បទសម្ភាស by RFI ខេមរភាសា / Khmer

January 14, 2022 លោក ហង់ជួន ណារ៉ុន៖ លទ្ធផលរបស់សិស្សបាក់ឌុបឆ្នាំ២០២១ ល្អជាងអ្វីដែលក្រសួងរំពឹងទុក

លទ្ធផលប្រលងបាក់ឌុបឆ្នាំ២០២១ សម្រាប់នៅភ្នំពេញ និងខេត្តកណា្តលត្រូវក្រសួងអប់រំ ប្រកាសនៅថ្ងៃទី១៤ ខែមករានេះហើយ ខណៈលទ្ធផលតាមខេត្តផ្សេងទៀតត្រូវប្រកាសនៅថ្ងៃស្អែក។ ក្នុងចំណោមបេក្ខជនប្រលងចំនួនជាង១១ម៉ឺននាក់ មានជាង ៧២ ០០០នាក់ប្រលងជាប់ គឺស្មើនឹង ៦៥,៦៥% ហើយសិស្សជាប់និទ្ទេស A បានកើនឡើងរហូត ជាង១៧០០នាក់។ លោក ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានថ្លែងថាលទ្ធផលប្រលងដែលរបស់សិស្សបាក់ឌុបក្នុងសិក្សាឆ្នាំ២០២១ គឺល្អជាងអ្វីដែលក្រសួងអប់រំបានគិតទុក។ តាមលោករដ្ឋមន្ត្រី លទ្ធផលនេះ បើគិតជាភាគរយ គឺសិស្សជាប់ទាបជាងលទ្ធផលកាលពីឆ្នាំ ២០១៩ ទៅទៀត ដែលបញ្ហានេះ គេមិនអាចនិយាយថាដោយសារតែវិញ្ញាសារធូរពេកបានទេ។

13 min

January 13, 2022 បណ្ឌិត យ៉ង សាំងកុមារ៖ ជារួមផលចំណេញសម្រាប់កសិករថយចុះ ទោះបីផលស្រូវកើនឡើង

ស្ថានភាពវិស័យស្រូវអង្ករនៅតែបន្តជួបបញ្ហាថែមទៀត ដែលប៉ះពាល់ដល់ជីវភាពកសិករ និងសេដ្ឋកិច្ចជាតិ ទោះបីជាតាមរបាយការណ៍របស់រដ្ឋាភិបាលផលិតផលស្រូវសរុបទូទាំងប្រទេសមានការកើនឡើងក៏ដោយ។ នេះជាការកត់សំគាល់របស់បណ្ឌិតយ៉ាង សាំងកុមារ។ បើតាមអ្នកជំនាញកសិកម្មរូបនេះ ជារួមផលចំណេញសម្រាប់កសិករនិងកម្ពុជាមានការថយចុះ។ ថយចុះដោយសារតែជីកសិកម្មឡើងថ្លៃ តែស្រូវចុះថោក។

14 min

January 12, 2022 លោក ឃួង ស្រេង៖ តម្លៃសំរាមនៅភ្នំពេញនៅទាបជាងគេបើធៀបទៅនឹងប្រទេសជិតខាង

ចាប់តាំងពីថ្ងៃទី០១ ខែកក្កដា ឆ្នាំ២០២១មក ក្រុមហ៊ុនចំនួន៣ បានចាប់ផ្តើមធ្វើប្រតិបត្តិការសម្អាត និងប្រមូលសំរាមនៅតាមតំបន់ចំនួន៣ផ្សេងគ្នាក្នុងខណ្ឌទាំង១៤ នៃរាជធានីភ្នំពេញ។ លោក ឃួង ស្រេង អភិបាលរាជធានីភ្នំពេញ បានវាយតម្លៃថាគុណភាពនៃការសម្អាត និងប្រមូលសំរាមនៅក្នុងរាជធានីមានភាពប្រសើរច្រើនខុសប្លែកពីលើកមុន ដែលមានក្រុមហ៊ុនតែមួយ។ ទោះយ៉ាងណាសេវាប្រមូលសំរាមនៅពេលនេះ ត្រូវពលរដ្ឋខ្លះរិះគន់ថាមានការតម្លើងថ្លៃខ្ពស់ តែលោក ឃួង ស្រេង ថាតម្លៃសេវាប្រមូលសំរាមនៅភ្នំពេញ នៅទាបជាងប្រទេសជិតខាង ហើយអ្នកភ្នំពេញក៏មានលទ្ធភាពបំពេញកាតព្វកិច្ចបង់ថ្លៃសំរាមនេះដែរ។

