ព្រឹត្តិការណ៍​កម្ពុជា​ប្រចាំថ្ងៃ by RFI ខេមរភាសា / Khmer

February 13, 2021 ព្រឹត្តិការណ៍កម្ពុជាប្រចាំថ្ងៃ - ការប្រឆាំងរដ្ឋប្រហារនៅភូមាពីសំណាក់ពលរដ្ឋខ្មែរ ពិតជាប៉ះពាល់គោលការណ៍អាស៊ានមែនឬ?

ការជួបជុំគ្នារបស់ក្រុមអង្គការសង្គមស៊ីវិលនៅមុខស្ថានទូតភូមាប្រចាំទីក្រុងភ្នំពេញ ដើម្បីបង្ហាញការមិនគាំទ្រចំពោះរដ្ឋប្រហារយោធានៅភូមា និងសម្ដែងការគាំទ្រដល់ពលរដ្ឋភូមាប្រឆាំងនឹងរបបយោធា ត្រូវបានអ្នកនាំពាក្យរដ្ឋាភិបាលកម្ពុជាប្រតិកម្មតបថា ក្រុមសង្គមស៊ីវិលទាំងនោះ មិនយល់ពីគោលការណ៍អាស៊ាន។ គោលការណ៍អាស៊ាន ដែលរក្សាជំហរមិនជ្រៀតជ្រែកកិច្ចការផ្ទៃក្នុងរបស់ប្រទេសជាសមាជិក។ តើការសម្ដែងមតិប្រឆាំងរដ្ឋប្រហារនៅភូមាពីសំណាក់ពលរដ្ឋខ្មែរ ពិតជាប៉ះពាល់គោលការណ៍អាស៊ានមែនឬ?

12 min

February 12, 2021 ព្រឹត្តិការណ៍កម្ពុជាប្រចាំថ្ងៃ - វិបត្តិកូវីដ១៩ មានឥទ្ធិពលទៅលើការសែនព្រេនចូលឆ្នាំចិនទេ?

នៅក្នុងឱកាសនៃបុណ្យចូលឆ្នាំចិន ឆ្នាំ២០២១នេះ ជនជាតិចិន និងពលរដ្ឋខ្មែរកាត់ចិននៅក្នុងប្រទេសកម្ពុជាបាននាំគ្នាប្រារព្ធពិធីសែនព្រេន មិនខុសពីឆ្នាំមុនៗឡើយ។ ក៏ប៉ុន្តែទំហំនៃការប្រារព្ធពិធីនេះ តូចឬធំ តិចឬច្រើន សោះកក្រោះ ឬអធិកអធម ត្រូវបានអ្នកតាមដានសង្គម និងសេដ្ឋកិច្ចមើលឃើញពីក្រសែភ្នែកផ្សេងៗគ្នា។ ការមើលឃើញខុសគ្នាពីអ្នកតាមដានសង្គម គឺដោយសារតែឆ្នាំនេះ សេដ្ឋកិច្ចពលរដ្ឋខ្មែរកាត់ចិន និងជនជាតិចិន នៅលើទឹកដីកម្ពុជា ក៏ជួបប្រទះនឹងវិបត្តកូវីដ១៩ ដូចពិភពលោកដែរ។

12 min

February 11, 2021 ព្រឹត្តិការណ៍កម្ពុជាប្រចាំថ្ងៃ - តើការចាក់វ៉ាក់សាំងប្រឆាំងកូវីដ១៩ដោយស្ម័គ្រចិត្តនៅកម្ពុជា បានប្រព្រឹត្តក្រោមក្រសែភ្នែកខុសគ្នាយ៉ាងណា?

