Kultur

Nodeems dem Ian De Toffoli säi Stéck "Léa et la théorie des systèmes complexes" zu Limoges uropgeféiert gouf , kann een elo dës Ëmwelt-engagéiert Produktioun, déi ënner der Regie vun der Renelde Pierlot op d‘Bün bruecht gouf, am Kapuziner-Theater gesinn. Muer den Owend (11.10.) ass d‘Première an d‘Valerija Berdi huet mat der Renelde Pierlot an dem Ian de Toffoli iwwer "Léa et la théorie des systèmes complexes" geschwat.

En Auteur hält sech mat Trivialliteratur iwwer Waasser. D'Personnagë vu senger neier Geschicht verflëssege sech. Dem Luc François säin neie Roman "Wasserstand" (Kremart Edition) ass e bësse méi wéi just e Stuerm am Waasserglas.

Transitioun, Beweegung an Onsécherheet. Dora befanne sech déi meescht Migranten, déi probéieren iwwer d’Grenze vun der EU ze kommen. Et si Momenter vun Uspanung an Hoffnung, a genee déi ginn an der Ausstellung “I Am Waiting For The Happiness” vun der Fotografin Anne Speltz festgehalen. Dobäi erzielt si eis eppes iwwer d’Plazen, déi si fir de Projet besicht huet.

Am Groussen Theater gëtt d’Stéck “Elena” nach bis de 6. Oktober gewisen. D’Myriam Muller huet d’Mise en scène gemaach, an d’Valerija Berdi an de Michel Delage hunn d’Stéck gesinn.

De Programm vun der Filmwoch

Et ass dacks net gewosst, mee déi portugisesch Haaptstad Lissabon war réimesch an dat wärend fënnef Joerhonnerten.

Déi strategesch Positioun um Atlantik huet dem réimesche Räich vill bedeit. Lissabon war räich an hat vill wichteg Monumenter, mee d’Zäit an Äerdbiewen hu villes verschwanne gedoen.

D'Marie-Line Darcy seet eis méi iwwer dat réimescht Lissabon.

All Woch pickt de Jean Portante sech e Wuert eraus an erkläert eis dann Etymologie dovun. Dës Kéier ass et d‘Wuert "Theater“, dat de Jean Portante am Gespréich mam Pit Walté auserneen hëlt.

Margret Steckel heescht d’Laureatin vum Batty Weber Präis 2023. De Mëttwoch Owend krut d’Autorin hir Auszeechnung fir hiert Liewenswierk am Nationale Literaturarchiv iwwerreecht. D’Valerija Berdi mat enger Zesummefaassung vun dëser zeremonieller Veranstaltung

De 14. Oktober ass nees d'Nuit des musées. Kléngt gutt? Jo, Klang wäert deen Owend och eng wichteg Roll spillen. De Kënschtler- an Humanwëssenschaftler-Kollektiv “Mnemozine” schafft un enger Klanginstallatioun, déi d'Visiteuren duerch de ganze Sous-Sol, also d’Katakomben, vum Casino féieren. Bei den Terme “Soundart” a “Kënschtlerkollektiv” kréie Verschiddener vun Iech gro Hoer? Dat wëlle mir verhënneren! D’Kerstin Thalau huet mam Max Gindt, ee vun de Soundtüftler vu Mnemozine, geschwat, a versicht Iech d’Klangkonscht ouni grouss Definitiounen a Philosophien, a véier Deeler méi nozebréngen.

Den Iwwerbléck vun den neie Filmer mam Michel Delage.