បទសម្ភាស

By RFI ខេមរភាសា / Khmer

បទសម្ភាស episodes

August 16, 2021 ភ្ញៀវប្រចាំថ្ងៃ - លោក នេត្រ ភក្ត្រា៖ លោក ខៀវ សំផន នឹងឡើងថ្លែងការណ៍នៅថ្ងៃចុងក្រោយនៃសវនាការរបស់ខ្លួន
សាលាក្តីខ្មែរក្រហមនៅថ្ងៃនេះបានបើកសវនាការលើសំណុំរឿង០០២ វគ្គ០២ ដែលមានជនជាប់ចោទគឺលោក ខៀវ សំផន ។ ជាសវនាការទៅតាមបណ្តឹងសារទុក្ខរបស់មេធាវីការពារក្តី បន្ទាប់ពីសាលាដំបូងបានកាត់ទោសអតីតប្រមុខរដ្ឋនៃកម្ពុជាប្រជាធិបតេយ្យរូបនេះឲ្យជាប់ពន្ធនាគារមួយជីវិត កាលពីឆ្នាំ២០១៨ ក្រោមបទចោទឧក្រិដ្ឋកម្មប្រល័យពូជសាសន៍ ឧក្រិដ្ឋកម្មប្រឆាំងមនុស្សជាតិ និងបទល្មើសធ្ងន់ធ្ងរផ្សេងៗទៀត។ លោក នេត្រ ភក្ត្រា ជាភ្ញៀវប្រចាំថ្ងៃបានថ្លែងថា លោក ខៀវ សំផន នឹងឡើងថ្លែងការណ៍នៅថ្ងៃចុងក្រោយនៃសវនាការរបស់ខ្លួនដែលគ្រោងបិទបញ្ចប់នៅសប្តាហ៍នេះ។ ចំណែកសាលដីកាស្ថាពគ្រោងប្រកាសនៅត្រីមាសទី៤ឆ្នាំ២០២២។
13 min
August 15, 2021 ភ្ញៀវប្រចាំថ្ងៃ - លោក គឹម សន្តិភាព៖ រដ្ឋាភិបាលដាច់ខាតមិនបន្ធូរដៃចាត់ការជនមើលងាយស្ថានការណ៍កូវីដ១៩ទេ
តួលេខបឋមចុងក្រោយនៃការអនុវត្តវិធានការបង្ការការឆ្លងជំងឺកូវីដ១៩ រយៈពេល១៤ថ្ងៃ ចាប់តាំងពីថ្ងៃទី២៩កក្កដាមក សមត្ថកិច្ចបានឃាត់ខ្លួនជនដែលល្មើសសរុបជិត ២០.០០០នាក់ ដោយក្នុងនោះ ៥១នាក់ត្រូវបានបញ្ចូនទៅតុលាការ និងពិន័យជាទឹកប្រាក់សរុបជាង ៥.៦០០លានរៀល។ ជនដែលបញ្ជូនទៅតុលាការនោះ កំពុងត្រូវបានអនុវត្តនិតិវិធីយ៉ាងម៉ត់ចត់ដើម្បីបញ្ចៀសការឆ្លងចូលទៅក្នុងសាលាដំបូង។ លោក គឹម សន្តិភាព រដ្ឋលេខាធិការក្រសួងយុត្តិធម៌ និងជាអ្នកនាំពាក្យគណៈកម្មការអន្តរក្រសួងដើម្បីប្រយុទ្ធនឹងជំងឹកូវីដ១៩ បានគូសបញ្ជាក់នៅក្នុងនាទីភ្ញៀវប្រចាំថ្ងៃរបស់វិទ្យុបារាំង នាថ្ងៃទី១៥សីហានេះថា ដ្បិតករណីឆ្លងកូវីដ១៩ចុងក្រោយនេះហាក់ថមថយបន្តិចមែន តែរដ្ឋាភិបាលនៅតែមិនបន្ធូរបន្ថយដៃចាត់ការជនណាដែលមើលងាយស្ថានការណ៍នោះទេ។
12 min
August 14, 2021 ភ្ញៀវប្រចាំថ្ងៃ - លោក អំ សំអាត៖ សង្គមស៊ីវិលមិនចង់ឃើញអ្នកនយោបាយយកបញ្ហាពលរដ្ឋ ដើម្បីប្រជាប្រិយភាពទេ តែចង់ឲ្យមានការដោះស្រាយដោយតម្លាភាព និងយុត្តិធម៌
