បទសម្ភាស

By RFI ខេមរភាសា / Khmer

បទសម្ភាស episodes

December 14, 2021 លោក ឡុង កុសល៖ មួយឆ្នាំ ទៅលេងអង្គរម្តង
ថ្ងៃនេះ គឺ២៩ឆ្នាំ ដែល រមណីយដ្ឋានអង្គរ ត្រូវដាក់ចូលក្នុងបញ្ជីមត៌កបេតិកភណ្ឌពិភពលោក នៃអង្គការយូណេស្កូ។ អាជ្ញាធរខាងវប្បធម៌-អារ្យធម៌ខ្មែរ បានសម្រេចជ្រើសយក«ថ្ងៃទី១៤ ខែធ្នូ» ធ្វើជាទិវារំឮកគុណអង្គរ និងរៀបចំព្រឹត្តិការណ៍វប្បធម៌នៅសៀមរាប ជារៀងរាល់ឆ្នាំ។ ដោយសារតែទឹកចិត្តក្តីស្រឡាញ់ និងការគោរពកោតសរសើរប្រាសាទអង្គរ គឺ ពលរដ្ឋខ្មែរមួយចំនួន ច្រើនពោលថា «មួយជីវិត មុននឹងស្លាប់ ចង់ទៅលេងអង្គរឲ្យបានម្តង។» ពេលនេះ មន្ត្រីខាងវប្បធម៌ ជំរុញគំនិតថា «មួយឆ្នាំ ទៅលេងអង្គរម្តង»។
12 min
November 24, 2021 លោក ពុយ គា៖ ព័ត៌មានក្លែងក្លាយនៅតែជាប្រធានបទក្តៅ នឹងកំពុងបន្តកើតមានតទៅទៀត
វេទិកាតុមូលនិពន្ធនាយកអាស៊ីអឺរ៉ុបលើកទី១០ដែលកម្ពុជាជាម្ចាស់ផ្ទះត្រូវបិទបញ្ចប់ហើយនៅល្ងាចថ្ងៃពុធនេះ។ វេទិការយៈពេល២ថ្ងៃនេះផ្ដោតលើប្រធានបទ ការពង្រឹងកិច្ចសហការរវាងអ្នកសារព័ត៌មានក្នុងការប្រយុទ្ធប្រឆាំងនឹងដំណឹងក្លែងក្លាយ។ លោក ពុយ គា អគ្គលេខាធិការក្លិបអ្នកកាសែតកម្ពុជា ដែលជាភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI ថ្លែងថា ដំណឹងក្លែងកំពុងតែគំរាមកំហែងទៅដល់សន្តិសុខប្រទេសនីមួយៗទូទាំងពិភពលោករួមទាំងកម្ពុជា។ ដូច្នេះការលើកប្រធានបទសម្រាប់កិច្ចប្រជុំនេះគឺសមស្របទៅនឹងសភាពការណ៍ដែលភាគីពាក់ព័ន្ធកំពុងយកចិត្តទុកដាក់ដោះស្រាយ។
10 min
November 06, 2021 ភ្ញៀវប្រចាំថ្ងៃ - លោក លឹង សុផុន៖ ពលករខ្មែរចំណាយលុយកាន់តែច្រើន ខណៈពួកគេសម្រុកឆ្លងដែនទៅថៃវិញ
ក្នុងរយៈពេលចុងក្រោយនេះ ពលករខ្មែរសម្រុកវិលចូលប្រទេសថៃវិញកាន់តែច្រើន ទោះបីជាព្រំដែនមិនទាន់បើកឡើងវិញក៏ដោយ។ នេះបើតាមមន្ត្រីអង្គការសង្គមស៊ីវិល។ លោក លឹង សុផុន មន្ត្រីសិទ្ធិការងារទទួលបន្ទុកផ្នែកពលករចំណាកស្រុករបស់អង្គការសង់ត្រាល់ ប្រចាំប្រទេសថៃ បានថ្លែងថាការបន្តវិលចូលប្រទេសថៃ នៅគ្រានេះ មិនមែនជារឿងងាយស្រួលឡើយ ពីព្រោះពលករខ្មែរត្រូវចំណាយលុយក្រៅផ្លូវការកាន់ច្រើន។ ម្យ៉ាងទៀតលោកថានៅប្រទេសថៃគ្រានេះ ការរស់នៅ និងធ្វើការមិនមានសេរីភាពដូចមុនឡើយ ហើយអាជ្ញាធរថៃទើបតែចាប់ខ្លួនពលករ៧នាក់ដែលគ្រាន់តែពួកគេដាក់ញត្តិនៅមុខក្រសួងការងារថៃ។
11 min
October 30, 2021 ភ្ញៀវប្រចាំថ្ងៃ - លោកស្រី ហ៊ុយ ឆេងរតនា៖នៅពេលទិញសៀវភៅឲ្យកុមារអាន យកល្អឲ្យពួកគេរើសដោយខ្លួនឯង
សិក្ខាសាលាតាមប្រព័ន្ធឌីជីថលស្តីពីការផ្សាភ្ជាប់ទំនាក់ទំនងរវាងឳពុក-ម្តាយ និងកុមារ តាមរយៈការអាន នឹងត្រូវរៀបចំឡើងនៅថ្ងៃទី១ខែវិច្ឆកាខានស្អែកនេះ។ នេះជាផ្នែកមួយនៃយុទ្ធនាការឈ្មោះថា «ថ្ងៃអាទិត្យ ថ្ងៃអំណាន»។ លោកស្រី ហ៊ុយ ឆេងរតនា ជាមន្ត្រីជាន់ខ្ពស់ផ្នែកសម្ភារៈអំណានបានថ្លែងថា នៅពេលទិញសៀវភៅឲ្យកុមារអាន យកល្អឲ្យពួកគេរើសដោយខ្លួនឯង ជាជម្រើសល្អជាងការបង្ខំពួកគេឲ្យអានសៀវភៅ។
17 min
October 09, 2021 ភ្ញៀវប្រចាំថ្ងៃ - លោកសាម អ៊ីន៖ ជម្លោះរបស់អ្នកនយោបាយ មិនគួរយកមកពាក់ព័ន្ធនឹងច្បាប់កំពូលកម្ពុជា
ភ្ញៀវប្រចាំថ្ងៃរបស់វិទ្យុយើងនៅរាត្រីនេះ គឺលោកសាម អ៊ីន អគ្គលេខាធិការគណបក្សប្រជាធិបតេយ្យមូលដ្ឋាន។ គណបក្សប្រជាធិបតេយ្យមូលដ្ឋាន នៅថ្ងៃសុក្រទី០៨តុលាបានចេញនូវសេចក្តីថ្លែងការណ៍មួយ ជំរុញឲ្យរដ្ឋាភិបាលពិចារណាឡើងវិញលើការធ្វើវិសោធនកម្មច្បាប់រដ្ឋធម្មនុញ្ញ សំដៅការកំណត់សញ្ជាតិខ្មែរតែមួយសម្រាប់ថ្នាក់ដឹកនាំស្ថាប័នកំពូលចំនួន៤។ លោកសាម អ៊ីន លើកឡើងថា បញ្ហាជម្លោះរបស់អ្នកនយោបាយជើងចាស់កម្ពុជា មិនគួរយកមកឡូកឡំជាមួយរដ្ឋធម្មនុញ្ញ ដែលជាច្បាប់កំពូលរបស់កម្ពុជានោះទេ។ បន្ថែមពីនេះលោកថា នេះក៏មិនមែនជាអាទិភាពសំខាន់ពេកទេសម្រាប់កម្ពុជា ខណៈដែលកម្ពុជាកំពុងជួបបញ្ហាប្រឈម ដូចជា ជំងឺកូវីដ១៩ បញ្ហាទឹកជំនន់ និងជម្លោះដីធ្លីជាដើម។
13 min
September 20, 2021 ភ្ញៀវប្រចាំថ្ងៃ - លោកបណ្ឌិតសេង សារី៖«ខ្ញុំនៅតែបន្តការងារជាអ្នកវិភាគតទៅទៀតដោយក្តីស្រឡាញ់»
