បទសម្ភាស by RFI ខេមរភាសា / Khmer

February 15, 2022 លោក មឿន តុលា៖ អាជ្ញាធរប្រឹងរកវិធីទប់ការតវ៉ាជាងរកដំណោះស្រាយករណីណាហ្គាវើលដ៍

នៅថ្ងៃទី១៥កុម្ភៈនេះ សាលារាជធានីភ្នំពេញបានចេញលិខិតព្រមានឱ្យបុគ្គលិក និងអតីតបុគ្គលិកកាស៊ីណូណាហ្គាវើលដ៍ បញ្ឈប់ការតវ៉ា ខណ:មានការឆ្លងរាលដាលកូវីដ១៩ ប្រភេទ អូមីក្រុង។ ដោយនៅតែហៅការតវ៉ាជិតពីរខែមកនេះថាបាតុកម្មខុសច្បាប់ អាជ្ញាធរក្រុងភ្នំពេញ បានរុញឱ្យក្រុមបាតុករដែលគ្មានវិជ្ជមានកូវីដ ទៅធ្វើបាតុកម្មនៅទីលានប្រជាធិបតេយ្យ។ ប៉ុន្តែលោក មឿន តុលា នាយកប្រតិបត្តិអង្គការ សង់ត្រាល់ យល់ថា នេះជាការប្រឹងរកវិធីទប់ស្កាត់ការតវ៉ាជាជាងរកដំណោះស្រាយ៕

20 min

February 13, 2022 លោកវេជ្ជបណ្ឌិត នៅ គីមសាន៖ ការព្យាបាលជំងឺកូវីដនៅផ្ទះត្រូវអនុវត្តតាមវេជ្ជបញ្ជារបស់គ្រូពេទ្យ

ភ្ញៀវប្រចាំថ្ងៃរបស់វិទ្យុបារាំងអន្ដរជាតិនារាត្រីនេះ គឺលោកវេជ្ជបណ្ឌិត នៅ គីមសាន អនុប្រធានមណ្ឌលព្យាបាលជំងឺកូវីដ១៩កម្រិតស្រាលកោះពេជ្រ សមាជិកសមាគមគ្រូពេទ្យស្ម័គ្រចិត្តយុវជនសម្ដេចតេជោ (TYDA) និងជាវេជ្ជបណ្ឌិតផ្នែកជំងឺទឹកនោមផ្អែមនៃមន្ទីរពេទ្យមិត្តភាពកម្ពុជា-ចិន ព្រះកុសុមៈ។ ក្នុងពេលដែលអត្រាឆ្លងជំងឺកូវីដ១៩នៅកម្ពុជាមានសន្ទុះកើនឡើងគួរឲ្យបារម្ភ ហើយអ្នកជំងឺកូវីដ១៩ប្រភេទអូមីក្រុង ភាគច្រើន កំពុងសម្រាកព្យាបាលខ្លួននៅតាមគេហដ្ឋានរៀងៗខ្លួន លោកវេជ្ជបណ្ឌិត នៅ គីមសាន តាមរយៈនាទីភ្ញៀវប្រចាំថ្ងៃរបស់យើង បានពន្យល់ណែនាំអំពីការព្យាបាលអ្នកជំងឺកូវីដ១៩នៅតាមផ្ទះ និងជាពិសេសសម្រាប់អ្នកផ្ទះដែលរួមដំបូលជាមួយអ្នកជំងឺ ធ្វើយ៉ាងណាបង្ការខ្លួនដើម្បីកុំឲ្យឆ្លងជំងឺនេះ។

14 min

February 12, 2022 លោក យ៉ង់ គឹមអេង៖ ការផ្សាយពាណិជ្ជកម្មគ្រឿងស្រវឹងយ៉ាងអាណាធិបតេយ្យ ជាហានិភ័យដល់សុខភាពសាធារណៈ

ភ្ញៀវប្រចាំថ្ងៃរបស់វិទ្យុបារាំងអន្ដរជាតិ RFI នារាត្រីនេះ គឺលោក យ៉ង់ គឹមអេង ប្រធានមជ្ឈមណ្ឌលប្រជាពលរដ្ឋដើម្បីអភិវឌ្ឍន៍និងសន្តិភាព។ នៅក្នុងបទសម្ភាសជាមួយវិទ្យុបារាំង លោក យ៉ង់ គឹមអេង បានបង្ហាញពីក្ដីបារម្ភចំពោះការផ្សាយពាណិជ្ជកម្មគ្រឿងស្រវឹងនៅកម្ពុជា ដែលមានលក្ខណៈអាណាធិបតេយ្យ គ្មានហ្វ្រាំងទប់អ្វីទាល់តែសោះ។ បើតាមលោក យ៉ង់ គឹមអេង ការផ្សាយពាណិជ្ជកម្មគ្រឿងស្រវឹងយ៉ាងអាណាធិបតេយ្យដូច្នេះ បានធ្វើឲ្យប្រជាពលរដ្ឋខ្មែរកាន់តែច្រើនឡើងងាកមកប្រើប្រាស់គ្រឿងស្រវឹង បំផ្លាញសុខភាពសាធារណៈ ហើយវាបានធ្វើឲ្យខាតបង់ថវិកាជាតិអស់៤០លានដុល្លារក្នុងមួយឆ្នាំៗ។

