ន កម្ពុជាក៏កំពុងនឹងស្ថិតក្នុងបរិការណ៍កូវីដ១៩ឆ្លងជាសហគមន៍ដែរ។ តើការអនុញ្ញាតឲ្យមានការឈប់សម្រាកពិធីបុណ្យចូលឆ្នាំខ្មែរ អាចប្រឈមនឹងហានិភ័យនៃការឆ្លងកូវីដ-១៩ទេ?
12 min
March 22, 2021 ព្រឹត្តិការណ៍កម្ពុជាប្រចាំថ្ងៃ - គោលការណ៍នាំចូលត្រី៥០ភាគរយពីក្រៅប្រទេសត្រូវបានចោទសួរពីតម្លាភាពនៃការអនុវត្តន៍?
ក្រសួងកសិកម្ម កាលពីថ្ងៃទី១៨មីនា បានស្នើប្រមុខរដ្ឋាភិបាលអនុវត្តគោលការណ៍ឲ្យឈ្មួញនាំចូលត្រីពីក្រៅប្រទេសចំនួន៥០ភាគរយ ហើយពាក់កណ្តាលទៀតត្រូវទិញពីអ្នកចិញ្ចឹមត្រីក្នុងស្រុក។ សំណើរនេះធ្វើឡើងបន្ទាប់ពីក្រសួងកសិកម្មបានផ្អាកការនាំចូលត្រី៤ប្រភេទអស់រយៈពេលជិតមួយខែ ធ្វើឲ្យភាគីវៀតណាមតវ៉ា ហើយទីបំផុតនៅដើមខែកុម្ភៈកន្លងមក កម្ពុជាក៏អនុញ្ញាតឲ្យមានការនាំចូលឡើងវិញ។ យ៉ាងណាក៏ដោយ គោលការណ៍នាំចូលត្រី៥០ភាគរយនេះត្រូវបានសាទរពីភាគីពាក់ព័ន្ធ ប៉ុន្តែថាតើធ្វើដូចម្តេចដើម្បីអនុវត្តគោលការណ៍នេះឲ្យមានប្រសិទ្ធភាព និងតម្លាភាព? នេះជាចំណោទដែលត្រូវបានពួកគេចោទឡើង?
11 min
March 21, 2021 ព្រឹត្តិការណ៍កម្ពុជាប្រចាំថ្ងៃ - សំណុំរឿងបណ្ដេញមន្ដ្រីពីតំណែងនៅប៉ៃលិន៖ អ្នកឃ្លាំមើលបញ្ហាសង្គមយល់ថា ជាចំណាត់ការធ្ងន់ធ្ងរពេក
រដ្ឋបាលខេត្តប៉ៃលិន កាលពីថ្ងៃសុក្រទី១៩មីនា បានសម្រេចបណ្តេញមន្រ្តីសុខាភិបាលជាន់ខ្ពស់ម្នាក់ចេញពីក្របខ័ណ្ឌមន្ត្រីរាជការ ក្រោយមន្ត្រីសុខាភិបាលរូបនោះបានបង្ហោះសារលើបណ្តាញសង្គមហ្វេសប៊ុកផ្ទាល់ខ្លួន អធិប្បាយពីបញ្ហាពេទ្យនៃខេត្តប៉ៃលិន ប្រឈមនឹងការប្រមាថពីអ្នកធ្វើចត្តាឡីស័កតាមមន្ទីរពេទ្យ។ ការបណ្តេញមន្រ្តីសុខាភិបាលជាន់ខ្ពស់នោះចេញពីក្របខ័ណ្ឌ បានបង្កឲ្យមានប្រតិកម្មយ៉ាងច្រើនពីសំណាក់សាធារណជន ខណៈអ្នកឃ្លាំមើលបញ្ហាសង្គម មើលឃើញថា ការបង្ហោះសាររបស់មន្ត្រីសុខាភិបាលរូបនោះ គ្រាន់តែការសម្តែងសិទ្ធិសេរីភាពក្នុងការបញ្ចេញមតិប៉ុណ្ណោះ។
10 min
March 19, 2021 ព្រឹត្តិការណ៍កម្ពុជាប្រចាំថ្ងៃ - អ្នកតាមដានសង្គម៖ក្នុងវិបត្តិកូវីដនេះ រដ្ឋាភិបាលគួរជួយអន្តរាគមន៍បញ្ចុះតម្លៃទឹកភ្លើង ប្រេងសាំង បន្ទប់ជួលនិងធនាគារ
សមាគមស្រ្តី ដើម្បីសង្គមកំពុងដឹកនាំការធ្វើយុទ្ធនាការមួយនៅតាមបណ្តាញសង្គមហ្វេសប៊ុក ដើម្បីស្នើឱ្យរដ្ឋាភិបាលកម្ពុជាជួយអន្តរាគមន៍ផ្អាកការយកថ្លៃទឹកភ្លើង និង ជួយអន្តរាគមន៍បញ្ចុះតម្លៃប្រេងឥន្ទនៈ បន្ទប់ជួល និងថ្លៃការប្រាក់ធនាគារ។ ការស្នើសុំបញ្ចុះនេះ គឺដើម្បីជួយសម្រាលការលំបាកលំបិនរបស់ប្រជាពលរដ្ឋក្នុងពេលនៃការវាយលុកដោយជំងឺកូវីដ១៩នេះ។ អ្នកតាមដានបញ្ហាសង្គមនៅកម្ពុជា ក៏បានឯកភាពចំពោះសំណើរនេះដែរ ព្រោះពួកគេយល់ថា វាពិតជាមានសារសំខាន់ណាស់សម្រាប់ការរស់នៅរបស់ប្រជាពលរដ្ឋកម្ពុជានៅក្នុងកាលៈទេសៈនេះ។
12 min
March 18, 2021 ព្រឹត្តិការណ៍កម្ពុជាប្រចាំថ្ងៃ - តើចិនកំពុងទទួលបានប្រយោជន៍ច្រើនយ៉ាងពីវ៉ាក់សាំងរបស់ខ្លួន ពីកម្ពុជានិងពីពិភពលោកឬ?
ពលរដ្ឋខ្មែរ ឬជនបរទេសទាំងអស់នៅក្នុងប្រទេសកម្ពុជា ដែលទទួលបានការចាក់វ៉ាក់សាំងការពារកូវីដ-១៩ ផលិតក្នុងប្រទេសចិនរួច អាចមានភាពងាយស្រួលក្នុងការស្នើសុំទិដ្ឋាការ ឬVisa ទៅកាន់ប្រទេសចិន។ នេះជាការប្រកាសរបស់ស្ថានទូតចិនប្រចាំនៅកម្ពុជា ដកស្រង់ផ្សាយដោយកាសែតខ្មែរ-ចិន កាលពីថ្ងៃអង្គារ។ ការប្រកាសដោយភ្ជាប់លក្ខខណ្ឌវ៉ាក់សាំងចិនដូចគ្នានេះ ក៏បានធ្វើឡើងផងដែរ ដោយតំណាងចិន នៅតាមបណ្តាប្រទេសមួយចំនួនទៀត។ ដោយឡែកសម្រាប់ប្រទេសកម្ពុជា អ្នកតាមដានសង្គម និងនយោបាយនានា មើលឃើញផ្សេងៗគ្នា ថាជាការប្រកាសមួយដ៏វិជ្ជមានសម្រាប់អ្នករាប់អានចិន ហើយក៏ជាសារមួយបង្កប់ទៅដោយអត្ថន័យជ្រាលជ្រៅ និងច្រើនយ៉ាង។
12 min