នៅព្រឹកថ្ងៃចន្ទនេះ លោកនាយករដ្ឋមន្រ្តីហ៊ុន សែន តាមរយៈទំព័រហ្វេសប៊ុកបានចេញមកអំពាវនាវឱ្យតុលាការកម្ពុជាពិនិត្យពិចារណាក្នុងការបញ្ឈប់ដីកាចាប់ខ្លួនលោកបណ្ឌិតសេង សារី។ លោកបណ្ឌិតសេង សារី ដែលជាភ្ញៀវប្រចាំថ្ងៃរបស់យើងនៅរាត្រីនេះ បានលើកឡើងថា ការសម្រេចរបស់លោកនាយករដ្ឋមន្រ្តីហ៊ុន សែននេះ គឺធ្វើឡើងដោយមិនមានការជជែកចរចាគ្នាណាមួយនោះទេ។ ប៉ុន្តែលោកថា ក្រោយពីមានហេតុការណ៍នេះ វាធ្វើឱ្យលោកកាន់តែរឹងមាំ ហើយថា លោកនឹងនៅតែបន្តការងារជាអ្នកវិភាគតទៅទៀតដោយក្តីស្រឡាញ់ ដើម្បីធ្វើជាគំរូដល់អ្នកដែលចង់ធ្វើជាអ្នកវិភាគជំនាន់ក្រោយ។
12 min
September 06, 2021 ភ្ញៀវប្រចាំថ្ងៃ - លោក មឿន តុលា៖ កម្មវិធីសិទ្ធិពលករនេសាទនៅអាស៊ីអាគ្នេយ៍គឺជាជំហានវិជ្ជមានមួយ
អង្គការអន្តរជាតិធំៗរួមមាន ILO ,IOM, EU, និងUNDP ជាដើមបានប្រកាសអនុវត្តកម្មវិធីសិទ្ធិពលករនេសាទនៅអាស៊ីអាគ្នេយ៍ ចាប់ពីខែកញ្ញាឆ្នាំនេះ រហូតដល់ឆ្នាំ២០២៤ខាងមុខ ជាមួយនឹងការប្តេជ្ញាចិត្តរបស់ប្រទេសកម្ពុជាដើម្បីការពារសិទ្ធិ និងអត្ថប្រយោជន៍ពលករទេសន្តប្រវេសន៍ក្នុងវិស័យនេសាទ និងកែឆ្នៃអាហារសមុទ្រ។ លោក មឿន តុលា នាយកប្រតិបត្តិអង្គកាសង់ត្រាល់ដែលធ្វើការងារផ្តោតលើពលករចំណាកស្រុក បានហៅគម្រោងនេះថាជាជំហានវិជ្ជមានមួយ បន្ទាប់ពីពលករនេសាទមួយចំនួនត្រូវបានគេរកឃើញថា ធ្លាក់ចូលទៅក្នុងអំពើជួញដូរមនុស្ស និងក្លាយខ្លួនទៅជាទាសកសម័យថ្មី។
12 min
September 04, 2021 ភ្ញៀវប្រចាំថ្ងៃ - លោក ហូ វណ្ឌី៖ របត់ថ្មីនៃវិស័យទេសចរណ៍ តម្លៃសេវាកម្មប្រាកដជានឹងកើនឡើង
ក្រសួងទេសចរណ៍ បានដាក់ឱ្យអនុវត្ត ការធ្វើបច្ចុប្បន្នភាពនៃការអនុវត្តន៍វិធានសុវត្ថិភាពទេសចរណ៍សម្រាប់សេវាកម្មភោជនីយដ្ឋាន និងអាហារដ្ឋានទេសចរណ៍ ដើម្បីចូលរួមទប់ស្កាត់ជំងឺកូវីដ-១៩ និងឆ្លើយតបទៅនឹងគន្លងថ្មី នាពេលបច្ចុប្បន្ន។ លោក ហូ វណ្ឌី ទីប្រឹក្សាសមាគមទីភ្នាក់ងារទេសចរណ៍កម្ពុជា ថ្លែងថានេះជារបត់ថ្មីនៃការចាប់ផ្តើមឡើងវិញរបស់វិស័យទេសចរណ៍នៅកម្ពុជា។ លោករំពឹងអ្នកប្រកបរបរនេះអាចអនុវត្តបាននូវអ្វីដែលជាលក្ខណ្ឌតម្រូវរបស់ក្រសួងទេសចរណ៍ ប៉ុន្តែលោកយល់ស្របថា តម្លៃសេវាកម្មទេសចរណ៍ប្រាកដជានឹងកើនឡើង។
