បទសម្ភាស

By RFI ខេមរភាសា / Khmer

បទសម្ភាស episodes

July 28, 2021 ភ្ញៀវប្រចាំថ្ងៃ - ឧកញ៉ា ហៃ លីអ៊ាង៖ ប្រភេទថ្នាំប៉ារ៉ាសេតាម៉ុល និងវីតាមីនសេ មានតម្រូវការទីផ្សារខ្ពស់អំឡុងពេលកូវីដនេះ
ជំងឺកូវីដ-១៩ បានបន្តរាតត្បាតប្រទេសកម្ពុជាអស់រយៈពេលជិត២ឆ្នាំមកហើយ ដែលបញ្ហានេះធ្វើឲ្យប៉ះពាល់ដល់សេដ្ឋកិច្ចកម្ពុជាស្ទើរគ្រប់វិស័យ។ ដោយឡែកសហគ្រាសផលិតឱសថ PPM នៅតែបន្តឈរជើងយ៉ាងរឹងម៉ាំក្នុងអំឡុងពេលនេះ និងនៅរក្សាបានកំណើនប្រាក់ចំណូលជាធម្មតា តាមផែនការដែលបានគ្រោងទុក។ លោកឧកញ៉ាឱសថបណ្ឌិត ហៃ លីអ៊ាង ប្រធានអគ្គនាយកសហគ្រាសផលិតឱសថ PPM បានថ្លែងថា អំឡុងពេលនៃវិបត្តិជំងឺកូវីដ-១៩នេះ ទីផ្សារឱសថរបស់សហគ្រាស PPM ទាំងក្នុង និងក្រៅប្រទេសមានតម្រូវការឱសថខ្លះខ្ពស់ ដូចជាប្រភេទប៉ារ៉ាសេតាម៉ុល និងវីតាមីនសេជាដើម តែក៏មានប្រភេទឱសថខ្លះទីផ្សាររបស់វាមានការធ្លាក់ចុះដែរ។ ដោយឡែកចំពោះដំណើរការសកម្មភាពរបស់សហគ្រាសវិញលោកថា មិនមានជាឧបសគ្គអ្វីទេ ក៏ប៉ុន្តែត្រូវប្រតិបត្តិដោយមានការច្នៃប្រឌិត តាមបែបគន្លងថ្មីក្នុងសម័យកូវីដ។
11 min
July 27, 2021 ភ្ញៀវប្រចាំថ្ងៃ - ឧកញ៉ាលឹម ហេង៖ការអនុញ្ញាតឱ្យវិស័យឯកជននាំចូលវ៉ាក់សាំងបង្ការជំងឺកូវីដ១៩ គឺជាការជួយកាត់បន្ថយបន្ទុករបស់រដ្ឋ
នៅថ្ងៃអង្គារនេះ ក្រសួងសុខាភិបាលកម្ពុជាបានសម្រេចអនុញ្ញាតឱ្យវិស័យឯកជនអាចនាំចូលវ៉ាក់សាំងបង្ការជំងឺកូវីដ១៩ ដើម្បីចាក់ជូនប្រជាពលរដ្ឋដែលមានលទ្ធភាព។ លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជាដែលជាភ្ញៀវប្រចាំថ្ងៃរបស់យើងនៅរាត្រីនេះ បានលើកឡើងថា ការសម្រេចរបស់ក្រសួងសុខាភិបាលកម្ពុជានេះ គឺជារឿងល្អក្នុងការផ្តល់សេវាវ៉ាក់សាំងបង្ការជំងឺកូវីដ១៩ដល់ប្រជាពលរដ្ឋបន្ថែមទៀត។ ម្យ៉ាងវិញទៀត លោកឧកញ៉ាលឹម ហេង ក៏បានអះអាងថា វាក៏ជាការរួមចំណែករបស់វិស័យឯកជនក្នុងការកាត់បន្ថយបន្ទុករបស់រដ្ឋាភិបាលលើការចំណាយទៅលើបញ្ហាវ៉ាក់សាំងនេះផងដែរ។
12 min
July 26, 2021 ភ្ញៀវប្រចាំថ្ងៃ - លោកយ៉ែម បុញ្ញឫទ្ធិ៖ គណបក្សកម្ពុជានិយមកើតចេញពីឆន្ទៈរបស់យុវជនបន្តវេន
