បទយកការណ៍

លោក សេង សុវឌ្ឍនា ត្រូវ​បាន​ជ្រើស​រើស​ឲ្យ​កាន់​មុខ​តំណែង​ជា​នាយក​ប្រតិ​បត្តិ​ នៃ​មជ្ឈ​មណ្ឌល​សិទ្ធិមនុស្ស​កម្ពុជា​ ចាប់​ពី​ថ្ងៃ​ទី​០២ ​ខែ​មករា​ ឆ្នាំ​២០២៥​តទៅ។​ នៅ​ក្នុង​មុខ​តំណែង​ជា​ប្រធាន​ស្ថាប័ន​សិទ្ធិ​មនុស្ស​ក្នុង​ស្រុក​មួយ​នេះ ​លោក យល់ថា នេះ​ជា​ឱកាស​ ប៉ុន្តែ​វា​ក៏​ជា​ការ​ប្រឈម​ផង​ដែរ​។​ ប៉ុន្តែ​ ដោយ​ឆ្លង​កាត់​បទ​ពិសោធន៍​ការ​ងារ​សិទ្ធិ​មនុស្ស​ជាង​២០​ឆ្នាំ ​បណ្ឌិត ​សេង ​សុវឌ្ឍនា​ ចាត់​ទុក​ កិច្ច​ការ​ពារ​សេរី​ភាព​បញ្ចេញ​មតិ ជា​ការ​ងារ​អាទិភាព​របស់​លោក​ក្នុង​មុខ​តំណែង​ថ្មី​។

ក្រុមការងារបច្ចេកទេសនៃនាយកដ្ឋានអភិរក្សប្រាសាទ និងបុរាណវិទ្យា កំពុងជួសជុលឲ្យប្រសើរឡើងវិញនូវទម្រជើងសរសរ ជើងទ្រនាគ និង ខ្លួននាគ ក្នុងបរិវេណ ស្ពានហាលមុខខាងលិច នៃជណ្ដើរឡើងជាន់ទី២ ដែលតភ្ជាប់ទៅប្រាង្គបាកាណ នៃប្រាសាទអង្គរវត្ត។ ការងារជួសជុលនេះ ជាការអនុវត្តតាមអនុសាសន៍របស់គណៈកម្មាធិការ ICC-Angkor និងបច្ចេកទេស រួមទាំងការណែនាំរបស់អង្គការយូណេស្កូ។ 

អ្នកស្រីសោម សូនី ជាប្រជាពលរដ្ឋសាមញ្ញម្នាក់ដែលរស់នៅសង្កាត់ទួលពង្រ ជាយរាជធានីភ្នំពេញ និងជាជីដូនរបស់កុមារអូទីស្សឹមដែលកំពុងសិក្សារៀនសូត្រក្នុងសាលាអប់រំពិសេសសម្រាប់កុមារអូទីស្សឹម និងខ្សោយសតិបញ្ញា ឈ្មោះ « សាលារៀនទន្សាយ »។ ជារៀងរាល់ថ្ងៃ អ្នកស្រី សូនីត្រូវជូនចៅទៅសាលារៀន និងត្រូវអង្គុយចាំចៅរហូតដល់ម៉ោងចេញទៅផ្ទះវិញនៅវេលាថ្ងៃត្រង់។ សព្វថ្ងៃនេះ អ្នកស្រីសូនីមានក្តីសង្ឃឹម និងការជឿជាក់ ព្រោះ « សាលារៀនទន្សាយ » កំពុងធ្វើឲ្យកុមារអូទីស្សឹមមានការផ្លាស់ប្តូរ ទាំងឥរិយាបថ និងទំនាក់ទំនងល្អប្រសើរដើម្បីចូលរួមនៅក្នុងសង្គម និងគ្រួសារដូចកុមារធម្មតា៕

រមណីយដ្ឋានទេសចរធម្មជាតិ ទឹកជួរកាំពីជាកន្លែងទេសចរណ៍ដ៏ពេញនិយមបំផុតមួយក្នុងខេត្តក្រចេះ។ រមណីយដ្ឋាននេះបានផ្ដល់ឱ្យភ្ញៀវទេសចរនូវអារម្មណ៍ស្រស់ស្រាយតាមរយៈទេសភាព និងធនធានធម្មជាតិ ដូចជាទឹកហូរកាត់តាមជ្រលងថ្ម និងម្ហូបអាហារ ពិសេសត្រីស្រស់ៗក្នុងទឹកទន្លេមេគង្គ។

កាលពីជាង​ ១០ឆ្នាំមុន ពលរដ្ឋដែលត្រូវធ្វើ​ដំណើរមកទិញត្រីប្រហុក មានអ្នកខ្លះវេចបាយម្ហូប និងគេងជាច្រើនថ្ងៃដើម្បីចាំសម្អាត និងកាត់ក្បាលត្រីរួចទើបត្រឡប់ទៅផ្ទះវិញ។ តែទិដ្ឋភាពបែបនេះស្ទើរតែរលុបបាត់សឹងទាំងស្រុងព្រោះបច្ចុប្បន្ន​ គេបានប្រើម៉ាស៊ីនដើម្បីសម្អាត និងកាត់ក្បាលត្រីជំនួសមនុស្សវិញ។ នេះហើយជាហេតុផលដែលធ្វើឱ្យពលរដ្ឋ​មិនចំណាយពេលយូរដូចមុន។ 