11 min
August 31, 2021 ភ្ញៀវប្រចាំថ្ងៃ - អ្នកឧកញ៉ាគួច ម៉េងលី៖ ការបើកសាលារៀនឡើងវិញនៅតំបន់ខ្លះ គឺប្រសើរជាងបិទទាំងស្រុង
លោកនាយករដ្ឋមន្រ្តីហ៊ុន សែន នៅព្រឹកថ្ងៃចន្ទនេះ បានណែនាំឱ្យរដ្ឋមន្រ្តីក្រសួងអប់រំ យុវជន និងកីឡាគិតគូរបើកសាលារៀនឡើងវិញនៅតាមតំបន់ដែលមិនមានការឆ្លងជំងឺកូវីដ១៩ ឬមានហានិភ័យឆ្លងកម្រិតទាប។ ក្រោយមក ក្រសួងអប់រំ យុវជន និងកីឡា ក៏បានចាត់ចែងឱ្យបើកសាលារៀននៅតំបន់មានហានិភ័យឆ្លងទាប ការឱ្យបន្តរៀនតាមបណ្តុំដែលមានចំនួនតិចជាង១៥នាក់ និងឆ្លាស់វេន ឬរៀនតាមបែបចម្រុះចំពោះតំបន់មានការឆ្លងតិច និងមានការចាក់វ៉ាក់សាំងរួវរាល់ជាដើម។ វិធានការនេះ ត្រូវបានអ្នកឯកញ៉ាគួច ម៉េងលី អគ្គនាយកប្រតិបត្តិនៃក្រុមហ៊ុន ម៉េងលី ជេ. គួច អេឌ្យូខេសិន (MJQE)បានសម្តែងការគាំទ្រ។ អ្នកឧកញ៉ាបានអះអាងថា ការបើកសាលារៀនឡើងវិញបានខ្លះនេះ គឺវាប្រសើរជាងបិទទាំងស្រុងនៅទូទាំងប្រទេស។
12 min
August 27, 2021 ភ្ញៀវប្រចាំថ្ងៃ - លោក វេង សាខុន៖ និស្សិតខ្មែរ ដែលបញ្ចប់កម្មសិក្សាពីអ៊ីស្រាអែល គឺជាធនធានមនុស្សដែលមានគុណភាព និងចាំបាច់ខាងកសិកម្ម
ចាប់តាំងពីឆ្នាំ ២០០៨មក ប្រទេសកម្ពុជា បានបញ្ជូននិស្សិតសរុបជាង១ពាន់នាក់ ទៅធ្វើកម្មសិក្សានៅប្រទេសអ៊ីស្រាអែល ដែលល្បីល្បាញខាងវិស័យកសិកម្ម។ លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រម៉ាញ់ និងនេសាទ ថ្លែងឲ្យដឹងថា ការបញ្ជូននិស្សិតទៅធ្វើកម្មសិក្សាផ្នែកកសិកម្មនៅប្រទេសអ៊ីស្រាអែលជាបន្តបន្ទាប់នេះ គឺធ្វើឡើងក្រោមជំនួយទំនុកបម្រុងពីរដ្ឋាភិបាលអ៊ីស្រាអែល តាមរយៈក្រុមហ៊ុននានា។ លោករដ្ឋមន្ត្រីបញ្ជាក់ថា និស្សិតដែលបញ្ចប់កម្មសិក្សានៅអ៊ីស្រាអែល គឺជាធនធានមនុស្សដ៏មានគុណភាព និងចាំបាច់នៅក្នុងវិស័យកសិកម្មកម្ពុជា ខណៈដែលកម្ពុជាកំពុងប្រឹងប្រែងអភិវឌ្ឍន៍កសិកម្មរបស់ខ្លួន។
11 min