Sign up to save your podcasts
Or
Share ព្រឹត្តិការណ៍កម្ពុជាប្រចាំថ្ងៃ
Share to email
Share to Facebook
Share to X
Share to email
Share to Facebook
Share to X
Or
ព្រឹត្តិការណ៍កម្ពុជាប្រចាំថ្ងៃ
By RFI ខេមរភាសា / Khmer
ព្រឹត្តិការណ៍កម្ពុជាប្រចាំថ្ងៃ episodes
- តើកម្ពុជាគួរធ្វើអ្វីបន្ថែមទៀតដើម្បីទប់ស្កាត់នឹងការជួញដូរមនុស្ស?
នៅថ្ងៃព្រហស្បតិ៍ ទី១២ ធ្នូនេះ កម្ពុជាប្រារព្ធទិវាជាតិប្រឆាំងអំពើជួញដូរមនុស្សឆ្នាំ ២០២៤ ក្រោមប្រធានបទ «កម្ពុជាប្រឆាំងដាច់ខាតអំពើជួញដូរមនុស្សគ្រប់ទម្រង់ និងគ្រប់មធ្យោបាយក្នុងយុគសម័យឌីជីថល»។ លោកនាយករដ្ឋមន្រ្តី ហ៊ុន ម៉ាណែតបានលើកឡើងនៅក្នុងពិធីនោះថា កម្ពុជានៅតែបន្តការប្តេជ្ញាចិត្តខ្ពស់ប្រឆាំងដាច់ខាតនូវរាល់ទម្រង់ឧក្រិដ្ឋកម្មឆ្លងដែន ពិសេសអំពើជួញដូរមនុស្ស និងលើកកម្ពស់ការបង្ការទប់ស្កាត់ ការបង្ក្រាបរាល់កលល្បិចរបស់ឧក្រិដ្ឋជន និងបន្តអនុវត្តរាល់បទដ្ឋានដែលជាប្រយោជន៍ដល់ការលើកកម្ពស់ការគោរពសិទ្ធិ និងកិច្ចការពារសុវត្ថិភាពមនុស្សជាតិ។ តើកម្ពុជាគួរធ្វើអ្វីបន្ថែមទៀតដើម្បីទប់ស្កាត់នឹងការជួញដូរមនុស្ស?
15 min - អត្រាឆ្លងមេរោគអេដស៍ថយចុះជាសញ្ញាឈានទៅបញ្ចប់ការឆ្លងមេរោគនេះនៅត្រឹមឆ្នាំ២០២៥?
របាយការណ៍របស់អាជ្ញាធរជាតិប្រយុទ្ធប្រឆាំងនឹងជំងឺអេដស៍ចេញផ្សាយថ្ងៃទី១ ធ្នូ ឆ្នាំ ២០២៤ បង្ហាញថា នៅឆ្នាំ ២០២៣ កម្ពុជាមានអ្នកឆ្លងមេរោគអេដស៍ថ្មីមានចំនួន ១.២០០នាក់ ក្នុងនោះ ៨៦% នៅក្នុងចំណោមអ្នកឆ្លងថ្មីជាប្រជាជនគន្លឹះ។ មួយវិញទៀត ក្នុងចំណោមអ្នកឆ្លងថ្មីមាន ៤៦% ជាបុរសរួមភេទជាមួយបុរស និងមានក្រុមអ្នកបំប្លែងភេទដល់ទៅ ៩៩%។ គិតសរុបត្រឹម ឆ្នាំ២០២៣ មានអ្នកផ្ទុកមេរោគអេដស៍ប្រមាណ ៧៦.០០០នាក់។ តាមរបាយការណ៍ដដែល អត្រាអ្នកឆ្លងថ្មីមានការថយចុះ៤៦% នៅក្នុងចំណោមមនុស្សវ័យពី១៥ ដល់ ៤៩ឆ្នាំ។ តើកម្ពុជាអាចសម្រេចគោលដៅបញ្ចប់ការឆ្លងមេរោគអេដស៍នៅត្រឹមឆ្នាំ២០២៥ បានដែរ ឬទេ?