ប្រទេសកម្ពុជា នៅថ្ងៃទី១០ម្សិលមិញ បានចាប់ផ្តើមចាក់វ៉ាក់សាំងប្រឆាំងជំងឺកូវីដ១៩ ស៊ីណូហ្វាម ដែលជាជំនួយរបស់រដ្ឋាភិបាលចិន ដល់ឥស្សរជនជាន់ខ្ពស់ និងអ្នកសារព័ត៌មាន នៅតាមមន្ទីរពេទ្យធំៗចំនួន៤ រួមមាន មន្ទីរពេទ្យកាល់ម៉ែត មន្ទីរពេទ្យមិត្តភាពខ្មែរ-សូវៀត មន្ទីរពេទ្យព្រះអង្គឌួង និងមន្ទីរពេទ្យកុមារជាតិ។ តែយ៉ាងណាមិញ ការចាក់វ៉ាក់សាំងកូវីដ១៩នេះ ប្រព្រឹត្តទៅតាមគោលការណ៍ស្ម័គ្រចិត្ត ដោយគ្មានការបង្ខិតបង្ខំ។ តើការចាក់វ៉ាក់សាំងប្រឆាំងកូវីដ១៩ដោយស្ម័គ្រចិត្តនៅកម្ពុជា បានប្រព្រឹត្តក្រោមក្រសែភ្នែកខុសគ្នាយ៉ាងណា?

14 min

February 09, 2021 ព្រឹត្តិការណ៍កម្ពុជាប្រចាំថ្ងៃ - លោក ហ៊ុន សែន ប្រកាសបិទទ្វារចរចារជាថ្មី តើនយោបាយកម្ពុជានឹងទៅជាយ៉ាងណា?

លោកនាយករដ្ឋមន្ត្រី ហ៊ុន សែន នៅថ្ងៃទី៧កុម្ភៈនេះ បានហៅក្រុមបក្សប្រឆាំងថា «ក្រុមឆ្កែកាច» និងបានប្រកាសមិនឆ្លើយឆ្លងជាមួយទៀតឡើយ។ ការបិទទ្វារចរចារបស់លោកហ៊ុន សែន ម៉ឺងម៉ាត់យ៉ាងដូច្នេះ ត្រូវបានគេមើលឃើញថា ធ្វើស្របពេលដែលអតីតគណបក្សប្រឆាំងបានព្យាយាមវិលមកកាន់វេទិកាប្រកួតប្រជែងវិញ តាមរយៈមធ្យោបាយផ្សេងៗ ក្នុងនោះ ទំនងជាមានអន្តរាគមន៍តាមផ្លូវការទូតបរទេសផងដែរ។ អ្នកវិភាគនយោបាយ កម្ពុជាមួយចំនួន យល់ឃើញថា គណបក្សសង្គ្រោះជាតិនឹងអស់ផ្លូវដើរ រីឯគណបក្សប្រជាជននឹងអាចកាន់អំណាចបន្តទៅមុខយូរទៀត យ៉ាងណាមិញ អ្នកនយោបាយខ្លះ មិនយល់យ៉ាងដូច្នេះទេ។

12 min

February 08, 2021 ព្រឹត្តិការណ៍កម្ពុជាប្រចាំថ្ងៃ - តើកិច្ចលើកកម្ពស់ម្ហូបអាហារខ្មែរ ពិតជាអាចជួយដល់វិស័យទេសចរណ៍កម្ពុជាមែនឬក៏យ៉ាងណា?

ស្របពេលដែលរដ្ឋាភិបាល កំពុងលើកកម្ពស់ម្ហូបអាហារខ្មែរ តាមរយៈការរៀបរៀងច្បាប់ថ្មីស្តីពី សុវត្ថិភាពអាហារ និងដោយមានបូកបញ្ចូលប្រធានបទ «ម្ហូបខ្មែរ» ចូលទៅក្នុង«យុទ្ធសាស្ត្រការទូតសេដ្ឋកិច្ចឆ្នាំ២០២១-២០២៣»។ អ្នកជំនាញក្នុងវិស័យនេះ ខ្លះសាទរ និងអ្នកជំនាញពាក់ព័ន្ធខ្លះទៀត យល់ឃើញថា សុវត្ថិភាពចំណីអាហារនៅកម្ពុជា នៅមិនទាន់សមស្របទៅតាមស្តង់ដារសុវត្ថិភាព ទៅតាមការចង់បានរបស់ភ្ញៀវទេសចរនៅឡើយទេ និយាយជារួម និងនិយាយដោយឡែកសម្រាប់អ្នកធ្វើការក្នុងវិស័យទេសចរណ៍នៅកម្ពុជា។

12 min

February 07, 2021 ព្រឹត្តិការណ៍កម្ពុជាប្រចាំថ្ងៃ - តើការមិនចាក់វ៉ាក់សាំងរបស់លោកនាយករដ្ឋមន្រ្តីហ៊ុន សែន នឹងធ្វើឲ្យប៉ះពាល់ដល់ទំនុកចិត្តប្រជាពលរដ្ឋដែរឬទេ?