12 min

January 11, 2022 លោក ហ៊ុន ស៊ាងហាក់៖ ការអនុវត្តសិទ្ធិសេរីភាពជាមូលដ្ឋានរបស់ពលរដ្ឋ ៦ឆ្នាំមកនេះ គ្មានភាពល្អប្រសើរ

ភ្ញៀវប្រចាំថ្ងៃរបស់វិទ្យុយើងនៅរាត្រីនេះ គឺលោក ហ៊ុន ស៊ាងហាក់ អ្នកសម្របសម្រួលគម្រោងឃ្លាំមើលសេរីភាពមូលដ្ឋាននៃមជ្ឈមណ្ឌលសិទ្ធិមនុស្សកម្ពុជា (CCHR)។ មជ្ឈមណ្ឌលសិទ្ធិមនុស្សកម្ពុជានៅថ្ងៃនេះ បានចេញផ្សាយនូវរបាយការណ៍សង្ខេបនៃការអនុវត្តសិទ្ធិសេរីភាពជាមូលដ្ឋានរបស់ពលរដ្ឋ នៅបីត្រីមាសនៃឆ្នាំ២០២១កន្លងទៅ។ លោក ហ៊ុន ស៊ាងហាក់ បានលើកឡើងថា សិទ្ធិសេរីភាពរបស់ពលរដ្ឋ នៅតែមានការរឹតត្បិតនិងឃ្លាំមើល ពេលពួកគេសម្តែងមតិរិះគន់សកម្មភាពរដ្ឋាភិបាល។ បើតាមលោកហ៊ុន ស៊ានហាក់ ជាងប្រាំមួយឆ្នាំ ការអនុវត្តសិទ្ធិសេរីភាពជាមូលដ្ឋានរបស់ពលរដ្ឋ នៅទាន់មានភាពល្អប្រសើរនោះទេ។

13 min

January 10, 2022 លោក រស់ សុវាចា៖ ក្រសួងអប់រំបន្តចាត់ទុកអាយុជីវិតបុគ្គលិកអប់រំ និងសិស្សានុសិស្សជាកត្តាអាទិភាព

បវេសនកាលឆ្នាំសិក្សា ២០២១-២០២២ សម្រាប់សិស្សានុសិស្សកំរិតបឋមសិក្សា និងមធ្យមសិក្សា ត្រូវបានបើកដំណើរការហើយនៅថ្ងៃទី១០ ខែមករានេះ នៅទូទាំងប្រទេស ដោយផ្តោតទៅលើវិធានការធំៗចំនួន២ ទី១ គឺការបន្តឲ្យមានការរៀនសូត្រនៅក្នុងបរិបទកូវីដ-១៩ និងទី២ គឺការបន្តលើកកម្ពស់សុវត្ថិភាពសិក្សា។ លោកបណ្ឌិត រស់ សុវាចា អ្នកនាំពាក្យក្រសួងអប់រំ យុវជន និងកីឡា ថ្លែងឲ្យដឹងថា ដំណើរការសិក្សានៅក្នុងឆ្នាំសិក្សាថ្មីនេះ គឺត្រូវអនុវត្តទៅតាមស្តង់ដារ SOP របស់ក្រសួងអបរំ និងក្រសួងសុខាភិបាល ពោលគឺត្រូវបន្តរក្សាគំលាតនៅក្នុងការសិក្សា និងការបង្រៀន ដោយប្រកាន់ខ្ជាប់នូវវិធានការអនាម័យ និងវិធានការសុវត្ថិភាពផងដែរ។

12 min

January 09, 2022 លោកស្រី ឱ វណ្ណឌីន៖ បិទខ្ទប់ ឬមិនបិទខ្ទប់ អាស្រ័យលើការសម្រេចរបស់នាយករដ្ឋមន្ត្រី និងការចូលរួមរបស់ពលរដ្ឋពេលនេះ