ភ្ញៀវប្រចាំថ្ងៃរបស់វិទ្យុបារាំងអន្តរជាតិRFIនៅរាត្រីនេះគឺលោក យ៉ែម បុញ្ញឫទ្ធិ ស្ថាបនិកគណបក្សកម្ពុជានិយម។ គណបក្សកម្ពុជានិយមដែលបង្កើតឡើងដោយក្រុមយុវជនរបស់អតីតគណបក្សសង្រ្គោះជាតិ និងទទួលការយល់ព្រមពីក្រសួងមហាផ្ទៃ កាលពីទី២៣កក្កដា។ បើតាមលោក យ៉ែម បុញ្ញឫទ្ធិ គណបក្សនេះកើតចេញពីឆន្ទៈរបស់យុវជនបន្តវេន រីឯអ្នកនយោបាយជើងចាស់គឺគ្រាន់តែអ្នកចូលរួមចំណែកបន្ទាប់បន្សំ។
11 min
July 25, 2021 ភ្ញៀវប្រចាំថ្ងៃ - លោកស្រី ឆន សុគន្ធា៖ អ្នកប្រើប្រាស់កាន់តែមានបញ្ហាប្រឈម ខណៈមានអនុក្រឹត្យ«ច្រកទ្វារអ៊ីនធឺណិត»
ភ្ញៀវប្រចាំរបស់វិទ្យុបារាំងអន្តរជាតិRFIនៅរាត្រីនេះគឺលោកស្រី ឆន សុគន្ធា នាយិកានៃនាយកដ្ឋានអភិវឌ្ឍប្រព័ន្ធផ្សព្វផ្សាយរបស់មជ្ឈណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ(CCIM)។ អង្គការមួយនេះនិងអង្គការមួយចំនួនទៀត បានសហការគ្នារៀបចំឡើងព្រឹត្តិការណ៍អ៊ិធឺណិតបើកទូលាយដូចកាលពីឆ្នាំមុនៗដែរ។ បើតាមលោកស្រី ឆន សុគន្ធា នៅពេលចំនួនអ្នកប្រើប្រាស់អ៊ីនធឺណិតកាន់កើនឡើង បញ្ហាប្រឈមរបស់ពួកគេក៏មានកាន់តែច្រើនដែរ ស្របពេលរដ្ឋាភិបាលបានបង្កើតច្បាប់ថ្មី«ច្រកទ្វារអ៊ីនធឺណិត»ដើម្បីគ្រប់គ្រងអ៊ីនធឺណិត។
12 min
July 24, 2021 ភ្ញៀវប្រចាំថ្ងៃ - លោកវ៉ាត់ ចំរើន៖អត្តពលិកកម្ពុជាប្ដេជ្ញាខិតខំឲ្យអស់ពីលទ្ធភាពនៅក្នុងការប្រកួតកីឡាអូឡាំពិក
ពីទីក្រុងតូក្យូប្រទេសជប៉ុន ទីដែលកំពុងរៀបចំការប្រកួតកីឡាអូឡាំពិករដូវក្ដៅ លោកវ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា ដែលដឹកនាំក្រុមអត្តពលិកកម្ពុជាចូលរួមការប្រកួតនេះអះអាងថា គណៈប្រតិភូនិងអត្តពលិកកម្ពុជាទាំង៧រូបធានាបានសុវត្ថិភាព នៅចំពោះមុខការរីករាលដាលនៃជំងឺកូវីដ១៩។ តាមគម្រោងអត្តពលិកកម្ពុជាត្រៀមប្រកួតលើវិញ្ញាសារហែលទឹកនៅថ្ងៃទី៣០កក្ដដានេះ ហើយរត់ចម្ងាយនៅថ្ងៃទី១សីហា។ លោកវ៉ាត់ ចំរើន ឲ្យដឹងថា អត្តពលិកកម្ពុជាប្ដេជ្ញាខិតខំឲ្យអស់ពីលទ្ធភាពនៅក្នុងការប្រកួតកីឡាអូឡាំពិកលើកទី៣២នេះ។ បើតាមលោក វ៉ាត់ ចំរើន កិច្ចខិតប្រឹងប្រែងរបស់អត្តពលិកកម្ពុជាទាំង៣រូប ទោះជាមិនរំពឹងទទួលបានមេដាយ ក៏ធ្វើយ៉ាងណាបំបែកឯកកត្តកម្មយកឈ្នះខ្លួនឯងឲ្យបានលើវិញ្ញាសារហែលទឹកនិងរត់ចម្ងាយដែរ។
12 min
