បទសម្ភាស

By RFI ខេមរភាសា / Khmer

បទសម្ភាស episodes

August 26, 2021 ភ្ញៀវប្រចាំថ្ងៃ - លោកណុប វី៖សៀវភៅស្តីពីព័ត៌មានស៊ើបអង្កេតនឹងជួយសំលៀងជំនាញរបស់អ្នកសារព័ត៌មាននៅកម្ពុជាបន្ថែមទៀត
នៅថ្ងៃទី៣១ ខែសីហា ខាងមុខនេះ សមាគមសម្ព័ន្ធអ្នកសារព័ត៌មានកម្ពុជាហៅកាត់ថា ខេមបូចា នឹងបើកសម្ពោធដាក់ឱ្យប្រើប្រាស់ជាផ្លូវការនូវសៀវភៅ«ការស៊ើបអង្កេតផ្អែកតាមសាច់រឿង៖សៀវភៅសម្រាប់អ្នកសារព័ត៌មានស៊ើបអង្កេត»។ សៀវភៅបកប្រែពីភាសាអង់គ្លេសនេះ គឺកើតចេញពីការសហការគ្នារវាងសមាគមសម្ព័ន្ធអ្នកសារព័ត៌មានកម្ពុជា និងអង្គការយូណេស្កូប្រចាំនៅកម្ពុជា។ លោកណុប វី នាយកប្រតិបត្តិសមាគមសម្ព័ន្ធអ្នកសារព័ត៌មានកម្ពុជាហៅកាត់ថា ខេមបូចា បានអះអាងថា សៀវភៅនេះសារៈសំខាន់ណាស់សម្រាប់អ្នកសារព័ត៌មានដែលចង់ពង្រីកជំនាញ និងចំណេះរបស់ខ្លួនបន្ថែមទៅលើការធ្វើព័ត៌មានបែបស៊ើបអង្កេត។ ជាមួយគ្នានេះ សៀវភៅនេះក៏នឹងជួយសំលៀងជំនាញសរសេរព័ត៌មានប្រចាំថ្ងៃរបស់ពួកគេបន្ថែមទៀតផងដែរ។
13 min
August 25, 2021 ភ្ញៀវប្រចាំថ្ងៃ - លោក ឃាង ភារម្យ៖ ប្រជាពលរដ្ឋគួរកុំចាកចេញពីផ្ទះប្រសិនបើមិនមានការចាំបាច់អំឡុងពេលនេះ
ភ្លៀងបានធ្លាក់ខ្លាំងក្នុងកំរិតពី១២០មីលីម៉ែត្រ ទៅដល់២៧៩មីលីម៉ែត្រ រយៈពេល៣ម៉ោង កាលពីយប់ថ្ងៃអង្គារម្សិលមិញនៅខេត្តព្រះសីហនុ ធ្វើឲ្យមានការជន់លិចរយៈពេលខ្លី និងឆក់យកជីវិតមនុស្សម្នាក់ទៅតាមទឹកហូរគួច។ លោក ឃាង ភារម្យ អ្នកនាំពាក្យសាលាខេត្តព្រះសីហនុ បានថ្លែងថាការជន់លិចក្រុងព្រះសីហនុដោយជំនន់ទឹកភ្លៀងនេះ មានរយៈពេលតែ៩០នាទីប៉ុណ្ណោះ ធៀបទៅនឹងរយៈពេល៧២ម៉ោងកាលពីឆ្នាំ២០១៩ អំឡុងពេលនោះ ប្រព័ន្ធអូ ប្រលាយ មិនទាន់បានស្តារ។ ទោះយ៉ាងណា តុល្យការនៃការខូចខាតសម្ភារៈ និងហេដ្ឋារចនាសម្ព័ន្ធផ្សេងៗ នៅមិនទាន់មានការវាយតម្លៃនៅឡើយ។
11 min
August 24, 2021 ភ្ញៀវប្រចាំថ្ងៃ - លោកនី សុខា៖ការបង្កើតស្ថាប័នសិទ្ធិមនុស្សជាតិរបស់រដ្ឋាភិបាលនៅពេលនេះ គឺមិនមានទំនុកចិត្ត និងប្រសិទ្ធភាពទេ