ភ្ញៀវប្រចាំថ្ងៃរបស់វិទ្យុយើងនៅរាត្រីនេះ គឺលោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល។ នៅថ្ងៃនេះ ក្រសួងសុខាភិបាល បានប្រកាសពីករណីរកឃើញវីរុសកូវីដ-១៩ ប្រភេទបំប្លែងខ្លួនថ្មី អូមីក្រុង ទៅក្នុងសហគមន៍ ដែលកើតឡើងលើបុរសជនជាតិខ្មែរម្នាក់។ នៅចំពោះមុខបញ្ហានេះ លោកស្រី ឱ វណ្ណឌីន បានបង្ហាញក្តីបារម្ភពីការសាយបន្តនៃវីរុសកូវីដ-១៩ អូមីក្រុង ទៅក្នុងសហគមន៍កាន់តែធ្ងន់ធ្ងរ។ បន្ថែមពីនេះ សម្រាប់វិធានការបិទខ្ទប់ លោកស្រី ឱ វណ្ណឌីន បានបញ្ជាក់ថា បិទខ្ទប់ ឬមិនបិទខ្ទប់ អាស្រ័យទៅលើការសម្រេចរបស់នាយករដ្ឋមន្ត្រី និងការចូលរួមរបស់ប្រជាពលរដ្ឋនៅពេលនេះ។

15 min

January 09, 2022 បណ្ឌិត ឈាង វណ្ណារិទ្ធ៖ ជួយភូមា ក៏ដូចជួយ កម្ពុជា និង អាស៊ាន

ភ្ញៀវប្រចាំថ្ងៃរបស់វិទ្យុRFIយើង រាត្រីនេះ គឺបណ្ឌិត ឈាង វណ្ណារិទ្ធ ដែលជាសាស្ត្រាចារ្យខ្មែរ បង្រៀនវិទ្យាសាស្ត្រនយោបាយ នៅប្រទេសសិង្ហបុរី និងជាប្រធានវិទ្យាស្ថានចក្ខុវិស័យអាស៊ី។ លោកបណ្ឌិតរូបនេះ បានវាយតម្លៃ ចំពោះជំនួបរវាងលោក ហ៊ុន សែន និងប្រមុខដឹកនាំភូមា ថា«ជាជំហានវិជ្ជមាន និងសំខាន់ចាំបាច់»។ «ចាំបាច់ ដើម្បីឈានទៅដោះស្រាយបញ្ហា និងឈានទៅរកការចរចារកសន្តិភាពឲ្យភូមា គឺគ្រប់ភាគីត្រូវធ្វើការជាមួយថ្នាក់ដឹកនាំរបបសឹក ដែលគេជាអ្នកកាន់អំណាច និង កាន់កូនសោប្រទេស»។ ចំពោះបណ្ឌិត ឈាង វណ្ណារិទ្ធ, «ប្រសិនបើ ភូមារកបានសន្តិភាពនៅពេលខាងមុខមែននោះ គឺជាប្រយោជន៍សម្រាប់ទាំងអស់គ្នា។ ដូច្នេះ ជួយភូមា ក៏ដូចជួយកម្ពុជាខ្លួនឯងនិងជួយអាស៊ានដែរ»៕

13 min

January 07, 2022 លោក ពុយ គា៖ លោក ហ៊ុនសែន អាចមានលទ្ធភាពជួបជាមួយលោកស្រី អ៊ុងសាន ស៊ូជី ប្រសិនបើដំណើរទស្សនកិច្ចលោក ត្រូវអូសបន្លាយ

