បទសម្ភាស

By RFI ខេមរភាសា / Khmer

បទសម្ភាស episodes

November 05, 2024 អ្នកស្រី សឿន ស្រី៖ស្វាយកែវល្មៀតខុសរដូវឆ្នាំនេះធ្លាក់ថ្លៃដែលនឹកស្មានមិនដល់
កសិករមួយចំនួននៅខេត្តឧត្តរមានជ័យដែលដាំស្វាយកែវល្មៀតខុសរដូវបានសម្តែងការខកចិត្ត ខណៈផ្លែស្វាយដែលពួកគេប្រមូលផលនៅដើមខែវិច្ឆិកានេះមានតម្លៃតែពី ៣០០ ទៅ ៤០០រៀលប៉ុណ្ណោះក្នុងមួយគីឡូក្រាម។ នៅក្នុងបទសម្ភាសជាមួយវិទ្យុបារាំងអន្តរជាតិ RFI នាថ្ងៃទី៥ ខែវិច្ឆិកានេះ អ្នកស្រី សឿន ស្រី ម្ចាស់ចម្ការស្វាយមួយកន្លែងនៅខេត្តឧត្តរមានជ័យប្រាប់ថា កាលពីឆ្នាំកន្លងទៅ គាត់លក់ស្វាយកែវល្មៀតខុសរដូវបានក្នុងតម្លៃចន្លោះពី១២០០រៀលទៅ១៤០០រៀលក្នុងមួយគីឡូក្រាម៕
10 min
November 04, 2024 លោក ហន ពិសិដ្ឋ៖ទឹកជំនន់នៅកំពង់ស្ពឺបណ្តាលមកពីពលរដ្ឋមួយចំនួនចាក់ដីលុបប្រឡាយ
នៅថ្ងៃទី០៤ ខែវិច្ឆិកា ឆ្នាំ២០២៤នេះ ទឹកជំនន់បានជន់លិចស្រុកចំនួន២ ក្នុងខេត្តកំពង់ស្ពឺ គឺស្រុកគងពិសី និងស្រុកបសេដ្ឋ។ ក្រៅពីនេះ ទឹកជំនន់បានពន្លិចផ្លូវជាតិលេខ៣ មួយចំហៀងប៉ែកកំពង់ស្ពឺចំនួន២កំណាត់ ដែលធ្វើឲ្យចរាចរណ៍រថយន្តដឹកទំនិញធុនធ្ងន់ត្រូវបានផ្អាកជាបណ្តោះអាសន្ននៅថ្ងៃទី០៤ វិច្ឆិកានេះ។ នៅក្នុងកិច្ចសម្ភាសន៍ជាមួយវិទ្យុបារាំង RFI នាថ្ងៃទី០៤ ខែវិច្ឆិកា ឆ្នាំ២០២៤នេះ លោក ហន ពិសិដ្ឋ អភិបាលស្រុកគងពិសីបានថ្លែងថា ការជន់លិចស្រុកគងពិសី និងស្រុកបសេដ្ឋបណ្តាលមកពីមូលហេតុចំនួនពីរគឺ ទី១ ពលរដ្ឋមួយចំនួនបានចាក់ដីលុបប្រឡាយ និងទី២ ប្រឡាយដែលកំពុងស្តារនៅមិនទាន់បើកទូលំទូលាយនៅឡើយ។
8 min
November 01, 2024 លោក គឹម ឡេង៖ដើម្បីឲ្យសិស្សបាននិទ្ទេសAច្រើន យើងត្រូវរៀបចំសេណារីយ៉ូតាំងពី៥ឆ្នាំមុន
នៅក្នុងការប្រលងបាក់ឌុបឆ្នាំ២០២៤នេះ ខេត្តសៀមរាបមានសិស្សជាប់និទ្ទេស A ច្រើនជាងគេលំដាប់ទី២ បន្ទាប់ពីភ្នំពេញ គឺមានចំនួន ២២១នាក់។ ក្នុងចំណោមសិស្សទាំង ២២១នាក់នេះ វិទ្យាល័យ១០មករា១៩៧៩ មានសិស្សជាប់និទ្ទេស A ចំនួន៣៨នាក់ ក្នុងនោះ២០នាក់ ស្ថិតក្នុងថ្នាក់តែមួយ។ នៅក្នុងកិច្ចសម្ភាសជាមួយវិទ្យុបារាំងអន្តរជាតិ RFI នាថ្ងៃទី០១ ខែវិច្ឆិកា ឆ្នាំ២០២៤នេះ លោក គឹម ឡេង នាយកវិទ្យាល័យ១០មករា