Kultur

“rainy days” - dat ass de grousse Festival fir zäitgenëssesch Musek hei zu Lëtzebuerg. Dëst Joer ass en op véier Deeg verdeelt, mat iwwer 30 Events an der Philharmonie, a bis de Sonndeg kann een an der Philharmonie nach villes entdecken. Et geet vu Concerten, iwwer Installatioune bis hin zu Talks mat Musekeri:nnen. D’artistesch Direktesch ass d’Lëtzebuerger Musekerin Catherine Kontz. D’Marie Schockmel aus eiser Klassik-Ekipp huet sech mat hir ënnerhalen.

No der Art Week ass virun der nächster, der zéngter Art Week? Gëschter hunn d’Organisateure Bilan gezunn, si zielen 22.000 Visiteuren an denken elo doriwwer no, wéi eng Stad, no Wien, bei der nächster Editioun am Fokus stoe wäert. Nach ze gesinn, bis Enn der Woch, ass awer de Salon vum Cercle Artistique de Luxembourg, kuerz CAL. Am alen Tramsschapp sinn zwee wichteg CAL-Präisser verdeelt ginn, an déi zwee Laureaten, de Pit Riewer an de Julien Hübsch, ginn allebéid vun der selwechter Galeristin vertrueden. D’Kerstin Thalau wollt vun der Julie Reuter wëssen, wéi si déi lescht Woch erlieft huet.

De Michel Delage mam Iwwerbléck vun der neier Kinoswoch

Alan Wake 2 ass en neit Horror-Survival Spill. Näischt fir Leit mat schwaachen Nerven also. Awer méi spannend wéi alles, wat momentan op de Streaming-Plattforme gebuede gëtt, fënnt den Yves Stephany. 13 Joer nom éischten Deel iwwerzeegt Remedy mat engem Meeschterwierk.

Wolfgang Müller ... DEN däitschen 0815-Numm par excellence. Mee just ee Wolfgang Müller huet zu Berlin 1980 de Kult-Kënschtlerkollektiv “Die tödliche Doris” gegrënnt a lieweg gehalen. An dee Wolfgang Müller war fir eng länger Kënschtlerresidenz am Escher Bridderhaus. Am 100,7-Interview erkläert hien, firwat hien ni resignéiert huet, mee ëmmer nach oppen a virwëtzeg mat Konscht experimentéiert.

De Lol Margue huet dem Anton Tschechow säin Eenakter "Le Chant du Cygne " mat der Marja-Leena Junker an dem Mathieu Moro op d'Bün bruecht. Well dëst Stéck esou kuerz ass, huet de Metteur en scène sech missen eng afale loossen. D'Valerija Berdi an de Michel Delage waren "Le chant du Cygne" an den Théâtre du Centaure kucken.

“Rede zur Literatur”, en Essay vun der Schrëftstellerin Nora Wagener, gouf elo vum Nationale Literaturzenter publizéiert. Eng Ried, déi am Kontext vun enger Autoreresidenz, déi vu Kultur | lx an Zesummenaarbecht mat de Lëtzebuerger Bicherfrënn, dem Nationale Literaturzentrum an dem Literarisches Colloquium Berlin entstanen ass. D'Valerija Berdi mat Detailer

De Weekend ass Luxembourg Art Week, also d’Konschtfoire an deene wäissen Zelter um Glacis. Mee d’Organisateuren hu fir d’Editioun 2023 nach méi intensiv de Kontakt zu Kulturinstitutiounen an -ASBLe gesicht, fir datt d’Stad sech am Kontext vun der LAW an eng eenzeg riseg Konschtmanifestatioun verwandelt. D’Kerstin Thalau war an Ausstellunge mam Label “Luxembourg Art Week”, zum Beispill gëschter Owend um Vernissage vum Christian Aschman senger Fotoexpo “Kierchbierg” am LUCA, a mengt, déi kéint interesséieren.

Dem Jean Portante säi Wuert vun der Woch ass déi Kéier mat der tragescher Aktualitéit a Palästina verbonnen, mat Gaza, wou Dausende vu Bommen, no enger bluddeger Attack vun der Hamas géint Israel, Dausende vun Zivilisten d’Liewe kaschten. D’Wierder kënne jo d’Bommen an de Krich net stoppen. Mee analyséieren, vu wou d’Wuert "Krich“ zum Beispill hierkënnt, kann eis vläicht hëllefen, méi e klore Bléck op d’Situatioun ze geheien.

D’Beatles hu gëschter (2.11.) eng nei Single erausbruecht. Et ass fir d’éischt zanter 1996, an och dat war scho 26 Joer, nodeems d’Band sech am Fong opgeléist hat. Eng iwwerraschend Nouvelle, wann een et net gewosst hätt, an och déi Artifiziell Intelligenz hätt hir Fangere mat am Spill gehat. War et derwäert? De Marc Clement schwätzt mam Pit Walté genee doriwwer.