10 min - តើការគោរពសិទ្ធិមនុស្សនៅកម្ពុជាកាន់តែរួមតូច ពិតមែនដែរឬទេ?
ថ្ងៃអង្គារទី១០ធ្នូនេះ គឺជាទិវាសិទ្ធិមនុស្សលើកទី៧៦។ អង្គការសង្គមស៊ីវិលមួយចំនួន បានរៀបចំកម្មវិធីជួបជុំមួយនៅថ្ងៃអង្គារនេះ ដោយលើកឡើងពីក្តីបារម្ភទាក់ទងនឹងការគោរពសិទ្ធិមនុស្ស ដោយរួមមានទាំងសិទ្ធិពលរដ្ឋ សិទ្ធិនយោបាយ សិទ្ធសហជីព សេរីភាពសារព័ត៌មាន។ ល។ ពួកគេអះអាងថា ការអនុវត្តសិទ្ធិរបស់ពលរដ្ឋកាន់តែរឹតត្បិត ជាពិសេសទៅលើសិទ្ធិនៃការជួបជុំ និងសិទ្ធិនយោបាយ។ តើការគោពសិទ្ធិមនុស្សនៅកម្ពុជាកាន់តែរួមតូចមែនឬ?
12 min - តើជាការពិតឬទេដែលគ្រឹះស្ថានផ្តល់កម្ចីខ្លះកេងប្រវ័ញ្ច និងរំលោភសិទ្ធិមនុស្សធ្ងន់ធ្ងរ?
នៅថ្ងៃទី៩ ខែធ្នូនេះ អង្គការ លីកាដូ និងអ្នកឃ្លាំមើលសាជីវកម្មកូរ៉េអន្តរជាតិ (KTNC Watch) បានដាក់ពាក្យបណ្តឹងទៅកាន់ក្រុមការងារនៃអង្គការសហប្រជាជាតិ ផ្នែកធុរកិច្ច និងសិទ្ធិមនុស្ស និងទៅកាន់អ្នករាយការណ៍ពិសេសនៃអង្គការសហប្រជាជាតិចំនួន៤រូបផ្សេងទៀត ដោយលើកឡើងអំពីការអនុវត្តកម្ចីបែបកេងប្រវ័ញ្ច និងការរំលោភសិទ្ធិមនុស្សធ្ងន់ធ្ងរនៅក្នុងវិស័យមីក្រូហិរញ្ញវត្ថុមួយចំនួននៅកម្ពុជា។ ពាក្យបណ្តឹងនេះ ទាក់ទងនឹងសកម្មភាព របស់គ្រឹះស្ថានហិរញ្ញវត្ថុ រួមមាន KB Financial Group ធនាគារអភិវឌ្ឍន៍រដ្ឋហូឡង់ FMO ធនាគារ LOLC និងអ្នកវិនិយោគរដ្ឋ និងឯកជនផ្សេងទៀត។ ហេតុអ្វីបានជាការផ្តល់កម្ចីមួយចំនួននៅកម្ពុជាត្រូវបានរកឃើញថា មានការកេងប្រវ័ញ្ច និងរំលោភសិទ្ធិមនុស្សធ្ងន់ធ្ងរ?
