បទសម្ភាស

By RFI ខេមរភាសា / Khmer

បទសម្ភាស episodes

August 06, 2021 ភ្ញៀវប្រចាំថ្ងៃ - លោក ឃួង ស្រេង៖ ដាច់ខាតមិនឲ្យមានករណីទារលុយក្រៅផ្លូវការពីគ្រួសារអ្នកជំងឺ ឬអ្នកចាក់វ៉ាក់សាំង
ឆ្លើយតបនឹងការផ្សព្វផ្សាយមួយចំនួនថា មានការទារលុយក្រៅផ្លូវការពីសំណាក់សមត្ថកិច្ច ឬអ្នកចាក់វ៉ាក់សាំងនោះ លោក ឃួង ស្រេង បានប្រកាសដាច់ខាតថា មិនឲ្យមានករណីនេះកើតឡើងទេ។ ជាមួយនឹងការច្រានចោលករណីទារលុយម្នាក់២ម៉ឺនរៀលនៅសាលាបឋមសិក្សាស្ទឹងមានជ័យ និងករណីទារលុយ៤ម៉ឺនរៀលនៅស្តាតអូឡាំពិក អភិបាលរាជធានីភ្នំពេញ បានកោតសរសើរដល់សមត្ថកិច្ច និងក្រុមគ្រួពេទ្យថាបានធ្វើការងារនេះប្រកបដោយវិជ្ជាជីវៈ។ បើតាម លោក ឃួង ស្រេង អាជ្ញាធរកំពុងតែប្រយុទ្ធនឹងជំងឺកូវីដ១៩បំប្លែងថ្មីជាមួយនឹងការព្រួយបារម្ភ។ ដូច្នេះលោកអំពាវនាវឲ្យពលរដ្ឋចូលរួមការពារខ្លួនទាំងអស់គ្នា។
10 min
August 05, 2021 ភ្ញៀវប្រចាំថ្ងៃ - លោក គង់ រតនៈ៖ ការធ្វើវិសោធនកម្មច្បាប់ចរាចរណ៍គួរតែ ធ្វើយ៉ាងណាទៅជាច្បាប់ដែលផ្តល់ប្រយោជន៍សម្រាប់ទាំងអស់គ្នា
ក្រសួងសាធារណការ និងដឹកជញ្ជូន កាលពីថ្ងៃពុធម្សិលមិញ រួមនឹងភាគីពាក់ព័ន្ធ បានបើកកិច្ចប្រជុំមួយតាមប្រព័ន្ធអនឡាញស្តីពីការពិនិត្យ និងពិភាក្សាស្វែងរកធាតុចូលជុំវិញការធ្វើវិសោធនកម្មច្បាប់ស្តីពីចរាចរណ៍ផ្លូវគោក។ លោក គង់ រតនៈ អ្នកជំនាញ និងជាអ្នកពិគ្រោះយោបល់ផ្នែកសុវត្ថិភាពចរាចរណ៍ផ្លូវគោក សម្តែងនូវការគាំទ្រចំពោះការរៀបចំធ្វើវិសោធនកម្មច្បាប់នេះ ដោយលោកលើកឡើងថាច្បាប់ចរាចរណ៍ផ្លូវគោក ដែលមានកន្លងមក គឺជាច្បាប់មួយល្អហើយ ក៏ប៉ុន្តែការអនុវត្តមិនទាន់បានពេញលេញ។
12 min
August 04, 2021 ភ្ញៀវប្រចាំថ្ងៃ - ឧកញ៉ា លឹម ហេង៖ រដ្ឋាភិបាលកំពុងពិចារណាវិធានការចត្តាឡីស័កពិសេសដល់អ្នកវិនិយោគ ដែលមកកម្ពុជារយៈពេលខ្លី
កម្ពុជារយៈពេលខ្លីវិស័យឯកជននៅក្នុងកិច្ចប្រជុំមួយតាមអនឡាញជាមួយនឹង លោក អូន ព័ន្ធមុន្នីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានបង្ហាញពីកង្វល់ចំពោះវិធានការសម្រាប់វិនិយោគិនចូលមកកម្ពុជា ដូចជាការធ្វើចត្តាឡីស័កចំពោះអ្នកចាក់វ៉ាក់សាំងហើយ២ដូស ការដាក់ប្រាក់តម្កល់ និងចំណុចមួយចំនួនទៀត អាចជាឧបសគ្គក្នុងការរារាំងអ្នកវិនិយោគមកពីក្រៅប្រទេស។ ក៏ប៉ុន្តែតំណាងរដ្ឋាភិបាលមិនបានឆ្លើយតបជាវិជ្ជមាននៅឡើយទេ នូវចំណុចខ្លះ ដូចជាការកាត់បន្ថយរយៈពេលធ្វើចត្តាឡីស័កជាដើម ដោយសារអំឡុងពេលនេះ កម្ពុជាកំពុងបន្តប្រយុទ្ធប្រឆាំងនឹងជំងឺកូវីដ-១៩ បំប្លែងថ្មី ដែលតា។ នេះបើតាមលោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា។
11 min
August 03, 2021 ភ្ញៀវប្រចាំថ្ងៃ - លោក ស៊ុំ ចន្ទគា៖ អាជ្ញាធរយកចិត្តទុកដាក់ដល់ពលករខ្មែរត្រលប់ពីប្រទេសថៃដែរ តែសម្រាប់រយៈពេលខ្លីប៉ុណ្ណោះ
ពលរដ្ឋ និងពលករខ្មែរ ដែលធ្វើការនៅប្រទេសថៃ នៅតែត្រូវជនជាតិថៃដឹកតាមរថយន្តមកទំលាក់នៅតាមច្រករបៀងនានា នៅក្បែរព្រំដែនថៃ-កម្ពុជា ដែលពេលនេះព្រំដែនត្រូវបានបិទ ដើម្បីការពារការឆ្លងរាលដាលជំងឺកូវីដ-១៩ បំប្លែងខ្លួនថ្មី ដែលតា។ លោក ស៊ុំ ចន្ទគា មន្ត្រីឃ្លាំមើលសិទ្ធិមនុស្សអង្គការការពារសិទ្ធិមនុស្សអាដហុកប្រចាំខេត្តបន្ទាយមានជ័យ ថ្លែងឲ្យដឹងថាពលករខ្មែរទាំងនោះ ត្រូវបានស្វះស្វែងជួយពីសំណាក់អាជ្ញាធរខ្មែរ និងស្ថានអគ្គកុងស៊ុលខ្មែរប្រចាំខេត្តស្រះកែវប្រទេសថៃផងដែរ។ ក៏ប៉ុន្តែលោកថា នោះជាយន្តការសម្រាប់ជួយសង្គ្រោះរយៈពេលខ្លីប៉ុណ្ណោះ ដោយសារវានឹងប្រឈមហានិភ័យខ្ពស់ប្រសិនបើពលករខ្មែរសម្រុកមកប្រទេសវិញដូចទឹកបាក់ទំនប់។
13 min
August 02, 2021 ភ្ញៀវប្រចាំថ្ងៃ - លោក ង៉ូវ កាង៖នៅពេលធ្វើតេស្តឃើញវិជ្ជមានកូវីដ១៩ហើយមិនរាយការណ៍គឺស្មើនឹងធ្វើបាបខ្លួនឯង
ក្រសួងសុខាភិបាលកាលពីថ្ងៃទី២៩ កក្កដា សម្រេចដាក់ឲ្យអ្នកជំងឺកូវីដ១៩ កម្រិតស្រាល អាចព្យាបាលនៅតាមផ្ទះ ក្នុងក្របខណ្ឌទូទាំងប្រទេស បន្ទាប់ពីរាជធានីភ្នំពេញ និងខេត្តកណ្តាល អនុវត្តវិធីបែបនេះបានជាង២ខែមកនោះ។ លោក ង៉ូវ កាវ រដ្ឋលេខាធិការក្រសួងសុខាភិបាល បានគូសបញ្ជាក់ថា នៅពេលធ្វើតេស្តរកឃើញវិជ្ជមានកូវីដ១៩ហើយ គឺចាំបាច់ត្រូវរាយការណ៍ជូនអាជ្ញាធរពាក់ព័ន្ធ ដើម្បីទទួលបានសេវាប្រឹក្សាយោបល់។ លោកថា ប្រសិនបើមិនរាយការណ៍ទេគឺស្មើនឹងធ្វើបាបខ្លួនឯងនៅពេលស្ថានភាពជំងឺធ្លាក់ដុនដាប។
12 min
