Kultur

Wann d’Klangkënschtler vum italieenesche Kollektiv Polisonum annoncéieren, datt si de Phänomen “Ouerewierm” an Ugrëff huele wëllen, kann een dovunner ausgoen, datt si net eng Aart Insektizid fir e Sënnesorgan entwéckelen. Di lescht Joren hunn d’Memberen, mat Hëllef vun enger spezieller Software, 10.000 musikalesch Ouerewierm, déi tëscht 2000 an 2022 erop an erof gespillt goufen, analyséiert. Interesséiert huet si zum Beispill d’Répétivitéit bei Musek an Text. Mat de charakteristeschste Schnëppel hunn si d’Soundinstallatioun “Superimposition” montéiert. An déi kënnt dir bis den 30. Juni am Cercle Cité lauschteren...a kucken! D’Kerstin Thalau am Gespréich mat den Expo-Curatricen Anastasia Chaguidouline a Francesca Ceccherini.

Gehierverbrannt - esou bezeechent den Nicolas Calmes "Trick",dat lescht Stéck vum Ian de Toffoli, dat aktuell am Kasemattentheater ze gesinn ass.Gehierverbrannt am Gudden, am Schlechten, oder Béides? Dat ass d’Fro.

De Michel Delage an de Jeff Schinker beschwätzen de Blockbuster vun der Woch - a verroden iech, ob et derwäert ass, den neie Prequel vum Planet of the Apes-Reboot kucken ze goen.

D’Luxembourg Museum Days; de Koll an Aktioun Festival; een engleschsproochegt Theaterstéck ënner der Organisatioun vum Anne Simon; an de KonschTour zu Veianen: dat a vill méi ass d’Kulturaktualitéit vun der Woch. Presentéiert vum Nicolas Calmes.

De Michel Delage an de Jeff Schinker beschwätzen de Blockbuster vun der Woch.

Et war eng enk Course tëscht der Schwäiz a Kroatien. D'Schwäiz krut am meeschte Punkte vun der Jury a Kroatien vum Public. A wouru läit et, dass Lëtzebuerg am meeschte Punkten aus Israel krut? D'Sophie Schroeder mécht ee Bilan.

De schéinste Festival fir alternativ Musek an Underground-Kultur feiert säin 20. Anniversaire. Mir si live an der Kulturfabrik dobäi a schwätze mat Maserati, bdrmm, Cola a Gilla Band.

Analogopname mat vill Dynamik, déi op dat Präziist d’Zesummespill vun der Band afänke wollten – dat waren an e puer Wieder d‘Markenzeeche vum amerikaneschen Tountechniker Steve Albini, deen iwwer Jorzéngten de Sound vum amerikaneschen Indie matgepräägt huet. De leschten Dënschden ass de Steve Albini un engem Herzinfarkt gestuerwen. Hie war 61 Joer al. Ee Réckbléck op séng Karriär.

Zanter gëschter wësse mer, datt d'Tali et an d'Finall vum ESC gepackt huet, a Lëtzebuerg de Samschden an der Finall vertrëtt. D'Sophie Schroeder huet op der Plaz e puer Stëmmen agefaangen.

Grenziwwerschreidende Kënschtleraustausch fir eng nei Zort vu Kollaboratioun a Renconter tëscht Kënschtler:innen. Mat dësem Zil hunn d’Stied Lëtzebuerg a Saarbrécken 2005 de Programm “Artmix” lancéiert a weider ausgebaut. Fir déi aktuell 12. “Artmix”-Editioun huet e Jury d’Multimedia-Kënschtler Noé Deboutay fir Lëtzebuerg an Darja Linder fir Saarbrécken selektionéiert, déi hirersäits nach Sophia Löckenhoff an Hannah Mevis invitéiert hunn, fir zu véier, bal zu Lëtzebuerg, bal zu Saarbrécken, de Sujet “Gossip – Matters hard to grasp” konstruktiv z'attackéieren. D’Kerstin Thalau huet d’Quartett um Enn vun der Residenz am Cercle Cité begéint an ass méi iwwert den Echange gewuer ginn.