បានឲ្យដឹងថាចំណាត់ថ្នាក់ដ៏ល្អដែលសិស្សថ្នាក់ទី១២ របស់លោកទទួលបាន គឺដោយសារមានការរៀបចំសេណារីយ៉ូការសិក្សាទុកជាមុនយ៉ាងហោចក៏រយៈពេល៥ឆ្នាំដែរ។ តាមនាយកសាលារូបនេះ ការចូលរួមរបស់ភាគីពាក់ព័ន្ធរួមមានមាតាបិតាសិស្ស លោកគ្រូអ្នកគ្រូ អាជ្ញាធរ និងការប្រឹងប្រែងផ្ទាល់របស់សិស្សជាកត្តាសំខាន់ដែលនាំឲ្យសិស្សទទួលបានលទ្ធផលល្អក្នុងការសិក្សា។
13 min
October 30, 2024 លោកស្រី ឃួន វិច្ឆិកា៖ លទ្ធផលបាក់ឌុបរយៈពេល១០ឆ្នាំចុងក្រោយប្រសើរឡើងជាលំដាប់
ការប្រលងសញ្ញាបត្រមធ្យមសិក្សាទុតិយភូមិ(បាក់ឌុប) ដែលបានធ្វើឡើងកាលពីថ្ងៃទី០៨ ខែកញ្ញា ឆ្នាំ២០២៤កន្លងទៅ បង្ហាញថាមានបេក្ខជនប្រលងជាប់រហូតដល់ ៧៩% ក្នុងនោះបេក្ខជនទទួលបាននិទ្ទេស A មានចំនួន ២ ២១៦នាក់ និទ្ទេសB មានចំនួន ៩ ៧០១នាក់ និទ្ទេសC ចំនួន ២២ ៦៧៥នាក់ និទ្ទេសD ចំនួន៣៦ ៦៨៣នាក់ និងនិទ្ទេសE ចំនួន ៣៥ ០៧៦នាក់។ នៅក្នុងកិច្ចសម្ភាសជាមួយវិទ្យុបារាំងអន្តរជាតិRFI នៅថ្ងៃទី៣០ ខែតុលា ឆ្នាំ២០២៤នេះ លោកស្រី ឃួន វិច្ឆិកា អ្នកនាំពាក្យក្រសួងអប់រំបានថ្លែងថា លទ្ធផលនៃការប្រលងបាក់ឌុបមានការវិវត្តន៍ជាវិជ្ជមានអំឡុងរយៈពេល១០ឆ្នាំចុងក្រោយនេះ។ តាមអ្នកនាំពាក្យរូបនេះ បេក្ខជនប្រលងជាប់បាក់ឌុបមានប្រមាណ៤០% នៅឆ្នាំ២០១៤ តែនៅឆ្នាំ២០២៤នេះ មានរហូតដល់៧៩%។
12 min
October 29, 2024 លោកស្រី អ៊ុក ឆាយ៉ាវី៖ទោះត្រូវបិទទ្វារក៏សមាគមគ្មានលទ្ធភាពបង់ពន្ធជាង ១៨លានរៀលដែរ
សមាគមគ្រូបង្រៀនកម្ពុជាឯករាជ្យកំពុងប្រឈមនឹងការបិទទ្វារ ខណៈដែលឱសានវាទនៃការបង់ពន្ធចូលរដ្ឋនឹងផុតកំណត់នៅសប្តាហ៍ក្រោយ។ នេះបើតាមលោកស្រី អ៊ុក ឆាយ៉ាវី ប្រធានសមាគមគ្រូបង្រៀនកម្ពុជាឯករាជ្យនៅក្នុងបទសម្ភាសជាមួយវិទ្យុបារាំងអន្តរជាតិ RFI នៅថ្ងៃទី២៩ ខែតុលានេះ។ តាមលោកស្រី អ៊ុក ឆាយ៉ាវី ក្រសួងសេដ្ឋកិច្ចបានបង្គាប់ឲ្យសមាគមគ្រូបង្រៀនកម្ពុជាឯករាជ្យបង់ពន្ធជាង ១៨លានរៀល ឬស្មើជិត ៥ពាន់ដុល្លារ។ តែលោកស្រីអះអាងថា សមាគមគ្មានលទ្ធភាពបង់ពន្ធទេ ដោយសារតែសមាគមគ្មានប្រាក់ចំណូល ហើយបុគ្គលិកក៏សុទ្ធជាអ្នកធ្វើការងារដោយស្ម័គ្រចិត្ត៕
11 min
October 25, 2024 បណ្ឌិត ឈាង វណ្ណារិទ្ធ៖កម្ពុជាកំពុងស្ថិតក្នុងស្ថានភាព«រង់ចាំមើល»ក្នុងការចូលរួមជាមួយBRICS