10 min - អ្នកជំនាញ៖ អ្នកកាសែតប្រឈមគ្រោះថ្នាក់ខ្ពស់ ពេលរាយការណ៍ពីប្រធានបទរសើប
អ្នកសារព័ត៌មានមួយរូបក្នុងខេត្តសៀមរាប បានបាត់បង់ជីវិតនៅយប់ថ្ងៃទី០៧ធ្នូ ក្រោយរងការបាញ់ប្រហារជាច្រើនគ្រាប់។ លោក ឈឿង ឈឹង បានបាត់បង់ជីវិតក្រោយពេលដែលលោកបានព្យាយាមធ្វើសេចក្តីរាយការណ៍អំពីករណីទន្រ្ទានព្រៃឈើក្នុងខេត្តសៀមរាប។ អ្នកជំនាញបានកត់សម្គាល់ថា អាជីពជាអ្នកសារព័ត៌មានកាន់តែប្រឈមគ្រោះថ្នាក់ខ្ពស់ នៅពេលពួកគេហ៊ានធ្វើសេចក្តីរាយការណ៍ពីប្រធានបទរសើបៗ។ បើតាមអ្នកជំនាញ ក្រសួងពាក់ព័ន្ធគួរមានវិធានការគាំពារសុវត្ថិភាពអ្នកសារព័ត៌មាន ពេលពួកគេរាយការណ៍ពីរឿងចម្រូងចម្រាស់។
10 min - តើការមិនទទួលយកមតិផ្ទុយមកកែលម្អនាំឲ្យសង្គមកម្ពុជារីកចម្រើន ឬខាតបង់?
ជារៀងរាល់ឆ្នាំ អង្គការអន្តរជាតិមួយចំនួនតែងតែវាយតម្លៃពីស្ថានភាពសិទ្ធិមនុស្ស និងសេរីភាពបញ្ចេញមតិនៅកម្ពុជាថា មានការរឹតត្បិតកាន់តែខ្លាំងជាមុន។ តួយ៉ាង សម្ព័ន្ធភាពសកលនៃអង្គការសង្គមស៊ីវិល (CIVICUS Monitor) បានឲ្យពិន្ទុកម្ពុជាតែ២៧ ប៉ុណ្ណោះ មានន័យថា ជាប្រទេសដែលមានលំហសេរីភាពផ្នែកស៊ីវិលតូចចង្អៀតក្នុងឆ្នាំ២០២៤នេះ។ តែជារឿយៗ មន្ត្រីរដ្ឋាភិបាលកម្ពុជា តែងតែចាត់ទុក ការវាយតម្លៃអវិជ្ជមានពីស្ថានសេរីភាពនៅកម្ពុជាថា មិនឆ្លុះបញ្ចាំងពីការពិតទេ។ តើការមិនព្រមទទួលយកមតិផ្ទុយធ្វើឲ្យសង្គមកម្ពុជាមានការរីកចម្រើន ឬកាន់តែអន់ថយ?
12 min - អ្នកឃ្លាំមើល៖ ចង់បង្ក្រាបល្បែងអនឡាញខុសច្បាប់ រដ្ឋត្រូវកំណត់មុខសញ្ញាជនល្មើសនៅពីក្រោយខ្នង
រដ្ឋមន្ត្រីក្រសួងមហាផ្ទៃ លោក ស សុខា នៅថ្ងៃព្រហស្បតិ៍ទី០៥ធ្នូ បានកោះប្រជុំអគ្គស្នងការនគរបាលជាតិ និងអាជ្ញាធរតាមមូលដ្ឋានដើម្បីនិយាយពីយន្តការទប់ស្កាត់ និងបង្ក្រាបការផ្សព្វផ្សាយនិងការធ្វើអាជីវកម្មល្បែងអនឡាញខុសច្បាប់។ លោក ស សុខា បានដាក់ឱសានវាទត្រឹមថ្ងៃទី១០ធ្នូ ឲ្យបញ្ឈប់រាល់សកម្មភាពផ្សព្វផ្សាយ ហើយចាប់ពីថ្ងៃទី១១ធ្នូ អាជ្ញាធរត្រូវមានយន្តការយ៉ាងម៉ឺងម៉ាត់ចំពោះសកម្មភាពអាជីវកម្មល្បែងអនឡាញខុសច្បាប់នៅតាមមូលដ្ឋាន។ អ្នកឃ្លាំមើលអបអរចំពោះវិធានការរបស់រដ្ឋមន្ត្រីក្រសួងមហាផ្ទៃ តែទន្ទឹមនេះពួកគេយល់ថា រដ្ឋត្រូវកំណត់មុខសញ្ញាជនល្មើសនៅពីក្រោយខ្នង ទើបការបង្រ្កាបល្បែងអនឡាញខុសច្បាប់មានប្រសិទ្ធភាព។
9 min - ហេតុអ្វីតំបន់អង្គរទទួលបានទេសចរអាមេរិក និងអឺរ៉ុបច្រើនជាងទេសចរអាស៊ី?
