Danmörk á við gengjavanda að stríða, á því er enginn vafi, en reynst hefur erfitt að ná til þessa hóps og rannsaka hann, af hverju velja ungir menn að lifa glæpalífi á götum Kaupmannahafnar? Félagsfræðingurinn Hakan Kalkan vildi vita svarið. Hann varði níu árum meðal götudrengja í Norrebro og nú hefur hann gefið út bók byggða á rannsóknum sínum.

Anna Gyða Sigurgísladóttir er með hugan við svefn þessa dagana. Nóvember er senn að klárast, dagarnir styttast. Sólin settist rétt um klukkan fjögur í dag. Já, skammdegið lætur meira á sér kræla . Anna Gyða spyr dómstól götunnar um svefn í skammdeginu.

Dexter Morgan er líklega ástsælasti raðmorðingi sjónvarpssögunnar. Sérfræðingur í blóðferlagreiningum hjá lögreglunni í Miami á daginn en miskunnarlaus morðingi á kvöldin. Þættirnir um Dexter nutu mikilla vinsælda á árunum 2006 til 13. Nú átta árum eftir að hafa lagt hnífinn á hilluna er hann snúinn aftur í níundu seríunni: Dexter: new blood. Júlía Margrét Einarsdóttir er byrjuð að horfa á þættina.

Og við pælum í tilnefningum til Grammy-verðlauna sem voru kunngjörðar í gær

Eggið nefnist stuttmynd eftir Hauk Björgvinsson kvikmyndagerðarmann sem hlaut verðlaun sem besta sci-fi stuttmyndin á kvikmyndahátíð í Bolton á dögunum. Myndin fjallar um samfélag sem vill útrýma ástarsorg og skapar hefðir í kringum makaval sem koma okkur spánskt fyrir sjónir. Haukur tekur sér far með Lestinni í dag.

Í síðustu viku ferðuðumst við um landið og reyndum að snerta internetið. Næstu vikur ætlum við að halda að velta fyrir okkur ýmsum hliðum internetsins. Í dag rifjum við upp söguna af fyrstu skilaboðunum sem voru send yfir arpanetið í kaliforníu - forvera internetsins - fyrir 52 árum síðan.

Nýjasta plata söngkonunnar Adele kom út síðastliðinn föstudag, aðdáendum hennar til mikillar gleði. Þeir höfðu beðið frá 2015 eftir ferskum skammti af ástarsorg og Adele bregst þeim ekki frekar en fyrri daginn. Platan 30 kafar djúpt ofan í skilnað Adele við eiginmann sinn og tilfinningar hennar til barnsins síns á þeim erfiðu tímum og á án efa eftir að verða eitt af helstu sambandsslitalistaverkum okkar tíma - svo lengi sem við hlustum á lögin í réttri röð

Á Íslandi eru engin sértæk úrræði fyrir hinsegin fólk með fiknivanda. Er þeirra yfirhöfuð þörf? Næstu vikur deila hinsegin fíklar með okkur reynslu sinni af íslenskum meðferðarúrræðum.

Nú á dögunum voru gerðar breytingar á einu allra þekktasta vörumerki íslenskrar verslunarsögu, Bónusgrísinum svokallaða, einkennismerki lágvöruverslanakeðjunnar Bónus. Við kíkjum í kaffi til Edithar Randý Ásgeirsdóttur sem hannaði merkið upprunalega árið 1989. Í fyrsta skipti í útvarpi segir Randý fæðingasögu Bónusgríssins.

Ekki fjárfestir, ekki bóksali, ekki dönskukennari, ekki spákona. Hólmfríður Anna Bjarnardóttir veltir fyrir sér hvernig við skilgreinum okkur sjálf og hringir í nokkra af þeim sextíu sem skrá sig í símaskrána sem ekki eitthvað.

Ég held áfram í leiðangri mína að finna sjálft internetið, reyna að skilja hvernig það virkar og snerta það. Ég hef skoðað ljósleiðaranetið innanlands, snert sæstrenginn sem tengir ísland við umheiminn, kíkt inn í gagnaver og í dag skoða í fjarskiptamastur og internetsendi.

