បទសម្ភាស

By RFI ខេមរភាសា / Khmer

បទសម្ភាស episodes

July 18, 2021 ភ្ញៀវប្រចាំថ្ងៃ - លោក គឹម សន្តិភាព៖ទោះបីប្រធានសាលាដំបូងមានសិទ្ធិលើការដោះលែងទណ្ឌិតតែមិនត្រូវប្រើឱកាស«ត្រីងៀតឆ្លៀតពង»
ភ្ញៀវប្រចាំថ្ងៃរបស់វិទ្យុបារាំងអន្តរជាតិRFI នៅរាត្រីនេះ គឺលោក គឹម សន្តិភាព អ្នកនាំពាក្យក្រសួងយុត្តិធម៌។ ក្រសួងយុត្តិធម៌ដែលចេញសេចក្តីសម្រេចលើការកំណត់បែបបទនៃការឃ្លាំមើលទណ្ឌិត ដែលត្រូវដោះលែងដោយមានលក្ខណ្ឌ។ សេចក្តីសម្រេចនេះ បានប្រគល់សិទ្ធិឲ្យប្រធានសាលាដំបូងរាជធានី-ខេត្ត លើការដោះលែងទណ្ឌិតដោយមានលក្ខណ្ឌ បន្ទាប់ពីការត្រួតពិនិត្យពីក្រុមការងារថ្នាក់ជាតិ។ បើតាម លោក គឹម សន្តិភាព ទោះបីប្រធានសាលាដំបូងមានសិទ្ធិក៏ពិតមែនតែមិនត្រូវប្រើឱកាស«ត្រីងៀតឆ្លៀតពង»នោះទេ ហើយថាក្រសួងមានយន្តការផ្សេងទៀតដើម្បីត្រួតពិនិត្យការអនុវត្តន៍នេះ។
14 min
July 17, 2021 ភ្ញៀវប្រចាំថ្ងៃ - លោក ឌី រ៉ាដូ៖ ខេត្តឧត្តមរមានជ័យបន្ថែមមណ្ឌលចត្តាឡីស័ក ខណៈពលករនៅតែបន្តវិលមកពីប្រទេសថៃវិញ
ភ្ញៀវប្រចាំថ្ងៃរបស់វិទ្យុបារាំងអន្តរជាតិRFI នៅរាត្រីនេះ គឺលោក ឌី រ៉ាដូ អ្នកនាំពាក្យសាលាខេត្តឧត្តរមានជ័យ។ ខេត្តជាប់ព្រំដែនថៃមួយនេះនៅតែបន្តទទួលពលករខ្មែរសម្រុកមកពីប្រទេសថៃវិញដែលមិនទាន់ថមថយនៅឡើយ ពោលចន្លោះពី៣០០ទៅ៤០០នាក់ក្នុងមួយថ្ងៃ។ ជាតុល្យការគឺមានពលករជាង២ពាន់នាក់ឆ្លងកូវីដ១៩ ក្នុងចំណោមពលករដែលមកពីប្រទេសថៃវិញ ក្នុងនោះជាសះស្បើយជាង៥រយនាក់។ នៅចំពោះមុខនេះ អាជ្ញាធរខេត្តក៏បានបង្កើតមណ្ឌលចត្តាឡីស័កបន្ថែមរហូតដល់២០កន្លែងសម្រាប់ឲ្យពួកគេស្នាក់នៅបណ្តោះអាសន្នមុននឹងអនុញ្ញាតឲ្យទៅផ្ទះរៀងៗខ្លួន។
11 min
July 16, 2021 ភ្ញៀវប្រចាំថ្ងៃ - លោកហេង គឹមហុង៖ត្រឹមតែ៥ថ្ងៃ បទល្មើសព្រៃឈើជាង៣០០ករណីបានកើតឡើងនៅតំបន់ព្រៃឡង់ខេត្តព្រះវិហារ
សមាគមបណ្ដាញយុវជនកម្ពុជា(CYN) និងបណ្ដាញសហគមន៍ព្រៃឡង់បានរកឃើញបទល្មើសព្រៃឈើដល់ទៅ៣៦៦ករណីនៅក្នុងតំបន់ព្រៃឡង់ខេត្តព្រះវិហារក្នុងរយៈពេលត្រឹមតែ៥ថ្ងៃប៉ុណ្ណោះ ពោល គឺពីថ្ងៃទី០៩ដល់ថ្ងៃទី១៣ ខែកក្កដា ឆ្នាំ២០២១។ លោកហេង គឹមហុង ប្រធានកម្មវិធីផ្នែកស្រាវជ្រាវ និងតស៊ូមតិនៃសមាគមបណ្ដាញយុវជនកម្ពុជា(CYN)បានកត់សម្គាល់ថា នេះ គឺជាបទល្មើសព្រៃឈើដ៏ច្រើនករណី ហើយថា វាបានបង្ហាញពីស្ថានភាពនៃការកាប់បំផ្លាញព្រៃឈើនៅក្នុងតំបន់ព្រៃឡង់នៅតែកើតមានដដែល។ បើតាមលោកហេង គឹមហុង ក្រសួងបរិស្ថាន និងអាជ្ញាធរពាក់ព័ន្ធគួរតែចាប់ដៃសហការគ្នាជាមួយក្រុមអ្នកការពារព្រៃឈើ ដើម្បីបង្ក្រាបបទល្មើសព្រៃឈើទាំងនេះឱ្យមានប្រសិទ្ធភាព។
12 min