August 02, 2021 ភ្ញៀវប្រចាំថ្ងៃ - លោក គី សេរីវឌ្ឍ៖ត្រឹម១ឆ្នាំតទៀត សេដ្ឋកិច្ចកម្ពុជាអាចទប់ទល់នឹងកូវីដបាន តែបើកូវីដអូសបន្លាយ អាចនឹងប្រែប្រួល
លោក ហ៊ុន សែន នៅព្រឹកមិញនេះអាងថា រដ្ឋាភិបាលកម្ពុជា នឹងមិនដួលរលំដោយសារវិបត្តិថវិកាទេ ខណៈចំណូលពន្ធរំពឹងបាន៥ពាន់លានដុល្លារក្នុង១ឆ្នាំ។ លោកបណ្ឌិត គី សេរីវឌ្ឍ អ្នកវិភាគសេដ្ឋកិច្ចនៃរាជបណ្ឌិតសភាកម្ពុជាមើលឃើញថា រយៈពេលត្រឹម១ឆ្នាំទៀត សេដ្ឋកិច្ចកម្ពុជាអាចទប់ទល់នឹងកូវីដបាន តែបើកូវីដអូសបន្លាយ នោះសេដ្ឋកិច្ចកម្ពុជាអាចនឹងប្រែប្រួល។
12 min
July 31, 2021 ភ្ញៀវប្រចាំថ្ងៃ - វេជ្ជបណ្ឌិត នុត សម្បត្តិ៖ការអនុញ្ញាតឲ្យព្យាបាលកូវីដ១៩នៅតាមផ្ទះជាការសម្រាលបន្ទុកគ្រូពេទ្យ
ក្រសួងសុខាភិបាលនៅថ្ងៃទី២៩កក្កដាបានអនុញ្ញាតឲ្យមានការព្យាបាលជំងឺកូវីដ១៩កម្រិតស្រាលនៅតាមផ្ទះ នៅក្របខណ្ឌទូទាំងប្រទេស។ ការសម្រេចនេះធ្វើឡើងស្របពេលវីរុសកូវីដ១៩បំប្លែងថ្មីប្រភេទ (Delta) កំពុងឆ្លងទៅក្នុងសហគមន៍។ លោកវេជ្ជបណ្ឌិត នុត សម្បត្តិ ប្រធានវិទ្យាស្ថានវេជ្ជសាស្ត្រ ជីវសាស្ត្រ និងកសិកម្ម នៃរាជបណ្ឌិតសភាកម្ពុជា គាំទ្រនឹងយន្តការនេះ។ បើតាមលោកវេជ្ជបណ្ឌិត ការអនុញ្ញាតឲ្យព្យាបាលកូវីដ១៩នៅតាមផ្ទះ គឺជាការសម្រាលបន្ទុកគ្រូពេទ្យដែលកំពុងតែមានអ្នកជំងឺច្រើន និងជាការកាត់បន្ថយការចំណាយរបស់ពលរដ្ឋដែលឆ្លងកូវីដ១៩ផងដែរ។ តែបញ្ហាដែលត្រូវចោទសួរគឺចំពោះប្រសិទ្ធភាពនៃការអនុវត្តន៍។
11 min
July 30, 2021 ភ្ញៀវប្រចាំថ្ងៃ - លោកហេង សួរ៖ក្នុងអំឡុងពេលបិទព្រំដែន ពលករខ្មែរនៅថៃដែលជួបការលំបាកត្រូវទាក់ទងរកជំនួយពីស្ថានទូតកម្ពុជា
ភ្ញៀវប្រចាំថ្ងៃរបស់យើងនៅរាត្រីនេះ គឺលោកហេង សួរ ដែលជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈកម្ពុជា។ ជុំវិញការបិទព្រំដែនជាមួយប្រទេសថៃរយៈពេល១៤ថ្ងៃ លោកហេង សួរ បានផ្តាំផ្ញើទៅពលករខ្មែរនៅក្នុងប្រទេសថៃកុំឱ្យមានការជ្រួលច្របល់ ហើយត្រូវស្តាប់តាមការណែនាំរបស់មន្រ្តីកម្ពុជា ក៏ដូចជាអាជ្ញាធរថៃ។ លោកបន្តថា ក្នុងស្ថានភាពពេលនេះ មិនថាពលរដ្ឋថៃ ឬពលករខ្មែរទេ គឺសុទ្ធតែជួបការលំបាកដូចគ្នា។ ប៉ុន្តែ សម្រាប់ពលករខ្មែរ លោកហេង សួរ បានណែនាំឱ្យពួកគេទាក់ទងទៅស្ថានទូតកម្ពុជាប្រចាំនៅប្រទេសថៃ ដើម្បីស្វែងរកការសម្របសម្រួល និងជំនួយផ្សេងៗ។