11 min

February 10, 2022 លោក ថុង ម៉េងដាវីដ៖ ជំនួប ហ៊ុន សែន-មូន ចេអ៊ីន នឹងជម្រុញកំណើននៃការដោះដូរពាណិជ្ជកម្ម និងជួយក្នុងដំណោះស្រាយអាស៊ាន

លោកនាយករដ្ឋមន្ត្រី ហ៊ុន សែន ពេលនេះកំពុងស្ថិតនៅក្នុងប្រទេសកូរ៉េខាងត្បូង ដើម្បីចូលរួមកិច្ចប្រជុំកំពូលសន្តិភាពពិភពលោកឆ្នាំ២០២២ ព្រមទាំងមានការទទួលពានរង្វាន់សន្តិភាពកិត្តិយសស៊ុនហាក់ លើកទី៥ផងដែរ។ រយៈពេល៣ថ្ងៃ នៃការស្នាក់នៅក្នុងប្រទេសកូរ៉េខាងត្បូង លោក ហ៊ុន សែន មានជំនួបជាច្រើនក្នុងនោះជំនួបជាមួយលោក មូន ចេអ៊ីន ប្រធានាធិបតីកូរ៉េខាងត្បូង និងជំនួបជាមួយលោក បាន គីមូន អតីតអគ្គលេខាធិការអង្គការសហប្រជាជាតិត្រូវបានចាត់ទុកថាមានសារៈសំខាន់។ លោក ថុង ម៉េងដាវីដ អ្នកសិក្សាស្រាវជ្រាវនៃមជ្ឈមណ្ឌលមេគង្គសម្រាប់ការសិក្សាយុទ្ធសាស្ត្រ នៃវិទ្យាស្ថានចក្ខុវិស័យអាស៊ី ដែលកំពុងស្ថិតនៅក្នុងប្រទេសកូរ៉េខាងត្បូងដែរនោះ បានប្រាប់វិទ្យុRFI ថាជំនួបរវាងលោកនាយករដ្ឋមន្ត្រី ហ៊ុន សែន និងលោក មូន ចេអ៊ីន នឹងផ្តល់ប្រយោជន៍ច្រើនដល់កម្ពុជា ជាពិសេសលើវិស័យពាណិជ្ជកម្ម ការគាំទ្ររបស់កូរ៉េដល់កម្ពុជានៅក្នុងដំណោះស្រាយបញ្ហាធំៗរបស់អាស៊ាន។

8 min

February 09, 2022 លោក កន សាវាង្ស៖ ខុមហ្វ្រែលនិងដៃគូ នឹងសម្រេចចិត្តនៅខែមីនាពាក់ព័ន្ធនឹងការចូលរួមសង្កេតការណ៍បោះឆ្នោតក្រុមប្រឹក្សាឃុំ សង្កាត់

គណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា(ខុមហ្វ្រែល) រួមនឹងអង្គការសង្គមស៊ីវិលជាដៃគូ នឹងធ្វើការសម្រេចចិត្តនៅពាក់កណ្តាលខែមីនាខាងមុខថា ត្រូវចូលរួម ឬមិនចូលរួមសង្កេតការណ៍ ឬក៏ចូលរួមក្នុងកំរិតណាមួយទាក់ទងទៅនឹងការបោះឆ្នោតជ្រើសរើសក្រុមប្រឹក្សាឃុំ សង្កាត់ នៅថ្ងៃទី៥ ខែមិថុនា ឆ្នាំ២០២២នេះ។ លោក កន សាវាង្ស អ្នកសម្របសម្រួលផ្នែកអង្កេត និងតស៊ូមតិនៃអង្គការខុមហ្វ្រែល បញ្ជាក់ថាការចូលរួម ឬមិនចូលរួមរបស់ខុមហ្វ្រែល និងអង្គការសង្គមស៊ីវិលជាដៃគូ វាអាស្រ័យផងដែរទៅនឹងការឆ្លើយតបរបស់រដ្ឋាភិបាល និងស្ថាប័ន គ.ជ.ប នូវលក្ខខណ្ឌ៦ចំណុច ដែលស្នើឡើងដោយអង្គការសង្គមស៊ីវិល ក្នុងគោលដៅធ្វើឲ្យប្រសើរឡើងនូវការបោះឆ្នោតជ្រើសរើសក្រុមប្រឹក្សាឃុំ សង្កាត់នេះ។