គ្រឹះស្ថានអង្គរបានឲ្យដឹងកាលពីពេលថ្មីៗនេះថា ក្នុងរយៈពេល១១ខែ ឆ្នាំ២០២៤នេះ ភ្ញៀវទេសចរជនជាតិអាមេរិកបានឈរនៅលំដាប់លេខ១ ទេសចរអង់គ្លេសស្ថិតលំដាប់លេខ២ និងបារាំងស្ថិតលំដាប់លេខ៣ ដែលទិញបណ្ណចូលទស្សនារមនីយដ្ឋានអង្គរ។ ចំណែកទេសចរចិន និងកូរ៉េខាងត្បូងដែលធ្លាប់ជាភ្ញៀវទេសចរដ៏មានសក្តានុពលសម្រាប់កម្ពុជាកន្លងមកបានជាប់ចំណាត់ថ្នាក់លេខ៤ និងលេខ៥។ កំណើនទេសចរអាមេរិក និងអឺរ៉ុបពេលនេះត្រូវបានអ្នកជំនាញវិស័យទេសចរណ៍ និងសេដ្ឋកិច្ចនានាមើលឃើញថា បណ្តាលមកពីកត្តាមួយចំនួនដូចជាសេដ្ឋកិច្ច និងអាកាសធាតុជាដើម។
15 min - តើបច្ចុប្បន្ននេះ ចិននៅតែជាតួអង្គសំខាន់ក្នុងការជួយអភិវឌ្ឍន៍សេដ្ឋកិច្ចកម្ពុជា ឬយ៉ាងណា?
នៅក្នុងដំណើរទស្សនកិច្ចទៅកាន់ប្រទេសចិនពីថ្ងៃទី២ ដល់ថ្ងៃទី៤ ខែធ្នូ ប្រធានព្រឹទ្ធសភាកម្ពុជា លោក ហ៊ុន សែនបានស្នើឲ្យប្រធានាធិបតីចិន លោក ស៊ី ជីនពីង បន្តផ្តល់ជំនួយឥតសំណង កម្ចីឥណទាន និងជំរុញការវិនិយោគចិនមកកម្ពុជាបន្ថែមទៀត។ តាមលោក ហ៊ុន សែន ជំនួយរបស់ចិនមិនត្រឹមតែចូលរួមដល់ការអភិវឌ្ឍសេដ្ឋកិច្ច សង្គមប៉ុណ្ណោះទេ តែថែមទាំងបានជួយពង្រឹងឯករាជ្យភាពនយោបាយរបស់កម្ពុជាផងដែរ។ ចិនមិនបានឆ្លើយតបចំៗរឿងការផ្តល់ជំនួយទេ តែចិនបញ្ជាក់ពីការបន្តគាំទ្រកម្ពុជាដើម្បីកសាងសហគមន៍ជោគវាសនារួមចិន និងកម្ពុជា។ តើបច្ចុប្បន្ននេះ ចិននៅតែជាតួអង្គសំខាន់របស់កម្ពុជាក្នុងការជួយអភិវឌ្ឍន៍សេដ្ឋកិច្ចទៀតដែរ ឬយ៉ាងណា?
12 min - តើកម្ពុជាគួរពិចារណាពន្លឿនការបើកមជ្ឈមណ្ឌលសិក្សាវៀតណាមឬយ៉ាងណា?