En við ætlum að byrja á gríni. Á laugardaginn frumsýnir gamanhópurinn Fyndnustu mínar glænýtt uppistand undir yfirskriftinni Náttfatapartý í Þjóðleikhúskjallaranum, en fyrst komu þær sér fyrir með okkur í kjallaranum - eða svo gott sem - hér í Útvarpshúsinu.

Við höldum áfram í leiðangri okkar að finna sjálft internetið, reynum að skilja hvernig það virkar og reynum að snerta það. Við höfum skoðað ljósleiðaranetið innanlands, snert sæstrenginn sem tengir ísland við umheiminn og í dag heimsækjum við gagnaver.

Bókin Óorð er vissulega bók en hún er líka listi, settur saman af Jóni Gnarr yfir orð sem honum finnst af ýmsum ástæðum ?léleg?. Einhver orðanna eru að hans mati fúsk, önnur finnst honum hreinlega leiðinleg, en í öðrum tilfellum er hann hreinlega að berjast gegn því sem hann kallar kynjavanda íslenskunnar, og gildishlöðnum orðum yfir fólk, sjúkdóma og jafnvel dýr.

Við kíkjum á tvær nýjar kvikmyndir. The French Dispatch sem er nýjasta mynd kvikmyndaleikstjórans Wes Anderson. Og Gunnar Ragnarsson kvikmyndagagnrýnandi Lestarinnar brýtur odd af oflæti sínu og fer kvikmyndina Eternals, en það er aðeins önnur Marvel-ofurhetjumyndin sem hann sér.

Í dag er dagur íslenskrar tungu, og þar með afmælisdagur Jónasar Hallgrímssonar. Á degi sem þessum er vert að ræða stöðu tungumálsins, en eins að minnast skáldsins og það gerði dagskrárgerðarmaðurinn Bergsteinn Sigurðsson fyrir nokkrum árum síðan svo eftir var tekið.

Við skellum okkur til Aþenu í Grikklandi og heyrum í tveimur af skipuleggjendum listahátíðarinnar Head to head sem lauk um helgina en fjöldi íslenskra listamanna sýndi þar verk sín eða kom fram.

Skýið, gervihnettir, 5g, þráðlaust. Í hugum okkar er internetið svo loftkennt og óefnislegt. En í raun og veru er það bara ein stór flækja af snúrum, þráðum, strengjum, köplum, sendum, tölvum. Í gær lögðum við af stað í leiðangur að finna internetið, og í dag höldum við áfram að reynda að sjá það með eigin augum og athuga hvort við getum snert það. Í gær var það ljósleiðaranetið innanlands, en nú leitum við uppi sæstrenginn sem tengir íslenska internetið við umheiminn.

Skýið, gervihnettir, 5g, þráðlaust. Í hugum okkar er internetið svo loftkennt og óefnislegt. En í raun og veru er það bara ein stór flækja af snúrum, þráðum, strengjum, köplum, sendum, tölvum. Í nýrri örseríu í Lestinni ætlum við að reyna að finna internetið, fá að sjá það með eigin augum og athuga hvort við getum snert það. Í fyrsta innslaginu ætlum við að skoða grunnnetið hér á landi, ljósleiðarann.

Jöklarannsóknarfélag Íslands varð sjötugt í fyrra, eins og við fjölluðum ítarlega um hér í Lestinni. Félagið hugðist halda sýningu í Perlunni í samstarfi við Náttúruminjasafn Íslands en frestaði henni um ár vegna samkomutakmarkana en nú á föstudag var loksins komið að stóru opnuninni. Hlustendur geta getið sér til hvað varð um partýið en sýningin hefur þó loksins verið opnuð, og deilir sérsýningarrými vatnasýningar Náttúruminjasafnsins sem ber yfirskriftina Vatnið í náttúru Íslands.