12 min

February 08, 2022 លោក ហង់ជួន ណារ៉ុន៖ និស្សិតស្រីប្រមាណ៥ពាន់នាក់ទទួលបានការស្នាក់នៅក្នុងអន្តេវាសិករយៈពេល២០ឆ្នាំមកនេះ

ក្រសួងអប់រំ យុវជន និងកីឡា នៅឆ្នាំ២០២២នេះ បានផ្តល់លទ្ធភាពដល់សិស្សស្ត្រីក្រីក្រមកពីខេត្ត ដែលទើបប្រលងជាប់បាក់ឌុប ហើយត្រូវបន្តការសិក្សានៅភ្នំពេញថ្នាក់ឧត្តមសិក្សា បានស្នាក់នៅក្នុងអន្តេវាសិកដ្ឋានរបស់ក្រសួងអប់រំចំនួនពី១០០ ទៅ១២០នាក់។ លោក ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡាថ្លែងថាការផ្តល់ឲ្យនិស្សិតស្រីស្នាក់នៅក្នុងអន្តេវាសិកដ្ឋាន របស់ក្រសួងអប់រំគឺមានកំរិត។ ក៏ប៉ុន្តែប្រសិនបើមានលទ្ធភាពភាព ក្រសួងអប់រំ នឹងពង្រីកអន្តេវាសិកដ្ឋានទទួលនិស្សិតស្រីច្រើនជាងនេះនៅថ្ងៃអនាគត ខណៈការឡើងមកបន្តសិក្សារបស់និស្សិតស្រីនៅភ្នំពេញមានការលំបាកជាងនិស្សិតប្រុសៗ។

11 min

February 07, 2022 លោកស្រី ចក់ សុភាព៖ ចំណាត់ការរបស់អាជ្ញាធរផ្ទុយនឹងការអំពាវនាវរបស់រដ្ឋមន្ត្រីក្រសួងមហាផ្ទៃ

នៅរសៀលថ្ងៃចន្ទនេះ សហពន្ធ័សហជីព សមាគម និងអង្គការសង្គមស៊ីវិលសរុប១៣៣ស្ថាប័ន បានចុះហត្ថលេខារួមគ្នាលើលិខិតចំហរថ្មីមួយដាក់ទៅកាន់ក្រសួងមហាផ្ទៃ និងរដ្ឋសភា ជំរុញឲ្យមានដំណោះស្រាយលើករណីវិវាទការងារនៅក្រុមហ៊ុនណាហ្គាវើលដ៍។ ការស្វែងរកអន្តរាគមន៍នេះធ្វើឡើងនៅគ្រាដែលកូដករ៦នាក់ទៀតត្រូវបានចាប់ខ្លួន បន្ទាប់ពីអាជ្ញាធរតម្រូវឲ្យទៅធ្វើតេស្តរកកូវីដ១៩។ លោកស្រី ចក់ សុភាព នាយិការមជ្ឈមណ្ឌលសិទ្ធិមនុស្សកម្ពុជា ដែលបានដើរដាក់លិខិតនេះរំពឹងថា លោក ស ខេង នឹងធ្វើអន្តរាគមន៍លើវិវាទនៅក្រុមហ៊ុនហ្គាវើលដ៍។ ចំណែកការដាក់លិខិតទៅកាន់រដ្ឋសភាវិញ លោកស្រីយល់ថា នេះជាឯកសារអំណះអំណាងមួយ ដែលតំណាងរាស្ត្រគួរតែចេញអន្តរាគមន៍លើករណីនេះ។

13 min

February 06, 2022 លោក ឃួង ស្រេង៖ អ្នកតវ៉ាវិវាទការងារណាហ្គាវើលដ៍ ៨នាក់ទៀតវិជ្ជមានកូវីដ១៩ បន្ទាប់ពីយកសំណាកនៅកោះពេជ្រ