នៅថ្ងៃអង្គារនេះ ក្រុមអង្គការសង្គមស៊ីវិលចំនួន៣៧បានចេញសេចក្តីថ្លែងការណ៍រួមសម្តែងនូវការព្រួយបារម្ភពីការបង្កើតនូវស្ថាប័នសិទ្ធិមនុស្សជាតិពីសំណាក់រដ្ឋាភិបាលកម្ពុជា។ ជាមួយនឹងការព្រួយបារម្ភ ក្រុមអង្គការសង្គមស៊ីវិលបានជំរុញឱ្យរដ្ឋាភិបាលកម្ពុជាស្តារស្ថានភាពសិទ្ធិមនុស្សនៅកម្ពុជាឡើងវិញសិន មុននឹងឈានទៅបង្កើតស្ថាប័នសិទ្ធិមនុស្សជាតិនេះឡើង។ លោកនី សុខា ប្រធានសមាគមការពារសិទ្ធិមនុស្សអាដហុក បានអះអាងថា ប្រសិនរដ្ឋាភិបាលបង្កើតស្ថាប័ននេះនៅក្នុងអំឡុងពេលនេះ នឹងបង្កើននូវការព្រួយបារម្ភយ៉ាងខ្លាំងជុំវិញប្រសិទ្ធភាព និងទំនុកចិត្តនៃស្ថាប័នមួយនេះ។
12 min
August 23, 2021 ភ្ញៀវប្រចាំថ្ងៃ - លោក ថោង ខុន៖ទេសចរណ៍អាស៊ានលើកទី៤០ ដែលកម្ពុជាជាម្ចាស់ផ្ទះ នឹងខំធ្វើឲ្យបាននៅឆ្នាំក្រោយ
កម្ពុជាកំពុងត្រៀមខ្លួនរៀបចំវេទិកាទេសចរណ៍អាស៊ានខួបលើកទី៤០ឆ្នាំ នៅឆ្នាំ២០២២ ដែលកម្ពុជាធ្វើជាម្ចាស់ផ្ទះប្តូរវេន។ លោក ថោង ខុន រដ្ឋមន្ត្រីក្រសួងទេសចរណ៍ ដែលដឹកនាំក្រុមការងារ ចុះត្រួតពិនិត្យទីតាំងត្រៀមរៀបចំវេទិកានេះនៅខេត្តព្រះសីហនុ បានថ្លែងថា វេទិកានេះនឹងមិនអាចខកខានដូចនៅឆ្នាំ២០២១នេះទេ។ លោករដ្ឋមន្ត្រីគូសបញ្ជាក់ថា វេទិកានេះនឹងមានមនុស្សចូលរួមតែប្រមាណជាង៣០០នាក់ប៉ុណ្ណោះ ដោយរៀបចំនៅទីតាំងសណ្ឋាគារមួយកន្លែងនៅជាប់ឆ្នេរសមុទ្រ។ វេទិកានេះនឹងមិនអនុញ្ញាតឲ្យសាធារណៈជនចូលរួមឡើយ ដោយសារតែកូវីដ១៩។
10 min
August 22, 2021 ភ្ញៀវប្រចាំថ្ងៃ - លោក ងិន ឆាយ៖ បញ្ហាផ្លែមៀន យើងព្យាយាមចរចាបើកទីផ្សារឲ្យបានលឿនបំផុតជាមួយចិន និងថៃ
កម្ពុជាបានព្យាយាមចរចាបើកទីផ្សារផ្លែមៀនប៉ៃលិនជាមួយប្រទេសចិន និងថៃ តាំងពីឆ្នាំ២០១៩មកម្ល៉េះ។ តែមកដល់ពេលនេះ ប្រទេសទាំងពីរមិនទាន់ឯកភាពនៅឡើយ ខណៈមានបញ្ហាកូវីដ១៩។ នេះបើតាម លោក ងិន ឆាយ អគ្គនាយកនៃអគ្គនាយកដ្ឋានកសិកម្ម។ ម្យ៉ាងទៀតកម្ពុជានៅមិនទាន់មានរោងចក្រវេចខ្ចប់ និងសម្អាតសាធាតុចង្រៃនៅឡើយ។ បញ្ហារោងចក្រកែច្នៃ និងវេចខ្ចប់ផ្លែមៀននេះ គឺក្រសួងកសិកម្ម តម្រូវឲ្យអ្នកដែលបានសាងសង់រោងចក្ររួចហើយ ត្រូវរាយការណ៍មកក្រសួងដើម្បីផ្តល់ច្បាប់អនុញ្ញាត។ បើតាមលោក ងិន ឆាយ ទោះជាមានរោងចក្រនៅកម្ពុជាក្តីតែមិនមែនមានន័យថា អាចនាំចេញផ្លែមៀនខ្មែរទៅកាន់ប្រទេសចិន និងថៃបានភ្លាមៗឡើយ។
12 min
August 21, 2021 ភ្ញៀវប្រចាំថ្ងៃ - លោកស្រី ឆាយ ស៊ីវលីន៖ វិស័យឯកជនគាំទ្រផែនការរបស់រដ្ឋាភិបាល ដែលចង់បើកទទួលទេសចរណ៍សុវត្ថិភាពនាចុងឆ្នាំ