July 16, 2021 ភ្ញៀវប្រចាំថ្ងៃ - លោកជិន ម៉ាលីន៖ការតម្រូវឱ្យមានកាតព្វកិច្ចចាក់វ៉ាក់សាំងការពារជំងឺកូវីដ១៩ មិនមែនជាការរំលោភសិទ្ធិណាមួយទេ
ភ្ញៀវប្រចាំថ្ងៃរបស់យើងនៅរាត្រីនេះ គឺលោកជិន ម៉ាលីន ដែលជាអ្នកនាំពាក្យក្រសួងយុត្តិធម៌ និងជាអនុប្រធានគណៈកម្មការធិការសិទ្ធិមនុស្សកម្ពុជា។ ឆ្លើយតបទៅនឹងកង្វល់របស់ក្រុមអ្នកជំនាញសិទ្ធិមនុស្សអន្តរជាតិពាក់ព័ន្ធនឹងកាតព្វកិច្ចទទួលការចាក់វ៉ាក់សាំងការពារជំងឺកូវីដ-១៩សម្រាប់មន្រ្តីរាជការ និងប្រជាពលរដ្ឋកម្ពុជា លោកជិន ម៉ាលីន បានអះអាងថា កាតព្វកិច្ចទទួលការចាក់វ៉ាក់សាំងនេះមិនមែនជាការរំលោភបំពានសិទ្ធិមនុស្សនោះឡើយ។ ផ្ទុយទៅវិញ លោកថា វាត្រូវបានធ្វើឡើងស្របទៅតាមច្បាប់ជាតិ និងច្បាប់ និងបទប្បញ្ញត្តិអន្តរជាតិថែមទៀតផង ដើម្បីការពារពលរដ្ឋកម្ពុជាពីការឆ្លងរាលដាលនៃជំងឺកូវីដ១៩។
12 min
July 14, 2021 ភ្ញៀវប្រចាំថ្ងៃ - លោក សោម សូរីដា៖ ការលើកពេលរៀបចំការបោះឆ្នោតក្រុមប្រឹក្សា ឃុំ សង្កាត់ ឬមិនលើក អាស្រ័យទៅលើការសម្រេចរបស់រដ្ឋាភិបាល
តាមការកំណត់ ប្រទេសកម្ពុជានឹងរៀបចំការបោះឆ្នោតក្រុមប្រឹក្សា ឃុំ សង្កាត់ អាណត្តិទី៥ នៅថ្ងៃទី៥ ខែមិថុនា ឆ្នាំ២០២២ ខាងមុខ។ ឆ្លើយតបទៅនឹងការបារម្ភរបស់សង្គមស៊ីវិល លោក សោម សូរីដា អគ្គលេខាធិការរងគណៈកម្មាធិការជាតិរៀបចំការបោះឆ្នោត(គ.ជ.ប) ឲ្យដឹងថា គ.ជ.ប បានបំពេញតួនាទី និងភារកិច្ចរបស់ខ្លួនប្រកបដោយតម្លាភាព និងយុត្តិធម៌នៅក្នុងកំរិតមួយអតិបរមា។ តាមលោក សោម សូរីដា គ.ជ.ប នឹងរៀបចំការបោះឆ្នោតតាមការគ្រោងទុក ប្រសិនបើរដ្ឋាភិបាលមិនមានការសម្រេចណាមួយលើកពេលការបោះឆ្នោតនេះទេ។ ជាមួយគ្នានេះ គ.ជ.ប ក៏បានរៀបចំសេចក្តីណែនាំរួមស្តីពីវិធានការការពារ និងទប់ស្កាត់ការឆ្លងជំងឺកូវីដ-១៩ នៅក្នុងការិយាល័យបោះឆ្នោតរួចហើយ ដោយត្រូវឆ្លងយោបល់ក្រសួងមហាផ្ទៃ និងក្រសួងសុខាភិបាលផងដែរ។
11 min
July 13, 2021 ភ្ញៀវប្រចាំថ្ងៃ - លោកស្រីឆាយ ស៊ីវលីន៖បើការចាក់វ៉ាក់សាំងបានកាន់តែលឿន នោះការវិលត្រឡប់នៃទេសចរណ៍ក៏លឿនដែរ
ភ្ញៀវប្រចាំថ្ងៃរបស់យើងនៅរាត្រីនេះ គឺលោកស្រី ឆាយស៊ីវលីន ដែលជាប្រធានសមាគមទីភ្នាក់ងារទេសចរណ៍កម្ពុជា។ ស្របពេលដែលរដ្ឋាភិបាលកម្ពុជាកំពុងសម្រុកចាក់វ៉ាក់សាំងបង្ការជំងឺកូវីដ១៩ទៅតាមបណ្តាខេត្តនានា លោកស្រីឆាយ ស៊ីវលីន បានមើលឃើញពីសញ្ញាល្អនៃការងើបឡើងវិញនៃវិស័យសេដ្ឋកិច្ច ជាពិសេស គឺវិស័យទេសចរណ៍។ បើតាមលោកស្រី ឆាយ ស៊ីវលីន បើសិនរដ្ឋាភិបាលកម្ពុជាសម្រុកចាក់វ៉ាក់សាំងដល់ប្រជាពលរដ្ឋបានលឿនកម្រិតណា នោះការងើបឡើងវិញ ឬការត្រឡប់មកវិញនៃវិស័យទេសចរណ៍ក៏នឹងលឿនតាមនោះដែរ។
10 min