July 23, 2021 ភ្ញៀវប្រចាំថ្ងៃ - បណ្ឌិតឈាង វណ្ណារិទ្ធ៖មហាអំណាចកំពុងយកបញ្ហាវ៉ាក់សាំងធ្វើជាឧបករណ៍ការទូត ដើម្បីទាញប្រយោជន៍នយោបាយ
ភ្ញៀវប្រចាំថ្ងៃរបស់យើងនៅរាត្រីនេះ គឺលោកបណ្ឌិត ឈាង វណ្ណារិទ្ធ ដែលជាប្រធានវិទ្យាស្ថានចក្ខុវិស័យអាស៊ី (AVI)។ នៅយប់នេះ វ៉ាក់សាំងដែលជាជំនួយរបស់របស់ជប៉ុនតាមរយៈយន្តការCOVAXជាង៣៣ម៉ឺនដូសក្នុងចំណោម១លានដូសនឹងមកដល់ប្រទេសកម្ពុជា។ មុនវ៉ាក់សាំងរបស់ជប៉ុនមកដល់ ពោល គឺនៅរសៀលថ្ងៃសុក្រនេះ អាមេរិកតាមរយៈស្ថានទូតនៅកម្ពុជាក៏បានប្រកាសផ្តល់ជំនួយវ៉ាក់សាំងជាង១លានដូសដល់កម្ពុជា និងថា នឹងមកដល់ក្នុងពេលឆាប់ៗខាងមុខនេះ។ ទិដ្ឋភាពនេះ លោកបណ្ឌិតឈាង វណ្ណារិទ្ធ បានមើលឃើញថា ប្រទេសមហាអំណាច និងប្រទេសអ្នកមានមួយចំនួនកំពុងយកបញ្ហាវ៉ាក់សាំងធ្វើជាឧបករណ៍ការទូត ដើម្បីទាញផលប្រយោជន៍នយោបាយ ក៏ដូចជាភូមិសាស្រ្តនយោបាយរបស់ខ្លួន។
12 min
July 22, 2021 ភ្ញៀវប្រចាំថ្ងៃ - លោកង៉ែត ម៉ូសេ៖ដើម្បីឱ្យមានសុវត្ថិភាព អ្នកប្រើប្រាស់បណ្តាញសង្គមទាំងអស់គួរស្វែងយល់ដឹងពីច្បាប់
ភ្ញៀវប្រចាំថ្ងៃរបស់យើងនៅរាត្រីនេះ គឺលោកង៉ែត ម៉ូសេ អ្នកប្រឹក្សាផ្នែកសន្តិសុខឌីជីថល និងជាអ្នករៀបចំព្រឹត្តិការណ៍អ៊ីនធើណេតបើកទូលាយឆ្នាំ២០២១(Open Cyber Talk 2021)។ ព្រឹត្តិការណ៍នេះនឹងរៀបចំឡើងតាមប្រព័ន្ធអនឡាញនៅថ្ងៃទី២៥ ខែកក្កដា ដោយមានការចូលរួមពីអ្នកជំនាញជាច្រើនពាក់ព័ន្ធនឹងបញ្ហាការប្រើប្រាស់បណ្តាញសង្គមនៅក្នុងប្រទេសកម្ពុជា។ លោកង៉ែត ម៉ូសេ បានអះអាងថា អ្នកចូលរួមក្នុងព្រឹត្តិការណ៍នេះនឹងទទួលបានចំណេះដឹងបន្ថែមពីការប្រើប្រាស់បណ្តាញសង្គម ក៏ដូចជាសេរីភាពនៅលើបណ្តាញសង្គមជាដើម។ បើតាមលោកង៉ែត ម៉ូសេ ដើម្បីឱ្យមានសុវត្ថិភាព អ្នកប្រើប្រាស់បណ្តាញសង្គមទាំងអស់គួរស្វែងយល់ពីច្បាប់ ហើយការបង្កើតច្បាប់ និងអនុវត្តច្បាប់គួរធ្វើឡើងដោយគិតពីផលប្រយោជន៍របស់អ្នកប្រើប្រាស់។
12 min
July 21, 2021 ភ្ញៀវប្រចាំថ្ងៃ - លោក ហ៊ាង សុទ្ធាយុត្តិ៖ បើក្រសួងស្របតាមការតវ៉ា នោះនឹងមានការខាតបង់ប្រយោជន៍រួមធ្ងន់ធ្ងរ