លោកនាយករដ្ឋមន្រ្តីហ៊ុន សែន កាលពីល្ងាចថ្ងៃសុក្រ បានប្រកាសលែងចាក់វ៉ាក់ប្រឆាំងកូវីដ១៩ចិនស៊ីណូហ្វាម Sinopharm នៅថ្ងៃទី១០កុម្ភៈខាងមុខ។ ការប្រែប្រួលនៃគម្រោងចាក់វ៉ាក់សាំងជាគម្រូដល់ប្រជាពលរដ្ឋកម្ពុជានេះ គឺដោយសារតាមលក្ខខណ្ឌបចេ្ចកទេសដែលវ៉ាក់សាំងចិនស៊ីណូហ្វាម តម្រូវមិនឲ្យចាក់ចំពោះបុគ្គលដែលមានអាយុក្រោម១៨ឆ្នាំនិងលើ៦០ឆ្នាំទេ។ តើការមិនចាក់វ៉ាក់សាំងរបស់លោកនាយករដ្ឋមន្រ្តីហ៊ុន សែន នៅពេលនេះ នឹងអាចធ្វើឲ្យប៉ះពាល់ដល់ទំនុកចិត្តរបស់ប្រជាពលរដ្ឋកម្ពុជាចំពោះវ៉ាក់សាំងនេះដែរឬទេ?

14 min

February 05, 2021 ព្រឹត្តិការណ៍កម្ពុជាប្រចាំថ្ងៃ - ខណៈប្រទេសកំពុងជម្រុញវារីវប្បកម្ម តើកម្ពុជាគួរចំហរទ្វារធំពេកឲ្យត្រីបរទេសហូរចូលតាមចិត្តទេ?

ភាគីវៀតណាមកាលពីពេលថ្មីៗនេះ បានស្នើឲ្យភាគីកម្ពុជាដករបាំងនាំត្រីពីវៀតណាមចូលកម្ពុជា ចំនួន៤ប្រភេទ ក្នុងនោះមានត្រីប្រា ត្រីពោ ត្រីអណ្តែង និងត្រីឆ្តោ។ ក៏ប៉ុន្តែភាគីកម្ពុជា កំពុងបង្ហាញហេតុផលសមស្របមួយចំនួន ដែលថាការបិទជាបណ្តោះអាសន្នការនាំចូលត្រីពីវៀតណាមនេះ គឺធ្វើឡើងដើម្បីតម្រូវទៅលើគោលការណ៍ និងដំណោះស្រាយគ្រប់គ្រងប្រទេស និងប្រជាជនរបស់ខ្លួន ឲ្យមានស្ថិរភាពនៅក្នុងអំឡុងពេលនៃវិបត្តិកូវីដ១៩នេះ។

12 min

February 04, 2021 ព្រឹត្តិការណ៍កម្ពុជាប្រចាំថ្ងៃ - តើក្រសួងអប់រំនឹងលុបបំបាត់ការយកលុយពីកូនសិស្សរបស់គ្រូបង្រៀនមួយចំនួនយ៉ាងដូចម្តេច?

នៅតាមបណ្តាញសង្គមហ្វេសប៊ុក អាណាព្យាបាលកូនសិស្សមួយចំនួនបានសរសេរបើកបង្ហាញ និងរិះគន់ទៅលើគ្រូបង្រៀនម្នាក់នៅសាលាបឋមសិក្សាសន្ធរម៉ុកថា បានទារប្រាក់ចំនួន៦ម៉ឺនរៀលក្នុងមួយខែពីកូនសិស្ស។ បន្ទាប់ពីមានការរិះគន់បែបនេះ មន្ទីរអប់រំរាជធានីភ្នំពេញបានចុះចាត់ការរឿងនេះ និងបានរកឃើញថា គ្រូបង្រៀនម្នាក់នោះពិតជាបានប្រព្រឹត្តដូចការចោទប្រកាន់មែន។ នៅពេលនេះ ក្រសួងអប់រំ យុវជន និងកីឡា កំពុងតែពិនិត្យ និងពិចារណាពីការដាក់ពិន័យដល់គ្រូបង្រៀនម្នាក់នោះ។ យ៉ាងណាក៏ដោយ ដើម្បីលុបបំបាត់នូវបញ្ហានេះ តើក្រសួងអប់រំត្រូវធ្វើយ៉ាងដូចម្តេច?