បញ្ហាទំនាស់ដីធ្លីបានកក្រើកឡើងវិញនៅតាមខេត្តក្រុងមួយចំនួនក្នុងអំឡុងពេលកូវីដ១៩នេះ។ នេះបើតាមលោក អំ សំអាត នាយករងទទួលបន្ទុកកម្មវិធីឃ្លាំមើលនៃអង្គការលីកាដូ នាថ្ងៃទី១៤ ខែសីហា។ ក្នុងនាទីភ្ញៀវប្រចាំថ្ងៃរបស់វិទ្យុបារាំងអន្តរជាតិ លោកបានលើកឡើងថា បញ្ហាទំនាស់ដីធ្លី ដែលនៅតែបន្តអូសបន្លាយអាចនឹងធ្វើឲ្យប៉ះពាល់ដល់ប្រជាប្រិយភាពរបស់គណបក្សកាន់អំណាច សម្រាប់ការបោះឆ្នោតនាពេលខាងមុខ។ ប៉ុន្តែលោកបន្តថាសង្គមស៊ីវិលមិនចង់ឃើញអ្នកនយោបាយយកបញ្ហារបស់ពលរដ្ឋ ដើម្បីដណ្តើមប្រជាប្រិយភាពនោះទេ តែចង់ឲ្យមានការដោះស្រាយដោយតម្លាភាព និងយុត្តិធម៌ សម្រាប់ពួកគាត់។
10 min
August 13, 2021 ភ្ញៀវប្រចាំថ្ងៃ - លោកផុស សុវណ្ណ៖អង្គការអ្នកកាសែតគ្មានព្រំដែនកុំឆាប់វាយតម្លៃពេក ដោយត្រូវរង់ចាំមើលលទ្ធផលការងារជាមុនសិន
ភ្ញៀវប្រចាំថ្ងៃរបស់យើងនៅរាត្រីនេះ គឺលោកផុស សុវណ្ណ ដែលជាអនុប្រធានអនុចិន្ត្រៃយ៍នៃគណៈកម្មការតាមដាន វាយតម្លៃ និងលើកសរសើរការអនុវត្តក្រមសីលធម៌ វិជ្ជាជីវៈសារព័ត៌មានដែលទើបបង្កើតឡើងដោយក្រសួងព័ត៌មានកម្ពុជា។ ជុំវិញការរិះគន់របស់អង្គការការពារអ្នកកាសែតគ្មានព្រំដែនដែលថាគណៈកម្មការនេះ គ្មានភាពឯករាជ្យ តម្លាភាព និងការទទួលខុសត្រូវ លោកផុស សុវណ្ណ បានអះអាងថា ជាការឆាប់រិះគន់ និងវាយតម្លៃលឿនពេកហើយ។ សម្រាប់លោកផុស សុវណ្ណ គឺអង្គការការពារអ្នកកាសែតគ្មានព្រំដែនត្រូវរង់ចាំមើលពីដំណើរការ និងលទ្ធផលការងារនៃគណៈកម្មការនេះជាមុនសិន មុនធ្វើការរិះគន់ និងវាយតម្លៃនោះ។
12 min
August 12, 2021 ភ្ញៀវប្រចាំថ្ងៃ - លោក នេត្រ ភក្ត្រា៖ លោក ខៀវ សំផន បានចាក់វ៉ាក់សាំង២ដូសហើយ គាត់មានសុខភាពល្អជាទេ
តុលាការកំពូលនៃសាលាក្តីខ្មែរក្រហម នៅថ្ងៃទី១៦ខែសីហា ខាងមុខនេះ នឹងបើកសវនាការលើបណ្តឹងសារទុក្ខ ដែលស្នើឡើងដោយជនជាប់ចោទ ខៀវ សំផន ក្នុងសំណុំរឿង ០០២/០២ ដោយលោកស្នើសុំច្រានចោលទោសទណ្ឌនានា ដែលតុលាការបានផ្តន្ទាលើរូបគាត់កន្លងមក។ សវនាការនេះ នឹងគ្រោងធ្វើឡើងរយៈពេល៤ថ្ងៃ ដោយអនុវត្តទៅតាមបទដ្ឋានសុខាភិបាលជាក់លាក់ ក្នុងបរិបទនៃការរាត្បាតជំងឺកូវីដ-១៩នេះ។ លោក នេត្រ ភក្ត្រា ប្រធានផ្នែកកិច្ចការសាធារណៈនៃសាលាក្តីខ្មែរក្រហម បានថ្លែងឲ្យដឹងថា ជនជាប់ចោទ លោក ខៀវ សំផន អាយុ ៩១ឆ្នាំ ដែលបានទទួលវ៉ាក់សាំងការពារជំងឺកូវីដ-១៩ ២ដូសហើយនោះ មានសុខភាពល្អជាទេ និងត្រៀមចូលរួមសវនាការផ្តាច់ព្រ័ត្រនេះ មិនឲ្យខកខានឡើយ។
