Kultur

Am Mudam huet d'Associatioun Design Friend leschten Donneschden op eng Konferenz agelueden, op daer de Kamp Ablécker a séng Projet'en a séng Aarbechtsweis gedeelt huet. De Marc Clement äus der Museksredaktioun huet sëch virun der Konferenz mam Sounddesigner ennerhalen.

Dans le sud du Portugal, la jolie ville de Faro la capitale de l'Algarve  redécouvre son patrimoine architectural. Grâce à des portugais revenus s'installer dans la région et qui se sont enthousiasmés pour le modernisme, un style très années 70 véritable tronc commun de l'architecture de Faro.  Un reportage de marie-line darcy

De Cyrus Neshvad ass zu Teheran gebuer awer aus politesche Grënn huet d Famill hir Heemecht verlooss an esou ass hien hei zu Lëtzebuerg opgewuess. No sengem Lycéesofschloss huet hien sech a Richtung Kino orientéiert. Dem Cyrus Neshvad säi Courtmetrage "Le portraitiste" ass an der Competitioun bei der 9. Editioun vum Lëtzebuerger Filmpräis.

Den däitsche Begrëff "Kunsthalle" bezeechent eng net kommerziell Institutioun, an der Konschtauststellungen organiséiert ginn. Et handelt sech deemno weder ëm e Musée, deen eng eege Sammlung huet, nach ëm e Kënschtlerhaus mat Atelieren, nach ëm eng Galerie, och wann ee bei "Kunsthalle" vläicht u "Markthalle" erënnert gëtt. De Weekend vum 2 an 3. Oktober geet zu Esch-Uelzecht d'"Escher Konschthal" op, mat spannenden Ausstellungen, Concerten, engem Kënschtlergespréich. Dir sidd alleguerten häerzlech invitéiert! D'Kerstin Thalau ass vum Direkter Christian Mosar méi iwwert seng Konschthal-Pläng gewuer ginn.

Wat ass Erzielkonscht? Wou kënnt d'Erzieltraditioun hier? A firwat ass se weltwäit ënnerschiddlech unerkannt? Wéi aktuell sinn Thematiken, d'Personnagen aus ale Geschichten a Märercher haut?

Déi zwou Expertinne vum Fach, d'Erzielerinne Betsy Dentzer a Luisa Bevilacqua, an déi zwou Kulturjournalistinne Valerija Berdi a Kerstin Thalau aus der radio 100,7 Kulturredaktioun huelen Iech mat op eng Erzielkonscht-Entdeckungsrees, eng RadiOdyssee, dëse Sonndeg um 11 a mir lauschteren hei e klengen Appetizer.

E Journalist geet no Joren zeréck a säin Heemechtsduerf, wou hie sech mat de Geeschter vu senger Vergaangenheet muss konfrontéieren. Ëm Erënnerung a Vergiesse geet et am Jos Kayser sengem neie Roman "Lapsuus", deen d'Valerija Berdi, de Michel Delage an d'Kerstin Thalau an der leschter Wonnerbarer VaLibrairie beschwat hunn.

Am Donstkrees vum berüümte Schrëftsteller J.D. Salinger léiert eng jonk Literaturagentin hiren eegene Wee ze goen a sech op dat fir si Weesentlecht ze konzentréieren. Onopgereegt idealistesch Komedie, déi op eng eescht soziologesch Analys verzicht, mee agreabel ze kucken ass, mengt de Michel Delage. Am Kino ze gesinn.

Hien ass Schrëftsteller, Essayist, Editeur, Literaturkritiker. Säi Roman "Vie électrique" koum 2011 bei Gallimard eraus, "Juan Fortuna" 2015 bei Christian Bourgeois. Elo ass de Jean-Philippe Rossignol deen neie Responsabele fir de Secteur Literatur an Editioun bei Kultur lx. Eng ronn zéng Kandidature waren erakomm fir dëse Posten ze besetzen. De Comité de Recrutement, deen aus Membere vum Verwaltungsrot a Vertrieder aus dem Lëtzebuerger Literaturliewen zesummegesat war, huet d'Strategie vum Arts Council befollegt an no enger Persoun gesicht, déi um Gebitt vun der Literatur an der Editioun eng Erfarung matbréngt, grad esou wéi international Connectiounen huet.

D'Valerija Berdi huet beim Jean-Philippe Rossignol nogefrot, wéi hie säin neien Job gesäit, an ob hien dann och all déi gefuerdert Krittären erfëllt.

Am klengen Théâtre du Centaure sollen och dës Saison d'Virstellungen a méi grousse Partnerhaiser gewise ginn - Covid oblige. Wat awer op de Bünen ze gesinn ass, hunn déi artistesch Directrice Myriam Muller, d'Regisseurin Aude-Laurence Biver an de Regisseur Fabio Godinho verroden. D'Valerija Berdi informéiert.

Kënschtlerresidenzen hu mëttlerweil eng fest Plaz an der Programmatioun vum Neimënster. Kënschtler aus ganz ënnerschiddlechen Disziplinne kréien an der Abtei eng Plaz fir a Rou ze experimentéieren a vun enger Infrastruktur an techneschem Knowhow ze profitéieren. An der Reegel sinn och Rencontere mam Public virgesinn. Am Summer 2021 sinn dem Moler Álvaro Marzán Díaz an der visueller Kënschtlerin Hélène Mutter hir Residenzen, wéinst dem Héichwaasser, souzesoen e bëssen an d'Waasser gefall. Den Díaz wäert 2022 erëmkommen, d'Hélène Mutter huet versicht, awer iergendwéi weiderzekommen. D'Kerstin Thalau gouf méi iwwer hir Recherche gewuer.