Lestin

Lestin

Download on the App Store

All Lestin episodes

  • Ljósmyndarinn Viðar Logi, lokaorð um fótbolta, rappari í ástarsorg
    Ljósmyndarinn Viðar Logi er búsettur í London um þessar mundir. Hann hefur vakið athygli fyrir listrænar og skemmtilegar myndir, sem hafa margar ratað á síður þekktra tískutímarita á borð við Vogue. Hann tók ljósmyndina sem prýðir plötuumslag nýjustu plötu Bjarkar, Fossora og leikstýrði tónlistarmyndbandi fyrir hana við lagið Atopos, af sömu plötu. Það er óhætt að segja að hann sé með tilkomumikla ferilskrá þrátt fyrir ungan aldur, við hringjum til London.
    Viktoría Blöndal flytur sinn síðasta pistil um fótboltaást, og veltir því fyrir sér hver megi taka pláss í umræðum um fótbolta.
    Við heyrum nýja tónlist með rapparanum breska Stormzy, sem sendi frá sér nýja plötu á dögunum, This is what I mean.
    55 min
  • Hið ósagða, kámugur snertiskjár og sovéska rokksenan
    Rætt er við myndlistarmanninn Sigurð Ámundason sem frumsýnir nýtt leikrit, Hið ósagða, í Tjarnarbíó þann 1. desember, og einn leikara í verkinu, Ólaf Ásgeirsson. Leikritið er óvenjulegt að því leiti að leikarar leika látbragðsleik á sviðinu meðan hljóðupptaka af texta þeirra er flutt. Leikmyndinni er varpað á stórt tjald fyrir aftan leikarana og er útkoman einskonar blanda af gjörningi, leikriti og kvikmynd.
    Inga Björk Margrétar Bjarnadóttir, listfræðingur og starfsmaður Þroskahjálpar, flytur sinn fyrsta pistil í pistlaröð um tækni og fötlun. Að þessu sinni segir hún frá upplifun sinni af pósthúsinu.
    Við endurflytjum innslag frá apríl 2021 þar sem Kristján Guðjónsson kannar sögu sovésku neðanjarðarrokksenunnar og tilurð safnplötunnar Red Wave. Til að platan gæti orðið að veruleika smyglaði Bandaríska söngkonan Joanna Stingray hljóðfærum, græjum og upptökum yfir landamærin.
    55 min
  • Svörtudagur, ný íslensk ljósmyndabók og þjóðlagasöfnun í nútímanum
    Þakkargjörðarhátíðin haldin hátíðleg í dag og önnur innflutt amerísk hátíð haldin hátíðleg á morgun, neysluhátíðin Black Friday, eða Svörtudagur eins og einhverjir eru farnir að kalla hana á íslensku. Við hefjum þáttinn í Smáralindinni.
    Ný ljósmyndabók Orra Jónssonar "Fangið þitt er svo mjúkt það er eins og lambaull? er fjölskyldusaga, sögð í óræðum, innilegum, stundum abstrakt ljósmyndum, náttúra, borgarlandslag og portrettmyndir frá 30 ára tímabili. Við kíkjum í eldhúsið til Orra og ræðum nýstárlegar tilraunir með frásagnir í ljósmyndabókum.
    Derek Piotr er bandarískur tilraunatónlistarmaður sem hefur ferðast um heimaland sitt undanfarin ár til að taka upp gömul þjóðlög sem eru aðeins varðveitt í munnlegri geymd. Nú er hann að skipuleggja vinnuferð til Íslands því nú vill hann leggja sitt af mörkum til að varðveita íslenskar rímur og söngva. Þórður Ingi Jónsson jaðarfréttaritari Lestarinnar ræddi við Derek.
    54 min
  • Platmótmæli, Ethel Cain, bíómyndin sem er gerð aftur og aftur og aftur
    Þegar myndir á öðrum tungumálum en ensku þykja vel heppnaðar er gjarnan farið í það að endurgera myndina á ensku í Hollywood. Ítalska kvikmyndin Perfetti sconosciuti sem kom út árið 2016 hefur hins vegar farið allt aðra leið, á aðeins sex árum hefur hún verið endurgerð á tugum tungumála og er nú orðin mest endurgerða mynd kvikmyndasögunnar. Eftir áramót verður frumsýnd íslensk endurgerð myndarinnar og nefnist hún Villibráð. Við endurflytjum viðtal við leikstjórann Elsu Maríu Jakobsdóttur og Tyrfing Tyrfingsson sem skrifa handritið.
    Ásdís Sól Ágústsdóttir rýnir í texta á nýrri plötu tónlistarkonunnar Ethel Cain, Preachers daughter.
    Salvör Gullbrá flytur hugleiðingu um mótmælaaðgerðir sem eru plat, í tengslum við HM í Katar og tómatsúpugjörning samtakanna Just Stop Oil.
    55 min
  • Fótbolti og pólitík,fótbóltaást og Berglind Ágústsdóttir
    Við skoðum pólitískar afstöður og afstöðuleysi, og siðferðislegar spurningar sem vakna þegar horft er á og fjallað um HM í fótbolta karla sem hófst í Katar þann 20. nóvember síðastliðinn.
    Tónlistar- og myndlistarkonan Berglind Ágústsdóttir hefur gefið út tilraunakennt diskó popp undir eigin nafni í árabil. Í september kom ný plata frá henni, Lost at war, sem hún tileinkar vinum sínum Hauki Hilmarssyni og Jóhanni Jóhannssyni. Við gerð plötunnar vann hún úr erfiðum tilfinningum, sorg og missi, og það kveður við nýjan tón. Lost at war er fyrsta plata Berglindar sem hún gefur út undir listamannsnafninu Siggi Ólafsson, sem er alter-egó listakonunnar.
