Margir eiga sér þann draum að binda á sig hlaupaskóna og fara út að hlaupa. Það virðist einfalt en samt getur þetta vafist fyrir fólki. Er manni óhætt að byrja án undirbúnings? Þarf maður sérstaka hlaupaskó? Skiptir aldur máli? Hvað með hlaupastílinn o.s.frv.? Út er komin bók sem heitir einfaldlega Hlaupabókin, höfundurinn Arnar Pétursson kom í þáttinn í dag.

Betra æskulýðsstarf er yfirskrift málþings sem fer fram í fyrramálið og þar verða rætt um íslenskar æskulýðsrannsóknir 2019. Fram koma erlendir fyrirlesarar og rætt verður meðal annars um íslenska íþróttamódelið hvort það virki,ungir hælisleitendur og frítími, fjárhagsstaða og þáttaka í félagsmiðstöðvum og margt fleira forvitnilegt. Árni Guðmundsson er sérfræðingur í æskulýðsmálum og hann ætlar að flytja erindi sem nefnist: Það sem ekki sést - þættir í starfi félagsmiðstöðva. Árni kom í þáttinn í dag.

Jódís Skúladóttir, lögfræðingur, skrifaði grein sem birtist á austurfrett.is undir yfirskriftinni Hinsegin Austurland. En til stendur að stofna samnefnt félag í janúar til að geta boðið öllu hinsegin fólki á Austurlandi athvarf og skjól, eins og segir í greininni. Hún segir að í áranna rás hafi hinsegin fólk á landsbyggðinni að miklum mæli gefist upp og farið til höfuðborgarinnar. Með þessu framtaki vilja þau breyta þessari þróun. Við hringdum í Jódísi í þættinum og fengum hana til að segja okkur frekar frá.

UMSJÓN GUÐRÚN GUNNARSDÓTTIR OG GUNNAR HANSSON

MANNLEGI ÞÁTTURINN MIÐVIKUDAG 20.NÓVEMBER 2019

UMSJÓN GUÐRÚN GUNNARSDÓTTIR OG GUNNAR HANSSON

Herferðin Þitt nafn bjargar lífi, sem Amnesty International stendur fyrir verður ýtt úr vör í Hörpu á fimmtudaginn. Herferðin tengist árlegri baráttu samtakanna fyrir þolendur grófra mannréttindabrota. Í ár beinir Amnesty International sjónum sínum að ungu fólki sem beitt hefur verið óréttlæti og upplifir af fyrstu hendi vægðarlaus mannréttindabrot. Anna Lúðvíksdóttir, framkvæmdastjóri Amnesty á Íslandi og Bryndís Bjarnadóttir, herferðararstjóri, koma í þáttinn í dag og segja okkur frekar frá herferðinni.

Ljósmæðrastéttin er elsta kvennastétt landsins. Engin karlmaður sinnir ljósmóðurstörfum hér á landi en fyrr á öldum var talsvert algengt að karlar sinntu fæðingarhjálp. Í nýrri bók sem Erla Dóris Halldórsdóttir skrifar segir hún frá körlum í ljósmóðurstörfum, sagt er frá fjölmörgum bændum,hreppstjórum og prestum sem vöktu yfir ljósinu og hjálpuðu konum að fæða börn sín.

Við fáum póstkort frá Magnúsi R. Einarssyni á Spáni í dag. Í þetta sinn segir Magnús frá því hvernig hægt er að bregðast við kuldanum á Spáni nú þegar vetur er að ganga í garð og vandanum sem fylgir því að þurfa að kaupa sér fóðraðan jakka. Svo kemur frásögn af stærsta sigurvegara þingkosninganna sem fóru fram tíunda november síðastliðinn en það var fasistaforinginn Santiago Abascal sem rúmlega tvöfaldaði fylgi flokks síns á sex mánuðum. Hann er sláandi karakter og nýtur gríðarlegs persónufylgs.

Franska kvikmyndin Grâce à Dieu eða Guðsmildi er sýnd um þessar mundir í Bíó paradís. Hún fjallar um stórt barnaníðsmál sem kom upp hjá kaþólsku kirkjunni í Frakklandi þar sem upp kemst um áratugalangan brotaferil kaþólsks prests gegn ungum drengjum og viðbrögðum stjórnenda kirkjunnar, samfélagsins og kerfisins. Þóra Tómasdóttir fjölmiðlakona hefur skoðað mynstur innan kaþólsku kirkjunnar, hvernig kirkjan hefur brugðist við þegar svona mál koma upp, til dæmis hér á landi. Þóra kom í þáttinn.

