បទសម្ភាស

By RFI ខេមរភាសា / Khmer

បទសម្ភាស episodes

March 09, 2023 លោក ហេង គឹមហុង៖ តំបន់ធនធានធម្មជាតិនៅក្នុងខេត្តភូមិភាគឦសាន កំពុងស្ថិតក្នុងសញ្ញាគ្រោះថ្នាក់
ភ្ញៀវប្រចាំថ្ងៃរបស់វិទ្យុយើងនារាត្រីនេះ គឺលោក ហេង គឹមហុង ប្រធានផ្នែកកម្មវិធីស្រាវជ្រាវ និងតស៊ូមតិនៃសមាគមបណ្តាញយុវជនកម្ពុជា។ នៅថ្ងៃព្រហស្បតិ៍នេះ សមាគមបណ្តាញយុវជនកម្ពុជា បានចេញផ្សាយនូវរបាយការណ៍ប្រចាំខែមីនា ស្តីអំពីការចូលរួមរបស់សហគមន៍ និងយុវជន ដើម្បីការពារនិងអភិរក្សទន្លេមេគង្គផ្នែកខាងលើ ដែលមានភូមិសាស្ត្រក្នុងខេត្តក្រចេះ និងស្ទឹងត្រែង។ លោក ហេង គឹមហុង បញ្ជាក់ថា របាយការណ៍រកឃើញថា ទិន្នផលជីវៈចម្រុះនៅទន្លេមេគង្គផ្នែកខាងលើ មានការថយចុះគួរឲ្យកត់សម្គាល់ ក្នុងរយៈពេល៥ឆ្នាំនេះ ព្រោះតែកង្វះប្រសិទ្ធិភាពច្បាប់របស់អាជ្ញាធរ។ ដោយឡែកតំបន់ធនធានធម្មជាតិព្រៃឈើវិញ ក៏កំពុងរងការទន្រ្ទានឥតឈប់ឈរ។ បើតាមលោក ហេង គឹមហុង តំបន់ធនធានធម្មជាតិនៅក្នុងខេត្តភូមិភាគឦសាន កំពុងស្ថិតនៅក្នុងសញ្ញាគ្រោះថ្នាក់។
14 min
March 08, 2023 លោក តុប សុភ័ក៖បុណ្យទន្លេនៅខេត្តកំពង់ធំរំពឹងស្រូបបានភ្ញៀវទេសចរ១លាននាក់
ពិធីបុណ្យទន្លេលើកទី៧ បាននិងកំពុងប្រព្រឹត្តិទៅរយៈពេល៣ថ្ងៃចាប់ពីថ្ងៃទី៨មីនាដល់ថ្ងៃទី១០មីនានៅខេត្តកំពង់ធំ។ ការរៀបចំពិធីបុណ្យទន្លេនៅពេលនេះ គឺជាផ្នែកមួយជួយជំរុញទេសចរណ៍ឡើងវិញបន្ទាប់ពីកូវីដ១៩។ អ្នកនាំពាក្យក្រសួងទេចរណ៍ លោក តុប សុភ័ក រំពឹងថា បុណ្យទន្លេនៅខេត្តកំពង់ធំរំពឹងថាស្រូបបានភ្ញៀវទេសចរ១លាននាក់ ខណៈមានកម្មវិធីកំសាន្តជាច្រើន។ ទន្ទឹមនឹងមានការលក់ដូរម្ហូបអាហាររាប់រយស្តង់ និងការប្រគុំតន្ត្រីផងនោះ លោក អះអាងថា អាជ្ញាធរពាក់ព័ន្ធបានគិតគូហើយដែរ ការថែរក្សាអនាម័យ និងបរិស្ថាន រួមទាំងណែនាំមិនឲ្យមានការតម្លើងថ្លៃសេវាកម្មផ្សេងៗ។
9 min
March 07, 2023 អ្នកស្រី អ៊ូ ទេពផល្លីន៖ ក្រោយកូវីដ-១៩ ក្រុមហ៊ុនតែងជួលតែកម្មករណានៅវ័យក្មេង នៅមានសម្រស់