ក្រុមមេដឹកនាំនៃប្រទេស BRICS ដែលមានសេដ្ឋកិច្ចកំពុងអភិវឌ្ឍន៍បានបញ្ចប់កិច្ចប្រជុំកំពូលលើកទី១៦ របស់ខ្លួនហើយនៅទីក្រុងKAZAN ប្រទេសរុស្ស៊ី។ ក្រៅពីប្រទេសស្ថាបនិកដូចជាប្រេស៊ីល រុស្ស៊ី ឥណ្ឌា ចិននិងអាហ្វ្រិកខាងត្បូង មានមេដឹកនាំប្រទេសជាច្រើនទៀតក៏បានចូលរួមដែរ ក្នុងនោះក៏មានប្រទេសពីសហគមន៍អាស៊ានចំនួន៤ ដូចជាថៃ ភូមា ឥណ្ឌូនេស៊ី និងវៀតណាម។ ក្នុងកិច្ចសម្ភាសន៍ជាមួយវិទ្យុបារាំង RFI នៅថ្ងៃទី២៥ ខែតុលា ឆ្នាំ២០២៤នេះ លោកបណ្ឌិត ឈាង វណ្ណារិទ្ធ នាយកឧទ្យាននវានុវត្តន៍សង្គមអង្គរ(ASIP) យល់ឃើញថា កម្ពុជាយូរនិងឆាប់អាចក្លាយជាផ្នែកមួយរបស់ BRICS។ ក៏ប៉ុន្តែលោកថា ពេលនេះកម្ពុជាកំពុងស្ថិតក្នុងស្ថានភាពរង់ចាំមើលការវិវត្តន៍របស់ប្រទេសក្នុងតំបន់នៅឡើយ។
7 min
October 24, 2024 មេធាវី ឌុច ពិសិដ្ឋ៖ លោក ម៉ិច ដារ៉ា ត្រូវដោះលែងបណ្តោះអាសន្ន ដោយមិនទាន់ដឹងពីលក្ខខណ្ឌកំណត់របស់តុលាការ
នៅថ្ងៃព្រហស្បតិ៍ ទី២៤ តុលានេះ អ្នកសារព័ត៌មាន ម៉ិច ដារ៉ា ត្រូវចៅក្រមស៊ើបសួរ សម្រេចដោះលែងឲ្យនៅក្រៅឃុំជាបណ្តោះអាសន្ន។ នេះបើតាមការបញ្ជាក់របស់លោកមេធាវី ឌុច ពិសិដ្ឋ ដែលបានផ្តល់បទសម្ភាសជាមួយវិទ្យុបារាំងអន្តរជាតិ។ ការដោះលែងលោក ម៉ិច ដារ៉ា ធ្វើឡើងនៅបន្ទាប់ពីរូបលោក កាលពីយប់ថ្ងៃពុធទី២៣តុលា បានធ្វើលិខិតសុំទោសប្រមុខរដ្ឋាភិបាល និងទទួលស្គាល់កំហុសឆ្គងក្នុងការបញ្ចេញមតិតាមបណ្តាញសង្គម។ ទោះយ៉ាងណា បើតាមលោកមេធាវី ឌុច ពិសិដ្ឋ នៅក្រោយការដោះលែងលោក ម៉ិច ដារ៉ា គេនៅមិនទាន់ដឹងច្បាស់ថា តើចៅក្រមនឹងទម្លាក់ចោលបទចោទ ឬមានភ្ជាប់លក្ខខណ្ឌកំណត់ណាមួយនៅឡើយ។
8 min
October 23, 2024 បណ្ឌិត ឌុច ដារិន្ទ៖ពលរដ្ឋគួរពិចារណាឲ្យបានច្បាស់ក្នុងការទិញមាសពេលមាសកំពុងឡើងថ្លៃ
គិតមកទល់ថ្ងៃទី២៣ ខែតុលា ឆ្នាំ២០២៤នេះ តម្លៃមាសគីឡូបានហក់ឡើងរហូតដល់ចន្លោះពី ៣ ២០០ ទៅ៣ ៣០០ដុល្លារ ក្នុង១ដំឡឹង។ នៅក្នុងកិច្ចសម្ភាសជាមួយវិទ្យុបារាំង RFI នាថ្ងៃទី២៣ ខែតុលានេះ លោកបណ្ឌិត ឌុច ដារិន្ទ សេដ្ឋកិច្ចវិទូ និងជាសាស្ត្រាចារ្យនៃសាលាភូមិន្ទរដ្ឋបាលបានកត់សម្គាល់ថាមាសបានឡើងថ្លៃក្នុងរយៈពេលមួយឆ្នាំចុងក្រោយនេះដល់ទៅជាង៣៧%។ តាមលោកបណ្ឌិត ឌុច ដារិន្ទ ភាពមិនប្រាកដប្រជានៃកំណើនសេដ្ឋកិច្ចសកល អតិផរណា ការថយចុះឥទ្ធិពលប្រាក់ដុល្លារអាមេរិក ភាពតានតឹងផ្នែកភូមិសាស្ត្រនយោបាយវិបត្តិសង្គ្រាមរវាងរុស្ស៊ី-អ៊ុយក្រែន និងសង្គ្រាមនៅមជ្ឈឹមបូព៌ា សុទ្ធសឹងជាកត្តាដែលធ្វើឲ្យតម្លៃមាសកើនឡើង។ សេដ្ឋកិច្ចវិទូរូបនេះបន្តថាប្រភពហិរញ្ញវត្ថុមួយចំនួនបង្ហាញពីការកើនឡើងតម្លៃមាសរហូតឆ្នាំ២០២៥ តែពលរដ្ឋខ្មែរក៏គួរពិចារណាផងដែរចំពោះការទិញមាសស្តុកអំឡុងពេលមាសកំពុងឡើងថ្លៃខ្ពស់។
13 min
October 22, 2024 លោក អំ សំអាត៖ អាជ្ញាធរខ្លះរារាំង និងអាជ្ញាធរខ្លះសហការប្រារព្ធទិវាសិទ្ធិលំនៅឋាន
ទិវាសិទ្ធិលំនៅឋានពិភពលោកត្រូវបានរៀបចំឡើងជារៀងរាល់ឆ្នាំនៅអំឡុងខែតុលា។ នៅកម្ពុជា ប្រជាសហគមន៍ជាង៥០០នាក់ មកពីសហគមន៍ដីធ្លីចំនួន ១៣ បាននាំគ្នាប្រារព្ធទិវាសិទ្ធិលំនៅឋានពិភពលោកនៅឆ្នាំ២០២៤នេះ។ ក្នុងបទសម្ភាសជាមួយវិទ្យុបារាំងអន្តរជាតិRFI នៅថ្ងៃទី២២ខែតុលានេះ លោក អំ សំអាត នាយកប្រតិបត្តិអង្គការលីកាដូ បានថ្លែងថា អាជ្ញាធរមូលដា្ឋនខ្លះបានព្យាយាមហាមឃាត់មិនឱ្យប្រារព្ធកម្មវិធីនេះនៅកន្លែងខ្លះ។ តែអាជ្ញាធរមូលដ្ឋានខ្លះបានចូលរួមសហការ៕
8 min
October 21, 2024 នាយឧត្តមសេនីយ៍ មាស វីរិទ្ធ៖ការប្រើប្រាស់គ្រឿងញៀនក្នុងក្លឹបកម្សាន្តថយចុះស្ទើរទាំងស្រុង
នៅថ្ងៃទី២១ ខែតុលា ឆ្នាំ២០២៤នេះ ប្រទេសកម្ពុជាបានបើកកិច្ចប្រជុំមួយស្តីពីការប្រយុទ្ធប្រឆាំងគ្រឿងញៀនរយៈពេលមួយឆ្នាំនៃរដ្ឋាភិបាលអាណត្តិទី៧។ របាយការណ៍របស់អាជ្ញាធរជាតិប្រយុទ្ធប្រឆាំងគ្រឿងញៀនបង្ហាញថា ក្នុងរយៈពេល១ឆ្នាំនៃការដឹកនាំរបស់រដ្ឋាភិបាលថ្មី សមត្ថកិច្ចបង្ក្រាបបានបទល្មើសគ្រឿងញៀនចំនួន ១០ ០០៨ករណី ឃាត់ខ្លួនជនសង្ស័យចំនួន ២៧ ៨១៧នាក់ រឹបអូសបានគ្រឿងញៀនចំនួនជាង ៧តោន កញ្ឆា និងសារធាតុគីមីផ្សំផ្សេងទៀតជាង ១តោន។ នៅក្នុងកិច្ចសម្ភាសជាមួយវិទ្យុបារាំង RFI នាថ្ងៃទី២១ ខែតុលានេះ នាយឧត្តមសេនីយ៍ មាស វីរិទ្ធ អគ្គលេខាធិការអាជ្ញាធរជាតិប្រយុទ្ធប្រឆាំងគ្រឿងញៀន បានកត់សម្គាល់ថាការបង្ក្រាបគ្រឿងញៀននៅក្នុងក្លឹបកម្សាន្តផ្តល់នូវលទ្ធផលល្អ។
11 min