ក្រសួងទេសចរណ៍ វិស័យឯកជន និងភាគីពាក់ព័ន្ធ កាលពីថ្ងៃទី២០ ខែសីហា បានជជែកពិភាក្សាគ្នា លើសេចក្តីព្រាងផែនការយុទ្ធសាស្ត្រស្តីពីការបើកទទួលទេសចរណ៍សុវត្ថិភាព។ លោកស្រី ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា ក្នុងនាទីភ្ញៀវប្រចាំថ្ងៃរបស់វិទ្យុបារាំងអន្តរជាតិបានលើកឡើងថា លោកស្រីបានស្នើ រដ្ឋាភិបាល និងសមាជិកគណៈកម្មការទាំងអស់ គាំទ្រទៅលើផែនការ ដែលត្រូវបើកទទួលទេសចរណ៍សុវត្ថិភាពនៅក្នុងត្រីមាសទី៤ខាងមុខនេះ ព្រោះអាជីវកម្មក្នុងវិស័យទេសចរណ៍ទាំងអស់មិនអាចរងចាំបន្តទៀតបានទេ។ វិស័យទេសចរណ៍ ដែលរងគ្រោះដោយសារវិបត្តិជំងឺកូវីដ១៩ ចាប់តាំងពីដើមឆ្នាំ២០២០រហូតមកដល់បច្ចុប្បន្ននេះ។
12 min
August 20, 2021 ភ្ញៀវប្រចាំថ្ងៃ - លោកប៉ិច ពិសី៖បើអាចកាត់បន្ថយអំពើពុករលួយបាន នោះរដ្ឋាភិបាលនឹងអាចស្តារសេដ្ឋកិច្ចបានលឿនក្រោយកូវីដ១៩
រដ្ឋាភិបាលកម្ពុជាបានប្រកាសគ្រោងចំណាយថវិកាជិត១,៥ពាន់លានដុល្លារអាមេរិកសម្រាប់ប្រយុទ្ធប្រឆាំងកូវីដ១៩នៅក្នុងឆ្នាំ២០២១ និងត្រៀមកញ្ចប់ថវិកាជិត១ពាន់លានដុល្លារទៀតសម្រាប់ប្រើប្រាស់នៅក្នុងឆ្នាំ២០២២។ លោកប៉ិច ពិសី នាយកប្រតិបត្តិនៃអង្គការតម្លាភាពកម្ពុជាបានកត់សម្គាល់ថា ការប្រើប្រាស់កញ្ចប់ថវិការបស់រដ្ឋាភិបាលកន្លងមក គឺមានប្រសិទ្ធភាពគួរសមក្នុងការទប់ស្កាត់ការឆ្លងរាលដាលនៃជំងឺកូវីដ១៩នៅក្នុងប្រទេសកម្ពុជា។ ប៉ុន្តែ ទាក់ទងនឹងបញ្ហាស្តារសេដ្ឋកិច្ចឡើងវិញនៅក្រោយស្ថានភាពកូវីដ១៩បានធូរសា្រលនោះ លោកប៉ិច ពិសី បានអះអាងថា នឹងធ្វើឡើងបានលឿន និងមានប្រសិទ្ធភាព ប្រសិនបើរដ្ឋាភិបាលអាចកាត់បន្ថយអំពើពុករលួយ និងភាពមិនប្រក្រតីនៅតាមស្ថាប័នសាធារណៈមួយចំនួនបាន។
12 min
August 19, 2021 ភ្ញៀវប្រចាំថ្ងៃ - លោកនេត្រ ភក្ត្រា៖ សវនាការលើលោកខៀវ សំផន ៤ថ្ងៃនេះ គឺជាជំហានថ្មីបន្ថែមទៀតក្នុងការផ្តល់យុត្តិធម៌ដល់ជនរងគ្រោះ