    Viktoría Blöndal ræðir við fyrrum atvinnumann í fótbolta, sem glímdi við meiðlsi á ferli sínum, Garðar Gunnlaugsson. Hvað gera fótboltamenn þegar þeir mega ekki og geta ekki spilað. Innslagið er þriðja í röð fjögurra innslaga um fótboltaást.
    55 min
  • Mormónasjónvarp, veggjakrot á Skaga, ósvífin markaðsherferð, latin-bíó
    Þóra Tómasdóttir segir frá þáttum sem eiga það allir sameiginlegt að fjalla um mormóna í Bandaríkjunum, Keep Sweet: Pray and Obey, Three Wives, One Husband og Under the Banner of Heaven.
    Patrekur Björgvinsson hefur verið að pæla í listinni í nærumhverfi sínu, veggjakrotinu á Skipaskaga, sígildum skilaboðum á borð við "Look like Barbie, smoke like Marley".
    Við ræðum óhefðbundna markaðsherferð rapparanna Drake og 21 savage fyrir plötuna Her Loss.
    Og við kynnum okkur rómansk-ameríska kvikmyndahátíð í Bíó Paradís.
    55 min
  • Lestin Mathöll
    Lestin Mathöll hefur opnað. Við kynnnum okkur sögu mathallar-fyrirbærisins á Íslandi. Við ræðum við einn stofnanda mathallarinnar á Hlemmi, sem opnaði á Menningarnótt 2017, sagnfræðiprófessor í Háskóla Íslands sem hefur rannsakað neysluhætti og matarsögu íslendinga, kokk sem hefur rekið veitingastað í mathöll og arkitekt. Við veltum þessu fyrirbæri fyrir okkur útfrá hugmyndum um almenningsrými, millistéttarvæðingu og matarmenningu.
    53 min
  • Yfirtaka ungmenna á RDF, Íslenskt-Indverskt letur, Grammy tilnefningar
    Gunnar Vilhjálmsson, grafískur hönnuður rekur indversk-íslenska leturhönnunarfyrirtækið Universal Thirst. Fyrirtækið er tilnefnt til Íslensku Hönnunarverðlaunanna sem verða afhent á morgun.
    Ásrún Magnúsdóttir, danshöfundur, hefur oft sýnt verk á alþjóðlegu danshátíðinni, Reykjavík Dance Festival. Við hringdum í Ásrúnu, sem er stödd erlendis að leikstýra dansverki, og spurðum út í Litlu Systur, hóp ungmenna sem mun stýra dagskrá í Iðnó á RDF, sem hefst í dag og stendur fram á sunnudag.
    Við rennum yfir Grammy-tilnefningar sem voru tilkynntar í gær og kynnum okkur íranska klifurkonu, Nasim Eshqi, en heimildarmyndin Climbing Iran frá árinu 2020 verður sýnd í Bíó Paradís á fimmtudag.
    55 min
  • I love Dick ögrar feðraveldinu (+ smá fótbolti)
    Skáldsagan I love dick eftir nýsjálenska rithöfundinn Chris Kraus kom út fyrir 25 árum og er skrifuð að stærstum hluta í formi bréfa - öll stíluð á sama manninn, Dick. Sögumaður bókarinnar Chris Kraus verður ástfangin af prófessornum Dick - sem hún þekkir varla. Ásamt eiginmanni sínum að skrifa ástarbréf til hans. Þetta er skáldsaga um þrá, ást, samskipti konur og karla, gagnkynhneigð, jaðarsetningu og list, völd og höfnun, þráhyggju og útrás. Bókin er umdeild enda er hún byggð á raunverulegu fólki og raunverulegum aðstæðum. Í Lestinni í dag hringjum við til Los Angeles og ræðum við uppáhalds rithöfund Lóu, Chris Kraus, um feminisma, ástina og Dick.
    Og í seinni hluta þáttar heldur Viktoría Blöndal áfram að fjalla um fótboltaást í samtímanum. Að þessu sinni pælir hún í Fantasy-fótbolta.
    55 min
  • Vinátta konu og hænu, fyrsta fangelsi á Íslandi, rýnt í Band og Brós
    Við Lækjartorg stendur reisulegt hvítkalkað hús með gráu þaki, ein elsta og mest einkennandi bygging Reykjavíkurborgar. Þar fyrir utan stendur leiðsögumaður með hóp túrista og útskýrir, þetta er stjórnarráðshúsið, aðsetur æðsta ráðamanns íslensku þjóðarinnar, þarna á ríkisvaldið heima. En saga hússins er undarlegri og blóðugri en túristahópurinn fær að heyra, en það var upphaflega byggt sem fangelsi, fyrsta fangelsi á íslandi. Þessi saga er rakin í n+yrri skáldsögu eftir Hauk Má Helgason, Tugthúsið.
    Guðrún Elsa Bragadóttir kvikmyndagagnrýnandi Lestarinnar fjallar um tvær ólíkar kvikmyndir, Band eftir Álfrúnu Örnólfsdóttur og hinsegin rómantísku gamanmyndina Bros.
    Svanhvít Júlíusdóttir er ein þeirra listamanna sem munu sýna verk á sviðslistahátíð RDF og Lókal sem hefst á miðvikudag og er fram á sunnudag. Í verkinu sínu Practicing Love gerir hún tilraun til þess að skapa heim byggðan á kærleik og gagnkvæmni í sambandi manns og kjúklings.
    55 min