Kultur

Benannt hu si sech nom Cervantes sengem berüümten Antiheld Don Quichotte. Musikalesch ass déi lëtzebuergesch Band De La Mancha ronderëm déi zwee Songschreiwer Pol Dechmann a Marc Frischkorn am Rock vun den 90er Joren doheem. D'Claudine Muno huet sech mat deenen zwee ënnerhalen.

"Den Territoir vu menger Experimentatioun, dat ass Poesie", seet de Schrëftsteller Jean Portante. Elo koum en éischt Band mat senge Gedichter, déi hien tëschent 1986 an 2004 publizéiert huet, am Verlag La rumeur libre eraus. Iwwer d'Genese vun der eegener Sprooch, wéi eng Roll d'Poesie dra spillt, a wéi een dat am Buch "Le travail de l'origine" retracéiere kann, huet de Jean Portante dem Valerija Berdi erzielt.

Benannt hu si sech nom Cervantes sengem berüümten Antiheld Don Quichotte. Musikalesch ass déi lëtzebuergesch Band De La Mancha ronderëm déi zwee Songschreiwer Pol Dechmann a Marc Frischkorn am Rock vun den 90er Joren doheem. D'Claudine Muno huet sech mat deenen zwee ënnerhalen.

Deen nigerianeschen Drama beschreift d'Liewe vun engem Mann an enger jonker Fra, déi an Europa auswandere wëllen, mee mat ganz anere Gedanke beschäftegt sinn. De Michel Delage an de Jeff Schinker haten dee Film, deen nei am Kino ugelaf ass, am Grousse Kino beschwat. Extrait

Bis Enn September sinn zu Arles, a Südfrankräich, d'Rencontres internationales de la photo. Déi lescht Joren hat d'ASBL Lëtz Arles um renomméierte Foto-Festival éischter déi aktuell Lëtzebuerger Fotokonscht presentéiert. Fir d'Editioun 2022 gouf awer eng Romain-Urhausen-Retrospektiv zesummegestallt.

Dem Fotograf säi Wierk erlieft zanter den 2000er Joren eng Redecouverte. 16 vu senge Fotoen, a schwaarzwäiss an am grousse Format, si momentan och op dräi Plaze vum Märeler Park ze gesinn. D'Kerstin Thalau war se mam Curateur fir Arles, de Paul Di Felice, kucken, fir Iech de Romain Urhausen nei virzestellen.

Duerch en däischtere Gank betrëtt een déi däischter Galerie vun de Rotonden, an där fënnef international Kënschtler:inne mat Hëllef vu Kënschtlecher Intelligenz eng Dramwelt geschafen hunn.

De Ben Kobs war do, fir sech, mat de Kënschtler, e Bild vun der Ausstellung "The moon is full, but it is not the moon" ze maachen an iwwer de Prozess hanner der Kreatioun ze schwätzen.

De Carillon: et ass en Instrument, vun deem warscheinlech déi mannst wëssen, datt et et gëtt. An der Basilika zu Iechternach steet ee Carillon - dat uewen an engem vun den Tierm, op enger Héicht vun ongeféier 80 Meter a just iwwer méi wéi 100 Träppleker erreechbar. Wéi all Joer huet de Fabrice Renard, de Carillonneur vun der Basilika, och dëst Joer véier Mol mëttwochs hei e Concert gespillt. 

D'Marie Schockmel war an ee Concert lauschteren an huet sech mam Fabrice Renard iwwer säi ganz besonnescht Instrument ënnerhalen.

Zanter knapps 15 Joer bitt de Casino Lëtzebuerg reegelméisseg Kënschtlerresidenzen un. Esou liest een zum Beispill um Site vum Konschtforum, datt dëse Summer d'Louisa Clement hire Projet Die Repräsentantinnen "in-residence" presentéiert. Déi Bonner Mixed-Media-Kënschtlerin, Joergang 1987, ass dofir allerdéngs net selwer am Casino, si léisst sech vun Doppelgängerinne vertrieden. D'Kerstin Thalau huet versicht, sech mat béiden ze ënnerhalen.

Mir gratuléiere enger lieweger musikalescher Legend fir de 67. Gebuertsdag an zwar dem Declan MacManus! Dee kennt Dir net? Eis Mataarbechterin Claudine Muno léist d'Rätsel fir Iech op.

De Lëtzebuerger Schauspiller Jean-François Wolff ass am Alter vun 59 Joer gestuerwen. Nieft dem Theater war hien och a sëllegen internationale Filmer ze gesinn. D'Valerija Berdi mat engem klenge Portrait