16 min
August 11, 2021 ភ្ញៀវប្រចាំថ្ងៃ - លោកសុខ ឥសាន៖គណបក្សបង្កើតថ្មី ឬក៏រួបរួមបក្សគ្នាក្តី ក៏មិនអាចជាគូប្រជែងរបស់បក្សកាន់អំណាចឡើយ
ថ្មីៗនេះ មានគណបក្សនយោបាយថ្មីមួយចំនួនកំពុងរៀបចំបង្កើតឡើង ហើយក្នុងចំណោមនោះ គឺក៏មានការចេញពីក្រុមសមាជិកអតីតគណបក្សសង្រ្គោះជាតិដែរ។ មិនត្រឹមតែមានបក្សនយោបាយថ្មីនោះទេ តែបក្សថ្មីខ្លះក៏កំពុងគៀងគរគ្នា ចងក្រងជាកម្លាំងតែមួយ ដើម្បីប្រកួតប្រជែងជាមួយគណបក្សប្រជាជនកម្ពុជានៅក្នុងការបោះឆ្នោតនាពេលខាងមុខនេះ។ ចំពោះបញ្ហានេះ លោកសុខ ឥសាន អ្នកនាំពាក្យគណបក្សប្រជាជនកម្ពុជាមិនបារម្ភអ្វីបន្តិចសោះ។ លោកសុខ ឥសាន បានលើកឡើងថា ការបង្កើតគណបក្សនយោបាយថ្មីច្រើនជារឿងល្អសម្រាប់កម្ពុជា ប៉ុន្តែបក្សថ្មី និងការរួបរួមបក្សគ្នា មិនអាចក្លាយជាគូប្រជែងរបស់គណបក្សកាន់អំណាចបានឡើយ។
12 min
August 10, 2021 ភ្ញៀវប្រចាំថ្ងៃ - លោក ពីន សំខុន៖ «ការធ្វើនយោបាយឡើងវិញរបស់ខ្ញុំ ក្រោយពីប្រទេសកម្ពុជាមួយរយៈនេះ បានបាត់បង់ប្រជាធិបតេយ្យ»
លោក ពីន សំខុន ដែលមានវ័យជាង៧០ឆ្នាំទៅហើយ កាលពីពេលថ្មីៗនេះ បានប្រកាសចូលប្រឡូកនឹងកិច្ចការនយោបាយឡើងវិញ បន្ទាប់ពីលោកស្ថិតនៅស្ងាត់ស្ងៀមអស់រយៈពេល២ទសវត្សរ៍។ លោកជាអតីតប្រធានសមាគមអ្នកកាសែតខ្មែរ និងជាអតីតប្រធានវិទ្យុអាស៊ីសេរីជាខេមរភាសា ក្រោយមកជាអ្នកនយោបាយមួយរូបនៃអតីតគណបក្សសង្គ្រោះជាតិនៅក្រៅប្រទេស។ តាមលោក ពីន សំខុន ការដែលលោកចូលប្រឡូកក្នុងឆាកនយោបាយ តាមរយៈគណបក្សកែទម្រង់កម្ពុជា ដែលមានលោក អ៊ូ ច័ន្ទរ័ត្ន ជាស្ថាបនិកនោះ គឺដោយសារតែប្រទេសកម្ពុជាមួយរយៈនេះ មិនមានគណបក្សប្រឆាំង ដើម្បីតទល់ជាមួយបក្សកាន់អំណាច ក្នុងការនាំយកមកវិញនូវលទ្ធិប្រជាធិបតេយ្យពហុបក្ស។
15 min
August 09, 2021 ភ្ញៀវប្រចាំថ្ងៃ - លោកស្រីថុក ញុំ៖ កូវីដ និងគ្រឿងញៀនបានធ្វើឱ្យប៉ះពាល់យ៉ាងខ្លាំងដល់ការរស់នៅរបស់ជនជាតិដើមភាគតិចនៅកម្ពុជា
