Het jy geweet daar is toilette wat nie van water gebruik maak om ontslae te raak van menslike ontlasting nie? Dit word dan as kompos in tuine gebruik. Periodes van droogte en waterbeperkings, veral in die Kaap, Gauteng en KwaZulu-Natal, het sommige mense se siening oor hierdie onkonvensionele waterbesparings-metode verander. Darren Taylor doen verslag.

Twee 12 jarige seuns het op 6 Januarie 2018 in die oë van Suid-Afrikaners in helde verander nadat hulle mense uit 'n brandende trein wrak gered het. Die trein het teen 'n vragmotor gebots naby Kroonstad in die noord Vrystaat. Mokoni Chaka en Evert du Preez het self hulle storie aan ons kom vertel by die Nampo oesdag 2018.

'n Onlangse verslag oor die finansiële realiteit van huishulpe in Suid-Afrika, toon dat 84% van huishulpe se salarisse die enigste bron van inkomste in hulle huise is. Opnames toon dat huishulpe soms meer as die voorgestelde minimum loon verdien, en dat baie van hulle hul finansiële toekoms beplan. Maar is dit volhoubaar gegewe die stygende lewens kostes, wil Joan-Marie Vehoef weet?

Die Afrikaanse burgerregte groep, Afriforum, het die afgelope week onder skerp kritiek deur geloop na hul terugkeer uit Amerika om die aandag te vestig op plaas moorde en grondgryoe sonder vergoeding. Die Mail and Guardian se Mashadi Kekana skryf die week: "Die vraag of Afriforum 'n fasistiese groep is, het nou 'n besprekings punt geword." Monitor het met Afriforum se hoof, Kallie Kriel en die Hoofredakteur van die Huffington Post in Suid-Afrika, met Pieter Du Toit daaroor gesels.

Die burgerregte organisasie Afriforum, het onlangs heelwat aandag getrek met hulle besoek aan Amerika oor plaasmoorde, asook oor uitlatings wat gemaak is dat Aparthied nie 'n misdaad teen die mensdom was nie. Ons het by van die land se jong Afrikaanssprekendes gaan hoor hoe hulle voel oor die organisasie...

Israel het op 14 Mei 2018 70 jaar oud geword. Anita Visser het hierdie verslag saamgestel.

Die afsnydatum vir die openbare verhore van die parlementêre grondwetlike hersieningskomitee, wat die onteiening van grond sonder vergoeding moet oorweeg, gaan heel moontlik uitgestel word. Die komitee het reeds meer as 'n 100-duisend skriftelike voorleggings ontvang. Die afsnydatum vir die skriftelike voorleggings is einde Mei, terwyl die openbare verhore se Augustus afsnydatum dalk tot September verskuif moet word. Vincent Smith, ANC-LP en medevoorsitter van die komitee, se^ al die vergaderplekke wat deur die komiteelede in die proses besoek gaan word, sal vandag (DONDERDAG) aangekondig word. Hy het met Malixole Gwatyu gepraat...

Afriforum sê president Cyril Ramaphosa se kritiek dui aan dat die ANC nie in voeling is met minderheidsgroepe in Suid-Afrika nie. Die burgerregte-organisasie se uitvoerende hoof, Kallie Kriel, het so gereageer na Ramaphosa Kriel en Ernst Roets se toer na Amerika in die parlement gekritiseer het. Izak du Plessis berig.

Terwyl geskiedkundiges meen dat politici geskiedenis dikwels manipuleer en inspan om hulle eie posisie te versterk, sê argeoloë die aarde vertel nie leuens nie. Marlinee Fouche berig dat argeologie juis kan help om van die leë spasies in ons geskiedenis in te vul. Vondse uit veral die ystertydpek, toon dat hier wel mense in Suider-Afrika voor Jan van Riebeeck se aankoms in 1652 gewoon het.

Geskiedenis word tot 'n groot mate deur die maghebbers bepaal. Die Suid-Afrikaanse geskiedenis AANLYN blad - SA History Online - het 'n artikel gepubliseer oor die sogenaamde leë land-teorie. Daarin verduidelik die skrywers hoe die Britse Ryk en later die Nasionale Party aangevoer het dat die land leeg was en dat swart mense vanuit die noorde en wit mense van die suide deur die land getrek het. Die artikel wys daarop dat die teorie nie histories of antropologies bewys kon word nie. Nou is die vraag of die geskiedenis die politiek van die dag dien of andersom. Metzi van der Merwe doen verslag.