នៅក្នុងសារមន្ទីរប្រវត្តិសាស្ត្រសង្គ្រាមនាខេត្តសៀមរាបមានដាក់តាំងនូវអាវុធយុទ្ធភណ្ឌដែលសល់ពីសម័យសង្គ្រាមស៊ីវិលនៅកម្ពុជាពីទសវត្ស ៧០ ដល់ទសវត្ស ៩០ ។ គោលបំណងនៃការរក្សាទុកអាវុធយុទ្ធភណ្ឌចាស់ៗទាំងនេះ គឺចង់ឱ្យអ្នកទស្សនាយល់ដឹងពីភាពឈឺចាប់ ការបំផ្លិចបំផ្លាញ និងការបាត់បង់ដោយសារសង្គ្រាម។ ទន្ទឹមគ្នានេះ សារមន្ទីរមួយនេះក៏អាចជួយដាស់ស្មារតីឲ្យអ្នកទស្សនាស្អប់ខ្ពើមសង្គ្រាម និងបញ្ចៀសកុំឲ្យសង្រ្គាមកើតមានជាថ្មី៕

ជាអតីតនិសិ្សតផ្នែកបុរាណវិទ្យា​នៃសកលវិទ្យាល័យភូមិន្ទវិចិត្រសិល្បៈ សព្វថ្ងៃ ​លោក​សួង សុខរ៉ូ ​គឺជាគ្រូបង្រៀនបុរាណវិទ្យា ជាអ្នកស្រាវជ្រាវ​នរវិទ្យា ជាមន្ត្រីរាជការនៃមណ្ឌលស្រាវជ្រាវវប្បធម៌​និង​នវានុវត្តន៍ ព្រមទាំង​ជានាយកប្រតិបត្តិ​នៃអង្គការផ្សព្វផ្សាយ​វប្បធម៌ខ្មែរឈ្មោះថា យសោធរ ។  សម្រាប់លោក​សួង សុខរ៉ូ ការសិក្សា ការស្រាវជ្រាវ និងការបោះពុម្ពផ្សព្វផ្សាយ​សៀវភៅអំពី​វប្បធម៌អាច​​ធ្វើឲ្យអត្តសញ្ញាណជាតិខ្មែរ​មិនបាត់បង់។

នៅភូមិដូនទាវ ឃុំពាមឯក ស្រុកឯកភ្នំ ខេត្តបាត់ដំបង មុខរបរធ្វើសំបកណែមដោយប្រើម្សៅអង្ករជាមុខរបរមួយដែលបានបន្សល់ទុកតាំងពីជំនាន់ដូនតា។ បច្ចុប្បន្ននេះ អ្នកភូមិដូនទាវមួយចំនួនបានបន្តប្រកបរបរធ្វើសំបកណែមដើម្បីទទួលបានប្រាក់ចំណូលសម្រាប់ជីវភាពគ្រួសារប្រចាំថ្ងៃ។

ទោះ​បី​ជា​ធ្លាប់​រង​ការ​ប្រើ​ហិង្សា​ស្ទើរ​តែ​បាត់​បង់​ជីវិត​កាល​ពី​ដើម​ឆ្នាំ​២០១៤ ​ធ្លាប់​រង​ការ​គំរាម​កំហែង ​និង​ជួបភាព​អយុត្តិ​ធម៌​ជា​ច្រើន​លើក​ច្រើន​សារ​ តែ ​លោក​ វន់ ពៅ ​ប្រធាន​សមាគម​ប្រជា​ធិប​តេយ្យ​ឯក​រាជ្យ​នៃ​សេដ្ឋកិច្ច​ក្រៅ​ប្រព័ន្ធ​ នៅ​តែ​ប្តេជ្ញា​ចិត្ត​ក្រាញ​ននៀល​ជា​មួយ​ការ​ងារ​សង្គម​ដោយ​ឥត​ងាក​រេ​។​ នោះ​ក៏ព្រោះ​តែ​លោក​ធ្លាប់​បាន​ហែល​ឆ្លង​កាត់​ខ្សែ​ជីវិត​ជា​ក្មេង​កំព្រា​ឳពុក​តាំង​ពីអាយុ​១​ខួប​ និង​កំព្រា​ម្តាយ​តាំង​ពី​អាយុ​៨​ឆ្នាំ ​ដោយ​សារ​របប​ខ្មែរ​ក្រហម​។ ​មក​ដល់​ពេល​នេះ​ លោក​ វន់​ ពៅ អះ​អាង​ថា ​លោក​នៅ​បន្ត​ការ​ងារ​សង្គម​បន្ត​ទៀត​ ទោះ​ជា​ប្រាក់​ឧបត្ថម្ភ​បាន​ត្រឹម​តែ​បង់​ថ្លៃ​ផ្ទះ​ជួល​ និង​អាហារ​៣​ពេល ក្នុង​មួយ​ថ្ងៃ​។

ប្រាសាទបឹងមាលា ជាប្រាសាទមួយក្នុងចំណោមប្រាសាទផ្សេងៗទៀតក្នុងខេត្តសៀមរាប។ ប្រាសាទបឹងមាលា ជាទីតាំងទេសចរណ៍ដែលភ្ញៀវជាតិ និងអន្តរជាតិ មិនអាចរំលងបាន។ អ្នកមកទស្សនាប្រាសាទបឹងមាលា មើលឃើញថា ស្ថានភាពប្រាសាទមានការបែកបាក់ខ្លាំង ក៏ប៉ុន្តែទីនេះបានបន្សល់ទុកនូវសម្រស់ដែលផ្សារភ្ជាប់ជាមួយធម្មជាតិ តាមរយៈដើមឈើដ៏ត្រឈឹងត្រឈៃ។