ក្រសួងសាធារណការ និងដឹកជញ្ជូន បានធ្វើការច្រានចោល សំណើរបស់ម្ចាស់រថយន្តធុនធំ ដោយមិនអនុញ្ញាតឲ្យពួកគេដឹកលើសទម្ងន់នោះទេ ហើយក្រសួងនៅតែបន្ដឃាត់រថយន្តទុករយៈពេល១ឆ្នាំ ចំពោះរថយន្ដទាំងឡាយណា ដែលផ្ទុកលើសទម្ងន់ចាប់ពី ២០%ឡើងទៅ។ លោក ហ៊ាង សុទ្ធាយុត្តិ អ្នកនាំពាក្យក្រសួងសាធារណការ និងដឹកជញ្ជូន បានថ្លែងបញ្ជាក់បន្ថែមថា ក្រសួងសាធារណការ បានថ្លឹងថ្លែងរួចហើយចំពោះបញ្ហានេះ ពោលគឺបើក្រសួងយល់ស្របតាមការស្នើសុំរបស់អ្នកបើកបរ ឬម្ចាស់យានយន្តធុនធ្ងន់ ដែលស្នើសុំផ្ទុកបន្ថែមពី៩តោន ទៅ១៥តោននោះ គឺខុសនឹងគោលការណ៍ច្បាប់ ជាពិសេសធ្វើឲ្យប៉ះពាល់ដល់ផលប្រយោជន៍ជាតិ និងប្រជាជនដ៏ធំធេងផងដែរ។
10 min
July 20, 2021 ភ្ញៀវប្រចាំថ្ងៃ - លោកលឹង សុផុន៖ពលករខ្មែរជាច្រើនចង់វិលចូលស្រុកវិញព្រោះនៅថៃមិនមានការព្យាបាលអ្នកជំងឺកូវីដដិតដល់ឡើយ
ភ្ញៀវប្រចាំថ្ងៃរបស់យើងនៅរាត្រីនេះ គឺលោកលឹង សុផុន ដែលជាមន្ត្រីគម្រោងនៃអង្គការសង់ត្រាល់ប្រចាំនៅប្រទេសថៃ។ នៅប្រទេសថៃ ពលករខ្មែរប្រមាណជាជិត៩ពាន់នាក់ហើយ បានឆ្លងជំងឺកូវីដ១៩ គិតមកដល់ពេលនេះ។ លោកលឹង សុផុន បានលើកឡើងថា អ្នកជំងឺកូវីដ១៩ជាជនជាតិខ្មែរខ្លះមិនទទួលបានការព្យាបាល និងថែទាំបានដិតដល់ពីសំណាក់ក្រុមគ្រូពេទ្យថៃឡើយ ហើយខ្លះទៀតកំពុងខ្វះស្បៀងអាហារ និងថវិកាវាយចាយ។ អាស្រ័យហេតុនេះហើយ លោកថា មានពលករខ្មែរច្រើននាក់ប្រាថ្នាវិលចូលប្រទេសកម្ពុជាវិញ ដើម្បីគេចចេញពីការឆ្លងជំងឺកូវីដ១៩ និងហានិភ័យខ្វះការព្យាបាលត្រឹមត្រូវនៅពេលឆ្លងជំងឺកូវីដ១៩។
11 min
July 19, 2021 ភ្ញៀវប្រចាំថ្ងៃ - លោក នេត្រ ភក្ត្រា៖ការដាក់តំបន់បឹងព្រែកល្ពៅទៅជា«តំបន់រ៉ាមសារ»គឺផ្តល់ប្រយោជន៍ច្រើនដល់សហគមន៍
ក្រសួងបរិស្ថាន រៀបចំដាក់តំបន់ការពារទេសភាពបឹងព្រែកល្ពៅនៅក្នុងស្រុកបុរីជលសារ និងស្រុកកោះអណ្តែត ខេត្តតាកែវ ទៅជា«តំបន់រ៉ាមសារ»។ លោក នេត្រ ភក្ត្រា រដ្ឋលេខាធិការក្រសួងបរិស្ថាន ថ្លែងថាតំបន់បឹងព្រែកល្ពៅនេះ គឺតំបន់ដីសើមដែលជាទីជម្រកសត្វស្លាបជាច្រើនប្រភេទ ដែលជាសត្វកម្រ។ លោកគូសបញ្ជាក់ថា ការដាក់តំបន់នោះទៅជាតំបន់រ៉ាមសារ គឺបានផ្តល់ប្រយោជន៍ដល់ជីវភាពប្រជាសហគមន៍ និងជាទីជម្រកសម្រាប់សត្វស្លាបទឹក និងសត្វស្លាបទេសន្តរប្រវេសន៍ ដែលជាផ្នែកមួយនៃអេកូទេសចរណ៍ផងដែរ។
13 min