ក្រុមអង្គការសង្គមស៊ីវិលចំនួន៨ នឹងរួមគ្នាប្រារព្ធទិវានារីអន្តរជាតិ ៨មីនាស្អែកនេះ នៅទីលានប្រជាធិបតេយ្យក្រោមប្រធានបទ«គាំពារស្ត្រី និងក្មេងស្រី ដើម្បីយុត្តិធម៌ទាំងអស់គ្នា»។ អ្នកស្រី អ៊ូ ទេពផល្លីន ប្រធានសហព័ន្ធសហជីពកម្មករចំណីអាហារ និងសេវាកម្មកម្ពុជាថ្លែងថា ការដែលក្រុមអង្គការសង្គមស៊ីវិលលើកជាប្រធានបទនេះ ដើម្បីប្រារព្ធពិធី៨មីនា ក៏ព្រោះតែប្រធានបទនេះ ស្របគ្នានឹងស្ថានភាពដែលបានកើតឡើងនៅក្នុងបរិបទសង្គមកម្ពុជាបច្ចុប្បន្ន។ មេដឹកនាំសហជីពរូបនេះបញ្ជាក់ថា កម្មករជាស្ត្រីដែលរងគ្រោះដោយវិបត្តិកូវីដ-១៩ ភាគច្រើនមិនទាន់ទទួលបានការគាំពារសង្គម ហើយក្លាយជាអ្នកបាត់បង់ការងារ បាត់បង់ប្រាក់ចំណូលជាប់លាប់ និងចំណាកស្រុកជាដើម។ លើសពីនេះ កម្មករនៅក្នុងវិស័យសេវាកម្ម ត្រូវបានជ្រើសរើសឲ្យចូលធ្វើការវិញតិចតួចក្រោយវិបត្តិកូវីដចំពោះតែស្ត្រីក្មេងៗ និងមានសម្រស់ទាក់ទាញប៉ុណ្ណោះ។
12 min
March 06, 2023 បណ្ឌិត សាម អ៊ីន៖ គបម មានបំណងចូលរួមការបោះឆ្នោតតែមិនទាន់ប្រាកដ
គណបក្សប្រជាធិបតេយ្យមូលដ្ឋាន(គបម) បានកោះប្រជុំក្រុមប្រតិបត្តិរបស់ខ្លួនមកពីបណ្តាខេត្ត-រាជធានី នៅថ្ងៃទី៥មីនា ដើម្បីវាយតម្លៃស្ថានភាពនយោបាយ និងពិនិត្យលទ្ធភាពឈានទៅសម្រេចអំពីការចូលរួមការបោះឆ្នោតជ្រើសតាំងតំណាងរាស្រ្តឆ្នាំ ២០២៣។ លោកបណ្ឌិត សាម អ៊ីន បានគូសបញ្ជាក់ថាសមជិក(គបម)នៅមូលដ្ឋានភាគច្រើនមានបំណងបន្តដំណើរចូលរួមការបោះឆ្នោតនៅខែកក្កដា។ ប៉ុន្តែប្រធានគណៈកម្មាធិការនាយកនៃគណបក្សនេះអះអាងថាអ្វីៗអាចនឹងមានការប្រែប្រួលនៅនាទីចុងក្រោយ។
11 min
March 05, 2023 លោក ឃុន ថារ៉ូ ៖សហជីពឯករាជ្យមានបញ្ហាប្រឈមច្រើនក្នុងការចុះបញ្ជិការ
មានសហជីពយ៉ាងតិច១០នៅតាមរោងចក្រមិនទាន់ត្រូវបានក្រសួងចុះបញ្ជិការឲ្យនៅឡើយ។ទន្ទឹមនឹងនោះមានសកម្មជនសហជីពប្រមាណ៥០នាក់ត្រូវបានបញ្ឈប់ពីការងារ។ នេះបើតាម លោក ឃុន ថារ៉ូ អ្នកគ្រប់គ្រងកម្មវិធីការងារនៃអង្គការសង់ត្រាល់។ បើតាមមន្ត្រីសិទ្ធិការងាររូបនេះ គឺមានហេតុផលចំបងមួយដែលមន្ត្រីការងារមិនព្រមចុះបញ្ចិការឲ្យសហជីពដែលអះអាងថាមានជំហរឯករាជ្យនោះ គឺបញ្ហាខុសអក្ខរាវិរុទ្ធនៅក្នុងលិខិតស្នើសុំ។ ក៏ប៉ុន្តែ លោក ឃុន ថារ៉ូ គូសបញ្ជាក់ថា ការខុសអក្ខរាវិរុទ្ធតិចតួចនេះគឺមិនមានចែងក្នុងច្បាប់ស្តីពីការបង្កើតសហជីពឡើយ។