ភ្ញៀវប្រចាំថ្ងៃរបស់វិទ្យុយើងនៅរាត្រីនេះ គឺលោកឃួង ស្រេង អភិបាលរាជធានីភ្នំពេញ។ រដ្ឋបាលរាជធានីភ្នំពេញបានជូនដំណឹងដល់ក្រុមអ្នកតវ៉ាឲ្យទៅធ្វើតេស្តរកវីរុសកូវីដ១៩ជាកំហិត បន្ទាប់ពីមានការរកឃើញវិជ្ជមានកូវីដ១៩អូមីក្រុង ទៅលើអ្នកតវ៉ាមួយរូបកាលពីថ្ងៃទី២៨មករា។ លោក ឃួង ស្រេង អភិបាលរាជធានីភ្នំពេញ បានបញ្ជាក់ថា អាជ្ញាធរបានរកឃើញអ្នកតវ៉ាចំនួន៨នាក់បន្ថែមទៀត មានវិជ្ជមានកូវីដ១៩ បន្ទាប់ពីធ្វើតេស្តយកសំណាកនៅកោះពេជ្រ។ លោក ឃួង ស្រេង លើកឡើងថា ការធ្វើតេស្តយកសំណាកលើក្រុមអ្នកតវ៉ាពេលនេះ មានសភាពពិបាក ដោយសារតែការមិនសហការ តែលោកនៅតែអំពាវនាវឲ្យអ្នកតវ៉ាទាំងអស់ទៅធ្វើតេស្ត ដើម្បីបញ្ចៀសហានិភ័យដល់សុខភាពសាធារណៈ។

12 min

February 05, 2022 លោក គង់ រតនៈ៖ បង្កើតច្បាប់ចរាចរណ៍ថ្មីជារឿងចាំបាច់ តែពលរដ្ឋត្រូវយល់ពីច្បាប់ ឯមន្ដ្រីត្រូវអនុវត្តឱ្យបានតឹងរ៉ឹង

ភ្ញៀវប្រចាំថ្ងៃរបស់វិទ្យុបារាំងអន្ដរជាតិនាថ្ងៃនេះ គឺលោក គង់ រតនៈ អ្នកជំនាញផ្នែកកម្មវិធីសុវត្ថិភាពចរាចរណ៍។ នៅចំពោះមុខគម្រោងបង្កើតច្បាប់ចរាចរណ៍ផ្លូវគោកថ្មី ជំនួសឱ្យច្បាប់ចាស់ដែលមានស្រាប់ លោក គង់ រតនៈ យល់ឃើញថា វាជារឿងចាំបាច់។ ប៉ុន្តែច្បាប់នេះ បើទោះបីជាបង្កើតថ្មីក៏ដោយ ក៏គង់តែត្រូវដាក់បញ្ចូលធាតុផ្សំពីច្បាប់ចាស់ដែលមានស្រាប់ចៀសមិនរួច។ សម្រាប់លោក គង់ រតនៈ ដើម្បីធ្វើឱ្យស្ថានភាពចរាចរណ៍នៅស្រុកខ្មែរប្រសើរឡើង វាទាមទារឱ្យមានការសហការគ្នាពីគ្រប់ភាគីពាក់ព័ន្ធទាំងអស់ ជាពិសេសគឺការយល់ដឹងរបស់អ្នកប្រើប្រាស់ដងផ្លូវ និងការអនុវត្តប្រកបដោយសុចរិតភាពនិងតម្លាភាពពីសំណាក់មន្ដ្រីអ្នកអនុវត្តច្បាប់។

15 min

February 04, 2022 លោកស្រី យ៉ាង សោភ័ណ្ឌ៖ កូដករនឹងទៅធ្វើតេស្តរកកូវីដ១៩ តែមិនមានន័យថា ផ្អាកការតវ៉ានោះឡើយ

ឆ្លើយតបនឹងការអំពាវនាវរបស់ក្រសួងសុខាភិបាលឲ្យអ្នកតវ៉ានៅក្រុមហ៊ុនណាហ្គាវើលដ៍ នាំគ្នាទៅធ្វើតេស្តរកមេរោគកូវីដ១៩ បំប្លែងខ្លួនថ្មី ប្រភេទ«អូមីក្រុង»នោះ លោកស្រី យ៉ាង សោភ័ណ្ឌ បានអះអាងថា កូដករនឹងសហការជាមួយក្រសួងសុខាភិបាលតែសុំឲ្យអាជ្ញាធរដ្ឋមានភាពស្មោះត្រង់។ បើតាមប្រធានសម្ព័ន្ធសហជីពកម្ពុជារូបនេះ ការដែលកូដករសហការទៅធ្វើតេស្តរកកូវីដ១៩ មិនមានន័យថា ពួកគេយល់ព្រមផ្អាកធ្វើការតវ៉ានោះឡើយ។ ការតវ៉ានឹងនៅតែបន្តរហូតដល់មានការដោះលែងតំណាងទាំង៨នាក់ និងក្រុមហ៊ុនព្រមទទួលយកបុគ្គលិកជាង៣០០នាក់ចូលធ្វើការវិញ។

13 min