Sölvi Halldórsson flytur okkur pistil um sambýlismann sinn af kattarkyni, þeir kötturinn Maggi eiga ekki skap saman. En þegar Sölvi sá kvikmyndina Cow fór hann að velta fyrir sér tengslum sínum við Magga og greinarmun eða líkindum manna og dýra.

Nú á dögunum kom út þriðja breiðskífa Teits Magnússonar, plata sem nefnist 33. Okkar mótþróaþrjóskuraskaði tónlistargagnrýnandi Davíð Roach Gunnarsson rýnir í plötuna.

Við hringjum þvert yfir landið, alla leið í Eskifjörð, þar sem fram fer Pólsk kvikmyndahátíð um helgina. Kvikmyndahátíðin er skipulögð af pólskri kvikmyndagerðar konu og spennandi viðbót í menningarlíf íbúa austfjarða, segir forstöðumaður Menningarstofu Fjarðabyggðar.

Við veltum einnig fyrir okkur nýlegum upphrópunum íslenskra karlmanna um lessulegar hárgreiðslur.

Átta manns tróðust undir og létust á Astroworld-tónlistarhátíð rapparans Travis Scott í Houston fyrir helgi. Í kjölfarið hefur nokkuð verið rætt um ágenga stemninguna sem ríkir á tónleikum rapparans og mosh-pyttina sem þar myndast. En moshpytturinn er sögulega mun tengdari rokki en rapptónlist. Við sökkvum okkur ofan í sögu mosh-pyttsins í Lest dagsins. Og þar koma þessir meðal annars við sögu.

Sjónvarpsgagnrýnandi Lestarinnar Júlía Margrét Einarsdóttir hefur setið yfir Netflix, í þetta sinn eru það þættirnir Maid sem eru á skjánum.

Við förum í okkar þriðju heimsókn á leikminjasafn íslands þar sem Sigríður Jónsdóttir, sérfræðingur við safnið, er enn í óða önn að fara í gegnum skjöl, upptökur og aðra muni úr fórum þjóðleikhússins. Í dag sýnir hún okkur forláta tösku úr fórum stórleikarans Róberts Arnfinnssonar.

Síðasta vika var stór fréttavika í íslenskum fjölmiðlum. Þrjú fréttamál, þrjú deilumál, klufu þjóðina eftir þremur gjörólíkum ásum. Það sem þessi þrjú ólíku mál eiga þó sameiginlegt er orðræðan, orðanotkunin, í öllum tilvikunum snúast málin (að minnsta kosti í huga þeirra sem um það deila) um ofbeldi. Við spjöllum um hugtakið ofbeldi við Jón Ingvar Kjaran prófessor við menntavísindasvið Háskóla Íslands.

Áður en hasarmynd Hannesar Þórs Halldórssonar kom fyrir augu íslendinga hlaut hún mikið lof erlendra gagnrýnenda, ekki síst fyrir fjölbreytni. Raunar var gagnrýnendum svo tíðrætt um þessa fjölbreytni og það hvernig myndin tæki á staðalímyndum karlmennskunnar að margir íslenskir femínistar sperrtu eyrun. Gat það verið, í kvikmynd þar sem Gillzenegger fer með aðalhlutverk?

Við lítum nánar á þessar hugmyndir í þætti dagsins.

Í hverju felst fyrirbærið ást? Kristín Anna Hermannsdóttir er ekki viss, en veit það fyrir víst að ástin hlýtur að fela í sér einhvers konar grín. Síðustu vikur hefur hún leitað í brasilíska listasögu, þjóðsögur og uppistand, en nú einbeitir hún sér að grínþáttunum The Office, sem fjalla um hinn vonlausa millistjórnanda Michael. Taktlausir brandarar Michaels fara yfirleitt langt yfir markið? þangað til hann hittir mannauðsstjórann Holly.

Og við heyrum um nýja íslenska tónlist sem er innblásin af og unnin út frá vínilplötusnarki. Ægir Sindri Bjarnason, tónlistarmaður er heillaður af plötusnarkinu. Hann heimsækir þáttinn á eftir og segir frá nýrri plötu sinni Tem End Lopo.