12 min

February 03, 2021 ព្រឹត្តិការណ៍កម្ពុជាប្រចាំថ្ងៃ - កម្ពុជា និងតំបន់ជាប់ទាក់ទង និងទាញបានមេរៀនយ៉ាងណាខ្លះពីរដ្ឋប្រហារនៅភូមា?

មេដឹកនាំយោធាភូមា កាលពីថ្ងៃចន្ទបានធ្វើរដ្ឋប្រហារ ឡើងគ្រប់គ្រងអំណាច ដោយចាប់ឃុំខ្លួនមេដឹកនាំស៊ីវិល លោកស្រី អ៊ុងសាន ស៊ូជី និងមន្ត្រីជាន់ខ្ពស់ជាច្រើននាក់ទៀត ដើម្បីគ្រប់គ្រងស្ថានការណ៍ប្រទេសឲ្យបាននឹងនរ ក្រោយមានភាពមិនប្រក្រតីនៅក្នុងការបោះឆ្នោតកាលពីខែវិច្ឆិកា។ មេដឹកនាំយោធាភូមាក៏បានប្រកាសដាក់ប្រទេសក្នុងគ្រាអាសន្នរយៈពេល១ឆ្នាំផងដែរ។ ជុំវិញបញ្ហានេះ អ្នកវិភាគនយោបាយ និងកិច្ចការទំនាក់ទំនងអន្តរជាតិកម្ពុជា មើលឃើញថាព្រឹត្តិការណ៍នយោបាយចុងក្រោយនៅភូមាខុសគ្នាពីបរិបទនយោបាយនៅកម្ពុជា តែវាមានទំនាក់ទំនងគ្នានៅក្នុងតំបន់។

12 min

February 02, 2021 ព្រឹត្តិការណ៍កម្ពុជាប្រចាំថ្ងៃ - តើរដ្ឋបាលថ្មីអាមេរិកនឹងលូកដៃជួយក្រុមអតីតបក្សប្រឆាំង ដើម្បីបានចូលស្រុក និងចូលរួមការបោះឆ្នោតដែរឬទេ?

លោកសម រង្ស៊ី ប្រធានស្តីទីអតីតគណបក្សសង្រ្គោះជាតិកាលពីសប្តាហ៍មុនបានសរសេរអបអរសាទរមួយច្បាប់ផ្ញើទៅកាន់រដ្ឋមន្រ្តីការបរទេសថ្មីរបស់អាមេរិក។ ក្នុងលិខិតជាភាសាអង់គ្លេសនោះ លោកសម រង្ស៊ី បានស្នើសុំឱ្យអាមេរិកធ្វើយ៉ាងណាជួយដល់ក្រុមមន្រ្តីអតីតគណបក្សសង្រ្គោះជាតិអាចចូលមកប្រទេសកម្ពុជាបានឡើងវិញ ដើម្បីចូលរួមការបោះឆ្នោតឃុំសង្កាត់នៅក្នុងឆ្នាំ២០២២ និង ការបោះឆ្នោតជាតិនៅក្នុងឆ្នាំ២០២៣។ ជាការកត់សម្គាល់ ការស្នើសុំរបស់លោកសម រង្ស៊ីនេះ ធ្វើឡើងបន្ទាប់ពីលោកចូ បាយដិន ដែលត្រូវបានគេចាត់ទុកជាអ្នកប្រជាធិបតេយ្យនិយមឡើងធ្វើជាប្រធានាធិបតីថ្មីរបស់អាមេរិក។ ដូច្នេះ តើអាចទេ អាមេរិកនឹងលូកដៃជួយដល់ក្រុមអតីតបក្សប្រឆាំងនោះ?

12 min