Kultur

De Weltënnergang steet virun der Dier an och am Théatre National du Luxembourg op der Lonkecher Strooss an der Stad. Ënner dem Motto "Nacht und Träume" steet déi nei Saison, an datt net alles esou däischter ass, wéi et op den éischten Androck kléngt, huet den Direkter vum TNL, de Frank Hoffmann erkläert.

E Bäitrag vum Valerija Berdi aus eiser Kulturemissioun Kultur um 5 am Gespréich mam Pit Walté

Nëmmen e puer Meter vum Escher Theater ewech steet den ale Kino Ariston, deen, elo ganz renovéiert e weideren Theatersall ubitt. Et soll awer net just eng weider Bün zur Verfügung stoen, mee de ganzen Ariston soll e ganz villfältege "Lieu de vie" sinn. D'Valerija Berdi huet mat der Directrice vum Escher Theater, der Carole Lorang, iwwer den neien Ariston geschwat.

"Living Like A Rainbow" heescht den Album vum Marc Welter. Et ass eng Zort Liewenswierk, "säi ganzt Liewen a Musek", wéi hie selwer seet. D'Claudine Muno huet mat him iwwer d'Plack geschwat an iwwer d'Virbereedunge fir den éischten an eenzege Live-Concert.

"Crazy" oder "Walking after Midnight" si Klassiker, déi all Countryfan am Ouer huet. Gesonge goufe si vun der Patsy Cline, déi de Misär, dee si erlieft huet, a wonnerbar Musek verwandele konnt. D'Claudine Muno huet op hiert Liewen zeréckgekuckt.

Vum 15. bis de 17.09. verstréimen d'Lampionen nees hir Magie zu Wolz. D'Cooperations asbl hu fir dës Editioun, nieft de Lampionen am Gaart, nees eng Partie Concerten an aner Eventer op d'Bee gestallt. D'Anne-Marie Kettels ass beim Pit Walté am Studio fir doriwwer ze schwätzen.

Deen italieeneschen Auteur a Literaturiwwersetzer Davide Sapienza an de Lëtzebuerger Paleontolog Robert Weis hunn zesummen de Minett-Trail, eng Stréck vun 90 Kilometer zu Fouss bereest an derbäi ass eng Zort Reestagebuch entstane mam Titel "Rock-Lines.". Eng geopoetesch Approche mat Fotoen an Illustratiounen vun der Isabelle Mattern. D'Valerija Berdi schwätzt mam Pit Walté iwwer dëst Buch.

Wéi bréngt een en Alldag als Musekerin tëschent Festivaller a Studio mat engem Familljeliewen ënner een Hutt? Dovunner zielt d'Judith Holofernes an hirem Buch "Die Träume anderer Leute". D'Claudine Muno huet dra gebliedert.

Deen italieeneschen Auteur a Literaturiwwersetzer Davide Sapienza an de Lëtzebuerger Paleontolog Robert Weis hunn zesummen de Minett-Trail, eng Stréck vun 90 Kilometer zu Fouss bereest an derbäi ass eng Zort Reestagebuch entstane mam Titel "Rock-Lines.". Eng geopoetesch Approche mat Fotoen an Illustratiounen vun der Isabelle Mattern. D'Valerija Berdi schwätzt mam Pit Walté iwwer dëst Buch.

De siwente September leeft an eise Kinoen d'Lëtzebuerger Koproduktioun "Corsage" un. Fir hir Roll als Elisabeth vun Éisträich an deem Film gouf d'Vicky Krieps viru Kuerzem um Filmfestival zu Sarajevo ausgezeechent, nodeems si schonn am Mee heifir zu Cannes den Duersteller-Präis an der Un-certain-regard-Rei krut.

Am Film vun der Marie Kreutzer spillt déi Lëtzebuerger Actrice eng Keeserin, déi ganz wäit ewech ass vun der "Sissi", wéi d'Romy Schneider se an den 1950-er Jore populär gemaach huet.

Am Gespréich mam Vesna Andonovic huet d'Vicky Krieps verroden, firwat si reegelrecht géint de Corset huet missen uspillen, a wou si als Fra awer eng Fräiheet fonnt huet.

An enger vu Verschwörungstheorië vergëften Atmosphär am Confinement gëtt d'Vertraue bannent enger Koppel op d'Prouf gestallt. Mat sengem neie Roman liwwert de Jhemp Hoscheit gläichzäiteg eng Reflexioun iwwer d'Verhältnis tëschent Fiktioun a Realitéit.

Extrait aus enger Buchkritik vum Michel Delage