16 min
March 04, 2023 លោកស្រី ហោ ម៉ាលីន៖ ស្ត្រីនៅតែដើរនាទីសំខាន់ក្នុងការអភិវឌ្ឍវិស័យកសិកម្ម
ភ្ញៀវប្រចាំថ្ងៃរបស់វិទ្យុយើងនារាត្រីនេះ គឺលោកស្រី ហោ ម៉ាលីន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ។ លោកស្រី ហោ ម៉ាលីន បានកត់សម្គាល់អំពីតួនាទីស្ត្រីនៅក្នុងវិស័យកសិកម្ម ថាបានដើរតួនាទីយ៉ាងសំខាន់ ក្នុងការរួមចំណែកអភិវឌ្ឍវិស័យឆ្អឹងខ្នងសេដ្ឋកិច្ចជាតិមួយនេះ។ តែបញ្ហាប្រឈមមួយក្នុងវិស័យកសិកម្ម នោះគឺសមភាពយេនឌ័ររវាងបុរសនិងស្ត្រី។ តាមលោកស្រី ហោ ម៉ាលីន ចំនួនស្ត្រីក្នុងវិស័យកសិកម្មនៅមានចំណុចគួរឲ្យកត់សម្គាល់នៅឡើយ។
11 min
March 04, 2023 លោកស្រី ចក់ សុភាព៖ ការដាក់ទោសលោក កឹម សុខា ធ្វើឲ្យអ្នកសង្កេតការណ៍មានការខកចិត្តខ្លាំង
សាលាដំបូងរាជធានីភ្នំពេញនៅព្រឹកថ្ងៃសុក្រនេះ បានប្រកាសសាលក្រមសម្រេចផ្តន្ទាទោសលោក កឹម សុខា ដាក់ពន្ធនាគារចំនួន២៧ ឆ្នាំពីបទ«សន្ទិដ្ឋិភាពជាមួយបរទេស» ព្រមទាំងដកហូតសិទ្ធិពលរដ្ឋ និងសិទ្ធិនយោបាយជាស្ថាពរទៀតផង។ លោកស្រី ចក់ សុភាព នាយិការមជ្ឈមណ្ឌលសិទ្ធិមនុស្សកម្ពុជាបានមើលឃើញថាសាលក្រមកាត់ទោសលោក កឹម សុខា ឲ្យជាប់ទោសរយៈពេល២៧ឆ្នាំ ធ្វើឲ្យមានការខកចិត្ត សម្រាប់អ្នកសង្កេតការណ៍ ហើយក៏គ្មានអ្វីគួរឲ្យភ្ញាក់ផ្អើលនោះទេ។ តាមលោកស្រី ចក់ សុភាព ករណីដាក់ទោសលោក កឹម សុខា គឺដូចអ្វីដែលលោកស្រីបានគិតទុកជាមុនថានឹងចេញតាមសេណារីយ៉ូបែបនេះ។
11 min
March 02, 2023 លោក ស៊ុយ កុកទៀង៖ កម្ពុជាអាចសម្រេចគោលដៅនាំចេញស្វាយចន្ទី១លានតោនក្នុងមួយឆ្នាំ