ថ្ងៃចន្ទនេះ គឺជាទិវាអន្តរជាតិជនជាតិដើមភាគតិចពិភពលោកលើកទី២៧ និងលើកទី១៧នៅកម្ពុជា។ នៅថ្ងៃនេះ ជនជាតិដើមភាគតិចនៅកម្ពុជាបានរៀបចំកម្មវិធីអបអសាទរ ដោយបើកកិច្ចប្រជុំជជែកពិភាក្សាគ្នាតាមប្រព័ន្ធវីដេអូZOOM ក្រោមប្រធានបទ«រដ្ឋាភិបាលពិភពលោកនឹងមិនបោះបង់ចោលនរណាម្នាក់ឡើយ៖ជនជាតិដើមភាគតិច និងការទាមទារឱ្យមានកិច្ចគាំពារសង្គមដាច់ដោយឡែក»។ លោកស្រីថុក ញុំ អ្នកសម្របសម្រួលអង្គការជនជាតិដើមភាគតិចអភិវឌ្ឍកសិកម្មនៅកម្ពុជា បានលើកឡើងថា ជនជាតិដើមភាគតិចនៅកម្ពុជានៅមានបញ្ហាប្រឈមជាច្រើនដែលកំពុងជួបប្រទះនាពេលបច្ចុប្បន្ននេះ។ លោកស្រីគូសបញ្ជាក់ថា បញ្ហាប្រឈមចម្បងជាងគេ គឺការឆ្លងរាលដាលនៃជំងឺកូវីដ១៩ និងការចរាចរក៏ដូចជាប្រើប្រាស់គ្រឿងញៀននៅក្នុងតំបន់ដែលជនជាតិដើមភាគតិចរស់នៅ។
11 min
August 08, 2021 ភ្ញៀវប្រចាំថ្ងៃ - លោក មឿន តុលា៖ ការបើកព្រំដែនឡើងវិញ នឹងជួយដោះស្រាយការខ្វះខាតព្រមទាំងហានិភ័យឆ្លងកូវីដដល់ពលករខ្មែរនៅថៃ
តាំងពីរដ្ឋាភិបាលកម្ពុជាបានប្រកាសបិទព្រំដែនជាមួយថៃដើម្បីទប់ស្កាត់ការឆ្លងរាលដាលនៃជំងឺកូវីដ១៩មក ពលករខ្មែរជាច្រើននាក់បាននាំគ្នាសម្រុកទៅកកស្ទះនៅតំបន់ព្រំដែន ក្នុងគោលបំណងវិលចូលកម្ពុជាវិញភ្លាម នៅពេលមានការបើកព្រំដែនឡើងវិញ។ លោកមឿន តុលា នាយកប្រតិបត្តិមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស (សង់ត្រាល់) បានបញ្ជាក់ឱ្យដឹងថា មូលហេតុដែលពលករខ្មែរមកប្រមូលផ្តុំគ្នាដូច្នេះ គឺដោយសារតែពួកគេខ្លាចឆ្លងជំងឺកូវីដ១៩ និងកំពុងខ្វះខាតស្បៀងអាហារសម្រាប់បរិភោគ។ លោកអះអាងថា ប្រសិនបើរដ្ឋាភិបាលកម្ពុជាបើកព្រំដែនឡើងវិញ ហើយកាន់តែឆាប់ទៀតនោះ វានឹងជួយដោះស្រាយបញ្ហារបស់ពលករទាំងអស់នេះ។
12 min
August 07, 2021 ភ្ញៀវប្រចាំថ្ងៃ - បណ្ឌិត ឈាង វណ្ណារិទ្ធ៖ឱកាសនិងបញ្ហាប្រឈមដើរទន្ទឹមគ្នាពេលកម្ពុជាធ្វើជាប្រធានអាស៊ានឆ្នាំក្រោយ
នៅថ្ងៃទី៨សីហាស្អែកនេះ គឺជាខួប៥៤ឆ្នាំនៃការបង្កើតសមាគមប្រជាជាតិអាស៊ីអាគ្នេយ៍ ហៅកាត់ថា អាស៊ាន។ អាស៊ានដែលកំពុងមានបញ្ហាប្រឈមធំៗមួយចំនួនកើតឡើង គឺកូវីដ១៩ និងវិបត្តិផ្ទៃក្នុងរបស់ប្រទេសមួយចំនួនដែលបានក្លាយទៅជាសង្គ្រាមស៊ីវិលដូចនៅភូមា។ នៅឆ្នាំក្រោយនេះ ដល់វេនកម្ពុជាធ្វើជាម្ចាស់ផ្ទះនៃកិច្ចប្រជុំកំពូលអាស៊ានបន្តពីប្រទេសប៊្រុយណេ។ លោកបណ្ឌិត ឈាង វណ្ណារិទ្ធ ប្រធានវិទ្យាស្ថានចក្ខុវិស័យអាស៊ី ថ្លែងថា ឱកាសនិងបញ្ហាប្រឈមនឹងដើរទន្ទឹមគ្នា នៅពេលកម្ពុជាធ្វើជាប្រធានអាស៊ាននាឆ្នាំក្រោយនេះ។
13 min