12 min
July 29, 2021 ភ្ញៀវប្រចាំថ្ងៃ - លោកគឹម សន្តិភាព៖ការបិទខ្ទប់ខេត្តទាំង៨ គឺដោយសារការឆ្លងរាលដាលវីរុសថ្មីDeltaឈានដល់បន្ទាត់ក្រហមហើយ
ប្រមុខរដ្ឋាភិបាលកម្ពុជាកាលពីថ្ងៃពុធម្សិលមិញនេះ បានសម្រេចបិទខ្ទប់ខេត្តចំនួន៨នៅតាមបណ្តោយព្រំដែនជាមួយថៃ និងបិទព្រំដែនជាមួយប្រទេសថៃថែមទៀត ដើម្បីទប់ស្កាត់ឆ្លងរាលដាលជំងឺកូវីដ១៩ ជាពិសេស គឺវីរុសបំប្លែងខ្លួនថ្មីDelta ។ បន្ថែមលើនេះ លោកនាយករដ្ឋមន្រ្តីហ៊ុន សែន ក៏បានសម្រេចឱ្យពង្រឹងវិធានការប្រយុទ្ធប្រឆាំង និងទប់ស្កាត់ជំងឺកូវីដ១៩ក្នុងក្របខណ្ឌទូទាំងប្រទេសផងដែរ។ លោកគឹម សន្តិភាព រដ្ឋលេខាធិការក្រសួងយុត្តិធម៌ និងជាអ្នកនាំពាក្យគណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ-១៩ បានពន្យល់ថា វិធានការរបស់រដ្ឋាភិបាលកម្ពុជាទាំងអស់នេះ គឺជារឿងចាំបាច់ណាស់ក្នុងការទប់ស្កាត់ការឆ្លងរាលដាលនៃជំងឺកូវីដ១៩ ជាពិសេស វីរុសបំប្លែងខ្លួនថ្មី Delta ដែលកំពុងឆ្លងចូលក្នុងសហគមន៍ ហើយឈានចូលទៅដល់បន្ទាត់ក្រហមហើយ។
13 min
July 28, 2021 ភ្ញៀវប្រចាំថ្ងៃ - ឧកញ៉ា ហៃ លីអ៊ាង៖ ប្រភេទថ្នាំប៉ារ៉ាសេតាម៉ុល និងវីតាមីនសេ មានតម្រូវការទីផ្សារខ្ពស់អំឡុងពេលកូវីដនេះ
ជំងឺកូវីដ-១៩ បានបន្តរាតត្បាតប្រទេសកម្ពុជាអស់រយៈពេលជិត២ឆ្នាំមកហើយ ដែលបញ្ហានេះធ្វើឲ្យប៉ះពាល់ដល់សេដ្ឋកិច្ចកម្ពុជាស្ទើរគ្រប់វិស័យ។ ដោយឡែកសហគ្រាសផលិតឱសថ PPM នៅតែបន្តឈរជើងយ៉ាងរឹងម៉ាំក្នុងអំឡុងពេលនេះ និងនៅរក្សាបានកំណើនប្រាក់ចំណូលជាធម្មតា តាមផែនការដែលបានគ្រោងទុក។ លោកឧកញ៉ាឱសថបណ្ឌិត ហៃ លីអ៊ាង ប្រធានអគ្គនាយកសហគ្រាសផលិតឱសថ PPM បានថ្លែងថា អំឡុងពេលនៃវិបត្តិជំងឺកូវីដ-១៩នេះ ទីផ្សារឱសថរបស់សហគ្រាស PPM ទាំងក្នុង និងក្រៅប្រទេសមានតម្រូវការឱសថខ្លះខ្ពស់ ដូចជាប្រភេទប៉ារ៉ាសេតាម៉ុល និងវីតាមីនសេជាដើម តែក៏មានប្រភេទឱសថខ្លះទីផ្សាររបស់វាមានការធ្លាក់ចុះដែរ។ ដោយឡែកចំពោះដំណើរការសកម្មភាពរបស់សហគ្រាសវិញលោកថា មិនមានជាឧបសគ្គអ្វីទេ ក៏ប៉ុន្តែត្រូវប្រតិបត្តិដោយមានការច្នៃប្រឌិត តាមបែបគន្លងថ្មីក្នុងសម័យកូវីដ។
11 min