ស្វាយចន្ទីរបស់កម្ពុជាត្រូវបានបង្ហាញមុខនៅលើទីផ្សារពិភពលោកដែលជាផលិតផលឈានមុខគេមួយដូចស្វាយចន្ទីរបស់ប្រទេសកូឌីវ័រដែរ។ នេះបើតាមការគូសបញ្ជាក់របស់លោក ស៊ុយ កុកទៀង។ អនុប្រធានសមាគមស្វាយចន្ទីកម្ពុជា ថ្លែងថា ស្វាយចន្ទីកម្ពុជាកំពុងមានទីផ្សារល្អ និងតម្លៃខ្ពស់ ដោយសារតែគុណភាព និងទំហំគ្រាប់ធំ។ លោករំពឹងថា កម្ពុជាអាចនាំចេញស្វាយចន្ទីរង្វង់១លានតោនក្នុងមួយឆ្នាំ ខណៈផ្ទៃដីដាំដុះកើនដល់ប្រមាណ៧០ម៉ឺនហិកតា។ តែបញ្ហានៅត្រង់ថា កម្ពុជាមិនទាន់មានលទ្ធភាពកែច្នៃទៅជា ផលិតផលសម្រេចដើម្បីនាំចេញ។
11 min
March 01, 2023 រដ្ឋមន្ត្រីកសិកម្ម៖ ទស្សនកិច្ចនៅប៉ារីស ជំរុញឲ្យពលរដ្ឋខ្មែរនិងអឺរ៉ុប គាំទ្រទំនិញកសិផលកម្ពុជា
ភ្ញៀវប្រចាំថ្ងៃរបស់វិទ្យុRFI រាត្រីនេះ គឺ លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ដែលកំពុងបំពេញទស្សនកិច្ចនៅទីក្រុងប៉ារីស។ នៅប៉ារីសជាទីដែលលោកចូលរួមពិព័រណ៍កសិកម្មប្រចាំឆ្នាំ តបតាមការអញ្ជើញជាផ្លូវការរបស់ ក្រសួងកសិកម្មបារាំង។ វិទ្យុបារាំងនៅប៉ារីស បានចោទសួរ រដ្ឋមន្ត្រីកសិកម្មកម្ពុជា អំពី ការប្រឈមមុខរបស់ប្រជាកសិករខ្មែរ ពាក់ព័ន្ធនឹងការប្រែប្រួលអាកាសធាតុ និងសង្គ្រាមអ៊ុយក្រែនដែលជះផលវិបាកដល់កសិកម្ម ហើយនិងឧបសគ្គផ្សេងៗក្នុងការនាំទំនិញកសិផលចេញទៅផ្សារអឺរ៉ុប ព្រមទាំងបញ្ហាប្រើប្រាស់ថ្នាំគីមីក្នុងវិស័យកសិកម្ម។
12 min
February 28, 2023 លោក ប៊ូ វរសក្ស៖ «យើងគាំទ្រដល់ការសិក្សាផ្តល់ឲ្យពលរដ្ឋអាចចិញ្ចឹមសត្វកំរ តែក៏គិតពីផលប៉ះពាល់ផងដែរ»
ផ្តើមចេញពីរឿងក្ងោក ប្រមុខរដ្ឋាភិបាលកម្ពុជាលោក ហ៊ុន សែន នៅថ្ងៃអង្គារនេះ បានចេញបទបញ្ជាដោយផ្ទាល់មាត់ ដោយស្នើឲ្យអ្នកច្បាប់សិក្សា និងធ្វើវិសោធនកម្មកថាខណ្ឌមួយចំនួននៃច្បាប់ស្តីពីព្រៃឈើ និងសត្វព្រៃ ទាក់ទងទៅនឹងការអនុញ្ញាត និងការលើកទឹកចិត្តឲ្យប្រជាពលរដ្ឋអាចមានសិទ្ធិចិញ្ចឹមប្រភេទសត្វដែលជិតផុតពូជបាន។ លោក ប៊ូ វរសក្ស នាយកអង្គការជីវិតធម្មជាតិនៅកម្ពុជា បានសម្តែងនូវការគាំទ្រដល់ការលើកឡើងរបស់លោកនាយករដ្ឋមន្ត្រី ដោយទន្ទឹមគ្នានេះអង្គការរបស់លោកនឹងរីករាយក្នុងការចូលរួម ពិនិត្យនិងធ្វើការសិក្សា ប្រសិនបើមានកិច្ចសហការឲ្យចូលរួមពីផ្នែកពាក់ព័ន្ធ។
10 min