Út er komin bókin „Það eru ekki svellin“eftir Gunnar Finnsson - Sögur og sagnir af Borgfirðingum eystri. Þar segir til dæmis frá Kristjáni á Jökulsá sem lætur sannleikann ekki eyðileggja góða sögu. Sveinbjörn á Dallandsparti sem sólbrennur á annarri kinninni. Gömlum frænda Steins Ármanns sem er gefið Viagra á elliheimilinu. Jóa í Geitavík sem vantar hundraðkall og Sveini á Hóli sem getur alveg legið á beru gólfinu, en þó með einu skilyrði. Gunnar kom í þáttinn í dag.

Störf dýralækna eru mjög umfangsmikil og í mörg horn að líta og Kristín Einarsdóttir, okkar kona á Ströndum, fékk á dögunum dýralækninn sem sinnir norðvesturumdæmi, Gísla Sverri Halldórsson, í heimsókn til sín í Hveravík og ræddi við hann meðal annars um starf dýralæknisins, mikilvægi sóttvarna og ýmislegt annað.

UMSJÓN GUÐRÚN GUNNARSDÓTTIR OG GUNNAR HANSSON

Í áttunda þætti Hnotskurn verður farið yfir stöðu loftslagsmálanna á Íslandi í tilefni af borgarafundi Kastljóss um loftslagsmál sem fram fer í kvöld. Þá skoðum við hvers vegna bandarískir nýnasistar og hvítir þjóðernissinnar sjá poppstjörnunaTaylor Swift í dýrðarljóma.

Í næstu viku hefst námskeið á vegum Rótarinnar sem nefnist Að segja frá. Konur sem hafa orðið fyrir kynferðisofbeldi glíma oft við flóknar afleiðingar þess. Ein leið til valdeflingar og bata er að rjúfa þögnina sem oft ríkir um kynferðisbrot. Við fengum þær Guðrúnu Ebbu Ólafsdóttur og Kristínu I. Pálsdóttur frá Rótinni í þáttinn til að segja okkur frekar frá því.

Þriðja þáttaröð The Crown hefur litið dagsins ljós og við ætlum að skoða aðeins bresku konungsfjölskylduna í þættinum. Um helgina var viðtal við Andrew prins hjá BBC sem hefur vakið sterk viðbrögð. Í því talar hann um vinskap sinn við Jeffrey Epstein, sem var dæmdur fyrir mansal, barnaníð og kynlífsþrælkun og framdi sjálfsvíg í fangelsi í ágúst. Í framhaldinu af viðtalinu sagði almannatengslafulltrúi prinsins, Jason Stein, starfi sínu lausu. Sigríður Pétursdóttir kom í þáttinn og fór með okkur yfir þetta mál og bresku konungsfjölskylduna.

Lesandi vikunnar í þetta sinn var Virpi Jokinen, skipuleggjandi og nemandi í jákvæðri sálfræði. Hún kemur frá Finnlandi, en hefur búið lengi hér á landi. Við forvitnuðumst um hvaða bækur eru á náttborðinu hjá henni, hvað hún hefur verið að lesa undanfarið og hvaða bækur og höfundar hafa haft áhrif á hana í gegnum tíðina.

UMSJÓN GUÐRÚN GUNNARSDÓTTIR OG GUNNAR HANSSON

Föstudagsgestur Mannlega þáttarins í þetta sinn var rithöfundurinn Huldar Breiðfjörð. Hann hefur skrifað handrit fyrir kvikmyndir og sjónvarp og nokkrar bækur. Sólarhringl, nýjast bók hans var að koma út, sem er persónuleg saga hans, þar sem hann fléttar saman daglegu lífi, minningum sínum og hringferð um landið á puttanum. Við ræddum við hann um lífið og tilveruna og ferðalagið í gegnum lífið til dagsins í dag.

Sigurlaug Margrét Jónasdóttir, besti vinur bragðlaukanna, var með sitt vikulega matarspjall í þættinum í dag. Í þetta sinn talaði hún um stemninguna við laufabrauðsgerð, gleðina og kátínuna, letina þvi það eru ekki allir jafn duglegir.og hvaða réttur á að malla inn í ofninum á meðan.