លោកនាយករដ្ឋមន្ត្រីហ៊ុន សែន កំពុងបំពេញទស្សនកិច្ចរបស់ខ្លួន ចំនួន២ថ្ងៃនៅភូមា និងគ្រោងត្រលប់មកវិញនៅថ្ងៃស្អែកនេះ។ លោក ពុយ គា អ្នកសារព័ត៌មានជើងចាស់ ក្នុងនាមជាភ្ញៀវប្រចាំថ្ងៃរបស់វិទ្យុយើងនៅរាត្រីនេះ បានលើកឡើងពីសេណារីយ៉ូមួយ ជុំវិញដំណើរទស្សកិច្ចរបស់ប្រធានអាស៊ានថ្មីនៅពេលនេះថា លោកនាយករដ្ឋមន្ត្រីកម្ពុជានឹងអាចមានលទ្ធភាពជួបជាមួយលោកស្រី អ៊ុងសាន ស៊ូជី ដែលជាមេដឹកនាំរដ្ឋាភិបាលស៊ីវិល កំពុងជាប់ឃុំឃាំង ប្រសិនដំណើរទស្សនកិច្ចរបស់លោកត្រូវអស់បន្លាយ។ បើតាមលោកពុយ គា ដំណើរទស្សនកិច្ចទៅកាន់ភូមាពីសំណាក់លោក ហ៊ុន សែន ពេលនេះ ជាកូនសោមួយ ដើម្បីរកច្រកចេញឲ្យភូមា។

13 min

January 06, 2022 លោក សរ ចំរុង៖ អង្គការនៅពីក្រោយការតវ៉ារបស់បុគ្គលិកណាហ្គាវើល ចង់ចាក់ចង្កេះខ្ញុំ ឲ្យខ្ញុំលោត

ភ្ញៀវប្រចាំថ្ងៃរបស់វិទ្យុបារាំងអន្តរជាតិRFIនៅរាត្រីនេះ គឺលោក សរ ចំរុង ប្រធានគណៈកម្មការ សិទ្ធិមនុស្ស ទទួលពាក្យបណ្តឹង អង្កេត ទំនាក់ទំនងរដ្ឋសភា ព្រឹទ្ធសភា នៃរដ្ឋសភា។ តំណាងរាស្ត្ររូបនេះអះអាងថា លោកមិនបានទទួលពាក្យបណ្តឹងណាមួយពីក្រុមបុគ្គលិកក្រុមហ៊ុនណាហ្គាវើលដែលតវ៉ាជាងកន្លះមកនេះទេ។ លោកថា ទាល់តែមានពាក្យបណ្តឹងទើបខាងរដ្ឋសភាចេញមុខធ្វើអន្តរាគមន៍។ ដោយលើកឡើងថា វិវាទនេះស្ថិតក្នុងភារកិច្ចរបស់ក្រសួងការងារ លោក សរ ចំរុង ថ្លែងថា ការលើកឡើងរបស់អង្គការដែលនៅពីក្រោយការតវ៉ានេះពីរឿងតំណាងមិនចេញមុខធ្វើអន្តរាគមន៍ គឺគ្រាន់តែជាល្បិចចាក់ចង្កេះឲ្យលោកលោតតែប៉ុណ្ណោះ។

12 min

January 05, 2022 លោក សុខ ឥសាន៖ ការផ្អាកធ្វើមិទ្ទិញ៧មករា មិនមានមូលហេតុអ្វីផ្សេងក្រៅពីកូវីដទេ

ខួប៤៣ឆ្នាំ នៃថ្ងៃជ័យជម្នះ ៧មករា លើរបបប្រល័យពូជសាសន៍ មិនត្រូវបានប្រារព្ធធ្វើឡើងជារូបភាពធំដុំដោយគណបក្សប្រជាជនកម្ពុជា និងរដ្ឋាភិបាលកម្ពុជាទេនៅឆ្នាំនេះ។ លោក សុខ ឥសាន អ្នកនាំពាក្យគណបក្សប្រជាជនកម្ពុជាថ្លែងថា ការរាតត្បាតដោយជំងឺកូវីដ-១៩ គឺជាហេតុផលតែមួយគត់ ដែលបង្ខំឲ្យគណបក្សប្រជាជន និងរដ្ឋាភិបាលសម្រេចមិនរៀបចំមិទ្ទិញធំដុំ ដើម្បីអបអរថ្ងៃជ័យជម្នះ ៧មករា។ លោកថាបញ្ហានេះ មិនពាក់ព័ន្ធទៅនឹងភាពក្រអឺតក្រទម និងប្រមាថជាលក្ខណៈបុគ្គលនៃប្រទេសវៀតណាមមកលើកម្ពុជាកាលពីពេលថ្មីកន្លងទៅនេះទេជុំវិញបញ្ហាកូវីដ-១៩។

11 min