ភ្ញៀវប្រចាំថ្ងៃ របស់យើងនៅរាត្រីនេះ គឺលោក នេត្រ ភក្រ្តា ដែលជាប្រធានផ្នែកកិច្ចការសាធារណៈនិងជាអ្នកនាំពាក្យសាលាក្តីខ្មែរក្រហម។ នៅរសៀលថ្ងៃពុធ សវនាការលើបណ្តឹងសាទុក្ខប្រឆាំងនឹងលោកខៀវ សំផន ក្នុងសំណុំរឿង០០២វគ្គ២ បានបិទបញ្ចប់ហើយ។ លោកនេត្រ ភក្រ្តា បានអះអាងថា សវនាការរយៈពេល៤ថ្ងៃមកនេះ គឺបានប្រព្រឹត្តទៅដោយរលូន ទោះបីក្នុងស្ថានភាពឆ្លងរាលដាលនៃជំងឺកូវីដ១៩ក៏ដោយ។ ជាមួយគ្នានេះ លោកបានគូសបញ្ជាក់ថា សវនាការលើកនេះ គឺមានសារៈសំខាន់ និងជាជំហានថ្មីមួយបន្ថែមទៀតក្នុងការឆ្ពោះទៅរកយុត្តិធម៌សម្រាប់ជនរងគ្រោះទាំងអស់នៅក្នុងរបបកម្ពុជាប្រជាធិបតេយ្យ។
12 min
August 18, 2021 ភ្ញៀវប្រចាំថ្ងៃ - លោក អាត់ ធន់៖ទោះគ្មានការបញ្ជាក់តែជាសត្យានុម័ត ការធ្វើតេស្តកូវីដ១៩លើកម្មករមិនត្រូវបង់ប្រាក់ទេ
មេដឹកនាំសហជីពបានស្វាគមន៍ចំពោះវិធានការថ្មីរបស់ក្រសួងការងារដែលតម្រូវឲ្យរោងចក្រ សហគ្រាស ត្រូវធ្វើតេស្តរហ័សរកកូវីដ១៩ទៅលើកម្មករឲ្យបានយ៉ាងតិច២ដង មុនថ្ងៃ១០កញ្ញាខាងមុខ។ ការធ្វើតេស្តរហ័សនេះ ត្រូវបានក្រសួងការងារគូសបញ្ជាក់ថា ដើម្បីទប់ស្កាត់ការឆ្លងរាលដាលកូវីដ១៩ជាពិសេសប្រភេទDeltaទៅក្នុងវិស័យកាត់ដេរ។ ប៉ុន្តែក្រសួងមិនបានបញ្ជាក់ថា ការធ្វើតេស្តនេះ កម្មករត្រូវចំណាយប្រាក់ឬអត់នោះទេ។ សម្រាប់លោក អាត់ ធន់ ជាប្រធានសហភាពការងារកម្ពុជា បានថ្លែងថា ទោះគ្មានការបញ្ជាក់តែជាសត្យានុម័ត ការធ្វើតេស្តរកកូវីដ១៩ទៅលើកម្មករគឺមិនត្រូវបង់ប្រាក់នោះទេ ព្រោះវាជាការតម្រូវរបស់រដ្ឋ ហើយថៅកែរោងចក្រ សហគ្រាស គឺជាអ្នកបំពេញ។
11 min
August 17, 2021 ភ្ញៀវប្រចាំថ្ងៃ - លោកស៊ុំ ចាន់គា៖ពលករខ្មែរដែលមកពីថៃមិនត្រឹមតែខ្វះខាតលើជីវភាពរស់នៅទេ ក៏កំពុងមានបញ្ហាបំណុលធនាគារដែរ
ភ្ញៀវប្រចាំថ្ងៃរបស់យើងនៅរាត្រីនេះ លោកស៊ុំ ចាន់គា ដែលជាមន្ត្រីស៊ើបអង្កេតរបស់សមាគមការពារសិទ្ធិមនុស្សអាដហុកប្រចាំខេត្តបន្ទាយមានជ័យ។ គិតមកដល់ពេលនេះ គឺរយៈពេល៥ថ្ងៃហើយដែលរដ្ឋាភិបាលកម្ពុជាបានបើកព្រំដែនជាមួយប្រទេសថៃឡើងវិញ។ លោកស៊ុំ ចាន់គា បានលើកឡើងថា ពលករខ្មែរជាច្រើននាក់បានបន្តសម្រុកចូលមកប្រទេសកម្ពុជា ដើម្បីគេចពីការឆ្លងជំងឺកូវីដ១៩ដែលកំពុងកើនឡើងខ្លាំងនៅក្នុងប្រទេសថៃ។ ប៉ុន្តែ លោកក៏សង្កេតឃើញថា ពេលពួកគេវិលត្រឡប់មកវិញ ក៏កំពុងជួបបញ្ហាខ្វះខាតច្រើនលើជីវភាពរស់នៅ ព្រោះមិនមានការងារធ្វើ។ មិនមានការងារធ្វើនេះ ក៏បានធ្វើឱ្យពួកគេគ្មានចំណូល ដើម្បីយកសងបំណុលធនាគារដែរ។
11 min