UMSJÓN GUÐRÚN GUNNARSDÓTTIR OG GUNNAR HANSSON

Vísindafélag Íslands stendur fyrir málþingi á morgun í Þjóðminjasafninu um opinn aðgang að rannsóknarniðurstöðum. Opinn aðgangur (e. open access) er þekkt hugtak í umræðunni um rannsóknir og birtingar fræða- og vísindafólks og snýst um óheftan aðgang almennings, nemenda háskóla og fræða- og vísindafólks um allan heim að rannsóknarniðurstöðum sem unnar hafa verið fyrir almannafé. Sara Stef. Hildardóttir, frummælandi og forstöðukona bókasafns og upplýsingaþjónustu Háskólans í Reykjavík og Eyjólfur Ingi Ásgeirsson, fundarstjóri og dósent við Tækni- og verkfræðideild HR komu í þáttinn.

Barnaþing verður haldið helgina 21 og 22.nóv í Hörpu. Þar munu 170 börn koma saman á þjóðfundi en börnin voru valin af handahófi af öllu landinu til að ræða það sem skiptir börn mestu máli. Þingið verður hápunktur afmælisárs barnasáttmálans en í ár eru 30 ár liðin frá því hann var samþykktur af Sameinuðu þjóðunum. Verkefnið tilheyrir umboðsmanni barna, Salvöru Nordal en hún kom í þáttinn og sagði nánar frá.

Opinn fundur ofbeldisvarnarnefndar Reykjavíkurborgar, fjölmenningarráðs Reykjavíkurborgar, ASÍ, W.O.M.E.N., Kvenréttindafélagsins og Kvennaathvarfisins var haldinn í Veröld, húsi Vigdísar, á þriðjudag. Þar var fjallað um innflytjendakonur og ofbeldi frá ýmsum hliðum. Sabine Leskopf, borgarfulltrúi og formaður fjölmenningarráðs Reykjavíkurborgar kom í þáttinn og fræddi okkur um það sem þar kom fram.

UMSJÓN GUÐRÚN GUNNARSDÓTTIR OG GUNNAR HANSSON

MANNLEGI ÞÁTTURINN MIÐVIKUDAG 13.NÓVEMBER 2019

UMSJÓN GUÐRÚN GUNNARSDÓTTIR OG GUÐFINNUR SIGURVINSSON

Um helgina fer fram viðburður sem ber yfirskriftina: Ástiní vísindum, listum og trú. Eða "Ást og líffræði." Fram koma ýmsir listamenn sem munu lesa ljóð og þá verður kynnt nýtt tjáningarform sem ekki hefur áður sést á sviði svo vitað sé en það eru ástarjátningar. En það felst í því að sjö einstaklingar munu játa ást sína. En ástæða til þess að þetta kvöld fór af stað og hefur verið kallað í gríni og alvöru: Ástarráðstefna er koma pólska taugalæknisins Barthosz Karasewski en hann mun halda fyrirlestur um "ást og líffræði" og spyrja hvort ástin sé nauðsynlegur aflvaki í þróun okkar eða huggulegur skyndibiti.

Það hefur kólnað snarlega þetta haustið á Spáni og það hefur verið vindasamt að undanförnu. Pólitík, þjófar, veður og bílar verða aðal uppistaðan í póstkortinu frá Spáni að þessu sinni. Kosningarnar til spænska þingsins síðasta sunnudag voru ekki afgerandi, en samt merkilegar fyrir ýmsa hluta sakir.

Guðrún Anna Gunnarsdóttir er fædd og uppalin á Eyri við Ingólfsfjörð við

aðstæður sem flestum þykja líklega framandi í dag -t.d. hafði

vetrarófærð mikil áhrif á líf fólks, ferðir til og frá skóla gátu verið

sögulegar o.s.frv. Kristín Einarsdóttir hitti Bibbu á æskuheimili hennar á Eyri við

Ingólfsfjörð og fékk að heyra brot af endurminningum hennar.

Á Alþingi er nú til umfjöllunar frumvarp um Menntasjóð námsmanna sem ætlað er að koma í stað LÍN, við skoðum frumvarpið nánar og ræðum við Sigrúnu Jónsdóttur, forseta Landsamtaka íslenskra stúdenta. Svo skoðum við einar stærstu YouTube erjur sögunnar milli Logan Paul og KSI sem börðust í hnefaleikahringnum í annað sinn um helgina.