នៅក្នុងពេលដែលព្រះមហាក្សត្រខ្មែរព្រះបាទសម្តេចព្រះបរមនាថ នរោត្តម សីហមុនី យាងបំពេញព្រះរាជទស្សនកិច្ចនៅប្រទេសវៀតណាមកាលពីចុងខែវិច្ឆិកាថ្មីៗនេះ នាយករដ្ឋមន្រ្តីវៀតណាមលោក ផាម មិញជិញ បានស្នើសុំដល់អង្គព្រះមហាក្សត្រកម្ពុជា ដើម្បីឲ្យព្រះអង្គគាំទ្រការបង្កើត និងដំណើរការមជ្ឈមណ្ឌលសិក្សាវៀតណាម នៅក្នុងសាកលវិទ្យាល័យភូមិន្ទភ្នំពេញ។ អ្នកតាមសង្គម និងអ្នកជំនាញក្នុងកិច្ចការអន្តរជាតិមើលឃើញថា រដ្ឋាភិបាលកម្ពុជាគួរពិនិត្យពិចារណាពីភាពចាំបាច់ តើការបើកមជ្ឈមណ្ឌលសិក្សាវៀតណាមនៅកម្ពុជានេះ មានសារៈសំខាន់ប៉ុណ្ណា។ អ្នកជំនាញខ្លះលើកឡើងថា ការបើកមជ្ឈមណ្ឌលសិក្សាវៀតណាមនេះ ក៏ស្ថិតនៅក្នុងផ្នែកមួយនៃក្របខណ្ឌរបស់អាស៊ាន សម្រាប់ផ្លាស់ប្តូរការយល់ដឹងផ្នែកវប្បធម៌ ប្រពៃណី និងអក្សរសាស្ត្រនៃបណ្តាប្រទេសជាសមាជិកអាស៊ាន។
19 min
About ព្រឹត្តិការណ៍កម្ពុជាប្រចាំថ្ងៃ
From the publisher's feed
រៀងរាល់ថ្ងៃ ពីថ្ងៃចន្ទ ដល់ថ្ងៃអាទិត្យ យើងនឹងលើកយកព្រឹត្តិការណ៍ក្តៅគគុកជាងគេបង្អស់មួយ នៅកម្ពុជា មកពន្យល់…
ដោយមានអន្តរាគមន៍ពីឥស្សរជននយោបាយ អ្នកជំនាញ ឬមន្រ្តីសង្គមស៊ីវិល។
More shows like ព្រឹត្តិការណ៍កម្ពុជាប្រចាំថ្ងៃ
ឯកសារប្រវត្តិសាស្ត្រខ្មែរ
14 Listeners
Unravel
1,104 Listeners
Kou Sopheap's Podcast
108 Listeners
វិភាគរឿងសាមកុក
3 Listeners
បទយកការណ៍
0 Listeners
ទស្សនៈខ្ញុំគេ
9 Listeners
នាទីខ្ញុំនិយាយពីរភាសា (Chronique bilingue)
0 Listeners
ព្រឹត្តិការណ៍អន្តរជាតិប្រចាំថ្ងៃ
1 Listeners
មេរៀនភាសាបារាំង៖ Parlez-vous Paris?
0 Listeners
Rean Ruos Podcast
7 Listeners
កម្មវិធីព័ត៌មាន
3 Listeners
នាទីសុខភាពនិងអនាម័យ
0 Listeners
ប្រវត្តិសាស្រ្តពិភពលោក
3 Listeners
ទស្សនៈព្រឹត្តិការណ៍ពិភពលោក
1 Listeners
បទសម្ភាស
2 Listeners
ទស្សនៈព្រឹត្តិការណ៍ខ្មែរ
0 Listeners
总有那么一首歌|可以触动你的心
13 Listeners
កម្មវិធីព័ត៌មានប្រចាំថ្ងៃ - ឌឹ ខេមបូឌា ដេលី
0 Listeners
2024 -2025抖音快手播放量破亿爆火音乐歌曲
14 Listeners
គំនិតប្រសើរ
0 Listeners
2025神级翻唱音乐|全网播放过亿|热门音乐
5 Listeners